احوالات غارت خیام 6026

احوالات غارت خیام

 

گل هارداسان قارداش آمان تئز گل حسینیم گل

دولدی خیامه کوفیان تئز گل حسینیم گل

 

آتلی پیاده یوز قویوب اخیامه هر یئرده ن

چیخمیش سمایه قورخولی سسلر عر‌بلرد‌ن

خیردا بالالار قورخوشور قارداش بو سسلرد‌ن

تا ائیلمزلر بیر زمان تئز گل حسینیم گل

 

بو های و هو، بو کشمکش زینب ند‌ن ئولمز

سند‌ن سوای هئچ کس منیم احوالیمی بیلمز

هی سسلر‌م باعث ندیر قارداش سسین گلمز

گر یاتمیسان، یاتما اویان تئز گل حسینیم گل

 

بو خیمه لرده بیر بولوک اهلِ عیالون وار

السیز ایاقسیز طفل وار باشی بلالون وار

تأخیر ائدیرسن بیلمیر‌م هانسی خیالون وار؟

بو سرّه باغریم اولدو قان تئز گل حسینیم گل

 

عور‌تلره شرعاً جهاد اولسیدی ائیلردیم

من دختر شیر خدایم جنگی باشلاردیم

حمله ائدیب بو لشگری نابود ایلردیم

اشراره وئرمزدیم آمان تئز گل حسینیم گل

 

صبر ائت باجی، صبر ائت باجی ای زار و دلخسته

امدادیوه گللم سنین آهسته آهسته

دورماقه یارا یوخ سورونَّم اللریم اوسته

قلبیم یانیر ائتمه بیان تئز گل حسینیم گل

 

بو همته، بو غیر‌ته قربان باجون زینب

گلمه بو نوعی رقته قربان باجون زینب

چوخدور یاران گئت راحته قربان باجون زینب

بیرده دییم ائتمه گمان تئز گل حسینیم گل

 

یاز یحیوی افرادلر ایسته ولی حاجت

قصد زیار‌تله مقامِ پاکه قیل نیت

بیر اربعین باب حسین اولسا سنه قسمت

قبرینده قیل ورد زبان تئز گل حسینیم گل

 

مرحوم یحیوی اردبیلی

منبع مجموعه کانالهای مدح و مرثیه

احوالات غارت خیام 6025

احوالات غارت خیام

 

قشون قرالتیسی گورسندی تلون اوستوندن

حسینون عترتی تیترمیه دوشوب بیردن

 

اوشاق بیوک توکولوب دوتدی زینبین اتگین

الینن آلماسین الله هیچ کسون کمکین

 

دییردی قیزلار اولار کیمدی عمه جان قویما

آتاسیزوق بیزی اینجیتسه ظالمان قویما

 

بیزیم لباسیمیزی ویر یزید لشکرینه

آلوب بو غارتی لشکر قییتسون اوز یرینه

 

اماندی قویما عربلر بو خیمیه دولسون

اوزون گوروب اولارون طفللرهلاک اولسون

 

او سسلری که اوجالمیش گوگه عربلردن

بیزیم اورکلریمیز قان اولول بو سسلردن

 

ایا امام زمان یا خلیفة رحمان

او آغلیان گوزیوه جانیمیز اولا قربان

 

اوزون بیلورسن او بیرحملر نجه گلدی

هراس اولوب نچه قیز زهره چاک اولوب اولدی

 

قشون او خیمه لری بیر آلو کیمی بورودی

اوشاقلارون یاخاسیندان دوتان دوتوب سورودی

 

سویوب توکوب داغدوب چاپدیلار او خیمه لری

آپاردیلار زر ودیبا و شال و ترمه لری

 

هر اول کسی کی طلاسینی گج چیخارداردی

به فوری اوستونه یوز تازیانه قالخاردی

 

قاچاردی هر کیم اووحشیلرون قاباقیندن

قووب دوتوب چیخاداردی طلا قولاقیندن

 

ویرردی هر کیم الیندن نقاب و معجرینی

توکردی تز یوزونه پرده پرده زلفلرینی

 

هوا دولی سویولان قیزلارون نوا سسی دور

او دشتیدن اوجالان وامحمدا سسی دور

 

لباس و فرش و نمددور حریر اورتوکلر

بیری بوکر بیری قاتلار بیری آتا یوکلر

 

طنابلرکسیلوب خیمه لر توکولدی یره

بیری یغار بیری باغلار بیری چاتار شتره

 

حسینون اوندا قیزیل صندلین چکوب آپاران

ایاق یالین عربیدی اوزی کئچی اوتاران

 

آپاردی وردی اونی سعدون اوغلی اگلندی

او حالیله نئجه زینب گوزینه گورسندی

 

چکنمرم قلمه غارتی قلم به قلم

که یوخدی وقتیده فرصت دیوب سیزه یتورم

 

چون اولدی فارغ او غارتگران غارتدن

گینه گوتور مه دیلر ال حریم عصمتدن

 

حسین بالالارینی ایتدیلرسراسیمه

او یرده قوردیلا بیر کهنه مندرس خیمه

 

مکان وریلدی او خیمه بیر عده خون جگره

او خیمه نون اتگین میخیله تیکوبله یره

 

او خیمه دن اوجالوب عرشه صوت یاالله

آلولی مشعل الینده نچه عرب ناگاه

 

یتیشدی وردی اودی خیمیه الولاندی

آچلدی روزنه بیر سمتیدن چادر یاندی

 

امامدن یتیشوب اهل بیته حکم فرار

اوزون وروب اودا قاچدی یانا یانا قیزلار

 

ایاق یالین باش آچوق زلفلر پراکنده

اولوبدی هر بیریسی بیر یره پراکنده

 

بیری اوزاقلاشو تپراقدن قبا بورونور

یاتار یره سینه سی اوسته قورخودان سورونور

 

بیری اوزون ایتوروب ات دوشونده دالدالانور

او طفللر هارا گیتسون مگر هارانی تانور

 

بیریسی تلدن آشدی بیری نیستانه

بیری قاچوب سیخیلوب سایه مغیلانه

 

قباق قباقه گلن طفللر قوجاخلاشدی

او حالینه اولارون اهل لشکر آغلاشدی

 

مرحوم یحیوی اردبیلی

منبع مجموعه کانالهای مدح و مرثیه

احوالات غارت 5979

احوالات غارت

 

مرحوم حسینی سعدی زمان

(اشعارِ داخلِ پرانتز از مرحوم صافی می باشد)

 

بلنمورم که خیامه نجه توکولدی سپاه

او حالی بیر بولر الله بیرده آلُ الله

 

دیولّه خیمه گهِ شاهِ عشق غارتیدی

و لیک من دیورم بر ملا قیامتیدی

 

سوروشسا مندن اگر بیر نفر قیامتدن

اشاره ویرّم اونا کربلاده غارتدن

 

نه عرض ایدوم نجه هنگامه نه قیامتیدی

بو قدر وار که قیامت اونا علامتیدی

 

اگر بیان اولا اوضاعِ محشرِ کبری'

بو غارت اولدی او کبرایه آیتِ صغری'

 

یازولّا حشرده گون ، وضعِ شورِ حشر قورار

نزول ایدر یره گویدن ، جِدا بویوندا دورار

 

دوشر کسوفه حرارت ویرر گورنمز نور

بِعِینه ایتدی اونون مثلی کربلاده ظهور

 

وورولدی نیزیه گون تک سرِ شهِ عطشان

ولی کسوفه دوشوب ، صورتین دوتوبدور قان

 

یازولّا عرصهء محشرده بیر حرارت وار

قدم قویا یره کیمده او گونده طاقت وار

 

عبث یره دیمورم بر ملا قیامتیدی

دیارِ کرب و بلاده ایله حرارتیدی

 

یر اوسته ایسّیدن آتلار ایاق قویانموردی

یانوردی دیرناقی ، بیر یرده آت دایانمیردی

 

بیله یازولّا که بر پا اولان زمان محشر

ایشقلی آی هامی اولدوز یره نزول ایلر

 

او چولده ماهِ بنی هاشم ایلمیشدی خسوف

کتاب تک اونی یازمیشدی لیک تیر و سُیوف

 

یازولّا محشرین اهلی دییَلّه وانفسا

نشان ویروردی او اوضاعی عترتِ زهرا

 

ایله قیامتیدی سلبِ حال ایدوردی او حال

دیردیلر هاموسی وامحمّدا اطفال

 

کواکبِ فلکِ احمدی یر اوستِیدی

بیری قالوردی اودا صعفدیدی خستِیدی

 

دولیدی قانیله دریا تک عرصه گاهِ وَغا

ویرولدی غارته فرمان ، ال آچدی قومِ دغا

 

توکولدی خیمه لر اوسته اشقیای مِلَل

یتَن قلجلادی بیر خیمه طنابین ازل

 

تصوّر ایله او قومِ کینه دویار

امامی ئولدورن البّته عترتینده سویار

 

اگر چه بعضی خبرلرده وار صریح یازان

کی سویدی زینب علیانی جنابی شمر و سَنان

 

بیر الده گر یازا خامه آچیلدی زینبه ال

قلم باتا گوزینه اللّرین خدا ایده شل

 

سزادی آهیم اودیله بو عالَم اودلانسون

دیسم که زینبی دشمن سویوب دلیم یانسون

 

گلور خیامه جلو ریز گوردی لشگرِ شام

کسیلدی زینب علیا جنابیدن آرام

 

بیوردی فضیّه او آفتابِ برجِ ادب

منیم دلیمجه گیت شمره دئ دیور زینب

 

گلوب بو لشگر اگر مال دنیوی آلالار

اوشاقلارین ندی تقصیری ، نیلیوب بالالار؟

 

بو قومه عمده نظر قلتدور یا غارت

یاخوندی قورخودان ئولسون حرایمِ عصمت

 

ال آچسا غارته گر بیر نفر بو لشگردن

بو فکریله آلا معجر بناتِ حیدردن

 

آنام کیمی آچارام باشیمی فغان ایدرم

مدینه حشرینی بو چولده من عیان ایدرم

 

بولوردی فضّه خانم زینبون مقاماتین

یتوردی شمره اونون عینا" اوز مقالاتین

 

شرارِ آهِ حریمِ حسینه یاندی قُشون

او یرده شمرِ دنی امر ایدوب دایاندی قشون

 

اوزی علی قیزی اول امرِ سخته ایتدی قیام

که خوار ایتمیه ناموسِ دینی لشگرِ شام

 

خیامده واریدی هر نه ثروتِ دنیا

یغوب او قومه طرف آتدی زینب کبری'

 

اساسِ خیمه تمام اولدی گیتدی یغمایه

بتوله نایبه باخدی حریمِ طاهایه

 

اورکدن آهِ جگر سوز چکدی دولدی گوزی

ازل اسیرلرین ملجائی سویوندی اوزی

 

عزیزِ آلعبا گور نه گونلره قالدی

بلالی باشینه بیر مُندرس عبا سالدی

 

بلینی باغلادی محکم اسیرِ اهلِ دمشق

اسارت امرینی ویردی حرملره سرمشق

 

بیوردی آلِ عبا چون غریب و بیکسدی

بناتِ آلِ عبا ، بیر عبا سیزه بسدی

 

دونوب باخوب حرمه بیر به بیر اول بلا کانی

چاقوردی محضره اکبر آناسی لیلانی

 

بیوردی گَل ای اولان ورد و ذکری واویلا

باشون ساق اولسون ئولوب اکبرون ، سویون لیلا

 

بو سوزده لیلی توکوب عارضه سرشکِ بصر

دونوبدی قلتگهه سسلدی علی اکبر

 

آنان سویولّا تاپولمور بیری ایده امداد

غریبه گونلره قالدیم اوغول ایوین آباد

 

اسیرلر شرفی زینبِ وفا کردار

چاقوردی قاسم آناسی سریّه نی ناچار

 

اونوندا زینت و فاخر لباسینی آلدی

اوزی کیمی باشینا کهنه بیر عبا سالدی

 

سریّه یاندی دئدی هارداسان اوغول قاسم

آنان سویولدی گَل ای نوجوان اوغول قاسم

 

یتنده نوبت ، عروسه ، یانوب چکوب فریاد

دئدی عم اوغلی گَل ایله عروسوه امداد

 

اولوبدی چوخ طویی یاسه دونن عروس ، ملوس

گوروبدی کیم سویولا لیک طویدا تازه عروس

 

چوخ ایستورم ئولم اما نیدوم که گلمور اجل

یوخومدی دادرسیم داده ای عم اوغلوم گَل

 

یتنده حضرت کلثومه وقتِ اخذِ لباس

باخوب فراته طرف سسلنوردی یا عباس

 

آتام برابری دوشدوم بلایه قارداش گل

باجون سویولدی اماندور هرایه قارداش گل

 

سویوندوروب حرمِ حقّی معدنِ عصمت

یتشدی خرداجا قیزلارا نوبتِ غارت

 

( یتنده بیر قیزا نوبت ، باخاردی حسرتیله

دولوب بولود کیمی اشکین توکردی شدّتیله

 

