شمه ای از احوالات حضرت قاسم بن حسن (ع)
ائدوبدی سینمی عشق حسین آباده
حضور یار فسونکاره باده آماده
مقیّداته ویروب پشت پا دل شیدا
که بلکه رمز الوهیّتی ائده پیدا
وقوفه لازمه دور سرّ عشق ذی القربیٰ
مشاهداته سالوب فکر دلده سجاده
عیاندی طور سویداده بیر حظیرۀ محض
تجلیات جلالیده وار طلیعۀ محض
تجلیات جمالیده واردی جلوۀ محض
ثبات محض ویرور جلوه رکن ایجاده
ویروبدی حُسن دله حُسن احسن تقویم
ائدوبدی احسن تقدیم ذوالجلال قویم
قالوبدی عالم حیرتده عقل سرخ و سلیم
که حُسن دل ائلییوب عقل سرخی افتاده
باشیمدا شور ثباتی ثبات حالیمدن
عیاندی شور ثباتیم ثبوت قالیمدن
رموز قال آلوب جوهره کمالیمدن
الیمده خامۀ زرّین نگار پُر باده
بو حُسنی درک ائده بولمز جهاندا فکرت خام
گرکدی باشه چکه ساقی بلادن جام
قلمده نام حسینیله باغلییوب احرام
بولوبدی ماءِقدس وارحسین زهراده
توسّلاته وسیله تیقّناته عمل
ترنّماته مدد کار صادر اوّل
تعیّناته نام حسین دور مشعل
توجهاتیمه واردور توجه اِلاّده
توسّلات تحیرده کوی الاّده
توجهات تعجبده وادی لاده
تعیّنات منور سرای افناده
ترنّمات نمایان دیار ابقاده
ترنّماتیده واردور صفای عشق الله
صفای عشقیده واردور بلای عشق الله
بلای عشقیده پیدا بقای عشق الله
بو عشق عشق حسینیدی کوی افناده
ائدوبدی صبحه کیمی عشرت اهل لا و بلا
ویروب سپیده چیخوب گون اولوبدی عاشورا
آچوبدی میکدۀ عشقی سیدالشّهداء
اولوب پیالۀ خمّار عشق آماده
چکوبدی باشینه بیر عده جام سرخ شراب
اولوبلا آتش تردن دوباره مست و خراب
شهادتیله اولوب شاهد ایلییوبلر خراب
یتوبدی نوبت مستی خُمار داماده
امام توریه حکمیله شام عاشورا
ائدوبدی جشن عروسی خیامده بر پا
به حکم رسم اولا تا بلکه مانع دعوا
بودور سیاست خاص امام آزاده
دوتوبدی مصطبۀ عشقده امام قرار
مشاهداته الینده پیالۀ سرشار
خمار صد شبه سین آختارردی اول خمّار
هزار موج بلا موج زن دی میناده
خراب جام ولا بیر جوان مستحسن
دوشوبدی جذبۀ خاص امامه جاذبه دن
شبیه احمد محمود قاسم بن حسن
خرام خاص ائدوب پیشگاه مولاده
عمامه سین بورییوب یوزده نور مصطفوی
عمامه سینده دُر سبز فقر مرتضوی
الینده ساغر گلگون شراب مجتبوی
وجودی فاطمۀ مرتضایه نوّاده
امام گؤردی مقابلده صورت احسن
کمال حُسن و نجابتده شاهد ذوالمنن
کاَنّه دایانوب قارداشی امام حسن
ظهور ائدوبدی مگرقارداشی بو رعناده
حضور شاه ولاده سخنور حَسَنی
کمال نطقدا راضی ائدردی ممتحنی
گلوبدی نطقه آچوبدور عقیقۀ یمنی
باباسی شوره گلوب عرش حیّ اعلاده
ادبله عرض ائدوب ای قطب عالم امکان
