زبانحال حضرت صغری (س) 5940

زبانحال حضرت صغری (سلام الله)

 

آغلاما صغری باجون قربان علی گوز یاشیوه

بیر ایاق ساخلا باجون دورسون دولانسون باشیوه

 

لطف ائدوب یاده سالوبسان سن بو وقتیمده منی

وار یری بو بینوانون عرشه چخسا شیوه نی

نیلیوم یوخ چاره گئت اللهه تاپشوردوم سنی

بیر ایاق ساخلا باجون دورسون دولانسون باشیوه

 

نصف شب بو گلماقون صغرایه چوخ ایلور اثر

بولمورم آیا نه واردور گیموسن رخت سفر

حالیمی پوزدی منیم چوخ قلبیمی دوتدی کدر

بیر ایاق ساخلا باجون دورسون دولانسون باشیوه

 

من دئمم قارداش عراقه گئتماقون گل ترک ائله

بیر بیله ساعت علی بیرده چتین دوشسون اله

بیرجه گل اگلش ائداخ صحبت غنیمتدور هله

بیر ایاق ساخلا باجون دورسون دولانسون باشیوه

 

رحم قیل قارداش علی بیر باخ منیم گوز یاشیما

بو سفردن قورخورام توکسون فلک کول باشیما

حسرتیم قالسون گوزیمده سن کیمی قارداشیما

بیر ایاق ساخلا باجون دورسون دولانسون باشیوه

 

آغلورام من دؤزمورم سن بو یول اوسته آغلاما

سیل تک رخساریوه بو گوز یاشیوی باغلاما

من علیلم ناخوشام بو سینه می سن داغلاما

بیر ایاق ساخلا باجون دورسون دولانسون باشیوه

 

اول قد شمشادیوون قارداش بلاسین من آلوم

گوزلروندن بیر اؤپوم قول بوینووا بیرده سالوم

اولما راضی من تک ائولرده علی یالقوز قالوم

بیر ایاق ساخلا باجون دورسون دولانسون باشیوه

 

باخ نجه گور بو کُمیت روحیم آردونجا چاپار

ممکنون اولسا منی قارداش یانونجا سن آپار

بو مریضه سنلن اولسا بول یقین صحّت تاپار

بیر ایاق ساخلا باجون دورسون دولانسون باشیوه

 

من نجه هجران غمینده بحر غمده باتمارام

صبر ائدوب خون جگر بو گوز یاشیما قاتمارام

صبح اولونجان هر گجه سن گلمیینجه یاتمارام

بیر ایاق ساخلا باجون دورسون دولانسون باشیوه

 

من باخوب یانّام سنون بو حالیوه قارداش علی

سن ندن جاری ائدرسن عارضه قانیاش علی

قالمیا سندن صورا صغری ئوله ای کاش علی

بیر ایاق ساخلا باجون دورسون دولانسون باشیوه

 

بو باجی قارداشی ائت الده وسیله شوریا

عرض قیل یارب عطا قیل جمعیلن بیر کربلا

باشلیاخ بو نوحه نی اوردا دوتاخ بزم عزا

بیر ایاق ساخلا باجون دورسون دولانسون باشیوه

 

مرحوم شوری تبریزی

منبع مجموعه کانالهای مدح و مرثیه

زبانحال حضرت صغری (س) 5801

زبانحال حضرت صغری (سلام الله)

 

ای جدّه هاچان بس گله جک اکبریم آخر

یولاردا قالوب حسرتیلن گوزلریم آخر

 

مدّتدی گیدوب یار و انیسیم غم اولوبدور

رعنا قدیم هجرینده گورورسن خم اولوبدور

غم گوشۀ دیوار منه همدم اولوبدور

آرتار گونی گوندن گورورم غملرین آخر

 

نسگلدی بو غملر بلی من بخت قرایه

آخشاملار اولاندا باخارام سمت هوایه

گورّم چکیلوب گون گلورم آه و نوایه

گلمز داخی بیلّم که برادرلریم آخر

 

بیر کیمسنه یوخدور سر بالینمه گلسون

مدّتدی قاپوم باغلی قالوب یانیمه گلسون

غم فوجی نه وقته کیمی بو جانیمه گلسون

قوینومدا قالوب حسرتیلن اللریم آخر

 

گوردم گجه بیر واقعه اولدی غمیم افزون

قارداشیم علی اکبر اولوب قانیله گلگون

باشینی کسوب خنجریلن منقذ ملعون

گورجک اونی سیندی داخی بال و پریم آخر

 

هم اول صودامر اصغری من زار و حزینه

گوردوم بوغازین اوخلیوب اول لشگر کینه

قونداقنی آلمشدی بابام جدّه الینه

سویلردی خدا ئولدی سوسوز اصغریم آخر

 

دوردوم یوخیدان جدّه ملالیله هراسان

گوردوم ایلیور بیر قنادی قانلی قوش افغان

قد قُتل الحسین سویلوری هر لحظه و هر آن

معلوم اولا بوندان که سولوب گُللریم آخر

 

هر کیم ویره بو بزم عزا و غمه رونق

بی شک تاپاجاق راحت و آسایش مطلق

غم ایلمه «مضطر» که یقیناً شه بر حق

سویلر سنه ده کلب در چاکریم آخر

 

مرحوم مضطر اردبیلی

زبانحال حضرت صغری (س) 5761

زبانحال حضرت صغری (سلام الله)

 

چوخداندی یثربده علی یاننام فراقونده

حسرت گوزوم قارداش قالوب باغلی اطاقونده

 

اولموش وطن غربت منه یوخ مونسیم قارداش

صبح و مسا شغلوم اولوب گوزدن توکم قان یاش

یوخدور ائلیم بی‌‌مادرم اولدوم عجب کلباش

آغلار گوزوم دائم گزور قارداش سراقونده

 

گیتدون عراقه یا علی من باغریقان قالدوم

جسممده کی جانیم گیدوب چوخ ناتوان قالدوم

بیر دودماندور بیر منم ائلدن نشان قالدوم

گل بیر گوروم تا جان ویروم آسان قباقونده

 

یوللاردا مدتدور قالوب آغلار گوزوم قارداش

آخر نه مدت هجریوه بوردا دوزوم قارداش

دردیم چخوب اندازه‌دن چوخدور سوزوم قارداش

خوشدور ویره بلبل اگر جان گُل قوجاقونده

 

ای یوسف گُل پیرهن قویدون منی حسرت

سن وعده ویرمشدون طویا صغرا اولا دعوت

قالدی ئورکده نسگلیم طوی اولمادی قسمت

نالم جهانی یاندورور گور عرش طاقونده

 

اوچدی چمن بلبل لری کاشانه‌لر قالدی

خاموش اولوبدور شمعلر پروانه‌لر قالدی

کوچ ایلیوبدور آشنا بیگانه‌لر قالدی

اولدوم وطنده بی‌وطن یادلار سیاقنده

 

من دام عشقونده علی چوخدان گرفتارم

سسلر دلیم، گوزلر گوزوم هر وقت بیدارم

گوزدن دوشن صغرا منم بیمار و تبدارم

بی مادر و بی‌یاورم ایولر بوجاقنده

 