دیردی عمه سویوندور هامی لباسیمی آل

گوتور بو معجریمی باشه کهنه معجر سال

 

ولی قرارِ دلِ پاره پاره مه دگمه

سُرورِ جانیم اولان گوشواره مه دگمه

 

بو گوشواره لریم گر چه زر و زیوردور

گوگل علاقه سی وار یادگارِ اکبردور

 

آلینسا عمه یقین آرتاجاخ بو گوز یاشیم

سالوب قولاقمه چون اوز الیله قارداشیم)

 

خیال ایدوب بیرینون گوشواره سین آلسون

گوروب یاخوندی اوزینی هلاکته سالسون

 

برینون ایسته دی خلخال و دست بندین آلا

چکوبدی ناله ووروب باشینه او خیردا بالا

 

اوجاتدی ناله سپهره ، حرایمِ عصمت

بیر عالم اولدی که لشگر گتورمدی طاقت

 

باخوب او حاله عمر سعدِ شوم و کینه سیَر

 گوروب یاخوندی که لشگر دونوک لیق ایلیه لر

 

دئدی بو خیمیه هم خیمه ده اولان ماله

یوخومدی حاجتیم آرامیمی آلور ناله

 

دایانمیون گتورون اود وورون خیَم یانسون

کسون بو شیونی ، هم خیمه هم حرم یانسون

 

ورولدی ظلم اودی اود دوتدی خیملر یاندی

مخدّراتِ حرم ظلم اودیله اودلاندی

 

نجه یانوب خیَم ایتسم اگر اوحالی رقم

شرارِ آهیله اود دوتار الیمده قلم

 

قلم اود آلسا صحیفه یانار ایتر منظور

تمامه یتمز او سوز که ازل اولوب مسطور

 

مرحومین حسینی سعدی زمان و صافی

منبع مجموعه کانالهای مدح و مرثیه

احوالات غارت 5978

احوالات غارت

 

یتنده نوبِ غارت رقیّهء زاره

بو دللریله خطاب ایلیوب علمداره

 

گَل عمو ستمله غارت اولدی خانمانمز گَل

ووردی اود سپاهِ کینه یاندی آشیانمز گل

 

قومِ کینه جو جفا و ظلمدن دیمه دویولّار

دامِ ظلمدن کناره چیخماقا مگر قویولّار

هارداسان یتیش هرایه گَل رقیّه نی سویولّار

ای بیز اهلِ بیته سقّا ، سروِ بوستانمز گل

 

واردی مشکلیم بیر اوزگه کس بو مشگلی آچانماز

سن منیم یانمدا اولسان قومِ کینه ال آچانماز

چوللره دوشنده آهو ، گر سوسوز اولا قاچانماز

تشنیوخ اورکده یوخدی طاقت و توانمز گل

 

بیز گُلوخ که ساخلامشدی بیزی باغبان گوز اوسته

آی باتوب ، عدو قویوب یوز ، یوزدن اسگیک اولدوز اوسته

شمرِ دون منِ یتیمی چوخ وورار بو بیر سوز اوسته

سسلینده هارداسان بس ، سروِ گلستانمز گل

 

آه الامان صد افسوس چرخِ کجمدار الیندن

غنچه گللری آلان یوخ ، قومِ نابکار الیندن

گُل شکایت ایلر آخر باغبانه خار الیندن

گُل قالوبدی خار الینده یوخدی باغبانمز گل

 

پَر شکسته قوشلار آخر نیلسون ، سینوب بوداقلار

هولدن گورنده قیزلار بیر بیرین عمو قوجاقلار

باغبانه صدمه یتسه ، هر گُلی گَلن ایاقلار

باغبان ئولوب ، یتوبدور موسمِ خزانمز گل

 

ای اولان ایکی جهاندا باشیمزدا فخر تاجی

آلِ هاشمون بلورسن سایه وه وار احتیاجی

دولدی خاریلن گلستان ، گللرین ندور علاجی

بولموسن بو چولده گلمز بیر کسه گمانمز گل

 

وورماز ال بیری چمنده بیر گُله که غنچه وَشدی

غنچه گللری سارالدان گر چه سوزشِ عطشدی

هارداسان خیمده آخر معجر اوسته کشمکشدی

اوج ایدر سمایه هر آن ناله و فغانمز گل

 

سن او سرویدون سالاردون دائما" گُل اوسته سایه

آلدی گللری اماندور زاغیله زغن آرایه

هم سویولّا هم ورولّا کیمسه یوخ یته هرایه

سن اوزون یتیش هرایه باری مهربانمز گل

 

صاحب لوانی بیرده سسلدی رقیّه داده

اونداکی خرابه یرده نِی کیمی گلوردی داده

سسلنوردی هارداسان بس گور نه اولمشوخ فتاده

شامِ شومده خرابه یر اولوب مکانمز گل

 

دلده کی غم و مصیبت نالیه گتوردی عرشی

آغلیوب گَتوردوق آخر شور و شینه عرش و فرشی

سقف سیز خرابه منزل ، نه چراغی وار نه فرشی

یانموشوخ گون ایسّی سینده یوخدی سایانمز گل

 

نیلمشدوخ اهلِ کینه بیر بیله عداوت ایلر

واردی بیر ملال ، دلدن سلبِ تاب و طاقت ایلر

شامده بیز اهلِ بیته شامیان شماتت ایلر

آتشِ غم و ستمده یاندی خسته جانمز گل

 

(اعظمی) طنابِ صبرون گر چه تیغِ غصّه کسدی

شاهِ دین ایکی جهاندا سنه لیک دادرسدی

هامی عمروه بقاده کافی دور بو کلمه بسدی

یا سکینه یا رقیّه دیه نوحه خوانمز گل.

 

مرحوم اعظمی تبریزی

منبع مجموعه کانالهای مدح و مرثیه

در احوالات غارت 5976

در احوالات غارت

 

حسینین خیمه سین غارت ایدن ، غارتگر آغلاردی

قاچاردی چوللره قیزلار ، باخاردی لشگر آغلاردی

 

ویرنده سعدین اوغلی حکمِ غارت لشگرِ شامه

یریندن اوینادی آتلی ، پیاده ، اولدی هنگامه

واریدی هر قیزین اگننده فاخر تازه بیر جامه

سویوندوردی اوزی زینب ، آلاندا معجر آغلاردی

 

بو امّت دینینه قرآنینه حرمت هاچان قویدی

پیمبر قیزلارین پیغمبرین اوز امّتی سویدی

بهارِ عمرده تازه جوانلار جانیدن دویدی

صغیر اطفالین احوالین گورن کین پرور آغلاردی

 

اورک تاب ایلمز هر ظلمی گورسه آشناسندن

بو غارت بیر علامتدور سقیفه ماجراسیندن

پیمبر عترتی تنگه گلوب امّت جفاسیندن

سویاردی اهلبیتین ، امّتِ پیغمبر آغلاردی

 

واریدی خیمه دن میدانه بیر یول ای مسلمانلار

همان یولدان توکولدی خیمه گاهه لشگرِ اشرار

تصوّر ایله گور نه حاله قالدی خورداجا قیزلار

گورن گوز تاب ایدنمزدی توکوب اشکِ تر آغلاردی

 

گلنده کربلایه اشقیادن هر ستم پرور

قیزینا وعده ویرمیشدی آپارسون زینت و زیور

بو قصدیله هجوم ایتدی توکولدی خیمیه لشگر

آلوب آت شیحه سین دشمن سسین هر مضطر آغلاردی

 

گلن غارت خیالیله اوتوز مین مردِ بی پروا

سویولان یوزدن آز ، عورت اوشاق ، اطفالِ مه سیما

اودور چوخلاری محروم اولوب ایلردیلر ایذا

بو احوالی گورنده سنگ دل هر کافر آغلاردی

 

ووراندا بیر قیزی غارت نصیبی اولمیان دشمن

دیردی وورما اینجتمه اگر ظالم ، موحّدسن

قیامت وار جزا وار ، گورمیسن آیا یتیمم من

وراندا سن منی عرشِ خدای داور آغلاردی

 

بلا دریاسی موج ایتدی او چولده باشیدن آشدی

وران ووردی ، سویان سویدی ، سویولانلار چوله قاشدی

اوشاقلار قورخوسندان بیر بیرین گورجک قوجاقلاشدی

دیردی هاردادور گلمور علی اکبر ، آغلاردی

 

چتیندور حل اولا ، هنگامهء غارت معمّاسی

اوجالدی هر طرفدن واعلیّا شور و غوغاسی

دوتان یوز نهرِ علقم سمتینه سسلردی عباسی

دیردی هارداسان گل یادگارِ حیدر ، آغلاردی

 

اولان بی اعتنا دینه هوای نفسدن دویماز

جفایه مرتکب اولماخدا ، نقصانِ عمل قویماز

امامی ئولدورن ، رحم ایلر؟ آیا قیزین سویماز؟

سویولمشدا سویان گورجک اسفلی منظر ، آغلاردی

 

فشارِ منجنیقِ غم ، عیالِ حیدری سیخدی

اوشاقلار اللری باشندا حیران خیمه دن چیخدی

بیری سسلردی گَل عمّه منی دشمن ووروب یخدی

ایدردی بیر بالا توپراقلار اوستون بستر آغلاردی

 

جهاندا وار اثر ای (کهنموئی) یاخشیدان پیسدن

هدر گیتمز عمللر بو سوزوم واضحدی چوخ روشن

بصیرت گوزلرین دقّتله آچسیدون گورردون سن

یازاندا خامه غارت ماجراسین ، دفتر آغلاردی.

 

مرحوم سید حسین  کهنمویی (ریاضی)

منبع مجموعه کانالهای مدح و مرثیه

احوالات غارت خیام 5619

احوالات غارت خیام

 

او دم که شمعِ شبستانِ فاطمه سوندی

نهارِ آل علی ، لیلِ ظلمته دوندی

 

سالوبلا فرصت اله اشقیا جسارتیله

یورش آپاردی خیام اوسته قصدِ غارتیله

 

او ساعتیکه حسینون جلالی غارتیدی

خدا بولور او ساعت نه نوع ساعتیدی

 

یقین علامتیدی عرصه گاهِ محشردن

نه ، بلکه او هنگامه نون علامتیدی

 

نه رستخیز نه محشر نه محشر آثاری

بیر اوزگه محشریدی اوزگه بیر قیامتیدی

 

قوشون صداسی ، حرم ناله سی ، سیزیلتی سسی

غریو و غلغله ، فریاد ، عجب حکایتیدی

 

محالدور گَله شرح و بیان و تقریره

او جور و ظلم که بی حدّ و بی نهایتیدی

 

اگر چه غارتیدی قصدِ قومِ بی ناموس

و لیک عترتِ پیغمبره اهانتیدی

 

یتوب قلجلادیلار خیمه لر طنابین ازل

یانوب او خیمه که عرشِ خدایه آیتیدی

 

ال آچدی غارته ، غارتگرانِ کوفه و شام

تالاندی هر نه اثاث جلال و شوکتیدی

 

قوشون دوشوب طمعِ گوشوار و خلخاله

که حرص و آز او قومِ لئیمه عادتیدی

 

آلوردی جَبریله دشمن بناتِ طاهادن

او اَمتعه که قلیل و کثیر قیمتیدی

 

حریمِ نازیده بسلنن بالالار

دچارِ پنجهء اشرارِ بی مروّتیدی

 

عزیز اوشاق که نه دشمن گوروب نه غیظ و عتاب

قالوب بو حالته مبهوت ، غرقِ حیرتیدی

 

بیریسنون سارالوب گل کیمی جمالی سولوب

اسردی برگ تک از بسکه با لطافتیدی

 

بیریسی غنچهء تر تک ، دوداقی پاره لنوب

وجودی قالبِ بی روحدن عبارتیدی

 

بیریسنون الی باشدا دیردی یا جدّا

آخاردی قانی یوزیندن ، قولاخ جراحتیدی

 

گورردی هر قیز اونی قصد ایدوب گلور دشمن

سویوب آتاردی اوزی هر نه زیب و زینتیدی

 

عجب دگل که سویولدی بناتِ پیغمبر

عجب بودور که سویان امّتِ رسالتیدی

 

اسیر اولان سویولان یوزدن اسگیک عورت اوشاق

اسیر ایدوب سویان هشتاد مین جماعتیدی

 

اودور که چوخلاری غارتدن اولدولار محروم

غضلنوب هامی نیّتلری اذیّتیدی

 

آچوبلا السیز ایاقسیزلارا جفا الینی

اولار کی ذاتی شقی ، فطرتی جنایتیدی

 

سالاردیلار قاچان اطفالی آتلارین دوشینه

ایدردیلر نه نقدر شیوهء شقاوتیدی

 

اوشاق گورردی قاچا بیلمیری نفس کسلور

دوتاردی گوگلره یوز ، دلده کی شکایتیدی

 

نه رحم ایدن تاپولوردی نه بیر هرایه یتن

باخاندا هر طرفه لشگرِ ضلالتیدی

 

پناهسیز بالالار بیر بیره پناه آپاروب

هامی ایتوردی اوزون بسکه حال شدّتیدی

 

