خطیب کعبه
نوای شور دل یتدی حجازه بزم خلوتدن
سالوبدور نغمه داود شور انگیزی قیمتدن
حضوری خلوت انسی تاپوپ دیوانه واصل
وصال دلبری حاصل اولار عشّاقه خدمتدن
صفای عزت موجودی عاشق خفی لاده
اولوهیّت اولور پیدا دله لای الاهتدن
الاهت آشکار اولماز گزافه گوی سالوسه
فقط دیوانیه مقدوردور سنگین ریاضتدن
حقیقت منزلینده واقعیت واقع حقی
تجلاده دُر شهوار حق بحر طریقتدن
طریقت جاده پر افتخار فقر مولادور
فقیر شه غنی اولماز بجز راه شریعتدن
غلام شاه مردانم باشیمدا وار مرصّع تاج
تاپوبدور ریشهء فقریم قوا بحر رسالتدن
در میخانه ده حلقه بگوشم حلقه دربار
منی سسلندیرین تا سس گله دار الامامتدن
رحیق عشق مولادن سیه مست خراباتم
آلوبدور فطرس دل بال و پر جام ولایتدن
بسان سینه پروانهء واصل صفا تاپمیش
قلوب منکسر شمع طراز بزم وحدتدن
کونول آئینه سین تصقیل ایدوب خاکستر معنی'
بمعنا عشق معنی صورتاً صورتدی صورتدن
بلی عشق علی المرتضی حیدردی زهرائی
اودور عاشق یتر فیض حضوره قصد قربتدن
شه مرداندن پیمانهء سینه مصفادور
دل بی کینهء عاشق تجرّده فتوّتدن
عجب پیمانه دور پیمانه عشق ولایت، دل
چکوب شهپر چیخا تا اوج اوج عرش عزتدن
مرصّع تاج مدح سید ابرار فرقیمده
الیمده مشعل روشنگر میخانه مدحتدن
براق عشق زینبدن عروجی دل کمالینده
گچوب فیض مقدّسدن تفکر فیض رحمتدن
ورای فکرت اولدی پایه اولای اندیشه
نه چون چیخمیشدی دل اوج سپهر وهم و فکرتدن
دل بیداری، گرد مقدم، دلداریدن بینا
تاپوبدور قابلیت رویت عبّاسه هیبتدن
به نام حضرت سقّا سرا پا غرقه نورم
سقایت فیضنه یتدیم فیوضات سقایتدن
ویروب جام جهان بین ولائی حضرت عباس
حسیب با نصیب عاشق اولار جام بصیرتدن
سماعی دل سماع شبده ذکر ایلوردی یازهرا
یتوب امداد غیبی جانه خاتون قیامتدن
خطور خاطر هاجس اولوب اوضاع بیت الله
دل بیت الهی قان اولوب فکر عداوتدن
فضای مکه نی دوتموش سراپا ابر گستاخی
کسوفه مهر عالم آز قالور دوشسون جسارتدن
حسین ابن علی سر حلقهء مستان و جانبازان
وجودی بهر موّاج شهادت موج رویتدن
حسین ابن علی دریای خمر کوثره مشرب
سراپا هیکل قدوسی نورانی هویّتدن
رگ ثاراللهی غیرت جبینینده گره لندی
حصولی قبله دن چیخسین حضوری قبله غیرتدن
اولوب مستغرق فیض حضوری قبلهء اصله
ایدوب تکریم خاصّ عبّاس نام آور مودّتدن
ادبله عرض ایدوبدور ای وجودی علت غائی
یقینا مقصد و مقصودسان خلّاقه خلقتدن
اگر چه زاده امّ البنینم لیک فخریمدور
بشارت منده وار سیزده اولان کلّی اشارتدن
منه فرمان خطبه صادر ایت ای حاصل خطبه
مبادا رنج آپارسین کعبه ده مولی رعیّتدن
شرار منطقیم یاسیدی کسگیندی تیغیمدن
غلامون بحر جوشاندور فصاحتدن بلاغتدن
آچام گر حقّهء گوهر فشانی دفع شبهاته
ممیّز ایلرم کفار فکرین آل عصمتدن
ابوالفضلم مه مهر سپهر آل اطهارم
امیر بامسمّایم فضایلدن فضیلتدن
حسین بن علی سلطان اقلیم وداد حق
گوروب قارداشینی غیضه گلوب فرط شجاعتدن
بویوردی ای حسین ابن علینین حرز بازوسی