بستر یریم، منزل قفس بیر مرغ پربسته

یوخ طاقتیم چون ناخوشام جانیم اولوب خسته

هر گون بو حالیله گلوب دوررام یولون اوسته

یانّام شرار عشقیوه محنت اؤجاقنده

 

رویاده گوردوم سینه‌می چرخ فلک داغلار

باشون یاراسین خیمه‌ده عمم ئوزی باغلار

تاراج اولوبدور گلشنیم مرغ دلیم آغلار

گوگلوم قوشی اوج ایلیور وصل اشتیاقنده

 

قان موج ایدوب دریاکیمی خونین اولوب علقم

عباس عموم قولسوز دوشوب یرده یاتوب پرچم

قاسم طویی یاسه دونوب قان آغلیور عالم

گوردوم بابام قانه باتوب اصغر قوجاقونده

 

یاز «نادری» صغرا یانوب گل تک نجه سولماز

هر باجی ایستر قارداشین صغرا کمی اولماز

سو مشکنه هر جنگده القان گلوب دولماز

ام البنیندور آغلیان سقا فراقنده

 

مرحوم نادری

زبانحال حضرت صغری (س) به جناب ام السلمه در مدینه 5562

زبانحال حضرت فاطمه صغری (سلام الله)

به جناب ام السلمه (سلام الله)

در شهر مدینه

 

نولوردی جده گیدن کاروان دوباره گلیدی

قراردل بو دل زار و بیقراره گلیدی

 

او کاروان که گیدنده مین اشتیاقیله گیتدی

جلال و شوکت و جاهیله طمطراقیله گیتدی

حجازی ترک ایلیوب مقصدعراقیله گیتدی

گیجه نهانی گیدوب گوندوزآشکاره گلیدی

 

او کاروان که گیدنده دولی سپهریدی صدری

واریدی مهردرخشانی جلوه سایه لی بدری

او چرخ لایقی رخشان ستاره قدریجه قدری

او آی او گون او دولی آسمان ستاره گلیدی

 

اسیدی برج مسرتده بیرده پرچم عزت

گوزومده جلوه نلیدی او طمطراق او شوکت

مریضلیقیم مرض دل تاپیدی یکسره صحت

توانیدن توکنن جانیم اختیاره گلیدی

 

همای اوج سعادت آچیدی پرباشیم استه

قانادلانیدی بو مرغ روان پربشکسته

ایچیدی شربت وصلت شفا تاپیدی بو خسته

طبیب حاذق علاج ایدماقا بو زاره گلیدی

 

اوبیرجوان که گیدنده قرارو صبریمی آلدی

غم فراقیله مرات قلبیمی داشا چالدی

اوزی گیدوب ولی دلده اونون گوزل آدی قالدی

فدا اولوم آدینا کاش او ماهپاره گلیدی

 

گلیدی اکبریم ایکاش اوزومی خاک ایلییدیم

فراق سینه سینی وصلتیله چاک ایلییدیم

ایاقینین توزونی زلفمیله پاک ایلییدیم

غبارمقدمیبو زلف مشکباره گلیدی

 

او سودامرکه گیدنده اونی قوجاقیمه آلدیم

اوپوب یوزین بالاجا قولارینی بوینوما سالدیم

او غنچه نین غم هجرانی علت اولدی سارالدیم

گیجه گونوز بودی فکریم او شیرخواره گلیدی

 

گل محبتین ایمدی هامی دله ساجوراصغر

ایاق دوتوب یریرورگه دوروب گهی قاچوراصغر

فرحلنورآناسی خوردا خوردا دل آچوراصغر

بلالری او دلین بودل فکاره گلیدی

 

دیوله فاطمه نی شادجده جان ایلیوبلر

که یعنی نامزد حسن جوان ایلیوبلر

بلنمورم بوطویی فاش یا نهان ایلیوبلر

خبربو باره ده تیزبو بلا دچاره گلیدی

 

نجه تک ایوده یتوشمز یارالی گوگلیمه مین غم

نجه سرشک بصرگوزدن آچار عارضه هردم

آنا کیمی منهچوخ مهربانیدی خانم عمم

بو حالیمه منیم ایتماقلقا نظاره گلیدی

 

اگرچه لازم و ملزومیدی چو امرفریضه

حضور عمه مه بو مدتی یازیدیم عریضه

ولی نه چاره که مقدوریدی مگر بو مریضه؟

غم ومصیبتیم هاردان اولورشماره گلیدی

 

همیشه (نجمی) مجسمدی فاطمه حالی

یتن دگل باشا یازماقلوقیله درد و ملالی

پوزاردل اهلین اونون غملی آتشین بو مقالی

نولوردی جده گیدن کاروان دوباره گلیدی

 

مرحوم نجمی تبریزی

منبع کانال گنجینه گذشتگان 

زبانحال حضرت صغری (س) 5547

زبانحال حضرت صغری (سلام الله)

 

فراقیوه علی جان روز وشب دوام ایلدیم

خیال وصلیله هجران ایوین مقام ایلدیم

 

عراقدن نه گلن وار نه بیر عراقه گیدن

نسیم صبحی سنه قاصد پیام ایلدیم

 

عراقه سن گیدلی من نوای آهمیله

حجاز قیزلارینا یاتماقی حرام ایلدیم

 

وجودیمی اریدوب منجنیق غم سخدی

ریاضت عالمینین درسینی تمام ایلدیم

 

نظام عالم امکانی گزلین  آهمیله

پوزوب نظامینی معناده بی نظام ایلدیم

 

طریق عشقیده سرمایه وفا نقدین

یغوب خزینۀ سینمده اخذ کام ایلدیم

 

هوانی دودۀ آهیم ز بس تصرف ایدوب

بو چرخ اطلس دنیانی نیلفام ایلدیم

 

علی علی او قدر خلق ایچنده سسلمیشم

علی آدین علی مشهور خاص و عام ایلدیم

 

دیدیم علی گَلی عَمَّم گَلی  آتامدا گَلی

فراق ایوینده بو فکری عَلَی الدَّوام ایلدیم

 

متاع عشقه خریدار اولان  متاعی یغوب

بو چار سوی محبتده من قوام ایلدیم

 

تاپولمادی علی اکبر کیمی ویرن قیمت

متاعه جلب ایلیوب مشترینی رام ایلدیم

 

مدینه اهلینی  مصر اهلی تک یغوب باشیما

اوز عشقمیله سنه  عشقیده غلام ایلدیم

 

بو گون منی آنام ام البنین دید ایتدی

کمال رأفتیله من اونا سلام ایلدیم

 

منه بویوردی قیزیم وار عموندن هیچ خبرین

مقابلینده اونا منده لا کلام ایلدیم

 

بو انتظاریله من قالمارام یقین  ئولَّم

اودور که عارض گل فامی  زرد فام ایلدیم

 

مجسم ایلورم هر گون نظرده  حسن رخون

بو فکریله اوزیمی مقضی المرام ایلدیم

 

ایکی گوزوم باخار هر گون سنین گلن یولوا

بو انتظاریله هر صبح شامی شام ایلدیم

 

مریضه قیز- آناسیز- یالقوز ایوده شام و سحر

یغوب بو خلقی باشا حسن انتظام ایلدیم

 

گلن گیدن سوروشور قارداشین هاچان گلجاق

بو آی گلن آیی هی تکیۀ کلام ایلدیم

 