بیری بیرینی قوجاخلاردی هولدن اطفال

اسیر اسیری دوتوب ، طالبِ حمایتیدی

 

او تند بادِ حوادثده گُل حمایتینه

عَلم وجودین ایدن بیرجه سرو قامتیدی

 

قاچان اوشاقلاری زینب یغاردی خیمه لره

حسیندن اونا بو امر چون وصیّتیدی

 

دوتوب یوزیندن اوپردی ، سیلردی گوز یاشینی

گورردی هر بالا چوخ پُر هراس و وحشتیدی

 

او زینبیکه پرستاریدی یتیم لره

تصوّر ایتمه اوزی ظلمدن سلامتیدی

 

ز بسکه قمچی قباقینه ویرمیشدی قولون

بدن قرالمیشدی ، لیک جانه منّتیدی

 

ویروردی تسلیت اطفاله مین نوازشیله

که مهربان آنالار تک ایشی محبّتیدی

 

او وقت عُمر دئدی بو خیمه لر گرک یانسون

بو خیمه صاحبی چون صاحبِ ولایتیدی

 

وورولدی ظلم اودی ، یاندی خیامِ آل الله

یانار اود ایچره قالان عترتِ طهارتیدی

 

کسیلدی چاره یوز قویوب بیابانه

چون امرِ سیّدِ سجّاددن اشارتیدی

 

آلیشدی بعضی سینون ینگی ، بعضینون اتگی

ز بسکه ظلم اودی پُر سوز ، پُر سرایتیدی

 

گوروب بیر آتلی ، قاچار بیر قیز ، اود دوتوب اتگی

یانوب اونا اورگی گر چه پُر عداوتیدی

 

آتین چاپاردی ، یتوب سوندوره اونون اودینی

مرامی رحمیدی فکر و خیالی رأفتیدی

 

گورنده آتلینی قیز ، باش گوتوردی هولیندن

قاچاردی چوللره بیر باش ، نقدر فرصتیدی

 

گهی قاچوب یخیلوب ، گهی دوراردی تیترردی

وجودی باشدان ایاقا ، چو خوف و وحشتیدی

 

گوروب که آز قالور آتلی اوزون یتورسین اونا

دایاندی دوردی که بی اختیار و بی قدرتیدی

 

قویوب الین باشینا آتلویا سلام ایتدی

یقین سلامینه باعث اولان بو نیّتیدی

 

که یعنی ای کیشی ، بیل بیزده اهلِ اسلاموخ

بابام پیمبریدی ، صاحبِ شریعتیدی

 

آتام که خارجی قویدوز آدین شهید ایتدوز

کلامِ ناطقیدی ، کلمهء هدایتیدی

 

دییر او آتلی که ایتدیم اونون اودین خاموش

ایدردیم هر نه قدر رأفت و عطوفتیدی

 

گوروب که ویرمادیم ، اینجیتمدیم ، دوروب مبهوت

باخاردی چوخ منه دقّتله غرقِ فکرتیدی

 

او قدر حسرتیله باخدی ایلدیم احساس

که دردی وار ولی ذکرینه خجالتیدی

 

دئدیم بالا ندی دردون؟ دئ ایلرم چاره

منیم خیالیم ازلدن سنه رعایتیدی

 

باشین اشاقه سالوب کثرتِ حیاسیندن

ز بسکه معدنِ ناموس و کانِ عفّتیدی

 

الین دوداقینه قویدی که یعنی چوخ سوسوزام

سوزون آچیخ دیمدی ز بسکه با نجابتیدی

 

سو حاضر ایتدیم آلوب باخدی توکدی گوز یاشینی

بیله گمان ایلدیم علّتی ، ندامتیدی

 

دیدیم بالا ندن ایچمورسن اولموسان سیراب

سوسوز دگلدون اگر ایستمک نه حاجتیدی

 

دیدی خیامده غشّ ایلمیشدی خیردا باجیم

که بیر ایچیم سویا اوچگون اولوردی حسرتیدی

 

اجازه ویر آپاروم ایلیوم اونی سیراب

که من قاچاندا او چوخ بی قرار و طاقتیتدی

 

باجیم نه نقدر سوسوزدی منه سو نوش اولماز

او چوخ سوسوزراقیدی ، مشرفِ هلاکتیدی

 

دیدیم سن ایچ قدغن سیندی ، سو ویرلّر اونا

بابان وجودینه تحریم امرِ دولتیدی

 

عموسی کیمی بو قیزدا وفادن ایچمدی سو

وفاده حضرتِ عبّاسه با شباهتیدی.

 

مرحوم مشهدی علی اصغر ذهنی

منبع مجموعه کانالهای مدح و مرثیه

غارت خیام 5618

غارت خیام

 

شد چو خورشید امامت در حجاب

سر برآوردند خفاشان ز خواب

 

سوی خرگاه امامت تاختند

کافران دیر از حرم نشناختند

 

فاطمه دخت شهنشاه شهید

از درون آسیمه سر بیرون دوید

 

دید شاه ایستاده شمشیری به دست

بهر منع آن گروه خود پرست

 

شد به صد حیرت درون خیمه باز

گفت با سجاد کای بدر حجاز

 

شاه ما که کشته اش پنداشتیم

بهر او آهنگ ماتم داشتیم

 

سوی ما، نک بهر یاری آمده

تندرست از زخم کاری آمده

 

گر بود این شاه آن جسم طریح

قصه زعم یهود است و مسیح

 

یا نه خود این هر دو شاه ذوالمن است

روح یک روح است، اگر با صد تن است

 

از تو ای بی نقش با چندین صور

هم منزه، هم مشبه، خیره سر

 

گفت سجادش که ای بانوی راد

هست این افرشته رب العباد

 

کامده در کسوت شه پیش ما

بهر دفع وحشت و تشویش ما

 

این چنین باشد حدیث اهل راز

شرح اسرار حقیقت با مجاز

 

چون رقیب ناموافق تند خوست

به که در آئینه بینی روی دوست

 

(دیده می باید که باشد شه شناس

تا شناسد شاه را در هر لباس)

 

شد چو غائب آن شه حیدر شکوه

دست بر یغما گشودند آن گروه

 

خیمه ای کز تار زلف عنبرین

در جنان رشته طنابش حور عین

 

 ز اطلس عرش معلی شقه اش

سر ان اعرف نهان در حقه اش

 

قبه اش کو برده از اوج سپهر

خیره از نورش دو چشم ماه و مهر

 

پوش زرین فلک پیرایه اش

خفته صد خورشید زیر سایه اش

 

اوفکنده در بسیط نین وی

صیت الرحمن علی العرش استوی

 

شهپر جبریل جاروب درش

جلوه گاه طور سینا منظرش

 

فرقه نمرودیان بی حیا

سوختند آن بارگاه کبریا

 

شد ز دود دوده آل خلیل

دیده جبریل، خون پالا چو نیل

 

آتشی که شد به یثرب شعله ور

دود آن از نینوا برکرد سر

 

خانه دین شد از آن آتش به باد

پرده پوشان روی در صحرا نهاد

 

آن یکی آتش گرفته دامنش

وان دگر چاک از جفا پیراهنش

 

آن یک از هول عدو، در خواب غش

وان دگر افسرده، چون گل از عطش

 

شد به باد از بانوان تاجور

گوشوار از گوش و معجرها ز سر

 

زینب آن شمع شبستان حرم

خویش می زد بر آتش دمبدم

 

گفت مردی ای عجب زین حرص زفت

کس ز حرص مال در آتش نرفت

 

الله او را خود چه در آتش در است؟

نه سمندر نه خلیل آذر است

 

ناگهان آن طایر پر سوخته

شد برون زان آتش افروخته

 

برکشیده تنگ بیماری علیل

در کنار آن بانوی آل خلیل

 

آری آن قومی که با عشقش خوشند

ماهی آبند و مرغ آتشند

 

نیست پروانه سزاوار ملام

کاندر آتش پخته گردد عشق خام

 

مرحوم حجه الاسلام والمسلمین میرزا محمد تقی نیر تبریزی

منبع مجموعه کانالهای مدح و مرثیه

 

شعر دیده می باید که باشد شه شناس

تا شناسد شاه را در هر لباس از

منطق الطیر عطار نیشابوری

زبانحال حضرت زینب (س) به امام حسین (ع) در غارت خیام 5617

زبانحال حضرت زینب (س)

به امام حسین (ع) در غارت خیام

 

زینبون ئُولسون حسین، سَس وِئر سَسون قربانیَم

داده گل یاندی خیَم، تِئز گلماقون خواهانیَم

 

تاپمیوب غارت حسین جان خیمه لرده خاتمه

حُرمت  اِئتموبله بولار آل رسولِ خاتمه

بیر گَله جنّاتیدن کرب و بلایه فاطمه

تا گوره بو اهل بیتون من سَر و سامانیَم

 

شورش لشکر زِ بس مَخیمده قارداش چوخلاشور

اهل بیتون سویماقا بیربیرلریله باغلاشور

یوخدی امداده گلن، عورت اوشاقدور آغلاشور

منده بو ظلمون برادر متّصل گریانیَم

 

کوفیان دار و ندارون، اُود ووروب یاندیردیلار

آتش غم ده حیالی قیزلارون اُودلاندیلار

قرخا دین عورت اوشاقدور، گور نجه نالاندیلار

بو پوزولموش گلستانون، سَرو سَروِستانیَم

 

سن شهید اولدون گروه کین اِئدولّه هلهله

خیمه لر اولدی هدف قارداش بو قوم باطله

خیمه لردن اهل بیتون چخدی یوز قویدی چوله

داده گل قارداش حسین، من گوزلرون قربانیَم

 

اهل بیت مصطفی اولدی برادر در به در

قیز گلین عورت اوشاق اولدی هامی خونین جگر

بعضی صیّادین الینده، مرغ بِسمل تک اَسَر

سسلنور شاه شهیدین، بلبل خوش خوانیَم

 

"بیر بیرین قیزلار قوجاقلاردی دیَردی نِیلیاخ

گَل گِئداخ نَهر عَلقَمه، عَبّاس عَمومه بیر دیاخ

سَسلیاخ، سَس وِئرمسه، دشمن دُوینده دینمیاخ

دینمیَن قیزلاریوین، تک تک بلا گردانیَم"

 

بیر طرفدن نو عروسون، گل عمو گل سسلنور

زینبون حاشا بو غملردن برادر دینجلور

بعضی سسلور عمّه قویما رحمسیز دشمن گلور

کوفیانون ظلمینون قارداش حسین حیرانیَم

 

دُختِ زهرایم حسین، دنیانی گوزدن آتموشام

قلبیمون قانین اَخا، گوز یاشیمیله قاتموشام

سن گِئدندن خیمه دن، گرد مَلاله باتموشام

بو بلایاده دوزوم، آللّهیدن خواهانیَم

 

هر بلا یوز وِئرسه قارداش، بیز گرک صبر ایلیاخ

ایلیاخ صبر و تحمّل، چاره یوخ دور نیلیاخ

ناقه یِ صبری نه اینکه نالهِ‌ ایله پِیلیاخ

من ده سَن تک کردگارین، تابع فرمانیَم

 

بو شهادت اِرث دور، آبا و جَدّیمدن سنه

خیمه لر یانماق، اَسیر اولماق، وَراثت دور سنه

اَگمرم باش سن کیمی، مَن ده، جفاجو دشمنه

کربلا دشتینده قارداش، من بَتول ثانیَم

 

سن بیر آز ساعت‌ قاباق، قویدون اَلون بو سینمه

ایلدون قارداش دعا، پروردگار ذُوالمَنه

تازه بیر روحیّه خالق ایلدی اِعطا منه

بو مقدّس نعمتین، مَن رَبّیمه شکرانیَم

 

بیر گونی بیر نوحه‌خوان، ویردی بو شعره تای منه

من دیدیم سالدیم نظر دوز بیتینی سن سای منه

سویلدی بیر شخص بو شعری ویروبدور پای منه

یا بونون تصحیحینی یا مِثلینون خواهانیَم

 

بیر بیرین قیزلار قوجاقلاردی، اونی یازدیم بونا

سویلدیم هر کیم یازوب، ایتسون خدا رحمت اونا

بانی اولدی «مهدی» ‌بو شعری ‌یازوب‌ ایتدی دعا

یاده دوشدوقجا اُونون، بو بِیتینون گویانیَم.

