احوالات جناب وهب (علیه السلام)
هزار شکر اولا پروردگار غفاره
سعادت عمل اولدی ازل کی اقراره
دیلیمده ذکر هوالهو و یاعلی مولی
تاپوبدی درد دله دل طریقهء چاره
اودور که خون دل خامهء خیال انگیز
بسان سیل رواندی الیمده طوماره
حضور حضرت معصومه ده خلوصیله
گرکدی شکوه یازام بارگاه دلداره
دیار کربوبلایه صبا گذار ایله
عنایتیله یتور یار صحبتین یاره
ده ای جهان محبتده فاتح دلها
ائدوبدی عشقون عجب اهل عشقی آواره
مریض عشقووم ای شاه کربلا اولورم
نولور که باش چکه سن بو غریب زاره
دوشوبدی باشیمه شوق زیارتون یارالی
نولور که همدم اولام صاف و ساده زواره
مزید لطفووه محتاجم ای غنی و کریم
نولور که زائر اولام تشنه لب علمداره
کلیم وادی عشاق و طور مولایم
کریملر که قاپی باغلاماز طلبکاره
ائدوبدی ثانی هجران قبالهء وصلی
ره وفاده ایا شاه کربلا پاره
اولوبدی خانهء دل شمر هجردن ویران
وصوله لازمه کربوبلاده معماره
حضور دلبره لازمدی الده بیر تحفه
به غیر جان داخی یوخدور گمان ایثاره
علاوه تحفهء احقر حضور سلطانه
گمان جان گلوری آبداره اشعاره
فلمده طبعده ، سندندی ای شه عطشان
و لیک دیکته منیمدیر الیمده رهواره
حسین گلشن آل محمدین گولی دور
حسین مشعلهء صبحگهدی اسحاره
حسین گلشن زهراده قرمزی گولدور
حسین جوهره دور اهل عشقه پنداره
حسین زیور دوش محمد عربی
حسین عرش حق کردگاره گوشواره
حسین سلسله جنبان عالم ملکوت
حسین ثابت ائدر حقی اهل انکاره
حسین مصحف جامع دی حضرت حقدن
حسینین ادی ویرور زیب کل اسفاره
حسینین آدینا قربان اولوم حقیقتده
شفاعت ایلییه جاق بی ریا عزاداره
حسین ساقی لب تشنگان کوثردور
حسین خمردی زینب عسلدی انهاره
حسین جوهرهء عشق صاف داوردور
حسین مشعل پر نور چار اسفاره
نقدر جهد ائدورم مدحه یوخدی حد نصاب
نه نوعی قطره یازار مدح بحر زخاره
بئله روایت ائدوبلر که زادهء زهرا
ائدردی طی منازل دیار دلداره
یازوللا قافلهء عشق شاهد ابرار
ائدوبدی ثعلبه نی مسکن آل اطهاره
واریدی ثعلبه ده خیمه ایی خیال انگیز
او خیمه طعنه ویراردی نجوم اقماره
چیخوب خیمه دن اول دمده بیرنفر عورت
دوشوبدی گوزلری سلطان ملک ابراره
گوروب که گو : که مسیحا مرکب اوستونده
و یا که مهر منور سپهر دواره
یوزینده شعشعهء ذات قادر متعال
تجلیاته گلوب یوخدی تاب دیداره
ائدوبدی عرض که ای خسرو ملک دربان
ارادتیمده یوخومدور گمانیم ایثاره
علاوه یوخدی بو ماواده باصفا گلشن
نه نوعی خدمت ائدر بند فقر احراره
باخوبدی چشم خماریله سیدالشهداء
دونوبدی عرصهء صحرا او دمده گلزاره
تعجبیله خانم سسلنوبدی سن کیمسن
فدا اولوم سنه ای مرد حقّ داداره
فدا اولوم سنه ای جوهر مسیحایی
که دؤندروبدی دمون دشتی غالیه باره
بویوردی لنگر هستی عالم امکان
وهب هایاندادی ای بختی ظاهراً قاره