انیسیم آه سحر مونسیمدی ناله شب

خدنگ عشق رخون سینم اوسته رام ایلدیم

 

گیچن گیجه یوخودا  گوردوم عَمَّم اوز باشینا

قرا سالوبدی قیامتدی من قیام ایلدیم

 

شکنج زلفیمی  قارداش سنین گلن یولوا

آچوب تمامی پوزوب بیر خطالی دام ایلدیم

 

نسیم صبح صبا عطر کاکلین گتورور

بو خسته جانه علی قوۀ مشام ایلدیم

 

دعا ایدر باجی قارداشینی گیده سفره

بو عادتی علی دنیاده تا وارام ایلدیم

 

نوای نی  کیمی هر صبح دم سیزیلداماقی

اوزیمه شیوۀ دیرینۀ مدام ایلدیم

 

بیزه « رفوگریمیز » یوز دوتوب امان گتوروب

اوزوم براتینی ویردیم سوزون تمام ایلدیم

 

مرحوم روفه گر

منبع مجموعه کانالهای مدح و مرثیه

زبانحال حضرت فاطمه صغری (س) در خروج از مدینه 5503

زبانحال حضرت فاطمه صغری (س)

در خروج از مدینه

 

ایتمیسن قارداش علی مندن عیادت سن اگر

لطفوه قربان ندن بس گیمیسن رختِ سفر؟

 

من بیله بیر ساعتی هر ساعت و هر روز و شب

سجده ده حالِ دعاده حقدن ایلردیم طلب

وصلوی لطف ایتدی حق ، هجرانه نه اولدی سبب

آیریلیخ طرحین چکوبدور یوخسا نقاشِ قدَر

 

سن اولان یرده ملال اولماز بونا یوخدور سوزوم

شوقدن آغلار اودور وجهی بو شدّتله گوزوم

آغلادور وصلون منی ، گور هجره ممکندور دوزوم

هانسی باجی من کیمی قارداش فراقنده دوزر؟

 

اولموشام گر چه نه مدّتدور مریض و بستری

لیک لازم دور دوروم ایمدی یغوم بو بستری

اولماسون قلبون ملول ای صبحِ عزّت اختزی

یتمه سون بلکه صفالی گوگلوه گَردِ کدر

 

یاتماقیم ترکِ ادبدور یوخ بونا جای کلام

لیک قالموب قدرتیم ای مظهرِ خیرُالاَنام

تا دوریدیم خدمتونده ایلیدیم بیر قیام

باجی قارداش خدمتیله افتخار ایتمز مگر؟

 

هر قدر ناز اولسا سنده منده وار آرتوخ نیاز

بولمدیم بو لطفِ محضون ای خدیوِ دلنواز

خسته جانیله سنی یوخسا ایدردیم پیشواز

سو سپردیم اشکیله یاتسون غبارِ رهگذر

 

اشگِ چشممدن ملول اولما عزیزیم وجهی وار

دوزموشم زَر فام عذاره دُرّ تک اشکِ شاهوار

مقدمِ شهزادیه لازمدی اولسون دُر نثار

اشکدن آرتوخدی آیا هانسی بیر دُرّ و گهر؟

 

بیرده بو رنج و مرضدن ایتمرم اصلا گِله

نیلورم ، حاذق طبیبه احتاجیم یوخ گیله

سن که گَلدون گِتدی دردیم ، گَلدی بهبودی اله

دردیم ئولدورمز منی ، قالسان یانیمدا سن اگر

 

من بو لطفه او گلَن یولاریوا قربان اولوم

گَل رضا اولما دچارِ محنتِ هجران اولوم

گیتمه قال ، تا خدمتونده هر زمان هر آن اولوم

ناخوش اولسامدا گینه سن اولسان عمریم خوش گچر

 

من بو فکریله علی دلتنگیدیم لیل و نهار

اهلِ بیت ایچره آناسیزلیق منی ایلیوبدی خار

نه باجی ایلر عیادت ، نه گلوب قارداش باخار

نه اولور جویا عمولار ، نه گلر بیر عمّه لر

 

ایمدی بولدوم ایتموشم بو باره ده من اشتباه

اولمیوب کم لطف لیخ سیزدن ولو بیر پرّ کاه

کسمیوب مندن توجّه ، اقربا شهزاده شاه

یانیمه بیر بیر گلور قوم و قبیلم سر به سر

 

ای قدی سروِ چمن ، زلفی سمن ، رخساری گُل

مظهرِ ختمِ رُسُل ، صورت نمای عقلِ کلّ

محضرِ شاهه شرفیاب اولماقیم ممکن دگل

التقات ایلر منه امّا او دیداره گلر

 

رنگِ آلیمدن مُبرهَندی اگر چه حالتیم

گلسه شه دیداریمه آرتار و لیکن خجلتیم

شه قباقینده قیامِ خدمته یوخ قدرتیم

خدمتِ شاهی دوتوم شهزاده قیزلار چوخ سُوَر

 

حسّ ایدنمز هر قدر اولسون بشر فکری دقیق

شخصِ بیمارون نه اندازه اولور قلبی رقیق

هر طریقیله اولا ، توفیقِ حق اولسا رفیق

(شأنی) صغرادن شفا آلماخ یولین یاخشی بولر

 

منکه چوخ سعی ایتمیشم بو نوحه اولسون دلنشین

نا امید ایتمز منی صغرا ، علی اکبر یقین

دردیمه بولّم ویرور قطعی شفا جان آفرین

اوندا وار چشمِ امیدیم منده یوخ اوزگه نظر

 

دوزدی درد و غم ِمصیبت ، شخصی ایلر نیک بخت

اجر اولور آرتوخ نه اندازه مصیبت اولسا سخت

خشک اولور چون شاخ و برگِ میوه دن عاری درخت

قورخورام تیغِ اجل ایتسون منی بی شاخ و بر

 

سگّز آیدی درد الیندن گولمیوب بیر آن یوزوم

سهلدور گولموب یوزوم ، آغلار گجه گوندوز گوزوم

ائل سوزین نیلوم؟ دوتوم وار زحمتِ درده دوزوم

ائل سوزی نیلر؟ اونی کیمدن سوروشماخ؟ کیم بولر؟

 

مرحوم شانی

منبع مجموعه کانالهای مدح و مرثیه

زبانحال فاطمه صغرا (س) در خروج از مدینه 5499

زبانحال فاطمه صغرا (س)

در خروج از مدینه

 

گیجه گوندوز من بیچاره نالان اولمیوم نیلوم؟

دمادم چشمِ خونباریله گریان اولمیوم نیلوم؟

 

چخوب قوم وقبیلم گیتدی قالدیم یالقوز ایولرده

سورونّم هر یانا دورماق دایانماق یوخدی بیر یرده

سالوب قارداش فراقی جانیمی بیر چاره سیز درده

خیالِ وصلیلن جویای درمان اولمیوم نیلوم؟

 

خیالِ طُرّهء اکبرله گوگلیم حالی برهمدور

بو حاله دوشمین بلمز بو عالم اوزگه عالمدور

باخوب هریانه گورّم شکلِ زیباسی مجسّمدور

بو حسرت بو محبّت محوِ جانان اولمیوم نیلوم

 

