کوچ از خرابه شام 6056

کوچ از خرابه شام

 

رقیّه یاتما بو غربتده دور گیداخ وطنه

نه وار بو دارِ مصیبتده دور گیداخ وطنه

 

نه خوابِ نازیدی بو ای عزیزهء دوران؟

بو خوابگاهِ مذلّتده دور گیداخ وطنه

 

سراسر عالَمِ محنتدی بو دیار ، ایتمه -

توقّف عالمِ محنتده دور گیداخ وطنه

 

نه گون بو شامده گوردون ، وقوفی خوشلاندون

بو حبسخانهء ظلمتده دور گیداخ وطنه

 

نه حاله بیزلری سالمیشدیلار بیلورسن اوزون

شکنجِ رنجِ مشقّتده دور گیداخ وطنه

 

بو شامین اهلی وفاسیزدی قویمارام سنی من

فشارِ طعن و شماتت ده دور گیداخ وطنه

 

یزید ایتدی بیزی قیدِ ظلمدن آزاد

دگول خیالِ شقاوتده دور گیداخ وطنه

 

بیز عازموخ گیدیروخ کربلایه ، سنده اگر

شریک سن بو عزیمتده دور گیداخ وطنه

 

وطن محبّتنی دلدن آتماقون دگل جایز

دگول رسومِ محبّتده دور گیداخ وطنه

 

علاقه وار باجی جان دلده ، سندن آیریلماق -

منه گراندی حقیقت ده دور گیداخ وطنه

 

چتیندی فاطمه یالقوز قویا بو غربت آرا

سنی بو گوشهء عزلتده دور گیداخ وطنه

 

منی کجاوده تک قویما ، هم کجاوه میدون

نجه که حالِ اسارتده دور گیداخ وطنه

 

جهازسیز دوه ، محمل شکسته بسته دگل

اوتور کجاوهء عزّتده دور گیداخ وطنه

 

نه شمر وار ، نه سَنان وار نه زجر وار قورخما

که قالدیلار بو ولایتده دور گیداخ وطنه

 

گوزی یولوندا قالوب انتظاردور صغرا

یانار شرارهء فرقتده دور گیداخ وطنه

 

باجون سوروشسا باجوندان ، که بس هانی باجیمیز؟

ندور جوابیم او صورت ده؟ دور گیداخ وطنه

 

نجه دیوم که رقیّه اولوب غریبه مزار

غریبه قالمیشام حیرتده دور گیداخ وطنه.

 

مرحوم استاد مشهدی علی اصغر ذهنی

منبع مجموعه کانالهای مدح و مرثیه

کوچ از خرابه شام 5337

کوچ از خرابه شام

 

روز ما در شامتان جز شام ظلمانی نبود

ای زنان شهر شام این رسم مهمانی نبود

 

سنگ باران مسلمان آنهم از بالای بام

این ستم بالله روا در حق نصرانی نبود

 

پایکوبی در کنار رأس فرزند رسول

با نوای ساز آیین مسلمانی نبود

 

ما که رفتیم ای زنان شام نفرین بر شما

ناسزا گفتن سزای صوت قرآنی نبود

 

مردهاتان بر من آوردند هفده دسته گل

دستة گل غیر آن سرهای نورانی نبود

 

ای زنان شام، آتش بر سر ما ریختید

در شما یک ذرّه خُلق و خوی انسانی نبود

 

ای زنان شام، در اطراف مشتی داغدار

جای خوشحالیّ و رقص و دست افشانی نبود

 

ای زنان شام، گیرم خارجی بودیم ما

خارجی هم گوشة ویرانه زندانی نبود

 

طفل ما در گوشه ویران، دل شب دفن شد

هیچکس آگاه از آن سرّ پنهانی نبود

 

ای سرشک شیعه شاهد باشد بر آل رسولi

کار «میثم» غیر مدح و مرثیت خوانی نبود

 

حاج غلامرضا سازگار

منبع مجموعه کانالهای مدح و مرثیه

احوالات کوچ از شام 5336

 احوالات کوچ از شام

 

گئدورم رقیّه جانم امان آیریلیق الیندن

دور ایاقه باغری قانم امان آیریلیق الیندن

 

گوزی یاشلی باغبان چمن پیمبرم من

گلرم دوباره گئتسم سنی ترک ائدنمرم من

بالام اولماسا یانیمدا وطنه گئدنمرم من

گوزون آچ که خسته جانم امان آیریلیق الیندن

 

دئمه گلشن وفانی گوزلیم ایاقلادیم من

سنی شامه چان عزیزیم قوجاقیمدا ساخلادیم من

یل اسوب ائدنده برهم تلیوی داراقلادیم من

سنه یار مهربانم امان آیرلیق الیندن

 

منی غربت ایچره گوزدن نه تئز آتدون عمّه ن ئولسون

گئجه گوندوز ی سرشک غمه باتدون عمّه ن اولسون

یوزی توزلی توپراق آلتدا نجه یاتدون عمّه ن اولسون

بئله یاتما ناگرانم امان آیریلیق الیندن

 

آچلیوب طناب بیداد اسرا اولوبلا آزاد

قییدوب اساس غارت سنی عمّه لر ائدور یاد

قالوب الده گوشوارن اوجالوبدی عرشه فریاد

نجه گور غمه نشانم امان آیریلیق الیندن

 

گئدورم دیار عشقه تاپام عالم وصالی

یانورام کجاوه لرده یریوی گورنده خالی

نه دیوم سورشسا اکبر باجیمون نئجیدی حالی

سنه میر کاروانم امان آیریلیق الیندن

 

بو سوزی «کلامی» یازدی گئجه نین همان زمانی

که ستاره لر سپاهی بزه میشدی آسمانی

ملکوتی بیر سسیلن وئریلوردی صبح اذانی

دئدی منده خسته جانم امان آیریلیق الیندن

 

 کلامی زنجانی

کوچ از شام 5335

کوچ از شام

 

گئدوروخ هامی وطنه قیزیم

بئله یاتما سن بالا دور گئداخ

بو خرابه یرده نه گورموسن

قالوسان ندن بالا دور گئداخ

 

دور ایاقه گور وطنه قیزیم

گئدوروخ نه جاه و جلالیلن

گئدوروخ اورک دولی قانیلن

غم و غصّه ، درد  و ملالیلن

باجیلار آنان هامی عمّه لر

گئدوری بو باشی بلالیلن

بو خرابه یرده نه گورموسن

قالوسان ندن بالا دور گئداخ

 

بالا سن دئمزدون ای عمّه جان

گئدوروخ او یثربه بس هاچان

او قدر وطن دئدون ایلدون

هامی آل هاشمی باغریقان

گئدوسن قوجاقیمه گَل گئداخ

گوروسن دوشوب یولا کاروان

بو خرابه یرده نه گورموسن

قالوسان ندن بالا دور گئداخ

 

نقدر واریمدی بو جاندا جان

یوزه اشک آلیمی باغلارام

یادیمه دوشر غم و محنتون

باشیمی آچوب سینه داغلارام

دییرم خرابه ده آج سوسوز

قوری یرده جان وئرن آغلارام

بو خرابه یرده نه گورموسن

قالوسان ندن بالا دور گئداخ

 

او بلا چولونده نلر گلوب

گئدوب عزّ و جاه تالانمیشام

قریلوب ائلیم بوکولوب بلیم

همه جور ، بلایه دایانمیشام

او خدا بولر که وئرنده جان

قوری یرده سن نئجه یانمیشام

بو خرابه یرده نه گورموسن

قالوسان ندن بالا دور گئداخ

 

 بولوری سنون هامی «شوریا»

بو خانم رقیّه ده وار گوزون

بو قباقکه وقفه ده سعی قیل

او حسین مزارینه گیت اوزون

باجیسی دلیجه یقین اولور

او گوزل حرمده سنون سوزون

بو خرابه یرده نه گورموسن

قالوسان ندن بالا دور گئداخ

 

مرحوم شوری

زبانحال در خروج از خرابه شام 5302

زبانحال در خروج از خرابه شام

 

دوزولوب دوشوب حجازه یولا کاروان رقیه

دورایاقه سالما لنگه بیزی بیراویان رقیه

 

وطنه اولولا عازم هامی عترت پیمبر

گینوب هامی قراسین دوزولوب قرا علملر

توکولوب مزارین استه سنه آغلاشورحرملر

نجه گور توکوله گوزدن سو یرینه قان رقیه

 

بالا کاش اولیدی ویران بو اساس دورعالم

دوتا بلمدوق بویرده سنه بیز دویونجا ماتم

قویوب ایمدی بو مزارین بو خرابه یرده باهم

اولوروق حجازه عازم بیزی قیل روان رقیه

 

دوزولوبدی منتظردوردورایاقه غم قطاری

گیده بلمیوبله سنسیزدایانوب حرم قطاری

یقین ایله اولمازعازم بو غم الم قطاری

سن اوزون دوروب سالینجا یولا مهربان رقیه

 

بیزه گیتماقا حجازه ویریلوب اگرچه رخصت

سنی تک قویوب بو یرده گیدراهلبیت عصمت

بو خرابه ده ایدرکیم بو مزاری بس زیارت

منه هرمصیبتیمدن بو گلورگران رقیه

 

یتوشنده کربلایه بو قطاردرد و محنت

قورولان زماندا ماتم آچیلان زمان مصیبت

بو یزید و شمرالیندن ایلیم گرک شکایت

هاموسین حسینه بیربیرایلیم بیان رقیه

 

دیرم حسینه قارداش بیزی شمراسیرایدنده

قولی باغلی پا پیاده آپاروب شامه گیدنده

باشینا ووراردی قمچی یورولان زمان گورنده

گه اولاردی یولدا بیهوش یورولان زمان رقیه

 

یتورنده شهرشامه بیزی شمرناکس دون

بیزی چکدی بزم عامه او یزید دون و ملعون

باشیوا آغاج ووراندا بیزی ایتدی زارو محزون

ایلدی او یرده ناله سنه باغریقان رقیه

 

بلا کاش الیدی زینب قوتولیدی درد و غمدن

یتوشنده کربلایه نه دیوم حسینه سندن

هانی بس قیزیم رقیه خبرآلدی بلکه مندن

نجه عرض ایدوم ویروبدی قوری یرده جان رقیه

 

مرحوم حقیرخوئی

منبع کانال گنجینه گذشتگان

زبانحال حضرت زینب (س) در کوچ از خرابه شام 5300

زبانحال حضرت زینب (سلام الله)