بو چؤلده بارقۀ یار اولوبدی نورافشان
صفای عزّ وئرور نوره طلعت جانان
فروغ خاصّ منور دل مُرایاده
فدا اولوم سنه ای عشق عشقیمه جوهر
بو چؤلده جام شهادت ایچوب علی اکبر
عنایت ایله چکوم منده باشه بیر ساغر
جمال یار منور اولوبدی صهباده
بظاهر عمّ به باطن امام برحق سن
وصاله رابطه وصله دلیل مطلق سن
اودور که عالم کثرتده حقه ملحق سن
امیر میکده سن میسرای یکتاده
فدا اولوم سنه ای کلّ مایَکونه شرف
دوروبدی محضر انورده انبیاءِ صف صف
الینده ساغر گلگون گلور بو دِیره طرف
دوباره مست اولالار پیشگاه طاهاده
سکوت محضه دوشوبدور عوالم بالا
کلامدن دایانوب عرش حقده موسی
فسرده یوسف صدّیق غم زده عیسی
گلوبدی جوششه قان زخم حلق یحیاده
اگرچه مُلک محبّتده صاحب تاجم
یَم محبّت مولاده غرق امواجم
ولیک ساغر گلرنگ وصله محتاجم
یولومی گؤزلوری جدّیم بهشت اعلاده
اگر چه ملک فقیراندا کج کلاهم عمو
سنیله چرخ ولایتده ماهم عمو
بو چؤلده غرقۀ نور الله اِلاهم عمو
گؤرنمییوبدی مگر نور نوریم اشیاده
چکوبدی جان کیمی آغوشه قاسم زاری
خمار صد شبیه تاکه ایلییه یاری
معاینه یتوره بیرده یارینه یاری
گرکدی محو اولا جامیله قطره دریاده
آچوبدی دُرج گهر باری سیّد الشّهداءِ
بویوردی ای مه تابندۀ سپهر بلا
گرک که سیر صعودی گؤرونسون اِنّاده
جهاندا ظالم و مظلم بهانه دور قاسم
وصاله لازمه صاحب زمانه دور قاسم
شرار عشق اودور پُر زبانه دور قاسم
شرار عشق ویرار اود خراب آباده
شهنشه دو سرا دِرّ سرخ کنز قِدَم
نمود فاعل مختار سر سرای عدم
ویروبدی قاسمه رنگی صراحی اعظم
او باده ایی که اولا دائماً تجلاّده
چکوبدی باشینه تا قاسم حسن ساغر
اولوبدی شور و شعفله سواره چون حیدر
گلوبدی عرصییه مانند حیدر صفدر
گؤروندی هیبت شیر خدا او بُرناده
قوام قامتی موسایه نخلۀ سینا
صفای عزّتی عیسی بن مریمه عیسا
لقای طلعتی عشّاقه مایۀ القا
شهنشه دو سرایه اخصّ دلداده
لقای سیرتی معناده صُوَر پیغمبر
صلابتینده بسان صلابت حیدر
ستبر سینه سی عبّاس حیدره بنزر
علی اکبره مظهردی حین دعواده
فروغ عارضی انوار مهردن چون ماه
تشعشعات قمرپوشی شعشعات سیاه
دیلینده اشهد ان لا اله الا الله
الینده قبضۀ شمشیر شاه شهزاده
بویوردی لشکر قوم طغامه کای لشکر
منم منم اسداللّهه مظهر و منظر
عمیمدی حضرت عبّاس زادۀ حیدر
خفیدی جوهرۀ ذات ذاتیم اشیاده
بیزیمدی قدس خلیلیله مسجد الاقصی
بیزیمدی قبلۀ اصلی بیزیمدی کوه منا
بیزیمدی ﻟﯾﻠﺔ قدریله ﻟﯾﻟﺔ الاسریٰ
بیزیله ائتدی تکلم کلیم سیناده
بیزیمدی عالم لاهوت عالم جبروت