دولانّام طوی اتاقین گونده مین یول نالیه گلّم

سپوپ گوزیاشی زلفمله در ودیوارینی سیلّم

اوزوم بولّم گلینجه اکبریم من قالمارام ئولّم

ولی چارم ندور تسلیمِ هجران اولمیوم نیلوم؟

 

بیله قارداشدان الحق آیری دوشماق خیلی مشگلدور

منیم اونلان علاقم چوخدی چون یر ایری نسگلدور

گیدن گوندن گونوم قاره ، گیجم هجراندا بیر ایلدور

نه یاتماق وار نه راحتلوق ، هراسان اولمیوم نیلوم؟

 

گوزومده جلوه گر دور هر زمان نقشِ دل اراسی

خط و خالی ، یوزی ، زلفِ سیاهی ، چشمِ شهلاسی

آلوبدور صبریمی شیرین کلامی ، صوتِ زیباسی

تصوّر روحیمی جدب ایتدی لرزان اولمیوم نیلوم؟

 

اوزوم بیمار کن پیچیدهء فکرِ طبیب اولدوم

داخی مشکل تاپار صحّت تاپام ، دوادن بی نصیب اولدوم

کوچوب اهلِ وطن گیتدی ، وطنده من غریب اولدوم

مصیبت بیر دگل حالی پریشان اولمیوم نیلوم؟

 

ایاقه دورماقیم مشکلدور ، دلده اختیاریم یوخ

اوتورسام فکریم آرتار ، غصّه چوخ صبر و قراریم یوخ

یانیمدا بیر نفر جانی یانان همدرد یاریم یوخ

انیسِ ناله و همرازِ افعان اولمیوم نیلوم؟

 

مدینه قیزلاری یاتسونلا راحت خواب نازیله

یانوم من صبح اولونجه شمع تک سوز و گدازیله

گهی راز و نیازیله قالوم ، گه سوز و سازیله

محبّت شعله سیله سینه سوزان اولمیوم نیلوم؟

 

آناسیز قیزلاری کیم گوردی دنیاده یوزی گولسون

خصوصا" من کیمی ناخوش ، گلن یوخ حالیمی بولسون

قاپوم باغلاندی سن گیتدون علی اکبر باجون ئولسون

قالوم زنده سرِ کوینده قربان اولمیوم نیلوم؟

 

فراقون بلمدیم قویماز اثر تاب و توانیمدن

و اِلّا ال گوتورمزدیم سنون تک نوجوانیمدن

وصالون حیف اولا روحیم کیمی آیریلدی جانیمدن

اوزوم ال چکمیشم قارداش پشیمان اولمیوم نیلوم؟

 

لیاقت ( آصفا) یوخ منده نوکرلر سیاقینده

یانیدیم آغلیدیم شمع تک طاقِ رواقینده

ولی چوخدان وارام ششگوشه قبرون اشتیاقینده

الیم یتمز مرامه ، دیده گریان اولمیوم نیلوم؟

 

مرحوم آصف

منبع مجموعه کانالهای مدح و مرثیه

زبانحال حضرت صغری (س) 5367

زبانحال حضرت صغری (سلام الله)

 

اکبریم هجرون ایدوب محشری برپا باجوا

درد و غم همدم اولوب ایوده بو صُغری باجوا

 

شمعی شعله اَریدن تک اَریدوب غصّه منی

باورون اولماسا گل ایله تماشا باجوا

 

یاندروب شمعی شراری قوتارار بیر گیجه ده

اوخشامور یانماقیلان شمعدن حتّی باجوا

 

اکثراً شمع گونوز یوخ،گئجه لر شعله چکر

یانماقا فرق ایلمور روز و شب امّا باجوا

 

من او شمعم گئجه گوندوز یانورام علّتی وار

چونکه هجرانون ایدوب عالَمی یَلدا باجوا

 

بیر گئجه یانماقی سن شمعه گوروبسن نیلر

سن گیدندن غم اولوب شعله سراپا باجوا

 

قالمشام بیر گونه احوالیمه بیگانه یانار

یوز ویروبدور نجه گور حال غم اَفزا باجوا

 

یاره لی قوش کیمی روحیم چالیشور سینمده

عین زنداندی علی، مسکن و ماوا باجوا

 

رو به قبله اوتوروب آغلامشام چوخ گئجه لر

رحم ایدوب فکر ایدورم اُول گئجه رویا باجوا

 

گورموشم عالم رؤیاده گچن گونلر تک

اَلده گُل باش چکوسن ای گُل طاها باجوا

 

گوردوگوم دن دیمورم گُل گتور الده قارداش

الی بوش بیر گونی باش چک سنی زهرا باجوا

 

هجروین ناخوشیام آیری دوا ایستمورم

باخِشونلا ایله بسترده مُداوا باجوا

 

بلمزیدیم غم هجران بو قدر سختیمیش

قویمیوب غصّه و غم جسمیده یارا باجوا

 

بیر سنِق کشتی کیمی موج بلا اوستونده

یول ایتوب فرق ایلمور ساحل و دریا باجوا

 

روحیمه سنسیز اولوب سن دولانان ایو زندان

خوشدی الان بیله ایودن، ایله صحرا باجوا

 

طاقت ایستر اودا ایودن چخا انسان صحنه

قالمیوبدور ولی قارداش جانی یارا باجوا

 

چیخا بلسم سنه بیر آهیله نامه یازارام

گر یازان لحظه صَبا اولسا هم آوا باجوا

 

آهیمون نامه سینی باد صبادن یِل آلوب

آچار آهسته ایدر ناله ثُریّا باجوا

 

طیّ ایدوب گر بو اوزاق یوللاری چاتسا الیوه

یاز جوابینده ئوز احوالووی یوللا باجوا

 

نچه گون چکسه جوابی قالارام چوللرده

زحمت و رنجی چولین ایلمز ایذا باجوا

 

قلم اِئت قاشوی ئوز آهیمه یاز یوللا علی

بو سنان قلبیده واردور بو تمنّا باجوا

 

هارداسان، نیلیوسن، اصغر ایمکلور یا نه؟

طوی نجه اولدی علیجان ایله اِنشا باجوا

 

قاسمین قلبی سنقدور منیده دعوت ایدون

ایتمسون بیر کس ئوگی لیک سوزی ایما باجوا

 

نسبتی وار منیلن چون گلینین دامادین

انتظارم دیه سوز لِیل مُحنّا باجوا

 

غم آغاردوبدی خِضابی ساچمون قالدی طویا

مُلهم غیبی دیوب بو سوزی گویا باجوا

 

قاسمه خلعت آلوب ساخلامشام طوی گونینه

اودی که گلمگه وار دیلده تقاضا باجوا

 

ولی طوی خلعتی بعضاً گوزومه قاره گلور

نیه قاره گورونور خَلعت حَمرا باجوا؟

 

کاش بیلیدین نَدور علّت که قرا جلوه لنور

قاسمه آلدیقیم اُول خلعت دیبا باجوا؟

 

عوضینده گوزمون یاشی دونوب قرمزیدی

یارادوب هر بیری بیر درد مُجزّا باجوا

 

سیز گیدندن ایله بیل وسعت عالم کیچیلوب

تنگ زندانه دونوب واسعه دنیا باجوا

 

زحمتیلن چخوب ایودن ایدرم صحنی مکان

بَزم ماتم گورونر منظر زیبا باجوا

 