جواب وئردی که ای دم وئرن مسیحایه
وهب گئدوبدی شکاره دیار کهساره
بویوردی گلسه وهب سویله که آقان گلدی
سنیده دعوت ائدوب گئتدی بزم دلداره
وهبدی زمرۀ انصاریدن ازل گوندن
گرگدی عشقی ائده اهل عشقی آواره
دیار یاره طرف کاروان دوشوبدی یولا
بتان عشق کِانّه گئدردی فرخاره
شکاردن قییدوبدی وهب گؤروب ناگاه
دؤنوبدی عرصۀ صحرا عجیبه گلزاره
کنار خیمه ده جاری اولوبدی بیر چشمه
سالاردی منظره اول مرد حقّی انکاره
تعجبیله گلوبدور کنار خیمه سینه
قالوبدی چرخ تحیّرده همچو استاره
گلوب آناسی وئروب مژده وصل دلداری
دئدی آنا اؤره گیم توش اولوندی آزاره
جواب وئردی مسیحایه دم وئرن گلدی
او دؤندروبدی بو صحرانی صحن گلزاره
منه بویوردی بویور بزم عشقیمه گلسین
گرک خمار یته بزم وصل خمّاره
یخوبدی خیمه سینی عرض ائدوبدی یا اُمّا
گرکدی شکر ائدم حضرت جهانداره
وهب دو هفته عروسیله همره مادر
گلوب صحابۀ کهف و رقیملر غاره
صفای جوهر ذات وهب صفاسیندن
الینده گوهر جانی یتیشدی بازاره
دوشوب قدوم شهنشاه کشور عشقه
ائدوبدی عرض که ای شهریار اقطاره
سعادت عمل اولدی الیمده نقد روان
مطاع عشقیمی گتدیم اودور خریداره
گئچوبدی نئچه گئجه گوندوز اولدی عاشورا
بیر عده نخبه یتوب بزم وصل قهّاره
گلوبدی محضر سلطان کربلایه وهب
اجازه حاصل ائده اول جوان ، پیکاره
دوتوبدی دامن پُر فیض کربلا شاهین
ادبله عرض ائدوب فخر فخر فخّاره
هزار جانیم اولا ایلرم نثار قدوم
اگر اؤلم دیریلم کربلاده صد باره
گلوبدی تنگه دل بی قرار سینمده
سنی قسم وئرورم خون سرخ انصاره
مرخص ایله اولوم سرخ رو جوارونده
امام سویلدی اول عاشق و گرفتاره
گرک عروسیده راضی اولا بو امره وهب
قئییدی خیمه گه نو عروس دلزاره
عروس عرض ادب ائلییوب دوروب باهم
گلوبله محضر محبوب حی ستاره
عروس عرض ائدوب ای جوهر خیال وهب
مباد دل اولا آماج تیر زنهاره
رضادی دل ولی بیر جزئی خواهشیم واردور
سنی قسم وئرورم ذوالجلال جباره
منی دعا ائله تا آز قالوم بو دنیاده
امام دوتدی یوزون بارگاه غفاره
دعا ائدوبدی، عروسی قئییدیلر خِیَمَه
ائدردی فخر عروسی او بختی بیداره
وداع اهل حرم ایلدی اولوبدی سوار
گلوبدی شوقیله میدان حرب اشراره
دایاندی شیر غضبناک سیّدالشّهداء
میان عرصه ده یوز مین شغال مکاره
بویوردی ال چکون ای قوم یاغی وباغی
حسین فاطمییه باغلامیون ره چاره
تاپولمییوبدی مساعد ضمیر نیک آگاه
نه قدری ائتدی نصیحت او قوم غدّاره
چکوب قلنجینی شیر جوان بیشۀ عشق
اؤزون وئروب سپه ارذل ستمکاره
قیروب تؤکردی سپاهی یئره چو باد خزان
ائدردی عرصه نی تنگ اول گروه فُجّاره
دگوبدی میمنییه میسره داغلیدی قوشون
ره امانی کسوب اشقیای خونخواره
وقاریلن دایانوب تللین اوسته خسرو عشق
شجاعت وهبه ایلییردی نظاره
کمال ذوقیله سسلردی مرحبا احسن