 

حاج مهدی رستم زاده خسروشاهی متخلّص به (مهدی)

منبع مجموعه کانالهای مدح و مرثیه

احوالات غارت خیام 5616

احوالات غارت خیام

 

داد او ساعتدن ویروب فرمان عمر سعد لعین

غارت و نهب خیامه آچدیلار ال مشرکین

 

حکم ایدوب اول ویرون اود، خیمه لر یانسون تمام

نه حرم قالسون بو صحراده نه آثار خیام

خیمه لر اوسته هجوم آور اولوب اشرار شام

سبقت ایلیوب بیر بیره آتلی پیاده، اهل کین

 

وردولار اود خیمه گاهه، اشقیای بد صفات

ظلم اودیله اود دوتوب یاندی خیام طاهرات

بیربیرینه هولدن اولدی پناهنده بنات

دولدوروبدور خیمه گاهی داد و فریاد و انین

 

ایله دوتموشدی او صحرانی غریو و غلغله

شور محشر تک چوله سالمیشدی لشگر زلزله

آتلولار آت اویناداندا ایلینده هلهله

آز قالوردی زهره چاک اولسون، عیال شاه دین

 

عصمت کبری قیزی، یعنی بتوله یادگار

دوندورب یوز یثربه، سسلردی ای باب کبار

اود ایچینده یاندیرور اولادیوی بو اهل نار

کیمسه رحم ایتمز بیزه ای رحمه للعالمین

 

گاهی سسلردی نجفدن اوز آتاسی حیدری

دوندروب گاهی بقیعه یوز، باشندا اللری

گاهی میداندان حسینی آختاروردی گوزلری

یوز دوتاردی گوگلره گاهی پریشان و حزین

 

عرض ایدردی بارالها، قوم بد بنیاده باخ

ظلمه باخ، بو فرقه اشراریده بیداده باخ

بو اوجالمش آهه باخ، بو ناله و فریاده باخ

یا غیاث المستغیثین یا انین المستکین

 

عرض ایدوب بیمار امامه، زینب بی داخواه

ای گیدنلر یادگاری، ای قالانلاره پناه

ظلم اودیله اود دوتوب اودلاندی یاندی خیمه گاه

بس ندور تکلیفیمز ای حجت روی زمین؟

 

صادر اولدی سید سجادیدن امر فرار

امر شه ویردی او جمع بی پناهه انتشار

خیمه لردن هولیله دیشره چخوب خورد و کبار

یوز قویوب صحرایه قاچدی دختران مه جبین

 

نولدی بولمم بس خدایا حال بیمار علیل

قویدولار نمرودیان اود ایچره مانند خلیل

گوز یاشین جاری ایدردی گل یوزه چون سلسبیل

واریدی نه دادرس نه بیر پناه و نه معین

 

هولدن گر چه خانم زینب ایتورموشدی اوزین

ضرب قمچی ایلمشدی نیلی وش، چگنین یوزین

لیک آل اللهدن بیر آن گوتورمزدی گوزین

باشدان آتموشدی ولی اوز فکرین اول عصمت مکین

 

گوردی اود ایچره قالوبدور حجت پروردگار

یوخدی بیر کیمسه یانار اودان اونی ایتسون کنار

یاندی بو احوالی گورجک دوتدی قلبی استنار

گلدی افغانه چکوب دلدن بیر آه آتشین

 

باشدا ایتدی معجرین محکم او درده مبتلا

بیر اوجا صوتیله سسلوب یا علی المرتضی

اوز اوزین ووردی سمندر تک اودا اول بینوا

اود احاطه ایلدی دور و برین مثل نگین

 

تاپدی بیماری اود ایچره گلدی داد و شیونه

ایله دلدن آغلادی اولدی موثر دشمنه

سسلدی ای وای اوغول، عمون اولا قربان سنه

کاش ئولیدی بیله بیر گوندن ازل بو دل غمین

 

باسدی آغوشه عزیز جاننی، ناله کنان

چکدی بیر نوعی کناره جسمنی اول ناتوان

واریدی نه کولگه یر نه سایه نه بیر سایه بان

گون قباقینده قالوب یاندی او فخرالساجدین

 

بانوان عصمتون آردینجا آت سالدی سپاه

بیر بیرینه قورخودان اطفال آپاردیلار پناه

بلمورم نه نوعی سویدی فرقه آیین تباه

مقتله باخسا بولر کیفیتین هر نکته بین

 

کهنه معجر اوسته اولدی ایله بیر جنگ و جدل

سسلنوردی هر بالا ئولدوم بابا امداده گل

نه سویانلار ال چکردی، نه بالا معجردن ال

قرخدان آز عورت اوشاق، اما سویان هشتاد مین

 

نوعروسون آلدیلار بیر نوعیله گوشواره سین

گوز گورر اولسا بصیرت، گوش پاره پاره سین

باغلاماقه تاپمادی معجر، قولاقدا یاره سین

گور نه نوعیله سویولدی عترت حبل المتین

 

هر قیزی ایستردی تعقیب ایلسون بیر کین شعار

اللری باشدا ایدوردی چوللره بیر باش فرار

پا برهنه دل غمین، بیر پارچا صحرا نوک خار

شورش خار مغیلان آرتوروردی شیونین

 

بعضیسی هر قدر قاچماقدا ایدردی اهتمام

عاقبت دلدن دوشوب، بی چاره ایلردی قیام

هولدن بعضی ویرردی آتلویا فوراً سلام

بعضیسی بیر آز قاچوب، باشدان آتاردی معجرین

 

نقل ایدر راوی که گوردوم بیر قیزی ایلور فغان

اود دوتوب دامانی ایلر متصل اشگین روان

حالینه یاندیم دالنجه ایلدیم عطف عنان

تا باخوب گوردی منی، ایتدی نوا اول نازنین

 

سسلدی گلمه ای آتلی، گور بو داد و شیونی

قالمیوبدور بیر زادیم یکسر سویوب قوم دنی

رحم ایله بی جا یره قورخوتما آغلاتما منی

حالیمه باخسا یانار، اولسا اگر قلب آهنین

 

عرض قیلدی ویرمه رخصت بئله اشگ آلوه

اود دوتوب یاندی دلیم، باخدیم سنون احوالیوه

گوردوم اود ایچره یانورسان، بیر یانان یوخ حالیوه

بو اودی گلدیم خموش ایلوم، بالا اولما ظنین

 

آتش ظلمین خموش ایتدیم، اولوب غمدن رها

وار سوزی گوردوم ولی اظهارینه ایلر حیا

عرض قیلدیم دردیوی دئ ای بالا، قیلام دوا

باشینی سالدی اشاقه چکدی آه دلنشین

 

سویلدی قویموب سوسوزلوق دلده قالسون صبر و تاب

اولسا ممکن بیر ایچیم سو ویر منه اولدوم کباب

دولدوروب فوراً گتوردوم من اونا بیر جام آب

بیر سووا باخدی توکوب گوزدن یوزه اشگ ترین

 

معجرین آتدا ووروب جامی چکوب دلدن فغان

دوندوروب یوز خیمه گاهه اولدی شهزاده روان

سویلدیم آیا ندور قصدون بالا ایله بیان

آچدی دل اظهار ایدوب بو نوعیله درد دلین

 

بیر باجیم وار خیمه ده سوزِ عطش دلدن سالوب

طاقتِ صبرین هوانون ایسّیسی الدن آلوب

بولمورم ایتدی سوسوزلوقدان ئولوبدور یا قالوب

من گلنده ، خیمه ده ضعف ایلمشدی اول حزین

 

نفسینی اوز باجیسی نفسندن اول قیز سئچمدی

حضرت عباس تک، رسم وفادن گئچمدی

هر نه اصرار ایلدیم آخر او قیز سو ایچمدی

اوز وفاسین عالمه ویردی نشان اول مه جبین

 

سن اوزون آگاهسن ای خسرو گردون مدار

(عاصی) بی چاریه چوخ تنگ اولوبدور روزگار

گوشه چشمیله هر گه حالیمه ایتسن نظار

قورتولور غمدن گوگل، آسان اولار هر بیر چتین.

 

مرحوم مشهدی حسن عاصی

منبع مجموعه کانالهای مدح و مرثیه

غارت خیام 5614

غارت خیام

 

یادیمه دوشدی گینه بیر ماجرای جانگداز

يتدی قلب ِداغداره تازه دن سوز و گداز

 

دلده سوز چوخدور و لیکن دلده یارا یوخ سوزه

اولماسا اظهارینه دل یار ، دل مشگل دوزه

عشقیده دلدنده بیر امداد لازمدور گوزه

یانماسا دل گوز یاشی آخماز اولونماز کشفِ راز

 

اولماسا عشق عالمنده اوزگه بیر مخفی رموز

بو سیزیلتی جمله اعضادن نئجه ائیلر بروز

دیدهٔ فکریمده هر ساعت مجّسمدور هنوز

عالَمِ مجنون و لیلا ، حالِ محمود و ایاز

 

نه دویار دل ناله دن نه اسگیلور اشکِ بصر

نه اولور محبوبدن لطفاً توجّه مختصر

نه منیم آهیمده واردور قلبِ جانانه اثر

نه اونون هجری گلور صبر دلیمله هم طراز

 

الغرض صبر اولسا افزون طاقت ایّوبدن

عاقبت اولماز نتیجه طالبه مطلوبدن

اولماسا یعنی توجّه حضرتِ محبوبدن

چاره یوخ دردِ فراقه ، شاهدیمدور چاره ساز

 

مسئله آساندی سالما اوز اوزون چوخ مشگله

ناقهٔ فکری آپارما دشتِ پُرآب و گله

گورمسه گوز مقصدی یوخ قلبدن جای گله

یعنی چشمِ دل گرک اولسون رخ ِجانانه باز

 

هر نظرده جلوه لنمز عارضِ ماهِ حسین

قلبیمه آگهدی بوللم قلبِ آگاهِ حسین

صبر ایوین تاراج ایدر تاراجِ خرگاهِ حسین

وار او اودلانموش چادرلاردان بو دلده سوز و ساز

 

آه او ساعتدن جلوریز اشقیای شامِ شوم

ایتدیلر سمتِ خیام ِآلِ اطهاره هجوم

من ديمم نه وضعیله اما یازار اهل ِعلوم

نیزه لر الده ایدوب اعرابِ وحشی ترک تاز

 

شرحيله اوضاعِ غارت اولمیوب اولماز ادا

آتلی لار آت اودینادوردی دشتی دوتموشدی صدا

بیر بولور زهرا نشانی بیرده عالِمدور خدا

واردی اشرار ِشریر شامده نه حرص و آز

 

خامه عاجز دور او حالین شرحین ایتسین آه آه

آت دوشُنده چوللره سالمشدی اطفالی سپاه

سن تصوّر ائت او اوضاعی نه لازمدور گواه

گور نولی حالی اولا صَعوه اسیرِ شاهباز

 

آشیانی اودلانان قوش تک اوشاقلار بالتّمام

بیر بیرینون سایه سینده دالدالانمشدی تمام

ظلمیله بال و پری مکسور بیر دسته حمام

گوئیا اولموشدی نخجیرِ ستم صیدِ گراز

 

بیر بالا قیز یوز قویوب صحرایه چون صيدِ حرم

رحم سیز صیّاد الیندن گوئیا ایلوبدی رم

بیر یانا امّا قاچانماز بانوانِ محترم

اودلانان خرگاهی مسکن فرض ایدیر ناچار باز

 

حالی اطفالین مجسمدورگوزومده تک به تک

بعضينون اعضاسی تترر قورخودان گُلبرگ تک

بعضی جویای نجفدور چون گورر یوخدور کمک

گور نجف شاهی یانار بو حاله آغلار آغلاماز؟

 

بیر طرف دشمن سسی بیر یاندا شورِ انقلاب

بیر طرف اود شعله سی بیر یاندا سوز ِآفتاب

غصّه دن یانمیش جگر ، سوزِ عطشدن دلکباب

صيحه دن دوتقون صدا غمدن گره لنموش بوغاز

 

پردهٔ عصمتده بسلنمیش بیر اطفالِ عزیز

گور قالور نه حاله اصلا گورمیوب جنگ و گریز

ایله بیر هنگامه اولدی ایله شور ِرستخیز

قومیله بیگانيه اولمازدی ویرماق امتیاز

 

مطلبی آنلار او کس که اهلی اولسا مطلبین

قالدی غارتده نه حاله دخترانِ مه جبین

بولدی بیر زینب ولی حالین جنابِ زینبين

خالقِ عالَم بولور بيرده شهنشاهِ حجاز

 

ایستدی اوز خدمتين اتمام ایده قارداشینه

جمع ایدوب چولدن قاچان اطفالی یغدی باشینه

ال چکوب لطفيله بیر بیر زلفینه گوز قاشنه

نازینی چکدی نجه که دائماً چکمیشدی ناز

 

بیر به بیر سایدی بناتی گوردی یوخدور بیر عروس

بیر بیره حسرت الین وررُدی چکوب آه و فسوس

داد ظلموندن سنون ، آه ای سپهرِ آبنوس

کینه دن دویماز بو چرخ ِکینه ساز و حقّه باز

 

شرحینه مانع اولور شرمِ امامِ ممتحن

ایتميوب شرم ائیلدی بیر ظلم بو چرخِ کهن

لیک لازمدور بیان ِمجملیله بو محن

ذکر اولا ، چون حضرت صادق ئوزی ائیلوب مجاز

 

قان دولان دشتی گزوب حالِ خروش و جوشده

عمّه سی تاپدی اونی ضعف عالمنده هوشده

قانی زلفوندن آخور ، یوخ گوشواره گوشده

آلدی دیز اوسته باشین علیا جنابِ دل نواز

 

تاپمادی سو چشمهٔ چشمین عذاره باغلادی

هوشه گتدی مجتبا قلبين دوباره داغلادی

عمّه توکدی گوز یاشی ، قارداش بالاسی آغلادی

گوردی باشدا معجری یوخ ایلدی ابرازِ راز

 