باخارام باغلی اطاقلار منه غم فصلی آچار

آغلارام رحمه گلر کافر و تَرسا باجوا

 

تکیه دیواره ایدوب قدّی کمان یول گیدرم

خم ایدر قامتینی اوخشادا طوبا باجوا

 

چون گورور یوخدی تسلّا ویره نیم رَحم ایده نیم

بو دیلیلیه او ویرور بیله تسلّا باجوا

 

شمعیلن چوخ گئجه باهم او اَرور من اَرورم

آغلیار شمعیده باخدوقجا بو تنها باجوا

 

صبح اولونجاق قوتارار او گنه قالّام هله من

یار اولار شمع دِگر نوبت فردا باجوا

 

شمع نیم سوزی گوروبسن که نه احواله قالار

درد هجرون یارادوب بیر ایله سیما باجوا

 

شمع نیم سوزیده شعله یِری واضحدی ولی

یانقی دلده دی یوخ شعله پیدا باجوا

 

«هادیه» حشریده بیر قانلی گوزونله نظر اِیت

گئجه بیدار قالوب شعر ایدوب انشا باجوا

 

حاج غلامرضا هادی اردبیلی

زبانحال حضرت صغری (س) 5366

زبانحال حضرت صغری (سلام الله)

 

نقدر هجره دؤزوم من علیل و مضطر الهی

گوزوم قالوب قاپیدا هاردا قالدی اکبر الهی

 

گئدنده وعده وئروبدی گلوب منیده آپارسین

ندندی گلمدی بُلمَم او ماه منظر الهی

 

مگر آتام اونا طوی دوتدی ایلدی تازا داماد

منِ مریضه نی یاددان چخارتدی یکسر الهی

 

نه وقته جان قاپیا گؤز تیکوم بو حسرتیله من

یقین گلینجه من ئولّم او ماه پیکر الهی

 

نه وقته جان گوزیمون یاشینی توکوم من کُلباش

دوشوبدی خاطریمه شیرخواره اصغر الهی

 

دیوم بو بوش بشیکه من نه وقته جان علی لای لای

بو قانلی گوگلیمه دوشسون نقدر اخگر الهی

 

دل آچموسان داخی ایندی علی اؤزوم سنه قربان

ندندی بس دئموسن هاردا قالدی خواهر الهی

 

اولور او گون گورم اصغر باجی دیوب منی سسلر

نثار ائدوم او شیرین دیللرینه شکر الهی

 

چوخ انتظارم الهی آلوبدی جانیمی محنت

نه وقته تک قالا قوینومدا بس بو اللر الهی

 

باجیم سکینه نین عالمده یوخدی محنتی من تک

یانیندادیر آتا، عمه، عمو، برادر الهی

 

آنام وفات ائلیوبدی سالوب آتام منی گؤزدن

داخی خیالینه سالماز منی او سرور الهی

 

عزیز اولاردیم آنام ئولمه سیدی منده باجیم تک

چکردی نازیمی عزّتله اقربالر الهی

 

خدا نخواسته گر گؤردوقوم یوخی اولا دوغری

عیان اولور داخی من بی نوایه محشر الهی

 

قرار صبریمی الدن آلوب بو قورخولی رؤیا

چو مرغ بسمله روحیم بدنده تترر الهی

 

یوخومدا گوردوم آتام باشینی کسوبدوله عطشان

آلوب آرایه او گل جسمی اهل لشگر الهی

 

ویروبلا بیر بیرینون اوسته تیر و نیزه و خنجر

آچوب عقاب کیمی تیر و نیزه دن پر الهی

 

دوتوبدی قان گؤزین آلمیش الینه خنجر عریان

چخوبدی سینه سینون اوسته شمر کافر الهی

 

علیِّ اکبری گوردوم دوشوبدی قرمزی گُل تک

بدنده صاف یئری یوخ بس ووروبلا خنجر الهی

 

او نازنین بدنین دوغریوبلا قطعه به قطعه

اولوبدی قانیله رنگین او زلف عنبر الهی

 

علیِّ اصغری گوردوم بیچوب بوغازینی پیکان

آناسی اللری قوینوندا ناله ایلر الهی

 

باجیم عروسین اولوب طوی اتاقی مجلس ماتم

عم اوغلی وای او حزینه اولوبدی ازبر الهی

 

دوشوبدی تپراقا سو اوسته تشنه قولسوز علمدار

دوشوبدی بیر یانا قول، بیر طرفده پیکر الهی

 

سکینه باجیمی گوردوم سولوبدی غنچۀ گل تک

عمو دیور دولانور سو یولینی گوزلر الهی

 

بی بیم آچوبدی باشین زفلرین یولور ائدور افغان

دوتوب یوزین نجفه مرتضانی سسلر الهی

 

یتیشمرم داخی بیرده وصاله یوخدی علاجیم

قالور قیامته دیدار یارو یاور الهی

 

مریض عشقه علاج ایلمز طبیب مجازی

بو دردیله ئوله جاق «ذاکر» سخنور الهی

 

مرحوم ذاکر مراغه ای

زبانحال حضرت فاطمه صغری (ع) 5363

زبانحال حضرت فاطمه صغری (علیه السلام)

 

یاندی نار هجریده بو خسته جانیم جدّه جان

گلمدی اکبر عزیزیم مهربانیم جدّه جان

 

ناخوشام یوخدور آنام بس اولمادی بو نسگلیم

عزّتیم گتدی اُوزُولدی اُوز قبیلَمدنَ اَلیم

تاب و تبده یاندی جانیم نار هجراندا دلیم

گورموسن نی تک سیزیلدار استخوانیم جدّه جان

 

قارداشیم اکبر گیدندن گُولمیوب بیر آن یوزوم

بستر رنج و مَرضدَه روز و شب آغلار گوزوم

هانسی قز قارداش فراقنده دوزَر منده دُوزوم

آخماسون رخساریمه اشگ روانیم جدّه جان

 

بی سبب آخماز گجه گوندور عذاره گوز باشیم

گتدی اَلدن عزّ و  جاهیم دوشدب غوغایه باشیم

واریدی آلتی عم اوغلی بش عموم اوچ قارداشیم

ایمدی سنسیز بیر کسه گلمز گمانیم جدّه جان

 

شاهدیم سنسن گیدن گوندن عراقه اکبریم

گورمیوب عطر و گُلاب و شانه بو گیسولریم

روزگاریم تک پریشاندور اُودور زلف سریم

حالیمه آشفته زلفومدور نشانیم جدّه جان

 

ایلَمَه بی جا بو قدری کوشش و سعی دوا

اکبریم گلسه تاپار دردیم منیم قطعی شفا

گورموسن اکبر آدین ذکر ایلینده برملا

شاد اولور قلبیم تاپار راحت روانیم جدّه جان

 

جدّه جان بو بارده سندن واریمدور التماس

آز قالور اکبر گله عیشه فراهم قیل اساس

حاضر ایله اَلده قوی بیر دست شاهانه لباس

اَگیننه گیسون او سرو بوستانیم جدّه جان

 

شاهزاده قارداشیم گلسه سفردن نازیله

بیر ضیافت بزمی قوّرام شیوه ممتازیله

ایلرم دعوت مدینه قزلارین اعزاز ایله

چشم روشن تادیسون هر میهمانیم جدّه جان

 

