گفتگوی دختر یزید (لعنت الله) با دختر امام حسین (ع) 6057

گفتگوی دختر یزید (لعنت الله)

 با دختر امام حسین (علیه السلام)

 

ذکریم واریمدی دوده آل خلیلدن

ورد ایلرم که شاه ولی پیشوالیم

 

درگاه حقده صبح و مسا یاعلی دیوب

آهو مثال هو چکرم وا اخالیم

 

درویش خاکسارم و اولاد بوتراب

مولا کیمی صفاده نظر کیمیالیم

 

دم آلمیشام چو شاه نجف، وجه حقدن

وجهی بودور بو وجهیله من حق نمالیم

 

حق حق طایری کیمی ، حق حقدی زمزمم

حقدور نه قدر حق دیسم، حق مزالیم

 

گورسن بو کثرت ایچره منی، ایتمه کج خیال

دوز باخ که اهل وحدته عرفان عالیم

 

گر سلسلمدن ایستیه سن بیر متین دلیل

حبل المتین دین مبین، مقتدالیم

 

شاهددی گردنمده بو قید و بو سلسلم

لاقید اولماقیمدا علی مقتدالیم...

 

پیر طریقتیمدی حقیقتده عابدین

مرشد بی بیمدی، منده مرید وفالیم

 

کشکول گوزلریمدی، دو شاخمدی منتشاء

بازار شامی دور ایدرم لاابالیم

 

چلتاردور باشیمداکی گیسوی مشکفام

تاج تقربیمدی، شهنشه عیالیم

 

مضراب ناخونیله ووروب تار زلفیمه

گلم نوایه نی کیمی، چون نینوالیم

 

سوز و گداز و ناله و آهیله شامدن

سالام حجازه شور، که داود آلیم

 

یثربده ایلینده حسین کیمی شاهه ناز

سویلردیلر که دختر فخرالمعالیم

 

قوی راست سویلیم که حسینیم عراقده

مغلوب اولوب مخالفه، غم آشنالیم

 

آهنگ عشرتیمدی همایون مقامدن

هر چند خارج اولموشام اما نوالیم

 

چون معنی ایلیوب منی تجرید و حاشیه

گر منطقیم آچلسا عجب ماجرالیم

 

کافی مدارکیله اگر ایلسن نظر

بحرالمعارف صمد لایزالیم

 

حیدر بابامدی، شان و مناقبده منتخب

من مخزن رسولیده در خیالیم

 

قرآنه جامع اولدی بابام، منده حافظم

خارم نظرده گر چه گلستان صفالیم

 

کسر کلام حقده، فتح اولسا صورتیم

جزما یوزیمه ضم دی، عصمت حیالیم

 

چون ابجد وفانی منه ابجد اورگدوب

غم مکتبنده درسنه چوخ خوش غزالیم

 

درسیم روان اولوبدی گنه شمر دون، وورار

دامه سالوب خیال ایلیوب من ختالیم

 

شام اولدی شام شومدن آزاد اولانمادیم

حیرتده قالمیشام نجه باشی بلالیم

 

مرحوم ملا حسین دخیل مراغه ای رحمه الله علیه

 

البته این شعر هم از اصطلاحات

ردیف دستگاه های موسیقی و

هم اصطلاحات دراویش ( درویش ها)

نوشته شده، متاسفانه در کتاب مرحوم دخیل،

غلط املایی خیلی زیاد داشت،

نتونستم بنویسم، بزرگان به دیده

اغماض بنگرند و عفو فرمایند.
 

منبع مجموعه کانالهای مدح و مرثیه

حضرت علی اصغر (ع) 6007

حضرت علی اصغر (علیه السلام)

 

 او شیر خواره نی دفن ایلدی امام انام

و لیک قویمادیلار قبرده سپاه ظلام

 

اودم که ظلمینی اتمامه ویردی قوم شریر

گچوب جدالره باشلار، بسان مهر منیر

 

باخوب او باشلارا وقاص زاده نطقه گلوب

سکینه باغرینی تیر عداوتیله دلوب

 

دئدی بو باشلار ایچینده گورنمورم بیر باش

او باشی تاپماقا سیز ایلیون بو دمده تلاش

 

حسین النده گتورمشدی بیرجه طفل صغیر

سو ایستینده بوغازینا ووردی حرمله تیر

 

اونون جنازه سی هر یاندادور گرک تاپولا

جدا باشنا اونون قانلی باشی زینت اولا

 

بو حکمی لشگره تا ویردی اول عدو خدا

سوار اولوب آتنا اون نفر، الده جدا

 

(قویوبلا ایمدیه دین سینم اوسته اللریمی

دیوله نیزه ائله آختارولا اصغریمی

 

باشین کسله تاپولسا، دیون نه چاره ایدیم؟

منه نجف یولونی گوسترون هرایه گیدیم

 

آتاسی دفن ایدوب، آت نعشی اوسته چاپمیالار

گلون دعا ایلیون، اصغریمی تاپمیالار

 

واریمدی نسگلی جان ویرمیوب قوجاقیمده

 نجه گوروم کسه لر باشینی قباقیمده)

 

(گل دعا ایله سکینه شام و کوفه لشگری

تاپماسون بلکه قیزیم نعش علی اصغری)

 

(عمه دل ترابدن ظلم الی گوهر آختارور

نیزه لرین وورور یره اصغری لشگر آختارور...)