عمه جان دورما گورورسن دور برده وار رجال

تیز تدارک ایله بیر معجر منیم باشیمه سال

سویلدی یوخ منده ده معجر آلوب قومِ ضلال

آغلاما چوخ قلبمی یاندیرما ساکت اول بیر آز

 

من دیمم غارت گونی اولدی حقارت زینبه

ظلم الين آچدی ایدوب بیر کس جسارت زينبه

اولدی امّا مین قیامت بیر او غارت زینبه

شرح ويرسم مطلبه سوز چوخ تاپار طول دراز

 

اوزگه بیر هنگامه اولدی شوریله باشین آچان

هوليله صحرایه بیر باش اللری باشدا قاچان

بیر بالا سویلر عموم يارب گلور آیا هاچان

بیر بالا شه انتظارینده قاباقدا جانماز

 

شه نمازندن صورا هر گونده بو شهزاده نی

همدم ایلردی اوزونه نازیله آزاده نی

گونده کی حالیله سالمیشدی یره سجّاده نی

نولدی سویلردی نمازه گلمدی رکنِ نماز

 

سنده بو محنتده قان آغلا ایا صاحب زمان

داخل اولدی خیمیه شمرِ ستمگر ناگهان

نحس الینده بیر کسوک باشدان آخاردی تازه قان

یعنی آندیردی بابان قانیله آلدی دستماز

 

ذکر اولوب از بس بو سوزلر هی منابرده کرار

خلق ایچینده عادی بیر سوز فرض اولورافسانه وار

بو نه سوزدی خیمه لر اودلاندی اود چکدی شرار

قالدی بیمار اوردا ایتدی حقیله راز و نیاز

 

حشره دین سونمز دلِ اهل محبتدّن او نار

قلب ِزهراده او اوددان ایمدیده واراستنار

ایلدی بیماری اوددان زینب کبرا کنار

دينه امداد ایلیوب اسلامی ایتدی سرفراز

 

نقل ایدر راوی که گوردوم بیر قیزین دامانینی

اود دوتوب بولمور اوزی یاددان چخار دوب جانینی

ایتما قاخاموش او طفلين آتشِ سوزانینی

من آتا مهمیز گوستردیم او ایتدی احتراز

 

احتراز : دوری کردن ، فرار کردن

 

گوردی آز قالديم يتم بولموردی چون آهنگیمی

دوردی ناچار بولوب مأمن ركاب خنگیمی

بیرسلام ایتدی گتوردی رحمه قلب سنگیمی

آتشین آهیله آهن قلبیمه سالدی گداز

 

دامنین خاموش ایتدیم ورمادیم اینجتمدیم

مهربانلوق گوردی باخدی حسرتیله اول یتیم

آنلادیم وار دردی اظهار ایلینمور من دیدیم

هر نه وار دردون دئ قوخما باخما چون اهلِ نیاز

 

رمزيله اول نازدانه ایتدی اظهار ِعطش

دفعتاً سو حاضر ایتدیم ، ایچمدی اول ماه وش

سویلدی بو خیمه گهده بیر باجیم ایتمشدی غش

تا سوسوزدور او سویی من نفسیمه بولمم جواز

 

گر چه سولموشدی یوزی پژمرده وَردِ یاس تک

بیر وفا امّا نشان ویردی شجاعِ ناس تک

اولمادی سیراب عموسی حضرتِ عباس تک

بو وفائیله بودا تاپدی بیر عالی امتیاز

 

آه او ساعتدن که تاپدی امرِ غارت خاتمه

دستگیر ِاشقیا اولدی بناتِ فاطمه

یوخ بير اوزگه شاهدیم بو مطلبه اثباتیمه

لیک حاضر اولدی امّا نچه ناقه ، بی جهاز

 

چوخ بيوکدور چون مقامِ زینب علیا جناب

آشکار اولمازدی شأنی عالمه چون آفتاب

کوفیه وارد اولان ساعتده بو عصمت مآب

ائتمیدی شه باشی نوک جداده پیشواز

 

بولدی شهزاده گلور شه چخدی استقبالینه

لطفِ شه شهزاده نون تغییر ویردی حالينه

تا ساتاشدی گوزلری شاهون جمال آلینه

بولدوروب خلقه ندور اصلِ حقیقت یا مجاز

 

گوردی قانی ابر تک حایلدی بدر ِکامله

اولمادی ممکن او قانی شه جمالندن سیله

اوزلقندان چیخدی باشین چالدی چوبِ محمله

دوزدی بولمز اوز اوزون عشق عالمنده عشقباز

 

کوفه نه کوفه نه بازار و نجه بیر رهگذار

تنگ ایدوب راهِ عبوری ، جمع خلق انتظار

ناقه ده نی تک سئیزیلدار آغلاشور اطفالِ زار

دولدوروب مُلک ِعراقی نغمهء شور و حجاز

 

گئچمرم اندازه دن چوخ ایتمرم واضح بیان

محنت ِکوفه ایدوب کلثومی امّا باغريقان

نان و خرمانی اوشاقلاردان آلوب سویلوب عیان

حق تصدّقدن ایدوب بیز اهلبیتی بی نیاز

 

تنگ اولوب گوگلون ایدوب سن (شأنیا) یادِ وطن

صبریوی الدن آوبدور ذوق ِاستادِ وطن

یعنی (سعدیّ زمان ) اول فخرِ افرادِ وطن

سنده فخر ائت سوز یازاندا اوّل آغلا ساده یاز

 

یادیمه دوشدوقجا جور ِشمرِ شوم و زجرِ زجر

روحیمه واللهی معناده ویرر اول زجر ، زجر

باعثی بو نوحه نون البّته ایستر اجر اجر

یادیمه دوشدی گینه بیر ماجرای جان گداز.

 

مرحوم شانی تبریزی

منبع مجموعه کانالهای مدح و مرثیه

احوات غارت 5222

احوات غارت

 

غارت گونونده غارته غارتگر آغلادی

از بسکه غارته گیدن عورتلر آغلادی

 

آل رسول چکدیله چون وا محمدا

بو حالته ملشدی پیمبر لر آغلادی

 

خرد و بزرگ چکدیله فریاد یا علی

ملک نجف صدایه گلوب حیدر آغلادی

 

اسلام دینینون او حیالی خانم لارین

اسلام اهلی سوی دیلا کافر لر آغلادی

 

اوراق گل کیمی داغیلوب چون یتیم لر

شبنم دیمه سرشگ توکوب گل لر آغلادی

 

زاغ و زغن داراشدیلا گلزار حیدره

چون قیل و قال ایتدیله بلبل لر آغلادی

 

باشلار آچیلدی ساچلاری چون توکدولر یره

زلفین توکوب گل اوستونه سنبل لر آغلادی

 

زینب باشندان آلدیلا چون قاره معجری

زهرا که ویردی زینبینه معجر آغلادی

 

آل رسول حالینه قان آغلیوب حسین

پیکر یر اوسته نوک سناندا سر آغلادی

 

لیلا چکنده شیونیله وا محمدا

میدان کربلاده علی اکبر آغلادی

 

بو تعزیت سرانی یازان وقتده دخیل

کلک و مداد و صفحه ده هم مسطر آغلادی

 

مرحوم دخیل مراغه ای

منبع مجموعه کانالهای مدح و مرثیه

احوالات حضرت رقیه (س) در غارت خیام 5022

احوالات حضرت رقیه (سلام الله)

در غارت خیام

 

بالا قیزلار توکولوب چوللره آهو مثلی

یوز قویوب سمت بیابانه حسینون گوزلی

 

درک ایدوب واردی کمینینده اونون اعدادن

ایسته دی اوندا مدد فاطمه ی زهرادن

 

سسلدی داده یتیش آی ننه یاندی اورگیم

اورگیم مثلی یانور نار جفاده اتگیم

 

آغلیور گور نجه گلشنده گل یاس منه

بویور ای بضعه ی طاها بوگل یاسمنه

 

بیرقیزعالمده اولاشیرخدانون نوه سی

اولااولاد رسول الله اونون خویش وکسی

 

بیرقیزعالمده اولا اکبرواصغرباجیسی

قاره معجرله اولاکعبه عشقین حاجیسی

 

مست ایدن لعل شکرخاسی بوتون قدوسی

دائمابوسه گه زینب اولان مه روسی

 

بیرقیزعالمده گزه گلشن وباغ وچمنی

مات ایدن فیض کمالی بوتون اهل وطنی

 

بیرقیزعالمده اگرطیب الانفاس اولسا

بیرقیزین نازچکنی حضرت عباس اولسا

 

بیربیله قیز آناجان من قالان احواله قالار

قوریوب دل دوداقی سوزعطشدن سارالار

 

بیربیله قیز غم اوخون سینه عشاقه ساچار

پا برهنه الی باشدا تیکان اوستونده قاچار

در احوالات غارت خیام 3813

در احوالات غارت خیام

 

چه آتشها به جان زآه دل لب تشنگان دارم

بدل دود شرار خیمه آن دودمان دارم

 

زده برخیمه سجاد آتش لشکرعدوان

فتاده شمع درفانوس لرزان با دل سوزان

بدورش زینب غمخواره چون پروانه سرگردان

ازاین پروانه ازاین شمع صدها داستان دارم

 

چنان مردانه  خودرا زد به شعله دختر زهرا

نه ازاتش نموده باک ونه ازطعنه اعدا

تماشای محبت کن بحال سوختن گفتا

مناین اتش خریدارم بچانم تاکه جان دارم

 

بلارا درازل طالب نشدهرکس پشیمان شد

نصیب گوهرمحنت مرا باقیمت جان شد

بمن هرنوع اتش درطریق عشق ارزانشد

سمندرواردرکانون اتش اشیان دارم

 

که دیده شمع را پروانه درعالم به برگیرد

موفق بروصالش ناشده اتش زپر گیرد

ولی این شمع و این پروانه دریکجا شررگیرد

کمال عشق مطلق را من ازاینها نشان دارم

 

گرفته دربغل قرص قمرخورشیدرخشان را

کواکب شدپراکندهتعادل رفت میزان را

چنان تیرشهاب اختران زدشعله کیوان را

که تا رورقیامت این نشان درکهکشان دارم

 

گشوده دست غارت برحریم اوباش نامحرم

به یغما معجرزهرا برفت پرده مریم

نهاده رو بصحرا اختران سیدعالم

دل ویرانه از ویرانی ان خاندان دارم

 

زدیده خون فشاندتاقیامت دیده پروین

به حال ان گلستانیکه مستولی شودگلچین

زده اتش بگلزاررسالتقوم بدائین

چو لاله کاسه دل پر زخون ارغوان دارم

 

بیکجا جمع کن(اشکی)تو اشعار(کلامی)را

که این سرمایه عقبا بودان مرد نامی را

باتمام نواقص سعی کن بردار گامی را

بگو منهم بسان ان پدر طبع روان دارم

 

مرحوم کلامی تبریزی

منبع کانال گنجینه گذشتگان

احوالات غارت خیام 3720

احوالات غارت خیام

 

آچیلدی ظلم الی چون دختران زهرایه

اوجالدی داد و فغان طاق عرش اعلایه

 

نجه سویولدی اوگون بلمم ال پیغمبر

بهشت عدنیده آرتدی ملال پیغمبر

 

سالوبلا آت دوشونه اهلبیت زهرانی

حرم غزاله لری دولدوروب او صحرانی

 

بالاج قیزلاز اودم آهو تک کمنده دوشوب

او دشتیده هامی صیاد الینده بنده دوشوب

 

باخاردی حسرتیله بیر طرفده تازه عروس

چکردی آه ایدردی او حاله چوخ افسوس

 

الینده نیزه گوروب بیر ستم شعار گلور

عروسی قصد ایلیوبدور اونابکار گلور

 

اوزینه بلمدی اول شاهزاده بیر چاره

دوشوبدی حوله قاچوب رنگی قالدی آواره

 

نه وار عمو نه عم اوغلی نه قوم و نه قارداش

دیردی اوز اوزینه نیلیوم من کلباش

 

اوزین کنا ر ایلیه بلمدی مصیبتدن

بو فکره دوشدی که قاچسون یخلدی وحشتدن

 

او غم کشیده دوروب بیر نچه قدم قاچدی

یتوب او کافر اونا جور و ظلم الین آچدی

 

نه ظلم ایدوب او دنی کونی غمله دولدوردی

حسین عزیزینه بیر کعب نیزه اندوردی

 

بیله جفا و ستم گورممیشدی اول غم کش

کسیلدی طاقت و صبری یخلدی ایلدی غش

 

بیان ظلمینه عاجزدی دل دلیم یانسون

نجه دله گتوروم وار یری دل اودلانسون

 

یتوشدی زینب خاتون جوخ اضطرابیله

گوتوردی باشینی یردن اونون شتابیله

 

بیریسی غش ایده آخر سپله سو یوزینه

باخوب او حالته زینبیاناردی اوز اوزینه

 

یوزینه سپماقا سو اولمادی ایدوب ناله

گتوردی بلمم عروسی ننوعیله حاله

 