چوخ قویوب دنیاده یاری یارینه حسرت اجل

یتماقا کامه بیر عاشق ویرمیوب فرصت اجل

قورخورام اکبر گلینجه ویرمسون مهلت اجل

دلده قالسون دلده کی درد نهانیم جدّه جان

 

ایلیینده وصل جانان درد فرقت چاره سین

شاد ایله سنده بو امریله بو غم آواره سین

ستریمون قوی یانندا اصغرین گهواره سین

دیندیروم من گُولُسون او شیرین زبانیم جدّه جان

 

گلشن عمریم منیم آیا گُوره سَن گل آچوب

شاخه گل اوسته دل شیرین زبان بلبل آچوب

سود امر قارداشیم ایمدی بیله بولّم دل آچوب

وارایاق دوتماقینا آرتوق گمانیم جدّه جان

 

نچّه مّدت بولمدی کیمسه منیم احوالیمی

هی علی اکبر دیوب توکدوم سرشگ آلیمی

مین اوچ یوز ایل صورا بیر گون بیان حالیمی

خوش یازار خوشخوانه (شانی) خوش بیانیم جدّه جان

 

مرحوم شانی تبریزی

منبع مجموعه کانالهای مدح و مرثیه

وداع حضرت علی اکبر (ع) با خواهرشان 3953

وداع حضرت علی اکبر (ع) با خواهرشان

 

الوداع ای سروِ ناز گلشنِ جان الوداع

الوداع ای اکبرِ ناکامِ عطشان الوداع

 

دور تماشا قیل کیم اولدی دامِ صیّاده اسیر

قُمری آزادون ای سروِ خرمان الوداع

 

نه امیدیلن داخی گلشنده قالسون عندلیب

اسدی چون بادِ خزان سولدی گلستان الوداع

 

آیریلوق چاقی یتیشدی میزبانیم یاتما دور

کیم کوچنده رسمدور تشییعِ مهمان الوداع

 

خصم کم فرصت ، یولوم چوخ ، سندن آیریلماق چتین

چوخ یامان یرده دوتوشدی شامِ هجران الوداع

 

نه چکر شمر ال جفادن نه من ئولّم قورتولوم

نه یتر فریادیمه بیر نامسلمان الوداع.

 

مرحوم نیر تبریزی

منبع مجموعه کانالهای مدح و مرثیه

زبانحال حضرت فاطمه صغرا (س) 3818

زبانحال حضرت فاطمه صغرا (سلام الله)

 

سالدی علی هجرانون درددله صغرانی

گیتدون سن اوزون قویدون یالقوزبیله صغرانی

 

بوبسترمحنتده بو زاری سالوب گیتدون

تاب دلیمی الدن قارداش سن آلوب گیتدون

فکرایلمدون صغرا آواره قالوب گیتدون

بلمم نه اولوب قارداش آتدون بیله صغرانی

 

غمخواره باجون رنگ محنتله بویاندوردون

قارداش اوزیوی چکدون آخریانایان دوردون

سالدون غم عشقونده ایلدن ایله صغرانی

 

مدتدی گوگل ایستربیربزم وصال اولسون

دیداریویله رفع اندوه و ملال اولسون

باهم اوتوراق قارداش گفتاره مجال اولسون

سن دیدوره سن اوندا مین لفیله صغرانی

 

دام غم هجرینده آهو کیمی نخجیرم

بومحبس عشقینده وابسته زنجیرم

پابندسرزلف مشکین گره گیرم

لطفونله سرافراز ایت آزاد ایله صغرانی

 

بیرلحظه گوزل ادین دوشمزعلی علی بودلدن

مشق ایلمیشم ازبس عشقین آلی دل دلدن

ترک ایلمرم فکرین هجرین گیچه مین ایلده

بووصل خیالیله ایکاش اله صغرانی

 

نارشررعشقه صغرانی سپند ایتدون

زلف کجیوی آخربوینومدا کمند ایتدون

دل رشته سینی چکدون بیرتارینه بندایتدون

آسدون سرزلفونله تک بیر تله صغرانی

 

دوت دامن اکبردن (بهارا) نجات ایسته

اوزعمریوی صرف ایله بیرزنده حیات ایسته

بزم غم صغراده آغلا حسنات ایسته

حسرتده قویوب دوران مین دردیله صغرانی

 

مرحوم بهار تبریزی

منبع کانال گنجینه گذشتگان

جریان خواب دیدن فاطمه صغری (س) 3110

جریان خواب دیدن فاطمه صغری (سلام الله)

 

نقدر هجره دؤزوم من علیل و مضطر الهی

گوزوم قالوب قاپودا هاردا قالدی اکبر الهی

 

گئدنده وعده وئروبدی گلوب منیده آپارسین

ندندی گلمدی بولمم او ماه منظر الهی

 

مگر آتام اونا طوی دوتدی ایلدی تازا داماد

من مریضه نی یاددان چخاتدی یکسر الهی

 

نه وقته جان قاپویا گؤز تیکوم بو حسرتیله من

یقین گلینجه من ئولّم او ماه پیکر الهی

 

نه وقته جان گوزیمون یاشینی توکوم من کولباش

دوشوبدی خاطریمه شیرخواره اصغر الهی

 

دیوم بو بوش بئشیکه من نه وقته جان علی لای لای

بو قانلی گوگلیمه دوشسون نقدر اخگر الهی

 

دل آچموسان داخی ایندی علی اوزیم سنه قربان

ندندی بس دئموسن هاردا قالدی خواهر الهی

 

اولور او گون گورم اصغر باجی دیوب منی سسلر

نثار ائدوم او شیرین دیللرینه شکر الهی

 

چوخ انتظارم الهی آلوبدی جانیمی محنت

نه وقته تک قالا قوینومدا بس بو اللر الهی

 

باجیم سکینه نین عالمده یوخدی محنتی من تک

یانیندادیر آتا،عمه،عمو،برادر الهی

 

آنام وفات ائلیوبدی سالوب آتام منی گؤزدن

داخی خیالینه سالماز منی او سرور الهی

 

عزیز اولاردیم آنام ئولمسیدی منده باجیم تک

چکردی نازیمی عزّتله اقربالر الهی

 

خدا نخواسته گر گؤردوقوم یوخی اولا دوغری

عیان اولور داخی من بی نوایه محشر الهی

 

قرار صبریمی الدن آلوب بو قورخولی رؤیا

چو مرغ بسمله روحیم بدنده تترر الهی

 

یوخومدا گوردوم آتام باشینی کسوبدوله عطشان

آلوب آرایه او گل جسمی اهل لشکر الهی

 

ویروبلا بیربیرینون اوسته تیر و نیزه و خنجر

آچوب عقاب کیمی تیر و نیزه دن پر الهی

 

دوتوبدی قان گؤزین آلمیش الینه خنجر عریان

چیخوبدی سینه سینون اوسته شمر کافر الهی

 

علی اکبری گوردوم دوشوبدی قرمزی گل تک

بدنده صاف یئری یوخ بس ویروبلا خنجر الهی

 

او نازنین بدنین دوغریوبلا قطعه به قطعه

اولوبدی قانیله رنگین او زلف عنبر الهی

 

علی اصغری گوردوم بیچوب بوغازینی پیکان

آناسی اللری قوینوندا ناله ایلر الهی

 