به حضرت رقیه (سلام الله)

در موقع کوچ از خرابه شام

 

ای خرابه ده مدفون یات رقیه جان لایلای

عمه سین ایدن دلخون یات رقیه جان لایلای

غصه دن دوشن یورقون یات رقیه جان لایلای

 

گوندوزون گیجه بلدون شاد اولوب نه بیر گلدون

سن خرابه ده الدون یات رقیه جان لایلای

 

دمبدم غمه باتدون اهلبیتی آغلاددون

چوخ گیجه نی آج یاتدون یات رقیه جان لایلای

 

ای گل اوزلی پژمرده سینه سی گلن درده

جان ویرن قوری یرده یات رقیه جان لایلای

 

غصه ایتدی باغرین قان راحت اولمادون بیرآن

چوخ دوگوبله یورقونسان  یات رقیه جان لایلای

 

درد و غصه ن آرتوخدی دردیوین سانی یوخدی

دلده نسکلین چوخدی یات رقیه جان لایلای

 

کوچ ایدوب گیدورعمن دلده ناله و شیون

تپراق آتدا یاتدون سن یات رقیه جان لایلای

 

عمروین گلی سولدی شوریله بو یر دولدی

کوینگین کفن اولدی  یات رقیه جان لایلای

 

سینه مه شرر سالدون صبریمی منیم آلدون

بو خرابه ده قالدون یات رقیه جان لایلای

 

درس عشقی بلدون سن نه دیوب نه گلدون سن

چوخ زمان دوگولدون سن یات رقیه جان لایلای

 

خلقی خلقی ای اجمل خسته سن دیمم دورگل

چوخ یورولموسان دینجل یات رقیه جان لایلای

 

(تایب) ایسته سن منصب یازبیله گوزل مطلب

خوش دیوب خانم زینب یات رقیه جان لایلای

 

مرحوم تایب تبریزی

منبع کانال گنجینه گذشتگان

زبانحال حضرت زینب (س) در خروج از خرابه شام 5299

زبانحال حضرت زینب (سلام الله)

در خروج از خرابه شام

 

ای چرخ ریختی زجفا خاک برسرم

ازجورتو چگویم همیشه درآذرم

 

بانوی دهربودم و کردی تودرپدر

همچو اسیرروم شده خاک بسترم

 

روزیکه آمدم زمدینه بصدجلال

همراه بود قاسم و عباس و اکبرم

 

آخرببین چگونه فلک مضطرم کنون

ازشام میروم بوطن کو برادرم

 

آیا رواست که از هیجده نفر

یک پیرهن نشانه برم من بمادرم

 

ازمن اگرسوال کند کو حسین من

آیا بگو چه عذر برآن مضطرآورم

 

گویم چگونه یزید لعین مست مست شد

زد چوب خیزران بلب لعل دلبرم

 

گویم زدختران تو شامی کنیز خواست

گفتم به حاضران که من آل پیمبرم

 

ای کاش جان بگوشه ویرانه دادمی

روبروطن نکردمی من باردیگرم

 

ازشام میروم بوطن خیلی ناگران

درگوشه خرابه من ازآن کبوترم

 

آهسته دار تنگ برآغوش خود مکش

مجروح بود چون تن آن ناز پرورم

 

آن تازیانه ها که براو اهل شام زد

جایش نمیرود بخدا تا به محشرم

 

درگفتگوی شام (ذلیلا) خموش باش

آتش گرفت خامه کزو سوخت دفترم

 

مرحوم ذلیل تبریزی

منبع کانال گنجینه گذشتگان

خروج از شام 5285

خروج از شام

 

بئله روایت ائدوب راویان قصّه نگار

قییتدی شامیدن اول دم که عترت اطهار

 

او دم غلاملره امر ائدوب یزید لعین

گئدوب گتوردوله بیر نئچّه هودج زر تار

 

گورنده هودج زرتاری زینب مضطر

گلوب نوایه توکوب گوزیاشین چو ابر بهار

 

گوروب او حالتی زینبده سیّد سجّاد

سؤال ایلدی زینبدن ای ملک دربار

 

یول اوستویوخ گئدوروخ آغلاماق زمانی دگول

گلوب بشیر دوروب انتظار الینده مهار

 

جواب وئردی که ای غمکش زمانه اوغول

منیم بو آغلاماقیمدا بیر اوزگه حکمت وار

 

ندور بو هودج زرتاری گوندروبدی یزید؟

مگر نه فکر ائلیوبدور بو گون او بد کردار

 

گرک کجاوه لرون اورتوگی قرا بویانا

عزالینون گرک اولسون یانیندا بیر آثار

 

حسینیدن صورا بیرده منیم یوزوم گولمز

گرک ئولونجه ائدم آه و ناله لیل و نهار

 

گوتوردی قرمیزینی سالدیلار قرا پرده

دوتوبدی آل پیمبر کجاوه لرده قرار

احوالات کوچ از خرابه شام 4994

احوالات کوچ از خرابه شام

 

قوتاردی اهل حرم ورطهء اسارتدن

عنایت اولدی گنه مطلقی عنایتدن

 

عقیله العربه یوز ویروبدی حال ملال

مخاطب اولدی رقیه کمال حسرتدن

 

بهارعمری اولان گول کیمی خزان بالا وای

آیلمیان باشی دنیاده رنج و محنتدن

 

نه یاتموسان گوزون آچ قبریوه بی بون قربان

خلاص اولوب حرم اهلی فضای ذلتدن

 

یزیدی یخمیشام آسوده فاتح عشقم

شجاعت علوی منده دور وراثتدن

 

منم که صورت باطنده فاتح محضم

یتوبدی آل علی فتحینه فراستدن

 

فراست علویدور فراست زینب

که منده جلوه لنور پرده شهادتدن

 

ایله حفاظت ناموس ائتمیشم یولدا

چخوبدی دست علی آستین عفتدن

 

بیز اهل بیته شئونات عشق و عصمتدور

که عفتیم سو ایچوبدور بحار عصمتدن

 

اویان دیوم نلر اولدی بو شام شوم ایچره

خبر واریمدی سنه دلده رد غارتدن

 

علی اکبر آلان گوشواره وی آلدوم

که غارت اولموشودی ظلم بی نهایتدن

 

منیم یانمدا امانت قالار اولونجه قیزیم

ویا که صاحب اولورسان اوزون امانتدن

 

بویور گوروم ندی تکلیفی گوشواره لرین

سکوتیویله منی سالما استقامتدن

 

بو قدر عمه وه ناز ایلمه تکلمه گل

فدا اولوم سنه دیندیر منی محبتدن

 

ایکی یولون آراسندا قالوب رباب حزین

نه آیرلور ، نده ایستور کچه زیارتدن

 

علی اصغرینون قلبیدن غمی چخمور

اورک سوزون آچا بولمور منه نجابتدن

 

گیدور یاراسینا گوز یاشینی ایده مرهم

چخا بو نوعیله بلکه اودا خجالتدن

 

اوزون دور حل ایله ویرانه ده معمانی

قوتار گیلن آناوین روحینی اذیتدن

 

منه ده چاره یولون ویر نشان ، بویور نینیم

گیدوم زیارته یا گئتمیوم بو غربتدن

 

هوای کرب وبلا باشیمه دوشوب چخمور

گچنمیرم من اوزومده همین فضیلتدن

 

ایله دولوب اورکیم کربلاده آغلاماقا

یوروبلا قلبیمی شاماتیده شماتتدن

 

گلنده فرصت آز اولدی آچامادوم باشیمی

عذاریمه اَلئيَم خون دل مصیبتدن

 

مصیبتین اثریندن وَرم ایدوب اورکیم

سالوبدی عمه وی غم گور نه تاب و طاقتدن

 

اُلوم ایاقینه من دم به دم یاخنلاشیرام

چوخ آز قالور که یومام دیده، دار محنتدن

 

دوشوبدی گوگلومه کرب و بلا رضا اولما

زیارت ایلممیش من اولم بو فرقتدن

 

گرک من حاضر اولام اول اربعینینده

عزا او یرده اونا ساخلیام ارادتدن

 

دیولّه ایله گوزل قبری واردی قارداشیمون

سالوبدی روضهء رضوانی قدرو قیمتدن

 

او آلتی گوشه لی قبره فدا اولا جانیم

یاتوب ایاقلاری آلتندا اکبر حرمتدن

 

اوزاخ دوشوبدی ولی قارداشیم ابوالفضلی

خیامه گلمدی ، نهر اوسته قالدی غیرتدن

 

((عتیق)) رشتیه چون دُرِ و گوهری چکدی

تعجبم نجه حاصل اولوب بضاعتدن

 

استاد طهمورثی (عتیق)

منبع مجموعه کانالهای مدح و مرثیه

زبانحال حضرت زینب (س) در موقع خروج از شام 3793

زبانحال حضرت زینب کبری (سلام الله)

در خروج از شام

 

ای قارداشیمین نازلی بالاسی گیدروق بیز

شام ایچره اولان خوار عزاسی گیدروق بیز

 

بو فاطمه دوربیرده بیبین زینب نالان

دورقبریده یاتما باجیوی قویما پریشان

سس ویراوجالان نالمه عمون سنه قربان

ازقالدی یته عرشه صداسی گیدروق بیز

 

ای نازلی رقیه بلورم واردی مرامون

هر کیمسنیه واردی سوزون دلده پیامون

سویله منه منده دیرم عرض سلامون

شامین بلوسن یوخدی صفاسی گیدروق بیز

 

غم قافله سی لنگه دوشوب دور بالا یاتما

خون دلیوی قبریده گوزیاشینه قاتما

ای کان ادب سن منی گوزدن بیله اتما

اتمامه یتوب شام جفاسی گیدروق بیز

 

نه شمر نه خولی نه سنانوار یانوموزدا

بیر عده ولی سینه زنان وار یانوموزدا

باخ گور بو بلا دیده انان وار یانوموزدا

یوخدور بو یرین ذوق و صفاسی گیدروق بیز

 

میلون بلورم واردی سنون کرببلایه

قبر ایچره اماندور بلا چوخ گلمه نوایه

دور سنده گیداق عرض ایله شاه شهدایه

وار صورتمین سیلی یاراسی گیدروق بیز

 

من بیر گلیدیم سن اوتوراردون بوداقیمدا

اوقات اولاردی که یاتاردون قوجاقیمدا

سویلردون ای عمه قاباریم وار ایاقیمدا

بو شهریده بل یوخدی دواسی گیدروق بیز

 