بیزیمدی عالم ناسوت عالم ملکوت
بیزیله فخر ائدوری چرخۀ عالم ناسوت
بیزوخ معانی رمز الف الفباده
بیزیمدی عالم مستی بیزیمدی عالم هست
بیزیله رونق کلی تاپوبدی بزم الست
اولوبدی مست بلا انبیای باده پرست
می حضوردن ازلده دور اولیٰ ده
عمیم حسینیدی ثارالله ایلییوب ثورت
ثبات تورته لازمدی هاشمی غیرت
بیز آل هاشمه مختصدور بو ثیرورت
وئروبدی ثورته معنا بتول عذراده
عمیم حسینیدی جان جهانه جانانه
سالوبدی عشقی عقول سلیمی حیرانه
بو عشقی درک ائده بولمز به غیر دیوانه
بو سرّ کشف اولار معنی ویبقیٰ ده
وئروبدی عرصۀ هیجاده مرکبه جولان
ال آتدی قبضۀ شمشیره چون شه مردان
الینده تیغ شررباری سسلنوب قان قان
که بلکه رمزی تاپا کل من علیهاده
گلوبدی ازرقین اوغلانلاری اولا قاتل
اولوبلا تیغیله بیر بیر جهنمه واصل
اولوبدی فتح و ظفر قاسمه او دم حاصل
یئریدی رزمگهده ازرق زنازاده
گؤرنده ازرقی میداندا فارس میدان
قیزاردی گؤزلری عبّاس تک ائدوب جولان
قلینجی بازوی حیدرده سسلدی قان قان
صلابت اسدالله گؤروندی صحراده
امام تللدن اول نوجوانی مست ائتدی
هواده اوینادی شمشیری ضربی شست ائتدی
بولوبدی ازرقی تیغی چهاری هشت ائتدی
گؤروندی برق قلینجی سپهر خضراده
امام عشقدی تلل اوسته مرحبا گویان
اولوبدی حضرت عبّاس شوقدان گریان
کمال ذوقیله سسلندی عشقیوه قربان
گؤروندی شور و شعف تللین اوسته سقّاده
بیر آز زمان گئچوب اول نوجوان اولوب خسته
مشاهده الییوب شهریاری تلل اوسته
هرایه سسلدی سلطان عشقی آهسته
حزین سسیله دییری عمو یتیش داده
داغلیدی مه بدن اولدی سپهره اِستاره
ستاره لر دیل آچوب بارگاه دلداره
گرکدی مهر وصول مهه ائده چاره
اودور که مهر گلور ماه مهره امداده
سوار اولوبدی او دم ذوالجناحه شاهنشاه
بویوردی اشهد ان لا اله الا الله
چکوبدی زینب کبری خیمده دلدن آه
دوشوبدی حال امام حسن او دم یاده
امام عشق حقیقی حقیقته دایه
الینده جام صبوحی خماره پیرایه
خمار یک شبه نین باشینه سالوب سایه
دم صبوحی تاپولماز دم مسیحاده
مریده باخ دم آخر مراده بیر باخدی
مرادی نرگس مخموری یاندیروب یاخدی
باخوبدی عارض مهره ستاره تک آخدی
علی اکبره یتدی سرای ابقاده
می حسینله شبگیر سینه صاف ایلر
حضور اقدس مولاده اعتکاف ایلر
اگر چه دیدۀ مخلوقده خلاف ایلر
ولیک مسندی وار خانقاه مولاده
اگر چه اهل کفر ایلییوبدیلر تکفیر
کِاَنّه که خذف درّی ایلییر تحقیر
صبور اولماقینا وئردیلر می شبگیر
حقارت اهلینی الله ائدوبدی افتاده
سوم محرم الحرام 1432 هجری قمری
استاد شبگیر تبریزی
منبع مجموعه کانالهای مدح و مرثیه
با سلام