باجیم عروسین اولوب طوی اتاقی مجلس ماتم

عم اوغلی وای او حزینه اولوبدی ازبر الهی

 

دوشوبدی تپراقا سو اوسته تشنه قولسوز علمدار

دوشوبدی بیر یانا قول،بیرطرفده پیکر الهی

 

سکینه باجیمی گوردوم سولوبدی غنچه گل تک

عمو دیور دولانور سو یولینی گوزلر الهی

 

بی بیم آچوبدی باشین زفلرین یولور ائدور افغان

دوتوب یوزین نجفه مرتضانی سسلر الهی

 

یتیشمرم داخی بیرده وصاله یوخدی علاجیم

قالور قیامته دیدار یارو یاور الهی

 

مریض عشقه علاج ایلمز طبیب مجازی

بو دردیله ئوله جاق (ذاکر) سخنور الهی

 

ذاکر مراغه ای

زبانحال حضرت صغری (س) با حضرت علی اکبر (ع) 2676

زبانحال حضرت صغری (سلام الله)

با حضرت علی اکبر (علیه السلام)

 

گوزومدن ای گوزومون نوری سن نهان اولالی

گئجه گونوز منه بیردور نچه زمان اولالی

 

خمیده قاشلاریوون فکری قدّیمی بوکدی

خدنگ غمزۀ خونریزیوه نشان اولالی

 

اساس صبری یخوب ائتدون عالمی ویران

گوگل لرین قوشونا زلفون آشیان اولالی

 

آلوبدی سبزۀ خطّون بنفشه دن آرام

لبون هواسیئیله لاله باغریقان اولالی

 

سنه نه ایلمیشم بُلمورم علی اکبر

که باخمیسان منه بیر زار و ناتوان اولالی

 

یقیندور ایندیه دین گورمیوب بو عشقیله

بیزیم کیمی باجی قارداش جهان جهان اولالی

 

بو گوز یاشیم کیمی دنیانی سالمیشام گوزدن

سنون کیمی منه بیر یار مهربان اولالی

 

نه فایده که امیدیم صباحی شام اولدی

هنوز نعمت وصلونله کامران اولالی

 

ائشیتمیشم آپارولّار علی عراقه سنی

دوتوب وجودیمی رعشه بو سوز عیان اولالی

 

ایاقه من دورا بُلمم اوتور یره سن گور

باجون نه حاله قالوب بیله نیمجان اولالی

 

ئورک دوگونمه سی قویمور سنیله صحبت ائدم

گوروب جمالیوی بیر لحظه شادمان اولالی

 

غزل سرالیقی (آصف) نه یاخشی ترک ائتدون

گتوردون عالمی شور اوسته نوحه خوان اولالی

 

مرحوم آصف

زبانحال حضرت فاطمه صغری (س) 461

حضرت فاطمه صغری (سلام الله)

 

صغرايه رحم ائت ايلمه ترك وطن قارداش علي

ائتمه وطن ملكون منه بيت الحزن قارداش علي

 

سنله عزيز عالمم اعزاز و شأنيم سن منيم

دلده مسرت مايه سي آرام جانيم سن منيم

مشكلدي هجرانين منه روح و روانيم سن منيم

روحي بدندن ايتمه اي گل پيرهن قارداش علي

 

قربان پريشان زلفووه رحم ائت پريشان حاليمه

اولما رضا اولسون سبب هجرانون اشگ آليمه

من سنن آيريلسام اگر ايواي منيم احواليمه

چارم ندور نيلوم گرك بيچاره من قارداش علي

 

ايتمز وفا تجويز علي مندن علاقه كسمه سن

سالما بو غم دلخونيني اشگ بصر تك ديده دن

درد اهليم من ناخوشام سن سن طبيب ممتحن

يوخدور مريض عشقوون دردين بولن قارداش علي

 

بسدور كه بو مزمن مرض من ناتواني يانديرور

بيرده آناسيزليق اودي بو جسم و جاني يانديرور

هجران اودي بير اوددي گر دوشسه جهاني يانديرور

دوزمز بو سونمز اوتلاري ناخوش بدن قارداش علي

 

هر دم گوزوم آئينه سي مه صورتوندن عكس آلور

فورا محبت قوه سي دل لوحنه نقشون سالور

گر غائب اولسان ديده دن دل لوحه سي عاري قالور

بو صاف مرآتي دوتار زنگ محن قارداش علي

 

چوخ بي وفادور روزگار يوخ هرگز عمره اعتبار

گيتسن گلونجه سن اگر اولسم من رنجور و زار

كيم نقل ائدر تابوتيمي بس كيم مني قبره قويار

اولماز مزاريم اوستونه سن سيز گلن قارداش علي

 

گويا كه ذهنون كور اولوب (ذهني) دوشوبسن شوقيدن

ضعف بصر فكرون پوزوب بو نوعيله بي ذوق سن

يا اوزگه باعث وار گوروم توفيق ويرسون ذوالمنن

اشعار ياز ايت قافيه من سن وطن قارداش علي

 

مرحوم ذهنی

منبع مجموعه کانالهای مدح و مرثیه

زبانحال حضرت صغری (س) در خروج از مدینه 296

زبانحال حضرت صغری (سلام الله)

در خروج از مدینه

 

مریضه حالیمی یاخشی رعایت ائیلمیسن

منی بو وقتده قارداش عیادت ائیلمیسن

 

بو باشیم اوسته طبیبانه گلماقوندا یقین

قبول زحمت و رنج و مشقّت ائیلمیسن

 

بو نوعی گئج گلوب احوالیمی سوروشماقدا

مدینه یوسفی تاراج طاقت ائیلمیسن

 

بو آرزو اؤرگیمدیدی بیر گورم یوزیوی

عجب کونولدن علی دفع حسرت ائیلمیسن

 

سبب ندور که منی بیله سالموسان گوزدن

که قطع لطفیله ترک شفقّت ائیلمیسن

 

نه وار علی دئ گوروم گیموسن لباس سفر

هارا اراده سن ای ماه طلعت ائیلمیسن

 

او گول جمالیله قارداش تمام گوللردن

آلوبسان عطرینی سلب طراوت ائیلمیسن

 

محبّتون منه چوخدور اونی بولوردوم اؤزوم

سالوب ظهوره بو گون چوخ عنایت ائیلمیسن

 

او کسلریله که واردور سنون مُصاحبتون

اولاریدا علی صاحب ملاحت ائیلمیسن

 

ائدوب پیمبره بنزر جمالیوی ظاهر

مجاز اهلینی اهل حقیقت ائیلمیسن

 

چخوبدی خلق یادیندان وجاهت یوسف

که حُسن یوسفه حُسنونده سبقت ائیلمیسن

 

یقیناً «عاصیه» قارداش محبّتون چوخدور

که لطف ائدوب اونی صاحب فصاحت ائیلمیسن

 

 مرحوم عاصی تبریزی

منبع مجموعه کانالهای مدح و مرثیه

زبانحال حضرت صغری (س) در خروج از مدینه 222

زبانحال حضرت صغری (سلام الله)

در خروج از مدینه

 

آپارسان من علی قارداش دل بیماریله گلَّم

اله آلسام او زلفوندن اگر بیر تار مو گلَّم

 