اج قالماقوی یاده سالوب ایلرم افغان

ویرانه ده جان ویردون عجب حالی پریشان

اغلار گوزیوه خسته بو جانیم اولا قربان

ای گوزلریمین نور و ضیاسی گیدروق بیز

 

دور گللراچوب گلشن شاه شهداده

بلبلری گوزلورکه گله ناله وداده

سنده بیزیله بو سفره ایله اراده

جانانین اگر اولسا رضاسی گیدروق بیز

 

سن چوخ سوسن اکبری ای ماه مدینه

دور ناقیه مین گوزلوری یول نازلی سکینه

یاندورما منی رحم ایله بوزار و حزینه

ای قافله مین ماه لقاسی گیدروق بیز

 

دور سنده گیداق اصغره نوحه ایله آغلا

قبراسته گوزون یاشینی رخساریوه باغلا

وای قارداشیم ایوای دینه بو سینمی داغلا

گلمور نیه بس ناله صداسی گیدروق بیز

 

بو غمده (هنرور) گلوری داد و نوایه

ایستر که بیر عمرینده گیده کرببلایه

تا عرض ایلیه بو سوزینی میرهدایه

مقبوله یته بلکه دعاسی گیدروق بیز

 

مرحوم هنرور سرخابی

منبع کانال گنجینه گذشتگان

کوچ از خرابه شام 3116

کوچ از خرابه شام

 

یاتما رقیه شامیده یثربه کاروان گئدر

دوریولا سال باجون گئدر عمه گئدر آنون گئدر

 

یوخلاما نازنین باجی,دور گئدیروخ مدینیه

قویما یوزوی تپراقا دور گتی قوی بو سینیه

اهل وطن سوروشسالا بس نه گلوب رقییه

نیلرم اوندا قلبیمه غصه گلر توان گئدر

 

یاده سالاندا نیسگلون سینمی داغلارام باجی

سیل بهارتک یوزه اشکمی باغلارام باجی

آج قوری یئرده ئولماقون یاد ائدوب اغلارام باجی

بیرده یارالی سینه دن داغ غمون هاچان گئدر

 

بیر ایلی فرصت اولمادی ائتماقا شانه زلفووی

دوتدی قبار غم گورن گلدی فغانه زلفووی

دور یووارام گلابله ائتمه بهانه زلفووی

عمه لریم سن اولماسان گئتسه ده ناگران گئدر

 

گرچه اورکده محنتون چوخدو باشون بلالیسان

قلبووی تیر غم بؤلوب غصه لی سن یارالیسان

شامیده مسکن ایلمه سن باجی کربلالیسان

باور ائله سن اولماسان قافله میز گران گئدر

 

دور داخی یوخدی ساربان باغلیا راه چاره وی

شاد ائدرم رقیه من بو دل پاره پاره وی

وئردیله غارته گئدن خیرداجا گوشواره وی

آل باجی سال قولاقووه گون دولانار زمان گئدر

 

اولدی خرابه گوشه سی حسرتیله وطن سنه

کول باشیما تاپولمادی شامیده بیر کفن سنه

اولدی کفن بو شهریده کهنه او پیرهن سنه

قبریوه ایندی هر باخان آغلار ائدر فغان گئدر

 

کریمی مراغه ای

کوچ از خرابه شام 3115

کوچ از خرابه شام

 

ای بلبل ایله ناله که فصل چمن گیدر

گلشن پوزولدی موسم سور و سمن گیدر

 

بیر گل که باشینه دولانوردون صباح و شام

ایمدی سولوبدی گلشنه زاغ و زغن گیدر

 

گللر سولوب چمن پوزولوب دیده لر دولوب

گوز یاشلاری عذاره چو سیل دَمَن گیدر

 

بلمم نه واردی شش جهتی دوتموش انقلاب

یردن سپهر طاقینه ناله ندن گیدر

 

گویا حجاز قافله سی شهر شامدن

پوزقون قطاریله ایدوب عزم وطن گیدر

 

شمرین الیندن آل پیمبر خلاص اولوب

دشت بلایه آل شه ممتحن گیدر

 

غم مکتبینده درسین آلوب ازبر ایلیوب

تدریس عشقه درد و بلانی سون گیدر

 

معمورۀ وفاده غم دل دیماخلیقا

آلتی آی خرابه یرده جفایه دوزن گیدر

 

استاد عشق زینبه مشق وفا ویروب

اثبات عشقه رام بلا و فتن گیدر

 

از بسکه تازیانه وروبلار سپاه شام

نیلی اولوبدی قولّاری چون یاسمن گیدر

 

باشدا قرا دیلینده حسین وای دیه دیه

قارداش حضورینه او مصیبت چکن گیدر

 

یاسلی عزالی باشی قرالی بدن یانوب

زلفی آقارمیش اگنینه قاره گین گیدر

 

اللر اورک باشندا توکر قانلو گوز یاشی

جان تک باسوبدی باغرینا بیر پیرهن گیدر

 

یعقوب دشت کرب و بلا شام یوسفی

کرب و بلانی ایتماقا بیت الحزن گیدر

 

یعنی غلام تک قولی باغلو اسیر اولان

بازار شامی قولّاری باغلو گزن گیدر

 

سجاد بوینونون غل و زنجیر یاره سین

ویرماخلیقا حسینه نشانه علن گیدر

 

داماد قبرینه سو سپه اشگیله عروس

زلف سریله گرد و غبارین سیلن گیدر

 

کلثوم آلوب الینه ابوالفضل بیرقین

قارداش دیر او غمکش دور زمن گیدر

 

کرب و بلایه یتدی غرض هاشمیه لر

توضیح عشقه مرقد یاری گورن گیدر

 

برج حیا ستاره لری ایتدیلر نزول

شمس امامته غمینی بُلدورن گیدر

 

گون دوره سینده هاله وروب مه جبین لر

دلدار محضرینده گورون اگلشن گیدر؟

 

بزم وصالده آچیلوب هجر صحبتی

عرشه فغان آل شه مؤتمن گیدر

 

بی هوش اولان باشنا ووران زلفینی یولان

بیر شیون اولدی سوزی دئمه سینه دن گیدر

 

قبر حسینه یوز قویوب علیا مُکَرَّمه

هوشه اونون او حالتینی فکر ایدن گیدر

 

عرض ایلدی حسین باجون ئولسون ایاقه دور

باشسیز عیالون ایلیوب عزم وطن گیدر

 

بو مشگبو مزاری نجه ترک ایدوم گیدوم؟

بیله یره مگر آنام اوغلی گلن گیدر

 

سندن سورا او قدر بلا گورمشم دیسم

یتمز تمامه طول اولی طرز سخن گیدر

 

گوردوم گیدنده شامه بارالی وجودوی

کفار شام یرده قویوب بیکفن گیدر

 

وارد اولاندا کوفیه قول باغلی دستگیر

گوردوم کسوک باشوی جدا اوسته من، گیدر

 

باشون گوروردی نیزده، بیگانه مجلسه

بیر دسته باش آچوخ یوزه زلفین توکن گیدر

 

گوردون اوزون او حالیده بیچاره زینبون

درّ سرشگی اولموش عقیق یمن گیدر

 

ابن زیاد مجلسنه گیتمدیم اوزوم

هر یانه گیسته روح یانینجا بدن گیدر

 

آهو کیمی منی باشون ایتمشدی بند قید

هریان چکلسه رسمیدی دامه دوشن گیدر

 

شامین یولی مُجسّم اولور گوزده دمبدم

دلدن مگر او قدر بلا و محن گیدر

 

قرآن اوخوردی شامه گیرنده کسوک باشون

گورجک جداده قانلو باشون پیره زن گیدر

 

بیرداش ووروب جبینوه قان دوتدی صورتون

باخموب اوقانه مذهب و دینی ثمن گیدر

 

بزم یزیده چکدیله بی پرده، عترتون

دلدن مگر مصیبت اول انجمن گیدر؟

 

دوشدوقجا یادیمه منیم اول شرب مجلسی

قان گوز یاشیم عذاره چو درّ عدن گیدر

 

شامی قیزون اسیر گوروب ایسته دی کنیز

کفّاره گور کنیز عروس حسن گیدر؟

 

جان ویردی بیر قیزون قوری یرده خرابه ده

گوردوم قولوندا مدفنه نقش رسن گیدر

 

قالدی غریب قبری او توزلی مزارینه

بیر دفعه ایلده بیت خدایه گیدن گیدر

 

یتمز تمامه آل پیمبر مصیبتی

سوز چوخدی ای (حسینی) نقدری دئسن گیدر

 

آغلار گوزیله ایسته حسینون زیارتین

قبرین خلوص نیتیله ایستین گیدر

 

هر چند وار بو شعرده ایطاء قافیه

بیر فنّ دور ولی بو یولی هر بولن گیدر

 

مرحوم حسینی سعدی زمان

منبع مجموعه کانالهای مدح و مرثیه

کوچ از خرابه شام و گریز به اربعین 3114

کوچ از خرابه شام

و گریز به اربعین

 

تنگه گلوب خرابۀ شامیده آل مصطفا

بسکه یزید بی حیا گون بگون آرتوروب جفا

 

شورش خلقیدن هراس ایلدی ظاهره گوره

دوشدی بو فکره احترام ایلسون آل حیدره

ایستدی تا مدینیه آل رسولی گوندره

ایستدی اوّل ائتدیله تعزیه خانه ای بپا

 

یتدی خبر اهالیِ شامه اوشاقدان عورته

دسته بدسته شامیان باتدیلا بحر محنته

تعزیه خانیه گلوب زینبه سر سلامته

شامیده نچّه گونلری اولدی اقامۀ عزا

 

اولدی چو سگیزیمجی گون ویردی یزید دون خبر

ائتدیله اهلبیت ایچون ساز تهیۀ سفر

ناقه لر اوسته امر ائدوب بار اولونوب کجاوه لر

ایستدی میر قافله محمله تا سوار اولا

 

قافله نی ملاحظه ایلدی میر کاروان

گوردی تمام جمعیدور اهل حرم یکان یکان

فاطمۀ عروسیدن اولمادی بیر ویرن نشان

قیلدی بلند آهیله نالۀ وا محمدا

 

سویلدی حاضر اولمیا فاطمه گر بو آنیده

آهیله شامی ایلرم زیر و زبر بو آنیده

اهل حرم دوروب هامی منتظر اول زمانیده

سمت خرابه دن گلور گوردوله بیر حزین صدا

 