گوز آجدی عمه سینی گوردی بیر اورکلندی

یوخیدی دل ولی بی اختیار دلندی

 

دیدی که عمه عجب آخموری بو گوز یاشیم

گیدوبدی معجر و خلخال آچوق قالوب باشیم

 

الوبدی دوره میزی بیله فوجیله دشمن

واروندی حایل اگر ویر یوزیمی اورتوم من

 

دیدی ایدوبله منی اهل کوفه شرمنده

سویولموشام بیبین السون سنین کیمی منده

 

بو گون بو دشتیده غم غصه ده بیلیم بوکولوب

ایاقه دور که گوروم باشیمه نه کول توکولوب

 

یانوبدی قلبیم علاوه گتورمه سن درده

یتیملر داغولوبلار قالوبلا چوللرده

 

خیال آل پیمبر منی سالوب دلدن

صغیر اشاقلاری بیر بیر گرک یغام چولدن

 

بنات حیدره یوخ رحم ایدن بو لشکرده

ووروبلا خیملره اود یانور سرا پرده

 

دوتوبدی دورهمی دشمن یوخومدی غم خواریم

یانان چادردا اود ایچره قالوبدی بیماریم

 

شکسته خاطریم اندوه و عمله اودلاندی

بو قدر ایلمه تاخیر دور بالام یاندی

 

بو محنت و غمه وورما داخی قلم (زایر)

تمام عالمی غمگین ایدوب بوغم (زایر)

 

مرحوم زایر تبریزی

منبع کانال گنجینه گذشتگان

زبانحال حضرت زینب (س) در غارت خیمه ها 3700

زبانحال حضرت زینب (سلام الله)

در غارت خیمه ها 

 

داغیلدی ظلمیله پرگارزینب

پوزولدی رونق بازارزینب

 

یتوشدی بیر به بیر قتله جوانلار

فرات استه دوشوب قولسوز علمدار

گبدوب الدن هامی اعوان و انصار

قالوب بی مونس و غمخوارزینب

 

دیردی هارداسان ای شاه بطحا

قالوب دشمن ایچنده آل طاها

سویولاراهل بیتین قوم اعدا

علاج ایله قالوب ناچار زینب

 

تالاندی خیملر باغلاندی قولار

حرم آهولری اولدی گرفتار

اسیرو بسته زنجیرکفار

اولوب چون عابد بیمارزینب

 

باخاردی هریانا میدان ایچنده

گورردی تک اوزین عدوان ایچنده

نه گوردی غسلوسوز آلقان ایچنده

دوشوب بی سرشه بی یارزینب

 

او دم ویردی اجازه گوزیاشینا

سپوب تپراقلاری اول وقت باشینا

خطاب ایتدی یارالی قارداشینا

دور ای آرام قلب زار زینب

 

گوز آچ گورنه قیامتدور برادر

ایدوله چوخ جسارت بیزه لشکر

تسلی ویر دوشوب خوفه حرملر

ایده دردین کیمه اظهارزینب

 

سکینه گوزیاشیله کاروانی

ووروب لنگه چیخوب عرشه فغانی

ایاقه دور دگل الماق زمانی

اویان ای قافله سالارزینب

 

ندن یتمز بو سس شیر خدایه

او قدراولمازمسافت کربلایه

خدایا بس ندن گلمورهوایه

نجفدن حیدرکرارزینب

 

مرحوم حقیرخوئی

منبع کانال گنجینه گذشتگان 

غارت خیام 2952

غارت خیام

 

زمان عصریدی قتل حسین تاپوب پایان

لباسینی آپاروب نعشین ائتدیلر عریان

 

قوشون او وقتده غارت اجازه سین آلدی

سوار اولان آتینا خیمه گاهه آت سالدی

 

سواره لر دالیسیجاق گلوب پیاده نظام

محاصره اولوب آتلو پیاده ایله خیام

 

قاچاق یولی کسیلوب ممکن اولمادی قاچماق

آراده قالدی بیر عده اسیر عورت اوشاق

 

عرب اولا سوزی قانماز اوزی بیابانی

گوره طلاو جواهر حریر و دیبانی

 

عرب که گورممیش عمرینده خیمه قبه سی زر

الینه فرصت غارت دوشنده گور نیلر

 

اوشاقلارین ال آتوب دوتدیلار گریبانین

سویوندوروبلا ازلجه لباس الوانین

 

صورا آلوبلا خلخال و گوشواره لرین

سویولمامیش اولان قویمادیلا بیر نفرین

 

او دم حرملره برپا قیامت ایلدیلر

حرمسرانی داغیتیدیلا غارت ایلدیلر

 

حرمسراده حرملرده ظلم یغمادن

قوتاردی قالمادی بیر زاد اومال دنیادن

 

بو شرحی عالم و فاضل سلاله الطیاب

بویوردی حضرت سید غنی حمیده مآب

 

نئجه قوشوون یوواسین تارومار ائدر صیاد

دوشر یئره بالاجا قوشلار ایلیور فریاد

 

او قوشلارون آناسی ایلیور هواده تلاش

اوچار گوگه بالالار اوستونه انور بیر باش

 

وورار داشا آغاجاخول بوداقه شهپرینی

انور هراسیله چنگالینه وورار بیرینی

 

او بچه مرغلری دام ظلمدن قوتارار

اوزین وئرور ئولومه بیربه بیر دوتوب آپارور

 

اونون تک ائتدیله سوزان حسین خانه سینی

داغیتیلاربالا قیزلارون آشیانه سینی

 

داغیلدی چوللره صیاددن قاچان قیزلار

اتکلرینده آلودان قناد آچان قیزلار

 

اگر چه دوتدی دومان توسدی زینبون گوزینی

گینه اوحالدا او خاتون ایتورمدی اوزینی

 

اوزینی قمچی لر آلتدا هلاکته سالدی

اوچوب قنادین او قوش تک داغا

 

داشاچالدی آتان زمانیده صیاد اونا جفا داشی

خانم قباقه وئرردی قولونی یا باشینی

 

تلاش قیلدی او شهباز او قدری چیرپیندی

دئمک اولار توخانوب داشه شهپری سیندی

 

اوچوب دوشوب یئره صیادیلن ائدوب دعوا

اله گلن قیزی گیزلتدی شهپری آلتدا

 

آچوبدو ساچلارینی توکدی قیزلارون باشینا

اوتوردی دامنینی چکدی قیزلارون باشینا

 

مرحوم یحیوی

منبع مجموعه کانالهای مدح و مرثیه

احوالات غارت خیام 2763

احوالات غارت خیام

 

شهادت امرینی ختم ایتدی تا او قوم رجیم

ایدوبله سرعتیله امر غارتی تصمیم

 

توکولدی خیمیه بیر وضع حالیله لشگر

او داغدار اورکلر دوباره اولدی دونیم

 

قیامت عالمی، مشگل ایله بیر عالم اولا

گرک دیاخ اونا صغرا، بوییدی حشر عظیم

 

عراق دشتنی دوتموشدی شور و شیون و شین

او شور شینی گوروب شوره گلدی عظم رمیم

 

محالدور گله شرحه، حکایت غارت

او نوعیله که ایدوب راقمان قصه، رقیم

 

امام قتلینه اقدام ایدوب یغشمیشدی

هوای جیفه دنیائیله سپاه لئیم

 

ایله جماعته فرمان غارت اولسا صدور

سویار نه حالیله؟ آنلار او حالی، وهم فهیم

 

دئسم که آغلادی گودال قتلگهده حسین

سوزوم غلط دگی، سلطان دیندی، کف کریم

 

او نازیله بویین، قورخی گورمین بالالار

باخاندا هر یانا دشمن گوروب، نه خویش حمیم

 

ایدنمیوب علما، لشکرین سائین معلوم

نقدریمش اونا عالمدی بیر خدای عظیم

 

ائیگرمیدن بیری، ببر وصله قسمت آلمازدی

اولیدی خیمه لر اموالی سر به سر تقسیم

 

اودور که الده چوخی تازیانه یا نیزه

ایدردی غیظله، بی حرمتانه قصد حریم

 

بیری قوواردی قاچان بیر یتیمی، باخمازدی

که تیترر عرش عظیم آغلیاندا طفل یتیم

 

بیری قاچوب یخیلاردی، دوراردی تیترردی

ز بسکه قلبینی وحشت آلوردی، جانینی بیم

 

او اضطرابی هنوز ایمدیده نشان وروری

بهار فصلی چمنده، گله دگنده نسیم

 

او خوردا قیزلارین حالین گورئیدی زینب تک

یقین قیامته دین، امهات اولوردی عقیم

 

اگر چه قاسم شهزاده دن حیا ایدیرم

ولی اولیدی مشیتده اقتضای حکیم

 

گرک عروسی قاچا، چوللری دوتا آهی

تاپولمیا اونا بیر رحم ایدن، خدای رحیم

 

ال آتدی من دئمورم گوشواره سین آلدی

نه جراءتیله آچلسون او ماجرایه دلیم

 

خبر دیور قولاقی پاره لندی، قان آخدی

شقاوتنده ز بس اول شقی، واریدی مقیم

 

یخلدی غش ایلدی، مجتبا گوزوندن ایراق

اولوب بهشتده رنجور، اول امام علیم

 

گلنده هوشه او شیرین دل، ایتدی استشمام

مشام جانه گلور بیر دل آشناسی شمیم

 

گوروبکه عمه سی زینبدی آغلیان گوزیله

بلالی باشین ایدوب داغلی سینه سینده ضمیم

 

بنی امیه گورون جراتی هارا یتوروب

همان او جراءتین عاجزدی شرحینه قلمیم

 

الینده خنجری شمرین غلامی داخل اولوب

او خیمیه که اولا پاسبان سزادی کلیم

 

گوروب او خیمه ده بر نازنین وجود یاتوب

اوزی مریض دی، اونداندی خلقه فیض عمیم

 

نجه مریض؟ نه بیر حالنه نوازش ایدن

نجه علیل، نه بیر مونس و نه یار و ندیم

 

نجه علیل، نه بیر باشی اوسته آنین اوغان

نجه علیل نه بیر شربت و دوا و حکیم

 

نجه علیل که اونداندی هر دوای علیل

نجه علیل که اونداندی هر شفای یتیم

 

گنه او شان و جلالیله، اول مقامیله

علیل حالنه رحم ایتمدی او شوم زنیم

 

چکوبدی غیظله سجاده سین، یوز اوسته دوشوب

او نازنین بدنی که اویودی عرشه قویم

 

یخلدی ناطق قرآن، ضعف حالینده

او حالدن پوزولوب انتظام هفت حمیم

 

ال آتدی تاجنی باشدان گوتوردی روح الامین

دئدی نه لازمه دور تاج و افسر و دیهیم؟

 

ویروبدی لشگره سعد اوغلی تازه دن فرمان

بو خیمه گاهه وورون اود یانا گروه جهیم

 

دوباره آتش نمرود شعله لندی او گون

یانار اود ایچره قالوب، یاندی آل ابراهیم

 

همان او بارش درد و بلا یاغان چولده

هوا یوزونده گوروندی همان او دودیله غمیم

 

گلوبدی خدمت بیماره زینب عرض ایلدی

که ای باباسی اولان جنت و جنانه قسیم

 

ندور علاجیمز؟ اود دوتدی خیمه لر یاندی

اگر ایستیوبدی خدا بیز یاناخ اولاخ تسلیم

 

بویوردی عمه چیخون چوللره فرار ایلیون

یازیلمیوب یانار اود ایچره یانماق عهد قدیم

 

داغلدی چوللره بیر حالیده بالا بالالار

که آشیانی یانان قوش گرگ آلا تعلیم

 

قاچوردی بیر بالا، گوردی گلور سواره دوروب

دایاندی ویردی سلام آتلیه ایدوب تعظیم

 

یتشدی دامننین آتشین خموش ایلدی

اذیت ایتمدی شاد اولدی، اول یتیم الیم

 

دئدی گل ایمدی نشان ویر منه نجف یولونی

سن ایمدیکه من بی یاره ایلدون تکریم

 

سوال ایلدی سرین، جواب ویردی او قیز

نجفده کی علی المرتضا بابامدی منیم

 

روایت ایلوری راوی، باخوب او دم گوردوم

که ببر مجلله عورت، بلند قد و جسیم

 

گیرور یانار اودا دائم چیخور، دئدیم یارب

نقدر بوندا مگر وار علاقه زر و سیم؟

 

پوزولدی حالیم اونون پوزقون حالنی گورجک

او زار و مضطره اودلاندی واقعاً جگریم

 

الیمده نیزه یوگوردوم قباقینی کسدیم

که قویمیام یانا، اخلاصیمی ایدم تقدیم

 

گوروبکه چاره کسلدی دالی دالی چکلوب

یوزون دوتوب گوگه، عرض ایتدی ای خدای کریم

 

بالام قالوب اود ایچینده ندور علاجیم بس؟

اماندی چاره ایله، چاره دن اوزولدی الیم

 

اگر چه (شانی) الون بوشدی مال دنیادن

ندور مطابق نطق و کلام و طبع سلیم

 