اگر چه بستر غمده نه مدّت دور گرفتارم

اوزوم بیر عمردور قارداش علیلم ناخوشام زارم

گئنه آردونجا یوز اوسته سورونماقه کیمی وارم

سن اولسان خسته جسمیله تنِ تبداریله گلَّم

 

علی مین بیله جسممده اگر ضعف مزاج اولسا

خوشام بازار عشقونده متاع جان رواج اولسا

گئنه سندن اولور قارداش منه هر وقت علاج اولسا

بو درد و رنجدن گول تک سولان رخساریله گلَّم

 

زبس قارداش باجون صغری ضمیری صافدور بی غش

دوتوبدور عشق اودی اولموش وجودی سربسر آتش

یانار جسمی بو آتشده گئجه گوندوز سمندر وش

دم خودسوزدن یرده قالان آثاریله گلَّم

 

سنه گوگلومدن عالِم سن خصوصی بیر ارادت وار

علی هر قدر دنیاده وارام من بو محبّت وار

اؤزومده بولمورم سرّین نه حکمت نه علامت وار

وجودیمده سنون عشقون قویان اسراریله گلَّم

 

سالاندا یادیمه قارداش بو هر گونکه سیاقون من

دوام ایلوب دؤزوم مشکل چکم درد فراقون من

یقینیم دور گورم ئولَّم قالوب بوش طوی اتاقون من

اودور بو نوع یالوارّام بو قدر اصراریله گلَّم

 

مریضه حالیمه باجیم سکینه چوخ مواظب دور

آنام یوخدور آنامدان بو منه آرتوق مراقبدور

آپارسان غم یمم هرگز علی یاخشی مصاحبدور

دیریلّم اوندا کیم منده او خوش رفتاریله گلَّم

 

علی ای نوگلِ باغِ بتول و گلشن یاسین

نشاط جاودانِ دل علاجِ غصّۀ دیرین

مزاجه تقویت گتدون مذاق تلخ اولور شیرین

سنون تک بیله شیرین دل شکر گفتاریله گلَّم

 

غم درد فراقونده رضا اولما دوشوم دلدن

قالوم من قالماسون بیر کس وطنده بیر بویوک ائلدن

بو ذوقیله که حظّ اولسون اوزاقدان عارض گلدن

رضای باغبانیله جفای خاریله گلَّم

 

 مرحوم صافی تبریزی

منبع مجموعه کانالهای مدح و مرثیه

زبانحال حضرت فاطمه صغری (س) به حضرت علی اکبر (ع) 197

زبانحال حضرت فاطمه صغری (سلام الله)

به جناب حضرت علی اکبر (علیه السلام)

 

یقینیمدور مسافرسن سیاقوندان علی قارداش

گلنجه اُللّم آخر اشتیاقوندان علی قارداش

 

گورورسن بستر تبده وجودوم بیله ناخوشدور

قویوب بو نوع گیتماقون منی اللّهه گور خوشدور

دوزه بوللّم مگر گورسم اطاقونده یرون بوشدور

نه تاب و تب امان درد فراقوندان علی قارداش

 

مسافر آغلاماز سن آغلوسان قارداش نه دور مطلب

گیدور سنله عموم عباس آنام باجیم بیبیم زینب

سپهر عمریمه سن ماهسن ظلمتدی گون چون شب

بئله بوللّم باتوب ماهیم محاقوندن علی قارداش

 

گُلین اَلدن ویرن بلبل گوزی یولدا گرک قالسون

روادور فرقتون دلدن منیم آرامیمی آلسون

گَرک غم بسترین جدّم اطاقونده دِیَم سالسون

گَلنجه سن آلام عطرون اطاقوندان علی قارداش

 

یتر هر گون منه سنسیز اگر چه بیر غم تازه

ولی وار خواهشیم سندن اوزون آگاهسن رازه

رقیّه باجیمی عزّتله ساخلا اورگنوب نازه

اونی یولدا یره قویما قوجاقوندان علی قارداش

 

منه ایسته دوزوم ویرسون بو غمده حضرت باری

اوزونده نامه یاز سالما منی گوزدن سنی تاری

اگر اُلسم گَلونجه سن مزاریم اوسته گَل باری

دوشه بلکه گوگل بو اشتیاقوندان علی قارداش

 

اجل درک ایلسه نیلوم نه سن یانیمده نه قاسم

منه ماتم دوتان اولماز وطنده خوار اولار یاسیم

ویرنده جان اولار ورد زبانیم ای گل یاسیم

گلیدون بیر اوپیدیم من دوداقوندان علی قارداش

 

باجی قارداشینه لازمدی ایتسون عشقینی ظاهر

قصوریم تولسا عف ایله شکسته قلبیمه خاطر

دورا بولمم ایاق اوسته سالام قول بوینیوا آخر

اجازه ویر اوپوم باری ایاقوندان علی قارداش

 

مولور سنده پیامیله منیم احوالیمی بولسن

بویرده نیلرم من بو سفرده سن اگر اُلسن؟

علاوه باجی قارداشلوق چمنده سن ایله گُلسن

نه من،دویماز هامی بلبل بوداقوندان علی قارداش

 

مسافر آردیجا بو رسمدور گر چه سَپَه لّر سو

سزادور من ولی بو رهگذاره فرش ایدم گیسو

بِئله بولّلم سنی عالمده آخر گورماقیمدور بو

دوباره رجعتون اولماز سیاقوندان علی قارداش

 

شهید ایلر سنی دشمن اَلیم یتمز سنه بیرده

اولار خاک شفا قبرون ولی عالمده هر درده

مریضم تاپماسا صحّت صبادن ای ذل افسرده

بیر آز گوندر منه تربت رواقوندان علی قارداش

 

مین ایل عمر ایلسه هر کیم بو عمرین قیمتین بولسه

گیدوب ناکام دنیادن مزارون گورمسه اُلسه

اُلنجه (اعظمی) بیرده او قبره میهمان گَلسه

چوُرمه یوز سنی تاری قوناقوندان علی قارداش

 

 مرحوم اعظمی تبریزی

منبع مجموعه کانالهای مدح و مرثیه

وداع حضرت فاطمه صغری (س) 41

 وداع حضرت فاطمه صغری (سلام الله) با برادرشان 

 

قارداش باجون اوزون بولوسن دلشکسته دی

بیماریدی بو بستر محنتده خسته دی

 

قارداش چتین علاقه نی تندن کسه باجون

مرغ دلیم او طرّه طرّاره بسته دی

 

عمّم آتام باجیم ائدوری عزم کربلا

تار امید هر طرفیمندن گسسته دی

 

ترک ایلوری مدینه نی قوم قبیله میز

بیر کیمسه قالموری هامی قارداش یول اوسته دی

 

گئتسن اگر بو شیشه عمروم سینار علی

عمروم سنون حیاتیوه واللهی بسته دی

 

سن ایلمه سفر گوروسن بینوا باجون

بیماریدور بو بستر غمده نشسته دی

 

وئر بیر برات کرب و بلا نوحه خوانیمه

بیز اهل بیته «عاصی» بولورسن که بسته دی

 

قویما اورکده حسرتی قالسون عنایت ایت

آخر غلام درگه شاهه خجسته دی 

 

مرحوم عاصی (علیه الرحمه)

منبع مجموعه کانالهای مدح و مرثیه