قویدولا یوز خرابیه گوردوله ناتوان عروس

قبر رقیّه نی باسوب باغرینا باغریقان عروس

درد دلین رقییه بیر بیر ایدر بیان عروس

نی کیمی نالیه گلوب شوریله باشلیوب نوا

 

توزلی مزارین اوستینه حسرتیله قویوب یوزین

ناله ایدر حزین حزین اشگیله دولدوروب گوزین

ای باجی گر مدینیه وارسا سفارشین سوزین

ایله بیان خلاص اولوب شامیدن آلِ مصطفا

 

سس سسه ویردیله هامی عرش برینه یتدی سس

درد و فغان و ناله دن سینیه دمبدم جرس

اولماقا نوعروسیله زنگ درای همنفس

ویردی خبر که کاروان کوچ ایلیوب دوشه یولا

 

بیربه بیرآل مصطفی اولدی سوار محمله

سمت حجازه شامیدن اولدی روانه قافله

طی منازل ایلیوب قافله یتدی منزله

آل رسوله مقصد قرب اولوب ارض کربلا

 

قویدولا ارض اقدس کربوبلایه چون قدم

منتظر امر زینبه دوردی حریم محترم

ویردی اجازه دوشدوله ناقه دن بیربه بیراو دم

چولقادی کربلانی چون نالۀ وا مُصیبتا

 

هر آنا اوغلون آختارور هر باجی اوز برادرین

قویدی یوزین مزارینه لیلی علی اکبرین

سویلدی ای اوغول قالوب گورنه گونه بو مادرین

دورزمانه جون منی ایتدی فراقه مبتلا

 

زینب او آلتی گوشه لی قبری ایدوب مشاهده

ایلدی اوزمقامنین سرین اوبیر نگاهیده

اوزگه مقامی زینبین واردی (حقیر) علاهده

وار یری آرزو اگر ایتسه مقامین انبیا

 

مرحوم حقیر خویی

منبع مجموعه کانالهای مدح و مرثیه

کوچ از خرابه شام 3113

کوچ از خرابه شام

 

دوشدی دمشقیدن یولا بیر کاروان غم

سر خیلی آشنای بلا همعنان غم

 

مغلوب اولوب مخالفه عشاق جمع ایدوب

ملک حجازه سوز و گدازارمغان غم

 

یولاندی ناقه سمت عراقه نوائیله

تحریر ایدردی زنگ شتر داستان غم

 

خورشید سیز کواکب غم سیره گلدیلر

دولدی نجوم محنتیله اسمان غم

 

بیر دسته دام ظلمه دوشن پرشکسته لر

آزاد اولوبدی آختاروری آشیان غم

 

یتدی تمامه محنت ایام شام شوم

هر چند انتهایه یتوشمز زمان غم

 

ای اهل درد تازه لنوب دردی زینبین

کرببلایه اوز چووروب خاندان غم

 

وار بیر دین خزانه گیدن گلشن هاردادی

غم بوستانینه گیدوری باغبان غم

 

بار المدی توشه سی سوقاتی گوزیاشی

دلده فغان و سینه ده گنج نهان غم

 

روز ازل خدنگ بلا چیله دن چیخوب

اول نظرده زینبی ایتدی نشان غم

 

ام المصائب ادلانوب از بس بلا گوروب

آغوشین ایتدی مهد بلا پاسبان غم

 

چوخلارچهاندا باده محنت ایچوب ولی

میدان صبره زینب اولوب قهرمان غم

 

دنیادن آلدی حشره کیمی شادمانلوقی

کرب وبلاده باده گیدن دودمان غم

 

یازدی بو نچه بیتی (کلامی) عزا گونی

غم گلشنینده شوره گله بلبلان غم

 

مرحوم کلامی تبریزی

منبع مجموعه کانالهای مدح و مرثیه

کوچ از خرابه شام 3109

کوچ از خرابه شام

 

گلدی وداع ائتمگه زینب سکینه سین

ائتدی خطاب قبرینه چون قویدی سینه سین

 

قبرون عزایه باتدی ،مگر سپدی باشه خاک

یاسون دوتوب لحد،که اولوب بیله سینه چاک

 

باش چکمز آفتاب جهانتاب هر صباح

دردون گوروب زمانه چکر آهِ شعله ناک

 

سندن منی دییردیم اجل ائتمسین جدا

سندن صورا سکینه،اجلدن داخی نه باک

 

دؤر گؤر گئدر منیله نئجه بیر قوری نفس

زلفونده مرغ دل قالور ،ای روحنا فداک!

 

سنسیز مدینیه یئتیشینجه گر ئولمَسم

بو غصه دن هلاک اولورام،غصه دن هلاک

 

سندن صورا داخی نه امیدیله بیلمیرم

بو خاک و باد،آتش و آب ایلر اشتراک

 

چکسم دالونجا کوی عدمدن قدم،منی

ائتسین هلاک تیغ اجل ای وجود پاک!

 

سس گلدی ناگهان دل زار سکینه دن

تا یئتدی گوش و هوشه مزار سکینه دن

 

یاخشی گئدورسن عمه او جانان اولان یئره

گلزار وصله مرغ دل و جان اولان یئره

 

عرضیم بودور ای عمه،یولون دوشسه اکبریم

دشت بلاده قانینه غلطان اولان یئره

 

اول قان ایچینده آهوی چشمی باتان چؤله

اول خاک ایچینده زلف پریشان اولان یئره

 

دون باشینه ازل ،صورا دوش خاک پاینه

قوی بیر یوزون بو جانه او قربان اولان یئره

 

سویله علی اولیدی سپر کاش گؤزلریم

سینونده اول نشانهٔ پیکان اولان یئره

 

من چون گلنمدیم سن اوزون رنجه قیل قدم

گل بو سرشک چشمیله ویران اولان یئره

 

من کوی وصله ،بلبل ائدر گلشنه هوس

زاهد بهشته،حوری غلمان اولان یئره

 

شکوهی مراغه ای

منبع مجموعه کانالهای مدح و مرثیه

احوالات کوچ از خرابه شام 3106

احوالات کوچ از خرابه شام

 

دیر گلشنده بلبل لر رقیم وای رقیم وای

سنه آغلار سولان گل لر رقیم وای رقیم وای

 

گورنده آهو صیادی ئورگ داغلار سنه آغلار

قاچاندا داغلارا ساری اوجا داغلار سنه آغلار

گلستانی خزان وورسا سولان باغلار سنه آغلار

دیر هردم قزل گوللر رقیم وای رقیم وای

 

ئوزون آگاه سن هرگز بوعالمده یوزوم گولمز

نه چکدون شام ویراندا بو دردی ئوزگه سی بولمز

نقدری سسلورم آدون من زاره سسون گلمز

هانی بس اول شیرین دیللر رقیم وای رقیم وای

 

منی یاندیردی بو نسگل چوخ اولدون شامیده خسته

باخاردون یوللارا آخشام چکردون آهی پیوسته

گجه صبحه کیمی اما یاتاردون توپراقون اوسته

توزا باتدی قرا تللر رقیم وای رقیم وای

 

خرابه یرده دیداره شه غم پرورون گلدی

ئوپنده جانیوی وئردون یوزه اشک ترون گلدی

نه قاسمدن خبر اولدی نه باری اکبرون گلدی

ئورکده قالدی نسگل لر رقیم وای رقیم وای

 

بالام جانی گوزوم قالدی او چشم اشگبارونده

وطندن آیری دوشدون سن یاتوبسان ئوز مزارونده

سنی تک قویمارام اما گلوب قاللام جوارونده

گئدر سنسیز بو محمل لر رقیم وای رقیم وای

 

گوزون یاشی خجل ائتدی سمانین بارش ابرین

اگر چه چوخ داریخمشدون دلون الدن وئروب صبرین

دئدیم یاتما بو شام ایچره گئداق گور اکبرین قبرین

اولوب زوار اسن یل لر رقیم وای رقیم وای

 

خانم بوصادقی دائم یوزه گوز یاشینی باغلار

دیوللر یاخشی شاعر دور که شعری دللری داغلار

سیزون لطفوزدی هئچ سوز یوخ یازاندا شعرینی آغلار

بیلورسن وار نه مشکل لر رقیم وای رقیم وای

 

 صادقی

منبع مجموعه کانالهای مدح و مرثیه

احوالات کوچ از خرابه شام 3105

احوالات کوچ از خرابه شام

 

قوری یرده یاتما رقیه جان باجی دور گیداخ باجی دور گیداخ

گیدوری مدینیه کاروان باجی دور گیداخ باجی دور گیداخ

 

بوخرابه یرده نه یاتموسان گوز آچ ای بلاکش روزگار

ندور علتی که سن ائتموسن بو خرابه گوشه سین اختیار

دور ایاقه عمه آنا باجی اولوری مدینیه رهسپار

بو مکاندا ایلمه سن مکان باجی دور گیداخ باجی دور گیداخ

 

نجه نی تک ایلمیوم نوا ته دلدن اوخشامیوم سنه

یری وار ئولونجه غمونده من گلم آه وناله وشیونه

باجی غم گونونده شریکیدون گیجه گوندوز همدمیدون منه

سنیدون بو غم کشه همزبان باجی دور گیداخ باجی دور گیداخ

 

گتوروبدی جانه سنون کیمی منیده بو دار و دیار غم

غم ودردو رنج وملالیدن دئمه بیر دقیقه که فارغم

گوزون آچ اویان باجی گورنجه دوزولوبدی نظمه قطار غم

بیری سرزنان بیری موکنان باجی دور گیداخ باجی دور گیداخ

 

بیریسی بو توزلی مزاریوه باخار آغلار عالمی یاندورار

بیری قبرین اوسته سالوب ئوزون گورَنَه علاقه سین آندورار

بیری قوینونا قویوب اللرین چکیلوب کناریده یان دورار

گلور آه ونالیه هر زمان باجی دور گیداخ باجی دور گیداخ

 

بیلورم که رسم وفا دگول بیله ترک ایدوم سنی من گیدوم

کسیلوبدی چاره بو چاره سیز غم و درده من نه علاج ایدوم

خبر آلسا فاطمه گر سنی نه دیوم اونا باجی من نئدوم

غم وغصه دن گوگول اولدی قان باجی دور گیداخ باجی دور گیداخ

 