دایانما احتجاجه فرصتِ عالیدی فرصتدن
غرض فرمان خطبه صادر اولدی مهردن ماهه
تاپوب معراجه فرصت بام بیت اللهه رخصتدن
دم قدسیّهء شهدن وزیر شه نفسلندی
امام المشرقینی طوف ایدوب شوق محبّتدن
براق عشق سلطانی وزیره بیر تکان وئردی
صدای رفرف پیر دلیل اوج ائتدی همّتدن
آچوپ شهباز شه شهپر، بسان جعفر طیّار
یتوب سکّان چرخ چاره شبهه فرط حیرتدن
ابوالفضل علیدن بام کعبه بیر ایشقلاندی
اولوب تابنده بیت الله مه مهر امامتدن
قدوم شیرِ شیرِ حقّدن جان تاپدی بیت الله
دگر باره شرفلندی قدوم باشرافتدن
ازل بیر صاق صولا باخدی ایدوبدور قبض حجّاجی
که تا آگاه ائده حجّاجی فرمان برائتدن
چکیلدی طارم اخضرده صف ارواح عُلویدن
تماشایه چخوبدور اهل جنّت باغ جنّتدن
فراز عرشیده گریان و خندان حیدر کرّار
ابوالفضل دلآراده اولان حُسن فصاحتدن
سکوت محض دوتدی عالم امکانی سرتاپا
آچوب گفتاره دیل ماه بنی هاشم درایتدن
ایدوب آغاز خطبه حمد ذات ذوالجلالیله
خدای ذی جمال و خالق بی ریب و علّتدن
سپس ائتدی اشاره تا ائده تعریف برحقّی
حسین ابن علیده شأن و عزّ و جاه و شوکتدن
بویوردی احمد محمود ابوالقاسم محمد دور
حسین ابن علینون صادر انواری خلقتدن
آناسی فاطمه دلبند طاها همسر مولی'
حسین ابن علی دُرّ ِ گراندور بحر عصمتدن
آتاسی حیدر کرّار علی ابن ابیطالب
ائدوب پاینده قرآنی عوالمده عدالتدن
علینین ضربت تیغی ائدوب پاینده اسلامی
مفادّ لفظمیز تاثیر آلوبدور لفظ ضربتدن
علینین مقدم پاکی ائدوبدور کعبه نی قبله
تخطّی گورسنور قطب الرّخایه فکر امتدن
امور حجّ ِ حجّاجین لزومی استطاعتدور
ولایتدن امامتدن نه کفری استطاعتدن
امام الحقّ چیخسا قبله دن قبله اولار کعبه
که کعبه قبله دور نور امامتدن سیادتدن
قوام قبلهء عالم قیامتدن اولور پیدا
که حج البیت امری بیر نموداری قیامتدن
حضوری قبلهء عالمدی عالمدی امام عصر
حصولی قبله قائمدور حضور واقعیتدن
حسین ابن علی قطب الرّخا من جانب اللهدور
امیر انتخابی دم ویرانماز حاکمیتدن
حسین ابن علی حقدن امیر انتصابی دور
بو بیر فضل الهی دور ازل دُور عبادتدن
آتاسی مرتضا دور قوّهء مجریّهء قرآن
سیزی آزاد ائدوب منطقله زندان جهالتدن
بو گون بیعت حسینه امر واجب دور مواجبدن
حذر خاسر ائدر امر ولیدن امر بیعتدن
ندن کفّار فاجر سدّ رهدور میر ابراره
امام الحقّدن غیری ویرانماز دم حقیقتدن
مقرّب کیمدی جانانه امام العشقدن غیری
حسین ابن علی آگاهدور اسرار حکمتدن
حضور اقدس سلطاندا بیت الله خرام ایلر
حجر بوسه ائدر دست یداللهی صداقتدن
اگر فرمان مشی انشاد اولا لعل حسینی دن
عصافیره ائدر حمله غضبلی باز حرقتدن
ابوالفضلم علینین شیر بی پروا سی بوالفضلی
ابوالفضلی ابوالفضل ایلیوب فاضل فضیلتدن
علاوه منده وار آئین جنگ فاتح خیبر
که فتح کعبه آساندور منه قوم ضلالتدن
اَیا ای قوم بدفطرت خبیث النفس دنیایی
که یوخدور سیزلره ماهیّت خوش نیک فطرتدن
نذیر حقّ اولوب حالات مرگه مرتضی اوغلی
ندن یوخ استقامت سیزده اصلا استقامتدن