خدا کریم دی، هر بیتوه ویرر بیر بیت

حسین سونلره تقسیم اولاندا خلد و نعیم

 

مرحوم استاد شانی

منبع مجموعه کانالهای مدح و مرثیه

احوالات شهادت دو طفل در موقع غارت خیمه ها 2385

احوالات شهادت دو طفل

در موقع غارت خیمه ها

 

فلک با عترت آلعلی لختی مدارا کن

مدارا کن به آل لله و شرم از زهرا کن

 

ره شام است درپیش و هزاران محنت اندر پی

به اهلبیت رحمی ای فلک درکوه و صحرا کن

 

شب تاریک و مرکب ناقه عریان به آرامی

بران اشتر نگویم مهد زرینشان مهیا کن

 

شب ار طفلی زپشت ناقه برروی زمین افتد

بآرامی بگیرش دست و بیرون خارش از پاکن

 

فلک ان روز که خرگاه ولایت را زدی آتش

دوکودک زان میان گم شد بگرد ای چرخ پیدا کن

 

شود مهرومهت گم ای فلک از مشرق و مغرب

بجوی این ماهرویان و دل زینب تسلا کن

 

بصرا ام کلثوم ست و زینب هردو درگردش

تو هم بااین دوبانو جستجو در خار و خارا کن

 

اگرپیدا نگشتند این دو طفل بی پدر امشب

مهیای عقوبت خویش را فردا مهیا کن

 

گمانم زیر خاری هردو جان دادند با خواری

به زیر خار گلهای امامت را تماشا کن

 

اگرچه هرنفس دور تو ظلم تازه ای دارد

بس است ای آسمان ظلم و ستم اندازه ای  دارد

 

صبوری خراسانی

منبع کانال گنجینه گذشتگان

احوالات حضرت رقیه (س) در غارت 2216

احوالات حضرت رقیه(سلام الله) 

 در غارت

 

نجور خار اوسته بیر بلبل  گزور  تا عشقینی تاپسون

گئچور   جاننان   اودا   بلکه   روان   کوی  یار اولسون

 

ولی عاشق اودور چکسون ئوز عشقینده  وطننن اَل

دولانسون    چولَّری   لیکن   اسیر   روزگــار   اولسون

 

بویانـسون   یار  و  انصاری   قزل   قانه   ولـی   اوّل

ئوز   اوغلی  تشنه لب   منقذ   اَلیلن   تار ومار اولسون

 

یئتیسـشون   بونه   قارداشی    ابـالفـضـل   علمداره

اودا نهر اوسته قولسوز جان وئروب خدمتگذار اولسون

 

اوشاخلار  آغلاشوب، یانسین اورگلر بی قرار اولسون

 

وئریلسون   غــارته  فرمان  او  لحظه   کـوفه   اهلیننن

بیری   یاندیرماغا    گلسون   بیری   آثار زار اولسون

 

سمایه   شعله  قوزانسون   بیری  یانسون بیری   قاچسون

بیری   غشّ   ایلیوب   قالسون بیریسی دلفکار اولسون

 

اوجالسون گویلره ناله اوغول گل  هاردا   قالدون   پس

عموسین  سسله سین قلبی دولی پر اضطرار اولسون

 

اوجا بوی بیر  خانم  غمنن  آغارسین  ساچلاری   ، قدّی

بوگولسون، آهی قوزانسون اورگلر داغدار اولسون

 

بیری اوچ سینّیده رنگی سارالسون گول کیمی سولسون

باشندا   اَلَّری   قاچسون   بیابانه    فرار اولسون

 

سوسوز یورقون ولی پای  برهنه   چولَّره   قاچسون

اوزی   گولدور  ولی خاره پناه انزجار اولسون

 

ازلدن رسمیدور آهو  قاچار   گر  گورسه   صیّادی

قویار یوز  بلکه صحرایه،شکاریننن حصار اولسون

 

ولی   بو   طـفل  مظـلومه  گورنده  غارت  و ناری

قاچوب   صحرایه   ساری تا بلایادن کنار السون

 

قاچوب آهو کیمین طفل سه ساله دوشدی طاقتدن

گوروبکی  گلدی  صیاد جفا پیشه ،شکار اولسون

 

اشاره   ائتـدی   کافر   سـتمـگر   خـیزرانه    باخ

ایکی  گوشواره سی باشدا قراسی یادگار اولسون

 

گرک تقسیم اولا گوشواره سی  سنده  بیری   منده

بولونسون معجری تا کی عدالت بر قرار اولسون

 

گلوبدور خیزران نطقه دئدی چوخ عالیدور فکرون

گرک بیر ایش گورم اما بو قیز درده دچار اولسون

 

دئدی بیر سیلی ویرّام من یوزوندن ثانی تک الآن

طلا  و  قاره  معجرده    سنین ،  ایش  سازگار اوسون

 

ولی بو خیزران بیر ایش گوروب کی شیعلر قلبی

بو محنتده یانوب گوندوزلری چون لیل تار اولسون

 

هوادن   گـر   یئنه   سیلی   یتیمه   بیر   قیزا   نیلر

یئری    وار   شیعلر   قلبی   بو غمده داغدار اولسون

 

دینده سیلی زهرای  سه  ساله   هوشیدن   گئتدی

ییخیلدی  تپراقین اوسته کی غمنن جان نثار اولسون

 

یئری وار حضرت زهرا   گلوب   آغوشینه   آلسون

یوزونده   سیلی   ردّین   تا   گورنده   اشکبار اولسون

 

اگر    بیر   عورته   سیلی   دیه   محـکم   مگـر   نیلر

ائله بیر ایش گورر یوز هم گووَرسین هم غبار اولسون

احوالات غارت خیام 1921

احوالات غارت خیام

 

چون کربلاده امر شهادت تمامیدی

لشگر خیالی غارت و نهب خیامیدی

 

آتلاندی هایهوئیله هشتاد مین قوشون

بیر قیل و قال و همهمه بیر ازدحامیدی

 

دوتموشدی کربلا چولینی شورش عظیم

گویا او عرصگهده قیامت قیامیدی

 

بیر کربلا یرینده دگلدی بو انقلاب

پر شورو شین، نه فلک نیلفامیدی

 

قطب مدار عالم او گون واژگونیدی

نظم و نظام کون و مکان بی نظامیدی

 

دگمشدیلر ثوابت و سیار بیر بیره

سیر و ثبات رشته سی بی انتظامیدی

 

دوشموش وفا سپهرینون اولدوزلاری یره

سیار عشقه برج شهادت مقامیدی

 

سونموشدی نور محض، دوتولموشدی گون یوزی

ظلمات غمدن عالم او گون تیره شامیدی

 

اولموشدی منخسف قمر آل هاشمی

آفاق شرق و غرب، تماماً ظلامیدی

 

بیر وضعیله خیامه هجوم ایلدی قوشون

گویا تمام قصدلری قتل عامیدی

 

بعضیلر الده نیزه لرین اوینادوردولار

بعضینون الده خنجر کین بی نیامیدی

 

آتلی پیاده سبقت ایدردی بیری بیره

سویلردیلر گلین که بو بدر انتقامیدی

 

عورت اوشاق گورون نه چکر؟ بولمورم بولن

بیر اوزلریدی بیرده بولن لاینامیدی

 

قورخی سوسوزلوق، ایسی هوا، دل دوداق قوری

گوزلر لبالب اشگیله گویا که جامیدی

 

باتمیشدی سینه لرده نفسلر تمامیسی

دوشموشدی نطقدن هامی دل لاکلامیدی

 

اشرار شام و کوفه شروع ایتدی غارته

غارت دئمه معاینه حشر عظامیدی

 

هی سسلنوب آنا بالا، تاپمازدی بیر بیرین

یوز دوندرنده هر طرفه اهل شامیدی

 

ظلمه دچار اولان سویولان، سایدا یوزدن آز

اما سویان نچه مین، الدالخصامیدی

 

بیر پاره معجرین هره بیر گوشه سین دوتوب

جبر و تعدیاتیله کشف لثامیدی

 

دوشموشدی چوللره حرم آهوسی بیر سوری

باشدان باشا قورولموش او صحراده دامیدی

 

آتلار دوشونده چوللره سالموشدی اشقیا

هر بیر بالا غزاله کیمی خوشخرامیدی

 

بعضی ببر آز قاچوب یخیلوردی دوراردی تز

ایلردی قاچماقا نقدر اهتمامیدی

 

بعضی الی باشندا قویوب قتلگاهه یوز

مقصودی شاه دامنینه اعتصامیدی

 

بعضی گورردی دیزلری تیترور قاچانموری

مجبور اولوردی دورماقا، صیاده رامیدی

 

فریاد ایدردی گلمه ای آتلی سویولموشام

والله گیدوب الیمدن او که پربهامیدی

 

خلخال و گوشوار و زر و زیوریم گیدوب

قالموب اولار که لایقه اغتنامیدی

 

عمم سویوندوروب هاموسون ویردی سیزلره

هر زیب و زیوریم که سیزه عین کامیدی

 

ببر بو عبا باشمدا قالوب، ساتر بدن

ئولسمده ویرمرم سیزه، ناموس نامیدی

 

الله رضاسینه منی قورخوتما بی جهت

اینجتمه وورما دوگمه، اذیت حرامیدی

 

انصاف ایدون سویوب تالادوز بسدور، ال چکون

آیا هاچان بو ظلملروز اختتامیدی؟

 

هر قدر یالواروب اونا ایلردی التماس

چکمزدی ال زبسکه شریر لئامیدی

 

غارتچیلر سویوب، سویولانلار سویولدولار

یغمایه گیتدی هر نقدر احتشامیدی

 

زینب یغاردی خیمیه بیر بیر قاچانلاری

گویا بو امر، امر امام فخامیدی

 

گیردی امام خیمه سینه ببر نفر شقی

خنجر الینده شمره او ظالم غلامیدی

 

گوردی قالان او خیمه ده بیر پوست پاره دور

گویا او پوست پاره، فراش امامیدی

 

بولمم باخوب اونا اورگی یاندی یانمادی

گیچدی او فکردن که دلینده مرامیدی

 

خنجرله اوزگه ظلم ایدوب اما دینمرم

گویا امام عصره ادای سلامیدی

 

چکدی او پوست پاره نی، دوشدی یره امام

بیر باخمادی که جدی رسول کرامیدی

 

توپراقلار اوسته قالدی یوزی اوسته غشوده

بیر نازنین وجود که عرشه قوامیدی

 

سعد اوغلی امر ایدوب که وورون خیمه گاهه اود

غارت یتیشدی آخره، وقت ضرامیدی

 

پیغمبر اوغلونون گرک اولادی اودلانا

چون قطع نسل آل علی التزامیدی

 

نمرودیان اودیله تمام اولدی شعله ور

ببر خیمه لر که باطن بیت الحرامیدی

 

زینب قاچوب او وقتده بیمار باشینه

سویلوب اوغول علاج ایله مشگل مهامیدی

 

آیا قبول ایدوبدی حسینیم که بیز یاناق؟

یانوق نه جای شکوه که عهد انضمامیدی

 

ایلوب اشاره عمه داغلسونلا چوللره

چخدی نقدر عترت خیرالانامیدی

 

یوز قویدی چوللره هاموسی بال و پر شکست

گویا که آشیانی داغلمیش همامیدی

 

(ذهنی) بو شعرلر یازیلوب تند طبعیله

یوخسا کمیت طبعون او دم بی لجامیدی.