بو نه طالع و بو نه بختیدور متحیرم من ئوزوم باجی

منه فرقتون ایله سختیدور که ئورکده یوخدی دوزوم باجی

نجه من دوزوم گیدورم ئوزوم ولی دلده چوخدی سوزوم باجی

کیمه دردیمی ایلیوم بیان باجی دور گیداخ باجی دور گیداخ

 

بو صغیر سنیله کیم دوزر بو قدَر بلا ومصیبته

کیم عزیز جانینی من کیمی سپر ایلیوب غم ومحنته

گله هر بلا متحملم دوزه بولمرم غم فرقته

منی ئولدورور بو غم نهان باجی دور گیداخ باجی دور گیداخ

 

گیدورم ولی بیلورم چتین سنه من چاتام بو خرابه ده

اودی گلمیشم سنه تازه دن من عزا دوتام بو خرابه ده

گله کاش اجل منی درک ائده سنیله یاتام بو خرابه ده

نه علاج ائدوم من ناتوان باجی دور گیداخ باجی دور گیداخ

 

گیدیروخ مزارینه اکبرون وار اگر سفارشون ائت بیان

علی آدی دلده خرابه ده گئجه صبحه تک ائلدون فغان

یانورام بو نسگله بذل ائدوب بو خرابه ده قوری یرده جان

بو خرابه اولدی سنه مکان باجی دور گیداخ باجی دور گیداخ

 

گتوروبدی ذوق صفا عجب سنه(خادما)بو صفای ری

ایلیوبدی تصفیه روحیوی بو زمین و آب وهوای ری

بو زبانحال وهمین اثر قالی وار نقدر بقای ری

قوری یرده یاتما رقیه جان باجی دور گیداخ باجی دور گیداخ

 

خادم تبریزی

منبع مجموعه کانالهای مدح و مرثیه

احوالات کوچ از خرابه شام 2695

احوالات کوچ از خرابه شام

 

دور ای شکوفه عصمت قیزیم خداحافظ

آچیلدی بند اسارت قیزیم  خداحافظ

 

بو شام دن گئدیروخ کربلایه  حیف اولسون

کی اولمادی سنه قسمت قیزیم  خداحافظ

 

بو قافله نئجه سنسیز بو یوللاری گئتسون

دور ای همای سعادت قیزیم خداحافظ

 

بهار  عمرووی سولدوردی قمچی لر یولدا

چوخ اولدی درد و مصیبت قیزیم خداحافظ

 

 بیوک  بلالره دوشدی باشین آزعمرونده

قوتاردی عمروی  محنت قیزیم خداحافظ

 

 حقیقت اوسته دایاندین آنام کیمی سنده

نصیبین اولدی شهادت  قیزیم خداحافظ

 

قویاندا قبره سنی یادیمه آنام دوشدی

واریدی چوخلی شباهت  قیزیم خداحافظ

 

جوان آنام کیمی  سن کوینگین له  دفن اولدون

اولوبدی غم بیزه  عادت قیزیم   خداحافظ

 

محمد هوشمند

خروج از شام 2370

خروج از شام

 

شاماتیدن بلا چولونه    کاروان گیدر

زنجیره بسته لر اچیلوب هم عنان گیدر

 

توتماخلیقا   حسینه     عزا      اربعینیده

اهل و عیالی باشه ویریب مو کنان گیدر

 

زهرا عزیزی زینب علیا مکرمه

قورتاردی شامی قارداشینامیهمان گیدر

 

جاننان عزیز قارداشینین      یادگارینی

تاپشوردوی قبره قامتی غمنن کمان گیدر

 

ایریلدی ایریلانمادی    قبر     رقیه دن

غربتده قالدی قبری اودور ناگران گیدر

 

فرمایش ایلدی منه ای ناقه یولداشی

دور کاروانیله باجون عممن انان گیدر

 

رسم وفانی اتمامیشام من قیزیم هله

کیم گلسه هر یره اونیله توامان گیدر

 

ایا ایشتموسن بیبیوین سن سزیلتسین

عرش برینه ناله ی گتمه دایان     گیدر

 

اکبر یارالیدی گله بولمور دو سن گیداخ

قارداش بلایه دوشسه باجی هر زمان گیدر

 

مشغول صحبتیدی    خانم چون خرابده

صوت جرس نه گوردی ایدوبدی فغان گیدر

 

فرمایش ایتدی یوللانیری کاروان قیزیم

توپراقی فرش ایدن با لالار خسته جان گیدر

 

هر نینیرم ربابی دیله من توتانمیرام

گلزار عشقیدن بله بول باغبان گیدر

 

اصغردن اوتری چوخ داریخیر بی نوا رباب

گوزدن سحاب تک یوزه اشکی یاغان گیدر

 

غارتده اصغرین   او یانان  گاهوارسین

اغوشینه الیبدی او لای لای چالان گیدر

 

ساجد گویول چوخ ایستری شامین خرابه سین

واردور یقین جوازی خانمنان الان گیدر

کوچ از شام 2323

کوچ از شام

 

شکسته نی کیمی وار دلده غم نواسی قیزیم

دوشوبدی باشیمه کرب و بلا هواسی قیزیم

 

گیدوم تدارک ایدوم اوردا محفل ماتم

یاخونلاشوب باباوین اربعین عزاسی قیزیم

 

گَلَنده قبره قویام اولمادی منه فرصت

گیدوم گوروم نجه دور قبرینون بناسی قیزیم

 

علاوه قیرخیدی، لازمدی قبری اوسته گیده

دویونجا آغلاماقا اکبرین آناسی قیزیم

 

رباب چوخ داریخوب اصغرین فراقینده

گیدور گوره نجه دور حلقینون یاراسی قیزیم

 

گرک گیدم آپارام قارداشیم علمداره

ودیعه دور منه دلدن عمون لواسی قیزیم

 

سنون یولوندا قالوبدور بابان گوزی نگران

گیدوم دیوم که ندور باشیوین بلاسی قیزیم

 

بو قبر پاکیوه هر کس گَله بصیرتیله

گَلر قولاقینه بیر حق طلب صداسی قیزیم

 

دیمه خرابه ده من اولموشام غریبه مزار

قبیله کوچ ایدوری قالمور آشناسی قیزیم

 

بو قبریوی ایدر آباد شیعه ی دیندار

بو بارگاهین اولار گنبد طلاسی قیزیم

 

خدا بُلور که سنی گوزدن آتمارام هرگز

آزالمیوبدی سنه قلبیمون وفاسی قیزیم

 

ولیک گیتماقا مجبورم اینجیمه مندن

مریض ایدوبدی منی شامیان جفاسی قیزیم

 

علاجی اولمیان امراضه وار بو یرده دوا

علاوه اوردادی بو قلبیمون صفاسی قیزیم

 

یوخومدی شالِ عزا سالماقا او قبر اوسته

مزارینه سالارام منده بو لباسی قیزیم

 

اگرچه پاره لَنوب، قانیله اولوب الوان

خدا بُلور که ندور کوینگون بهاسی قیزیم

 

حسین زیارتیدور چون علامت ایمان

بو فیض اولوبدی منه خالقون عطاسی قیزیم

 

نماز شبده برات زیارت ایسته میشم

که استجابت اولوب عمّه وین دعاسی قیزیم

 

دوباره سندن اوتور شامه ایلرم رجعت

اگر نصیب ایده بو حکمت اقتضاسی قیزیم

 

منیم اَلیمدن آلار آخِرت جزاسی قیزیم

بو قطعه بانیسی «یعقوبیه» اوزون صله ویر

 

عزیز عالم اولا تا بابان گداسی قیزیم

عنایت ایت اولاری قورتولا شماتتدن

 

که یوخدی هیچ بیرینون خانه و سراسی قیزیم

 

 حاج محسن عسگری

کوچ از خرابه شام 2315

کوچ از خرابه شام

 

 اویان ای شامیده دلخسته عزادار قیزیم

گِدیری قافله سنسیز اولا زوّار قیزیم

 

 گوزلیور کرب و بلاده یولونی خسته بابان

دور گیداخ قویما منی بی کس و بی یار قیزیم

 

آناوی دور یولا سال سنسیز ئوزون ئولدوروری

گِدیری اصغرینی اِیلیه دیدار قیزیم

 

 بیلمدیم کرب و بلا ده نجه دفن اولدی اخی

قامتی دوغرانان عباس وفادار قیزیم

 

 سنی تاپشیردی امانت، منه قارداشیم حسین

سنی زهرا گوزون آچ اِئتمه منی خار قیزیم

 

 اوره گیم بوردا قالیر،عفو اِئله اما گدیرم

یولومی گوزلوری اصغر له،علمدار قیزیم

 

 گِدیری قافله باشسیز باباوا زائر اولا

دور باشین ئوپ آپار اوردا اول عزادار قیزیم

 

 یازدی بو نوحه نی« یاسلی »سنه چوخ شیوه نیله

قویما اولسون بونی عالمده دل افگار قیزیم

 

 بانو دهقان «یاسلی»

کوچ از خرابه شام 2311

کوچ از خرابه شام

 

مستی شب رفت و روز آمد پدید

خود از آن مستی به هوش آمد یزید

 

دید بگذشته است کار از کار او

خفته دیگر اختر بیدار او

 

می طپید بر خویش جانِ تیره اش

ننگ بر پا کرده نفس خیره اش

 

خواست تا درمان کند دردِ درون

تا شود راحت از آن رنجِ فزون

 

روی خود را جانب بیمار کرد

بر خطای خویشتن اقرار کرد

 

پیش آن شاهنشه مُلک وجود

پس زبان معذرت خواهی گشود

 

لعنت حق گفت بِن مرجانه را

وان ز رسم راه حق بیگانه را

 

وان دگر بِن سعد مِیشوم دَغل

که هم از بیداد او شد این عمل

 

ریخت از کین خون پاک شاه را

منخسف از خون نمود آن ماه را

 

من نبودم راضی ای شه اینچنین

تا که خون پاک او ریزد زمین

 

هر چه امر توست اینک آن کنم

گر قصوری رفته من جبران کنم

 

هر چه فرمایی به جان دارم قبول

تا نباشد خاطرت از من ملول

 

گفت شه کای جمله گفتارت دروغ

وی ز ایمان نَبُودَت دل فروغ

 

تا به چند و کی کنی تلبیس و کِید؟

هان بنه این دام را بر عمرو و زید

 

راستی کن تا که گردی رستگار

راستی از تو ظفر از کردگار

 

راستی کن پیشۀ خود در حیات

تا که از هر درد یابی نجات

 

از بیان آتشین شه یزید

از ندامت دست بر دندان گزید

 