بو ضرب و شسته بو عشقه بو طرز رفتاره
غرض او شیری سالوبلار کمنده روبه لر
ویروبلا یاره یارا اوسته گؤز آچوب یاره
بدنده یاره لری هر بیری گؤز آچمیشدی
باخاردی حسرتیله تللین اوسته کی یاره
وئروبله باشینی الدن اله گروه کفر
کسوبله باشین آتوبلار خیام اطهاره
چیخوبدی خیمه دن اول شیر ماده اُمّ وهب
اوغول باشین گتوروب آتدی قوم کفاره
چکوبدی خیمه ستونین غضبلی شیر کیمی
ائدوبدی حمله کِانّه سحر شب تاره
امام امر ائلییوب رجعت ائتدی اُمّ وهب
گلوبدی زادۀ زهرا او دمده گفتاره
اُناسه دین محمدده یوخدی امر جهاد
دایان که صبر گرکدور بو امر دشواره
عروس تاب ائده بولموبدی هولیله قاچدی
ره وفاده باخون همسر فداکاره
یتیشدی گؤردی اولوب پاره پاره جسم وهب
دؤشندی نعشنیین اوسته گلوبدی دل زاره
او دمده شمر وئروبدی غلامینه فرمان
عروس قانینی قات یئرده خون ایثاره
عروس باشینه ویردی غلام شمر عمود
آتوبدی قان گؤیه باشدان بسان فوّاره
بو یئرده یادیمه دوشدی کنار نهر فرات
او دم که نوفل اولوب روبرو علمداره
گؤروب که باشدا عمامه بدنده قوللار یوخ
آچوب شماتته دیل اول لعین ، سرداره
نه نوعی ظلم ائلییوب فاطمه گؤزین یومدی
یوزون خیامه توتوب غرق اولوبدی انواره
دوشه دوشه یئره آتدان رکابه بند اولدی
فرس ده رَم ییدی گتدی یئر اوسته رخساره
آلوبدی دؤره سین اون یئدی کافر مرتد
حرم غزالینی توش ایلییوبله منقاره
گلوبدی مِصرَعِنَه قبلۀ حضوری عشق
بویوردی حزن تمامیله اول سپهداره
بهشتیده یولووی گؤزلوری آنام زهرا
داینما گئت حرم کبریایه افطاره
بو یئرده یادیمه دوشدی مصائب زهرا
او دم که تکیه ائدوب پشت درده دیواره
ویروبلا اود قاپیه ویردلار آچلیدی قاپی
اولوبدی سینۀ زهرا نشانه مسماره
نه لر اولوبدی دئمم پشت درده زهرایه
توان و تاب یوخومدور دیلیمده اظهاره
الین آتوبدی کمربندینه او دم ثانی
یخیلدی فاطمه یوز دوتدی فضّۀ زاره
بویوردی فضّه یتیش دادیمه گولوم سولدی
یتیشدی محسنی بوکدی او دمده دستاره
گتوردی محسنی قویدی حضور مولاده
ادبله عرض ائدوب که کنز درّ اسراره
امانت نبوی اولدی قانینه غلطان
اولوبدی توش گل سرخ احمدی خاره
چیخوبدی شیر خدا گؤردی فاطمه یخیلوب
ائدوبدی حمله او دم فرقۀ تبهکاره
غضبله ثانی بی دینی دوتدی ویردی یره
بویوردی محض مطیعم رسول مختاره
بولوبله چکمیاجاق ذوالفقارینی مولی
یوزین دوتوبدی گروه ظلوم خونخواره
سالوبلا گردن مولایه شال قوم دنی
چکوبله مسجده دلده هزاره دین یاره
گؤزومده گؤز یاشی وئرمور امان دایان شبگیر
غریبه عرضه یازوبسان حضور دلداره
عوض بو خدمتووه آگهم عطا ائده جاق
بو محفل ایچره وهب تک به تک عزاداره
حسین فاطمه نی چوخ چوخ ایستیری گؤیلوم
خوشام که همدم اولام کربلاده حضّاره
استاد شبگیر تبریزی
منبع مجموعه کانالهای مدح و مرثیه
با سلام