 

 مرحوم استاد مشهدی علی اصغر ذهنی 

منبع مجموعه کانالهای مدح و مرثیه

گزیده ای از احوالات غارت خیام 1920

گزیده ای از احوالات غارت خیام

 

آل رسول چکدیله چون وا محمدا

بو حاله شدّتیله پیمبرلر آغلادی

 

خرد و بزرگ چکدیله فریاد یاعلی

ملک نجف صدایه گلوب حیدر آغلادی

 

اسلام دینینون او حیالی خانملارین

اسلام اهلی سؤیدیلا،کافرلر آغلادی

 

اوراق گل کیمی داغیلوب چون یتیملر

شبنم کیمی سرشک توکوب گویلر آغلادی

 

زاغ و زغن قاریشدیلا گلزار حیدره

چون قیل و قال ائتدیله بلبلر آغلادی

 

باشلار آچیلدی ساچلاری چون توکدیلر یوزه

افشان ائدنده زلفلری سنبللر آغلادی

 

زینب باشندان آلدیلا چون قاره معجرین

زهرا دیردی زینبه معجرلر آغلادی

 

آل رسول حالینه چون آغلادی حسین

پیکر یئر اوسته،نوک سناندا سر آغلادی

 

لیلینون ایستدی آلا چادر شبینی شمر

میدان کربلاده علی اکبر آغلادی

 

تالان ائدنده تازه عروسین اتاقینی

فریاد ائدنده،قاسم گل پیکر آغلادی

 

بو تعزیت سرانی یازان وقتده دخیل

کلک و مداد،صفحهٔ و هم مسطر آغلادی

 

ملّاحسین دخیل مراغه ای (ره)

منبع مجموعه کانالهای مدح و مرثیه

غارت خیام زبانحال حضرت زینب کبری (س) 1796

احوالات غارت خیام و

زبانحال حضرت زینب (سلام الله) 

 

دور ایله چاره یا اخا اماندی خیمه ­لر یانار

اگرچه دوتمری دیلیم گرک دیم نلر یانار

 

سخوبدی منجنیق غم سلیل آل احمدی

آلوب آرایه کفر اودی سلاله محمدی

قالوب اود ایچره مظهر جمال پاک سرمدی

گوروبدی آتش بلا بو حالی سس چکر یانار

 

ورق ورق داغیتدیلار رساله رسالتی

درست محکم ایتدیلر قواعدی ظلالتی

پریده رنگیمون منیم بو حاله وار دلالتی

اودور دلیل گوزلریم توکر سرشگ تر یانار

 

اگرچه کوی صبر ده تیکوبدی بارگه باجون

ولی اورکدن اود دوتوب یاناندا خیمه­ گه باجون

گهی سنون حرملرون ووروب ییخالا گه باجون

بیری بیریندن اهل بیت اولوبلا بی خبر یانار

 

دوشنده شاهزاده­لر بو شش در مصیبته

سواره­لر پیاده­لر یریش گوتوردی غارته

رخ سریه زرد اولوب عروسی سالدی حیرته

مآل کاری دمبدم سکینه فکر ایدی یانار

 

یانوب بو چولده ظلم اودی آلیشدی جسم و جانیمیز

کسیلدی چاره یولاری اوجالدی الامانیمیز

پوزولدی خانمانیمیز داغیلدی آشیانیمیز

گوروب بو حالی مرغ دل توکوبدی بال و پر یانار

 

بوگون من اوز خیالیمی حسین باشیمدان آلمیشام

توکوب عذاره خون دل گوزوم یاشینه قاتمیشام

علیل و خسته اوغلووی اودا گیروب چیخاتموشام

اونون بو حالی قلبیمه چوخ ایلیوب اثر یانار

 

قوشون توکولدی خیمیه حرم تالاندی هارداسان

هامی بساط سلطنت تالاندی یاندی هارداسان

صدای وا محمدا گوگه دایاندی هارداسان

دوشوبدی رعشه جانیمه گوگل تاپوپ کدر یانار

 

یتیم اوشاقلارین یرین سالوبلا آت قباقینه

بیری ایاقیالین قاچوب باتوبدی خار ایاقینه

بیری نجف یولون دوتوب گیدر کمک سراغینه

بیری دوشوبدی نطقدن بیری بابا دیر یانار

 

دوشوب اویاندا محترم حرملر ایندی وحشته

بویاندا خیردا قیزلارون باتوب غبار ذلّته

بیرینی ساکت ایتمه­ میش بیرین سالولّا زحمته

ایدیم نه چاره نیلیوم که گوز گورر جگر یانار

 

ز بس بو های و هوئی لر سالوب قراریدن منی

دیر یقین جنون اولوب گورن کناریدن منی

دایانما گل کناره چک بو گیر و داریدن منی

کنار خیمه گاهی گور باجون نجه گزر یانار

 

ستم کشیده گوگلیمی بلایه مایل ایتمیشم

بو صفحه وجودیدن آدیمی زایل ایتمیشم

ووراندا قمچی هر سه قولومی حایل ایتمیشم 

خدنگ ظلمه زینبون عجب اولوب سپر یانار

 

نه آه و ناله کم اولور نه سوز سینه ال چکور

نه بیر زمان سیزیلتیدان گزون سکینه ال چکور

نه درد و غصه قورتولور نه اهل کینه ال چکور

خلاصه آل مصطفی بو گونده سربه­سر یانار

 

اگرچه «هندیا» سنون باشوندا چوخدی مشغله

بیر اوزگه جلوه ایلیوب بو خلقه اصل مسئله

ثبوت عشقدن اوتور گوتورمه سن قلم اله

کلامه ورمه طول چوخ زمانه مختصر یانار

 

 مرحوم هندی 

منبع مجموعه کانالهای مدح و مرثیه

احوالات غارت خیام 1669

احوالات غارت خیام

 

یانیدی عالمی ایکاش او گونکه خیمه لر یاندی

گیدن تاراجه گیتدی، بیلمورم اما نه لر یاندی

 

یانان گون خیمه لر اوضاع محشر آشکار اولدی

نجه محشر؟ نجه شورش؟ نجه بیر گیر دار اولدی

حریم عصمته چوخ تنگ، او ساعت، روزگار اولدی

توکوب گردون او گون معناده گوزدن اشک تر یاندی

 

اولونجا حشر، دللردن نجه آیا گیدر بو غم

پوزار احوالیمی ایلر اساس عیشیمی برهم

اسیر دشمن اولدی عترت پیغمبر اکرم

توکوب جنتده زهرا دیده دن خون جگر یاندی

 

اولا مین گلشن عالمده، گله بیر گل یوزی هیهات

حسینون گلشنین سولدوردی ظلم لشکر شامات

قالوب بلبللری آغلار، ایدوب کیم ناله دن اسکات

او حاله چشم قلبیله قیلوب هر کیم نظر یاندی

 

هجوم ایلوب قوشون، یکسر توکولدی خیمه گاه اوسته

ال آچدی غارته اشرار کوفه دسته به دسته

سویولماقدان دوگولماقدان حرم لر اولدولا خسته

هره اوز حالینه تک تک توکوب اشک بصر یاندی

 

ایله اوضاع پر وحشت، تصادف ایتمیوب تا حال

کیمون آل پیغمبر تک جلالی گیتدی بو منوال

حرم لر دستگیر اولدی طنابه باغلانوب اطفال

بو محنت عابد زاره ایدوب چوخ چوخ اثر یاندی

 

گوز ایستر تا گوره دشت بلاده نه قیامتدور

قیامتدن علامت خیمه لرده قتل و غارتدور

نه غارت گوئیا بیر حشر کبرادن عبارتدور

او صغرادور بو کبرا، اولدی هر کیم باخبر یاندی

 

او نار شریدن کیم لر یانان اطفالی ساخلاردی؟

اوشاقلار بیربیرین حولیله وحشتدن قوجاقلاردی

قاچانمازدی قالاردی، بعضسین آتلار ایاقلاردی

یانار اودا قالوب بعضی، یاناندا خیمه لر یاندی

 

یاناندا خیمه لر راوی دیر گوردوم که بیر عورت

اوزین ووردی شتابیله یانان خرگاهه اول ساعت

او حالی حالیمی پوزدی، دئدیم یارب ندور علت؟

که پروا ایلمور اوددان؟ دوتوب قلبیم شرر یاندی

 

غریق فکریدیم گوردوم همان ساعت چیخوب اوددان

قویوب بو حیرت آور بیر تلاشی عالمی حیران

چخارتدی سید سجادی اوددان زینب نالان

قیلوب نظاره دشمنلر بو حاله سر به سر یاندی

 

دوتوبدور شهرتون(ذوقی) سنون بو فانی دنیانی

فنا دنیادن ال چک، سال خیاله دار عقبانی

گناهون چوخدی قیل توبه، بغشلر خالق، عصیانی

گوروب کیم نار دوزخده دئسون بیر نوحه گر یاندی.

 

 مرحوم حاج محمد ابراهیم ذوقی

منبع مجموعه کانالهای مدح و مرثیه

احوالات غارت خیام 471

احوالات غارت خیام

 

چه آتشها به جان زآه دل لب تشنگان دارم

به دل دود شرار خیمۀ آن دودمان دارم

 

زده برخیمۀ سجّاد آتش لشگرعدوان

فتاده شمع در فانوس لرزان با دل سوزان

به دورش زینب غمخواره چون پروانه سرگردان

از این پروانه از این شمع صدها داستان دارم

 

چنان مردانه  خود را زد به شعله دختر زهرا

نه از آتش نموده باک و نه ازطعنۀ اعدا

تماشای محبّت کن بحال سوختن گفتا

من این آتش خریدارم بجانم تا که جان دارم

 

بلا را در ازل طالب نشد هر کس پشیمان شد

نصیب گوهر محنت مرا با قیمت جان شد

به من هر نوع آتش در طریق عشق ارزان شد

سمندر وار در کانون آتش آشیان دارم

 

که دیده شمع را پروانه درعالم به برگیرد

موفق بر وصالش ناشده آتش ز پر گیرد

ولی این شمع و این پروانه در یکجا شرر گیرد

کمال عشق مطلق را من از اینها نشان دارم

 

گرفته دربغل قرص قمرخورشید رخشان را

کواکب شد پراکنده تعادل رفت میزان را

چنان تیر شهاب اختران زد شعله کیوان را

که تا روز قیامت این نشان در کهکشان دارم

 

گشوده دست غارت بر حرم اوباش نامحرم

به یغما معجر زهرا برفته پردۀ مریم

نهاده رو به صحرا اختران سید عالم

دل ویرانه از ویرانی آن خاندان دارم

 

ز دیده خون فشاند تا قیامت دیدۀ پروین

به حال آن گلستانی که مستولی شود گلچین

زده آتش به گلزار رسالت قوم بدآئین

چو لاله کاسۀ دل پر ز خون ارغوان دارم 

 

مرحوم کلامی تبریزی

زبانحال حضرت زینب کبری (س) در غارت خیام 413

 زبانحال حضرت زینب کبری (سلام الله)

در غارت خیام

 

گل داده حسین عترت طاهانی سویولار

زهرا قیزی صدیقه صغرانی سویولار

 

نه جور و جفادن اوسانولار نه دویولار

اهل حرمی سویماقا تشکیل قورولار

اطفاله گهی قمچی گهی سیلی وورولار

بی نظم قوشون جمع پریشانی سویولار

 

ایتدوقجا بو اشرار عرب هلهله قارداش

وحشت ویرور اوز عترت خونین دله قارداش

مین وحشت و هولیله قاچولار چوله قارداش

چوللرده دوتوب عترت زهرانی سویولار

 

بو چولده گلوب یوم جزا شوری عیانه

دامانی دوتوب اود گلوری بعضی فغانه

ناچار قاچور أت قاباقینده یانا یانه

جبرا دوتوب اول دامنی سوزانی سویولار

 

صحرای بلانی بوریوب بانگ هیا هو

بی پرده قاچور چوللره اطفال پری رو

اطرافی دوتوب بیر نچه اهریمن بد خو

بلقیس صفت أل سلیمانی سویولار

 

خوفیندن اولوبدور بیرینین پاره دوداقی

اولموش بیرینین أبله قاچماقدان ایاقی

ظلمیله اولوبدور بیرینین یاره دوداقی

هر بیر یارالی دیده سی گریانی سویولار

 

بیر یاندا خانم قیزلاریوی أتلار ایاقلار

بیر سمتیده أواره قالوب خوردا اشاقلار

هر قیز یتوشوب بیر قیزی هولیله قوجاقلار

اول حالیله گل چهره صبایانی سویولار

 

یورقون بالالارشوریله فریاده گلولر

غربال کیمی گوز یاشینی گوزدن الولر

أهوی رمیده کیمی اطفال ، ملولر

مین اوچی بیر أهوی گریزانی سویولار

 

اسلامی أتوب دعوی اسلام الینلر

الهی دانوب کلمه تکبیر دینلر

قر انی ساتوب درهمه قران اوخینلر

اهل حرم ناطق قرانی سویولار

 

گل بلبله ننوع ویرر یر بوداقیندا

ایله بالاسین هر أنا دوتموش قوجاقیندا

میداندا قاچار صاق صولا أتلار قباقینده

هم طفلی همی مادر نالانی سویولار

 

اولسون او گوزیندن ایراق ای خسرو خوبان

مین غارت ایدن بیر سویولاندور سنه قربان

غارت نجه غارت انام اوغلی نجه تالان

قوی فاش دیوم زینب کبرانی سویولار

 

باخمولا بالان خسته و بیماریدی قارداش

تاب و تبه بو چولده گرفتاریدی قارداش

غارت چی جماعت ایله بیعاریدی قارداش

اول ناخوش و بیتاب و توانانی سویولار

 

بیر یاندا ألوب شمر الینه خنجر خونخوار

سجاده سجادی ایدوب غارت او بیعار

بو حالی گوروب خوردا جا قیزلار ایله قورخار

قیز لار ملشور عابد نالانی سویولار

 

سجاده وی أچموشدی رقیه یره تازه

گوزلوردی سنی گونده کی عادتله نمازه

نا گاه دوشوب نقشه سیلی رخ نازه

سسلور بابا جان گل سنه جانانی سویولار

 

مقهوریدی بو دشتیده ناکسلره کسلر

از بس قاچوب اطفال دوشوب تنگه نفسلر

کلثوم علمداریوی امدادینه سسلر

امر ایله گله خواهر سقانی سویولار

 

باخمازلا ربابین گلی سولموش بوداقیندا

خندان ایلیوب دست اجل غنچه چاقیندا

صبری تالانوبدوریری بوشدور قوجاقیندا

رحم ایتمیوب اول طاقتی تالانی سویولار

 

مرحوم تائب تبریزی

منبع مجموعه کانالهای مدح و مرثیه