گفت با ما هر چه کردی ظلم و کین

از ازل بوده است تقدیر این چنین

 

دِه اجازه تا که اکنون این سپاه

باز گرداند برِ ما رأس شاه

 

وان زر و زیور که یغما برده اند

باز گردانند کز ما برده اند

 

مطلب دیگر اجازت دِه به ما

بهر شه سازیم آهنگ عزا

 

عندلیبان گلستان بتول

جملگی باشند پژمان و ملول

 

دور زینب حلقۀ ماتم زنند

ز اشک خونین بر جگر مرهم زنند

 

کاین یتیمان جملگی فرسوده اند

پا برهنه بسکه ره پیموده اند

 

جملگی داغ برادر دیده اند

بس شماتت از خسان بشنیده اند

 

تا نماید جامۀ نیلی به بر

مادر دلخسته از داغ پسر

 

زخم دلها چون پذیرد التیام

بازگردانیدمان از شهر شام

 

از طریق کربلا گردند باز

پرده پوشان حریم عزّ و ناز

 

تا از آنجا رو سوی یثرب کنیم

سیر مشرق را به آن مغرب کنیم

 

یثرب آمد مشرق امّید ما

کربلا شد مغرب خورشید ما

 

اندر آنجا از جفای کوفیان

پیش شه سازیم یک یک را بیان

 

دید جز این چون ندارد هیچ راه

کرد اجابت آنچه را فرمود شاه

 

سنگدل «منصوریا» بیدار شو

مستی از سر کن بدَر هوشیار شو

 

عمر تو طی گشت در جرم و گناه

روسیاهی روسیاهی روسیاه

 

مرحوم منصور تهرانی

منبع کانال گنجینه گذشتگان

احوالات کوچ از خرابه شام 2310

احوالات کوچ از خرابه شام

 

ای غمی آغلار قویان کون و مکانی دور گِئداخ

کربلایه یوللانور غم کاروانی دور گئداخ

 

ای مدینه بلبلی ترک وطن ائتدون نَدَن

عاقبت اولدی سنه بو کنج ویرانه وطن

ایندی یثربده باجون جانی چخؤب اندیشه دن

قویما قالسون منتظر او بینوانی دور گئداخ

 

عمرون آز اولدی غمون چوخ گوشۀ ویرانه ده

چوخ اذیّتلر سنه یتدی بو ویرانخانه ده

قویمادی شمع غمون تاب و توان پروانه ده

یانموسان یاندورموسان جان جهانی دور گئداخ

 

ای وفا روحی رقیّه اِیْلیروخ نقل مکان

کربلایه عزم ائدوب بو دلشکسته کاروان

همره اول بو کاروانه یاتما نازیله اویان

ایستوری گؤیلون اگر کرب و بلانی دور گئداخ

 

کربلا صحراسی ایندی باصفا گلزار اولوب

گل آچوب باشدان باشا،دامانی عطریله دولوب

دور گیداخ سنله او صحرایه دئمه گل لر سولوب

ای او گلزارین خوش الحان نغمه خوانی دور گئداخ

 

عمّه لر یکسر آلوب ایستکلی قبرون دوره سین

تک به تک اهل حرم عرشه اوجالدوب ناله سین

نسگلون قان ائتدی آخر باغرینی بو بی کسین

حسرت ایچره قویما سن بو کاروانی دور گئداخ

 

دولدوروبدور داد و شیوَن گوشۀ ویرانه نی

آیریلور سندن حرم لر،دلده داد و شیونی

عمّه وه مشکلدی چوخ قویسون قیزیم یالقیز سنی

ای بنات مصطفانون مهربانی دور گئداخ

 

گؤرمه دون خوش گون،اجل بیر وئرمدی مهلت سنه

ئولدی قارداشون آتان،یوز وئردی هر محنت سنه

اولدی بو دنیای روشن شامده ظلمت سنه

ایله سنده ترک بو ظلمت سرانی دور گئداخ

 

آتمادون باشدان وطن ذوقون وئرینجه جان قیزیم

ازبَر ائتمیشدون دلونده یثربی هر آن قیزیم

ایندی نه گلدی سنه چخدی وطن یاد دان قیزیم

ای غمی قان آغلادان کون و مکانی دور گئداخ

 

مرحوم ذوقی

منبع مجموعه کانالهای مدح و مرثیه

کوچ از خرابه شام 2302

کوچ از خرابه شام

 

بئله روایت ائدوب راویان قصّه نگار

قییتدی شامیدن اول دم که عترت اطهار

 

او دم غلاملره امر ائدوب یزید لعین

گئدوب گتوردوله بیر نئچّه هودج زر تار

 

گورنده هودج زرتاری زینب مضطر

گلوب نوایه توکوب گوزیاشین چو ابر بهار

 

گوروب او حالتی زینبده سیّد سجّاد

سؤال ایلدی زینبدن ای ملک دربار

 

یول اوستویوخ گئدوروخ آغلاماق زمانی دگول

گلوب بشیر دوروب انتظار الینده مهار

 

جواب وئردی که ای غمکش زمانه اوغول

منیم بو آغلاماقیمدا بیر اوزگه حکمت وار

 

ندور بو هودج زرتاری گوندروبدی یزید؟

مگر نه فکر ائلیوبدور بو گون او بد کردار

 

گرک کجاوه لرون اورتوگی قرا بویانا

عزالینون گرک اولسون یانیندا بیر آثار

 

حسینیدن صورا بیرده منیم یوزوم گولمز

گرک ئولونجه ائدم آه و ناله لیل و نهار

 

گوتوردی قرمیزینی سالدیلار قرا پرده

دوتوبدی آل پیمبر کجاوه لرده قرار

خروج از شام 2283

خروج از شام

 

کاروان، عزم خروج از شام کرد

شام را در چشم دشمن شام کرد

 

سر به سر گشتند بر محمل سوار

با دلی خونین و چشمی اشکبار

 

گنجشان در گوشه ویرانه بود

چشمشان بر قبر آن دردانه بود

 

شعله از سوز جگر افروختند

چون چراغی بر مزارش سوختند

 

یک طرف شیون کنان زن های شام

گرد محمل ها نمودند ازدحام

 

لکه های ننگ بر دامانشان

خون به جای اشک در چشمانشان

 

بعد از آن آواز و رقص و ساز و کف

گرد زینب اشک ریزان بسته صف

 

کای گل دامان زهرای بتول

عذر ما را از کرم نیما قبول

 

عفو کن ما را که ما تا زنده ایم

از تو و از فاطمه شرمنده ایم

 

قافله نزدیک بر دروازه شد

زین سخن ها داغزینب تازه شد

 

از دو چشم خویش می بارید خون

کرد سر از پردۀ محمل برون

 

ناله از دل بر کشید و گفت این

آفرین زنهای شامی آفرین

 

گیرم ای جا صحبتی از دین نبود

شیوۀ مهمان نوازی این نبود

 

ای به ننگ آمیخته نام شما

میهمان بودیم در شام شما

 

گرد ما با ساز گردیدید باز

اشک ما دیدید و خندیدید باز

 

آن سری کز خون رخش گلرنگ بود

اجر قرآن خواندن او سنگ بود؟

 

بود جای احترام و پاس من

کف زدنتان پای سر عباس من

 

آب در این سرگذشت از سر گذشت

هر چه شد بر آل پیغمبر گذشت

 

من نمی گویم به ما احسان کنید

خواستید ار ظلم خود جبران کنید

 

مانده در ویرانه از ما بلبلی

کرده جان تقدیم بر خونین گلی

 

او سفیر ماست در شام شما

بلبل زهراست در شام شما

 

گاهگاهی در کنار تربتش

یاد آرید از غروب غربتش

زبانحال حضرت زینب (س) در کوچ از شهر شام 1942

زبانحال حضرت زینب (س) 

در کوچ از شهر شام

 

بو شام شومیده ای شامیان بالام قالدی

ویرن خرابه ده حسرتله جان بالام قالدی

 

نگوردی شامیده بلمم بیله قبول ایلدی

خرابه گوشه سین ایتدی مکان بالام قالدی

آدی رقیه بنی هاشمه عزیزه یدی

ترابه حسرتیله یوزقویان بالام قالدی

 

یتیمه دور سیزه بو طفلی تاپشوروب گیدورم

ترحم ایلیون ای شامیان بالام قالدی

اولاندالیله جمعه گیدون زیارتینه

ایدون تلاوت قران امان بالام قالدی

 

سالون خیالوزه معنای اکرم الضیفی

بو طفله حرمت ایدون ناتوان بالام قالدی

دویونجا آغلاماقا قویمادی منی دشمن

سیزآغلیون ایدون آه و فغان بالام قالدی

 

گلین دالینجا او بلبل کیمی فغان ایتدی

اولون بو خوردا گله باغبان بالام قالدی

یاناردی گل یوزی گونلر ایوینده چوخ گونلر

خرابه ده گون ایوینده یانان بالام قالدی

 

منیم یریمه اچون جترآهوزی باشینا

بو یرده گورمدی بیر سایبان بالام قالدی

یتاردی گاه قوری یرده گاه سینمده

اولان بو سینمه گل مهربان بالام قالدی

 

بویرده چوخ گیجه نی آج یاتاردی صبحه کیمی

اورکده نسکلی وارباغریقان بالام قالدی

 وورا وورا بالامی شمرشوم الدوردی

اولان خدنگ جفایه نشان بالام قالدی

 

طناب ظلمیله باغلیدی جان ویرنده قولی

طنابین اولمادی بیرکس آچان بالام قالدی

سرشک حسرتیله غسل ویرموشم بالاما

بیر عمرعمه سینی آغلادان بالام قالدی

 

کفن تاپولمادی اوز کوینگیله دفن ایلدیم

حسینه مظهراولاان ناتوان بالام قالدی

بویرده(نجمی)دایان یاندی دفترو خامه

بو سوز کفایت ایدر شامیان بالام قالدی

 

مرحوم نجمی تبریزی

منبع کانال گنجینه گذشتگان

کوچ از خرابه شام 1258

کوچ از خرابه شام

 

بهارعمری اولان گول کیمی خزان بالا وای

آیلمیان باشی دنیاده رنج و محنتدن

 

نه یاتموسان گوزون آچ قبریوه بی بون قربان

قوتولدی آل علی شامیده اسارتدن

 

اویان دیوم نلر اولدی بو شام شوم ایچره

خبر واریمدی سنه دلده رد غارتدن

 