حسین ابن علیدور سَنبُل ِ آزادی و مردی
اگر آزاده سیز ، آزاد اولون زنجیر ذلتدن
غبار مقدمین چشم ملائک توتیا تاپمیش
جمالی جلوه ده اهل بلایایه جلالتدن
اودور کیم نقد جان الده غلام شاه ابرارم
نثار جان سعادتدور منه امر درائتدن
مگر اسلامیان بیعت ائده للر دائم الخمره
ندن آگه دگول پاپند قرآن امر طاعتدن
حسین بن علی دور امت اسلامه صاحب امر
گرکدور خلع اولسون غاصبی امر خلافتدن
حسین بن علی دور خانه زاد خانهء تطهیر
یزید امّا ایچوب سو خانهء لهو و نجاستدن
قریشی روسفید ایلوبدی سیزده فعل نافرجام
که نافرجاملر فرجام آلار قصد اهانتدن
پیمبردن بابام ایلوب حمایت، من حسینیدن
معاذالله چکم ال خسرو دینه حمایتدن
مگر عباس اُؤلوبدور زادهء زهرایه غم یتسین
حصار محکمی واردور حقیقی استقامتدن
حسینین عشقی تلمیحات عشقی ایلیوب تلمیح
امیر غاصبین اولماز نصیبی بو ملاحتدن
بنی هاشم وئرر اَل، قول ولی باش اگمیوب اگمز
که ائتمز واهمه مردان باری قتل و غارتدن
حسین بن علی قرآندور سنگین امانتدور
حفاظت امری واجبدور عبادتدن امانتدن
حسین بن علی قطب المدار عالم جاندور
سلونی قولونا مظهردی سیط مظهریّتدن
قلم قولاریمیز دنیایه قرآنی عَلَم ایلر
عَلَم کاخ یزید اوسته ویرار دم آل عصمتدن
قلم قولاریمیله نقش باطل ویرماسام اولماز
یزیدین صفحهء تاریخینه بو هتک حرمتدن
مساعد احتجاجه گؤرمیوبدی اهل طاغوتی
قلوب اهل کینه رمی ائدر اهل طبابتدن
ابوالفضلین کلامی اهل کینه پرده آرتیردی
اودور کیم خوشدل و خوشحال اولوب اتمام حجّتدن
دوباره چکدی شهپر شاهباز چرخ سلطانی
یتوب عبّاسه امداد حسینی کتز غیبتدن
فراز کعبه دن اَندی یره شهباز شاهنشاه
گلوب عبّاسه احسن حیدر کرّاره زینتدن
دلالت وئردیلر ثاراللهی بیت الاهیدن
عروج تنگباره تنگهء نور عبادتدن
ائدوب جانانه دشت کربلانی مسجد الاقصی
ایچیردوب جبرئیله جام حیرت بحر حیرتدن
عروجه حضرت عبّاس گلدی محضر یاره
ائدوب عرض ارادت شاه عشقه فرط همّتدن
ائدوب عبّاسه آماده براق عشقی صاحب عشق
سوار اولدی عروجه رفرفه امر ولایتدن
ابوالفضله کنار آب اولوبدور بزم اَو ادنی'
مقام قربی مأمن ایلدی ذاتی فراستدن
ازل تجرید اولی' ائیله مشکی قان ائدوب اشگین
کیاست موج زن اولدی ابوالفضله فراغتدن
ایکی قولّارینی تقدیم ائدوبدور روح زهرائی
دئدی یارب رها اولدوم ایکی سنگین امانتدن
کمال عشقدن اوخ سجده گاه عشقه یول تاپدی
دوتولدی گؤزلری قاندان، آچیلدی گؤز بصیرتدن
دوشوب پیمانه دن پرده اوغولدی ساغر ساقی
یوزون خرگاهه دوتدی پیر میخانه ارادتدن
اورکده سسلنوب فُزتُ و ربُّ الکربلا عبّاس
خلف لازمدی برخوردار اولا حقّ وراثتدن
خبر وئر زینبه اولدی رها عبّاسدن عبّاس
علاوه باخبر ایله آنامی بو رشادتدن
الهی مصرعین صاحب اولوهیّت ائدوب فیّاض
ابوالفضله عنایات دگر ائتدی فضیلتدن
میِ شبگیری عبّاس ائدوب (شبگیری) دیوانه
تاپار دیوانهء عبّاس دُر، بحر نهایتدن
استاد شبگیر تبریزی
منبع مجموعه کانالهای مدح و مرثیه
با سلام