علی اکبر آلان گوشواره وی آلدوم

که غارت اولموشودی ظلم بی نهایتدن

 

منیم یانمدا امانت قالار اولونجه بولار

ویا که صاحب اولورسان اوزون امانتدن

 

بویور گوروم ندی تکلیفی گوشواره لرین

سکوتیویله منی سالما استقامتدن

 

بو قدر عمه وه ناز ایلمه تکلمه گل

فدا اولوم سنه دیندیر منی محبتدن

 

ایکی یولون آراسندا قالوب رباب حزین

نه آیرلور ، نده ایستور گچه زیارتدن

 

علی اصغرینون قلبدن غمی چخمور

اورک سوزون آچا بولمور منه نجابتدن

 

گیدور یاراسینا گوز یاشینی ایده مرهم

چخا بو نوعیله بلکه اودا خجالتدن

 

اوزون دور حل ایله ویرانه ده معمانی

قوتار گیلن آناوین روحینی اذیتدن

 

منه ده چاره یولون ویر نشان ، بویور نینیم

گیدوم زیارته یا گئتمیوم بو غربتدن

 

هوای کرب وبلا باشیمه دوشوب چخمور

گچنمیرم من اوزومده همین فضیلتدن

 

ایله دولوب اورکیم کربلاده آغلاماقا

یوروبلا قلبیمی شاماتیده شمادتدن

 

گلنده فرصت اله دوشمدی آچام باشیمی

عذاریمه اَلئيَم خون دل مصیبتدن

 

گرگ من حاضر اولام اول اربعینینده

عزا او یرده اونا ساخلیام ارادتدن

 

مصیبتین اثریندن وَرم ایدوب اورکیم

سالوبدی عمه وی غربتده تاب و طاقتدن

 

اُلوم ایاقینه من دم به دم یاخنلاشیرام

چوخ آز قالور که یومام دیده، دار محنتدن

 

دوشوبدی گوگلومه کرب و بلا رضا اولما

زیارت ایلممیش من اولم بو فرقتدن

 

دیولّه ایله گوزل قبری واردی قارداشیمون

سالوبدی روضهء رضوانی قدرو قیمتدن

 

او آلتی گوشه لی قبره فدا اولا جانیم

یاتوب ایاقلاری آلتندا اکبر حرمتدن

 

اوزاخ دوشوبدی ولی قاردشیم ابوالفضلی

خیامه گلمدی ، نهر اوسته، قالدی غیرتدن

 

غریبه نظمه چکیلدی بو نیسکیلی (ساده)

که امتناع ایلمز روضه خوان، فصاحتدن

 

استاد طهمورثی (عتیق)

منبع مجموعه کانالهای مدح و مرثیه

کوچ از خرابه 1034

کوچ از خرابه

 

رقیّه چارم اولسا کربلایه گیترم سنسیز

گَلوب نی تک نوایه کربلایه گیترم سنسیز

 

گیده بُلسن آپارّام قویمارام تک بو ولایتده

قالوب روحیم داریخسون بو دیار دار غربتده

دولانّام غملی قبرین باشینه هر آن و ساعتده

اورکده اولماسون مندن گلایه گیترم سنسیز

 

بلالی عمّه وی چوخدا قیزیم نامهربان بُلمه

سویرم چوخ سنی، آز ایسترم ایتمه گمان بُلمه

منیم جسمیمده جانسان اولماسان جسمیمده جان بُلمه

نه بزم جشنه نه بزم عزایه گیترم سنسیز

 

الیمده اختیار اولسا دیار شامیده قالّام

مزارون اوستونه شال عزا تک زلفیمی سالّام

دوشنّم قبریوه سندن حسینین عطرینی آلّام

اگر گیتسمده دشت غمفزایه گیترم سنسیز

 

اُپوب توشه گوتورسِیدیم دویونجا گوز قاشوندان من

گوتورمزدمیم بلالی باشیمی تیز باش داشندان من

ملامت اولماسا چونکه خجلم قارداشوندان من

مزار اکبر گلگون قبایه گیترم سنسیز

 

محبّت آتشی یاندوقجا دیگ دل گَلور جوشه

دولانّام باشیوه ای سرور دینه جگر گوشه

اوزوملوق اولسا بو غملی مزارون آلّام آغوشه

محلّ دل گشا و باصفایه گیترم سنسیز

 

اولا ممکن سنی من قویمارام تنها بو منزلده

بودور مقصود و منظور و مرام و مقصدیم دلده

گوزوم اوسته آپارّام، نه قوجاقیمده نه محملده

حضور خامس آل عبایه گیترم سنسیز

 

نجه شوریده بلبل قویسالار گلشندن آیریلماز

اوزینه جذب ایدر آهن ربا آهندن آیریلماز

قیزیم واللهی عمّنده باشارسا سندن آیریلماز

قالوب غربتده کوی آشنایه گیترم سنسیز

 

قسم بو قبریوه جانیم عزیزی دویمادیم سندن

ولی ترک ایتماقا مجبورم آخِر، اینجیمه مندن

اگرچه دردمندم حاجتیم درمانه وار غمدن

بُلم امکانی وار دارالشّفایه گیترم سنسیز

 

بیله فکر ایتمه گیتسم درد الیندن بیرده دینجلّم

خدنگ آهیله قلبین هامی اهل دلین دَلّم

فراموش ایتمرم، سندن اوتور شامه گینه گَلّم

فنانی ترک ایدوب مُلک بقایه گیترم سنسیز

 

گَلنده شامه شیرین دل قیزیم سن گَلموسن مندن

حسیسنین جانینه اولسون قسم دونمور یوزوم سندن

امانتسن حسینیمدن، سنه قربان اولا عمّن

اولا ممکن او صحرای بلایه گیترم سنسیز

 

ویروبدی بیر بیره آلتی برادر قول مردانه

حسنله عسکری قاسم حسین که گیتدی زنجانه

نصیب اولسا خدای ذوالکرم ال آچسا احسانه

دیوبله «حافظیه» کربلایه گیترم سنسیز

 

مرحوم حافظی تبریزی

منبع مجموعه کانالهای مدح و مرثیه

کوچ از خرابه شام 1019

کوچ از خرابه شام

 

قرا گینلری باشه یغوب باشندا قرا

بلالی زینب ائدوب عزم کوی جانانه

 

اولار که ورموشیدی اهل بیته دل یاراسی

اشیتدیلر وئریلور کوچ آل عمرانه

 

قرا لباس گیوب گلدیلر مشایعته

حضور زینبه دل آچدیلار ذلیلانه

 

دیریدولر بیزی زهرا قیزی گذشت ایله

یزیدون ایلسون الله ائوینی ویرانه

 

سیزی بیر اوزگه آدیله بیزه تانتدوردی

فریب وئردی بیزی سالدی بیله خسرانه

 

بوسوزلری ائشیدوب فاطمه قیزی زینب

دوباره قلبی یانوب دوندی گوز یاشی قانه

 

دولی گوزیله باخوب شامیانه دل بیتاب

یانایانا ایلدی اهل شامه بیله خطاب

 

بوشامیدن گئدروخ شامیان ائویز آباد

بو یردن آیریلوروخ باغریقان ائویز آباد

 

بو سیز بو شام سیه روی بیز خداحافظ

گونوز قرا اولا سفیایانیان ائویز آباد

 

پیمبر عترتینه یاخشی ایلدوز حرمت

عجیبه عاطفه وئردوز نشان ائویز آباد

 

اسیر ائدوب قولی باغلی بیزی قوناق گئتدوز

قوناقه اولدوزعجب میزبان ائویز آباد

 

بیزه شماتتیله دل یاراسی چوخ وئردوز

گلوب یولا سالسوز باغریقان ائویز آباد

 

گچنده کوچه لروزدن بیز داشا باسدوز

نهانی کینه زی ائتدوز عیان ائویز آباد

 

بلالی باشیمیزه بام لردن اوت یاغدی

اولوب سیزون الوز آتشفشان ائویز آباد

 

همای اوج شرف عایدون ایچون وئردوز

حضیض فقرده سیز آشیان ائویز آباد

 

پیمبر اوغلونا سیز خارجی آدی قویدوز

خدنگ تهمته ائتدوز نشان ائویز آباد

 

بیز آغلادوخ بیزه سیز گولدوز ائتدوز استهزا

او گولماقیز بیزه گلدی گران ائویز آباد

 

اوتانمادوز آجی دلّلریله سیز وردوز

یارالی دل لره زخم زبان ائویز آباد

 

بو قافله دئمدوز مصطفا عزیزیدیلر

بیزه خرابه ده وئر دوز مکان ائویز آباد

 

بیر اوچ یاشیندا قیزی بوردا غصّه مرگ ائله دوز

خرابه یرده بالام وئردی جان ائویز آباد

 

مدینه یوسفینین قانلی کوینگون وئردوز

مدینیه آپارام ارمغان ائویز آباد

 

بو شهریدن گئدیروخ بیر سفارشیم واردی

اونی قبول ایلیون شامیان ائویز آباد

 

منیم خرابه ده بیر نازلی سوگلیم قالوری

چخاتمیون بیز یاددان بیر آن ائویز آباد.

 

قطار عشق گئدور لیک او قیز قالور یالقیز

وئرون خرابیه باش هر زمان ائویز آباد

 

بو شهریده بو قیزون ئیل قبیله سی یوخدی

اولون بو ائلسیزه سیز مهربان ائویز آباد

 

محبّت اوسته اولوبدور محبّت عاشقی دور

ائدون محبت اولون دلستان ائویز آباد

 

گئدور بو قافله یوخ قبری اوسته آغلیانی

توکون مزارینه اشگ روان ائویز آباد

 

سنقدی قلبی سیز الله دان اوتری گوگلون آلون

جزا وئره سیزه حق بی گمان ائویز آباد

 

گوزل مزارینین اوستونده شمع روشن ائدون

سپون گلاب اولون عنبر فشان ائویز آباد

 

نه دردوز اولسا اولار بو قیزون الیله دوا

گلون زیارته پیر و جوان ائویز آباد

 

بو اوچ یاشیندا حسین نوحه خوانینه تائب

اولون حقیقتیله نوحه خوان ائویز آباد

 

مرحوم تائب تبریزی

منبع مجموعه کانالهای مدح و مرثیه

کوچ از خرابه شام 712

کوچ از خرابه شام

 

ای رقیه عازموخ کوی وفایه دور گیداخ

یاتما بو ویرانه یرده کربلایه دور گیداخ

 

سن گلنده بو پریشان جمعیله همراهیدون

هر کسه منظور دل هر شخصه خاطر خواهیدون

یوخسا بو ویرانه یرده ئولماقا آگاهیدون

دوندرردون بویری ماتم سرایه دور گیداخ

 

گه منه باخدون قیزیم سن آغلادون من آغلادیم

گه سنه گلدی شماتت ائتدی دشمن آغلادیم

اوندا که مندن آتاوی ایستدون سن،آغلادیم

تاپمادیم چاره بو غملی ماجرایه دور گیداخ

 

هر زمان ائتدون شکایت منزل ویرانه دن

گه دیردون اینجیرم عمه قوری یرلرده من

عاقبت اگنونده کی کوینک سنه اولدی کفن

مشکل اولدی بو غم آل مصطفایه دور گیداخ

 

ای گلن تنگه ستمگرلر ایدن آزاریدن

ای سولوب خندان اولان جور وجفای خاریدن

کوچ ایدوبلر آشنا یوخ بیر نفر اغیاریدن

همره اول بو کاروان آشنایه دور گیداخ

 

زینبم مجنون عشقم گوئیا دیوانیم

سندن آیریلماخ چتیندور آیرلوخ حیرانیم

بیرده سسلن عمه جان دی من دیلون قربانیم

بلبل غم دیده باغ مصطفایه دور گیداخ

 

بیلمرم نه ذکر ایدیم ای نور عینیم نه دیوم

گوز یاشیم آرتدوقجا آرتار شور وشینیم نه دیوم

ایسته سه آیا سنی مندن حسینیم نه دیوم

نه جوابیم وار ذبیحا من قفایه دورگیداخ

 

من ئوزوم وصلت لباسین خسته تندن سویمادیم

سن بیلورسن که سنون شیرین دلیندن دویمادیم

اختیاریله سنی ویرانسراده قویمادیم

حق ایده لعنت یزید بی حیایه دور گیداخ

 

ایندی که قالدون بو یرده ائتمسن عزم وطن

قوی سپوم گوزیاشیمی اولماز بو قبره سوسپن

ایلیوم جاروب گردوخاکینی مژگانیلن

سویلیوم سس ویر من بی اقربایه دورگیداخ

 

دائما گوز یاشی توکدی چشم چون ابرون سنون

صبری حیران ایله دی بو سنده کی صبرون سنون

بیر ایشیقلی اولدوزا بنزر قیزیم قبرون سنون

نوری سالما بو گروه اشقیایه دور گیداخ

 

گه گیجه گوندوز توکوب گوزیاشی گوزدن وای دیدون

یاده سالدون گه علی اکبری ایوای دیدون

گه یوخوندا سود امر قارداشوا لایلای دیدون

هم صدا اولماقه صوت لایلایه دور گیداخ

 

کهنمویی تازه سوز واردور ایشیتدیم بیر خبر

سنده گویا کربلایه ائتمیسن عزم سفر

گئتدی یولداشلار یاخوندور وقفه غافلسن مگر

ایلمه غفلن دیار نینوایه دور گیداخ

 

مرحوم کهنمویی

منبع مجموعه کانالهای مدح و مرثیه

کوچ از خرابه شام 543

کوچ از خرابه شام

 

صد آه ، آهِ زینب اولوب بسکه شعله ور

سنگ دل یزیده ایدوب عاقبت اثر

 

حکم ایلدی که تا اولالار عازمِ وطن

اطفال و بانوان شهِ لاله گون کفن

 

وقت اولدی بلبلانِ قفس با هزار شوق

آزاد اولوب قاناد آچالار جانبِ چمن

 

وقت اولدی گنج لر چیخا کنجِ خرابه دن

حورانِ زرد چهره ، اسیران سیم تن

 

بیر ذرّه ، عقدهء دلِ زینب آچیلمادی

هر چند آچلدی بند ِطناب ، عقدهء رسن

 

زنجیر آچان آچانمادی بیمار قیدینی

گوردی که چوخ سیخوب ، اوزولور رشتهء بدن

 

بازوی فاطمه نی ، گوگرتموشدی سلسله

گویا آچوب بنفشه گلی شاخِ نسترن

 

زنجیردن آچولدی سکینه خطاب ایدوب

کسدون نه تیز علایقوی ای انیسِ من

 

پیوسته حلقه حلقه سرِ زلف یار تک

باغلانموسان بو سلسله اهل عشقه سن

 

سنلن همیشه ایلردیم شاد گوگلومی

ای جانشینِ شقّهء زلفِ شکن شکن

 

یازدون فراقیدن بو قدر بسدور ای قلم

چک خط فراقه ، بسدی وصال ایله بیر رقم

 

محنت نگار ، محنتیمی بیر نگاره یاز

گور شرحه شرحه گوگلومی ، بیر شرحِ یاره یاز

 

گوز یاشیوی مداد ایله ، مژگانیوی قلم

ای دل فراق دردین ئولونجه عذاره یاز

 

بو دردنامه فرصت ایچون پیکِ آهدن

دشت ِبلاده بیر یارالی شهریاره یاز

 

چوخلار حسینه یاخشی عزا نامه لر یازوب

بیر نوحه سنده حاشیهء روزگاره یاز

 

باقیدی اوز یرنده بو مجموعهء جهان

بیر نچّه فرد ، صفحهء لیل و نهاره یازه

 

یوخ رنگی لاله و گلون ، ای کاتبِ بهار

شرحِ سرشکِ چشمیمی هر لاله زاره یاز

 

توکدون او قدری گوز یاشی ایسلاندی دفترون

یازدوخلارون پوزولدی (شکوهی) دوباره یاز

 

گلدی وداع ایتماقا زینب سکینه سین

ایتدی خطاب قبرینه چون قویدی سینه سین

 

قبرون عزایه باتدی ، مگر سپدی باشه خاک

یاسون دوتوب لَحَد ،که اولوب بیله سینه چاک

 

باش چکمز آفتابِ جهانتاب هر صباح

دردون گوروب زبانه چکر آهِ شعله ناک

 

سندن منی دیردیم اجل ایتموسن جدا

سندن صورا ، رقیّه ،اجلدن داخی نه باک

 

دور گور گیدر منیله نجه بیر قوری قغس

زلفونده مرغِ دل قالور ، ای روحنا فداک

 

سنسیز مدینیه یتشنجه گر ئولمسم

اولّام یقین مدینه ده بو غصّه دن هلاک

 

سندن صورا داخی نه امیدیله بولمورم

بو خاک و باد ، آتش و آب ایلر اشتراک

 

چکسم دالونجا کوی عدمدن قدم ، منی

ایتسون هلاک تیغِ اجل ای وجودِ پاک

 

سس گلدی ناگهان دُرِ زار و حزینه دن

یعنی رقیه خواهر نازلی سکینه دن

 

یاخشی گیدورسن عمّه او جانان اولان یره

گلزار ِوصله مرغِ دل و جان اولان یره

 

عرضیم بودور ای عمّه یولون دوشسه اکبریم

دشتِ بلاده قانینه غلطان اولان یره

 

اول قان ایچنده آهوی چشمی باتان چوله

اول خاک ایچنده زلفی پریشان اولان یره

 

دون باشنه ازل صورا دوُش خاک پاینه

قوی بیر یوزون بو جانیم او قربان اولان یره

 

سویله علی اولیدی سپر، کاش گوزلریم

سیننونده اول نشانهء پیکان اولان یره

 

من چون گلنمدیم سن اوزون رنجه قیل قدم

گَل بو سرشک ِچشمیله ویران اولان یره

 

من کوی وصله ، بلبل ایدر گلشنه هوس

زاهد بهشته ، حوری و غِلمان اولان یره

 

اگلشدی اهل بیتِ ، سیه پوش محمله

کرببلا یولی آچیلوب کوچدی قافله...

 

مرحوم شکوهی مراغه ای

منبع مجموعه کانالهای مدح و مرثیه

زبانحال در خروج از شهر شام 298

زبانحال در خروج از شهر شام

 

واردور یری رقیه آچا نطق قبریده

بو سس گله او دخترشیرین کلامیدن

یاندیم جهاندا من غم هجرانه عمه جان

اولدی یریم بو گوشه ویرانه عمه جان

 

امرقضایه مشکل اولا چاره سیز گیدون

بیر مندن اوتری اولمیون آوارهسیز گیدون

غربتده تاپشورون منی اغیاره سیز گیدون

قالدیم بو شهرایچنده غریبانه عمه جان

 

دست قضا غریبه مزار ایلدی منی

درد فراقه چرخ دچارایلدی منی

ایلدن بو روزگارکنارایلدی منی

بیرچاره یوخدی گردش دورانه عمه جان

 

مشتاقیدیم قبرعلی اکبره گیدوم

ایلردیم آرزو من او قبرین طواف ایدوم

گلدی اجل خرابه ده قویدی منی نیدوم

غمدن دونوب منیم جگریم قانه عمه جان

 

یتسه الوز او قبره سالون یاده سیز منی

افسوس اولمادی منه قسمت او مدفنی

من نایبه زیارتیمه ایلرم سنی

اول شمع قبر اکبره پروانه عمه جان

 

سن قوی منیم یریمه یوزون قبراکبره

اوخشا دویونجا آغلا شبیه پیمبره

اولدی منه بو گوشه ویرانه مقبره

ایتدیم فدا بو جانیمی جانانه عمه جان

 

منکه گیدنمدیم چکم آغوشه قبرینی

سیز ایلیون طواف بلون توشه قبرینی

افسوس گورنمدیم من او ششگوشه قبرینی

برپا ایدردیم اوردا عزا خانه عمه جان

 

الدی سوسوزاو چولده آتام قارداشیم منیم

اشرار ووردی چیخدی چون افلاکه شیونیم

اول قبریدن ایمدی دوشوب آیری مدفنیم

ال چاتموری قبورشهیدانه عمه جان

 

بیرده اگر مدینیه گیتسه بو قافله

صغرا گلوب سوروشسا منیم حالیمی بله

ویرمه خبر آج قالماقیمی قورخورام اله

دریای محنتی گلی طوفانه عمه جان

 

(زایر) چوخ ایسته لطف ایده خلاق ذوالجلال

ایتسین عطا بو ایل سنه سرمایه ی حلال

حجاجیله او روضه ده خوشدور همین مقال

یاندیم جهاندا من غم هجرانه عمه جان

 

مرحوم زایر تبریزی

منبع کانال گنجینه گذشتگان