 

یره وراردیلا غیظیله نوک نیزه لری

بو قصدیله تاپالا بلکه تا او سود امری

 

بیری او حالده یاندوردی جمله آفاقی

چخاتدی نیزه باشندا او قانلی قونداقی

 

آخور گوزوم یاشی، بو مطلب اود وورور جگره

محالدور داخی پرده چکم همین خبره

 

نجه حسین سوه نون اشگیله گوزی دولماز

بلی جفا اولی، بو انتهاده ظلم اولماز

 

بو ظلمی گور آپارار قبره صاحب الاسلام

او ظلمی اصغره گوردی روا او بد فرجام

 

یتوب بیوک یره سوز، آه یا امام زمان

اوزوندن ایستورم عذر، ایلیم او ظلمی بیان

 

او ظالمی که تاپوب اصغرین جنازه سینی

آلوبدی دست قضادن جفا اجازه سینی

 

تمام لشگره تاپماقلیقینی آندوردی

ازل جداده او قونداقی بیر دولاندوردی

 

حریم محترمین اختیارینی آلدی

او سود امر بالانی نیزه دن یره سالدی

 

توکوب رباب و سکینه عذاره گوز یاشینی

آتندان اندی او ظالم، کسه اونون باشینی

 

گوروب بوغازی او طفلین ز بس لطیفیدی چوخ

بچوب بوغازینی باشدان باشا، قلج کیمی اوخ

 

قالوبدی بیر دری آویز، قطع اولوب حنجر

باشین آیریماقا لازم دگل داخی خنجر

 

گریز احوالات حضرت صغری (س)

 

نه ظلم اولوب دئمرم یوخ دلیمده شرحنه تاب

بو قدر وار که یوموب گوزلرین آناسی رباب

 

گوروب سکینه بو حالی الین قویوب گوزینه

آلشدی قلبی گینه تسلیت ویروب اوزینه

 

یانا یانا توکوب آغلار گوزی یوزه قانیاش

دیردی بوندان ازل من علی ئولیدیم کاش

 

نه تک سکینه نی جاندان بو غم اوساندوردی

بیوک کچیک حرم مصطفانی یاندوردی...

 

قسمتی از اشعار مرحوم حسینی سعدی زمان ،

در کتاب کنزالحسینی ،

گریز احوالات حضرت صغری' سلام الله علیها

اشعار داخل پرانتز به ترتیب از

مرحومین دخیل ، عاصی و نجمی می باشد.

 

منبع مجموعه کانالهای مدح و مرثیه

در احوالات حضرت امام حسین (ع) 5752

در احوالات حضرت امام حسین (ع)

 

بو مجلسی ملائکِ نُه کشور آختارور

فیض آلماقا تمامِ ملائکلر آختارور

 

شاهِ شهیده مرثیه خوان جَبرئیلدور

کُرسیّ عرشی روضه ایچون منبر آختارور

 

بیر سس گلور قولاقیمه آرامیمی آلور

گویا آتا اوغول ایتوروب سسلر آختارور

 

بیت الحزن مجاوری یعقوبدور مگر

مصرِ بلاده یوسفِ گُل پیکر آختارور

 

یا بیر جوان سسی ایشیدوب شاهِ کربلا

آت گزدورور او چولده علی اکبر آختارور

 

ظاهر بودور اوز اوغلونی آختارموری حسین

ایتمیش بهانه اکبری ، پیغمبر آختارور

 

اطرافِ رزمگاهی گزر حرمله مگر

تیر و کمان الینده علی اصغر آختارور

 

ایتمیش حسین اوز بدنین اوخلارا نشان

اوجِ وصاله اوچماقا بال و پر آختارور

 

آتدان دوشنده خیملره قاچدی ذوالجناح

گویا غریب صاحیبینه یاور آختارور

 

شیهه چکوب دییردی گَلون ای غریبیلر

میداندا بیر یارالینی مین کافر آختارور

 

ناگه نه گوردولر دولانور خیمه نی باجی

قارداش گوزونی باغلاماقا معجر آختارور

 

زینب او دمده قارداشین آختارماقا گلوب

گوردی کی قارداشی سورونور خواهر آختارور

 

گاهی دونور بقیعه سسلنور آنا

گَل کربلایه اوغلون ئولور مادر آختارور

 

کیمدور ویره بو حالیمی عبّاسیمه خبر

بیکس حسین تشنه ئولور ساغر آختارور

 

ناگه نه گوردی شمر گوزون قان دوتوب گلور

امّا الی بلینده گزر خنجر آختارور

 

خنجر قویاندا گوردی گوزین چوخ دولاندیریر

سسلندی یاحسین کیمی بو گوزلر آختارور؟

 

فرمایش ایتدی منتظرم بو صون نفسده من

زهرانی بیر گوزوم بیری حیدر آختارور

 

گاهی یرور گهی دایانور صاق صولا باخور

خلوتگهِ حسینی پوزا پیکر آختارور

 

باخمیب یارالیدی او دنی چیخدی صَدرینه

کسسون باشین نه طرزیله پشتِ سر آختارور

 

زینب نه گوردی باش کسیلیب تیتروری بدن

بولدی یقین تازه کسیلمیش سر آختارور

 

تا امّته شفاعت ایده شاهِ کربلا

قانلی باشی الینده گزر محشر آختارور

 

ایتدی سبیل گوز یاشینی سلسبیل تک

گویا (دخیل) محشر اوچون گوهر آختارور.

 

مرحوم دخیل مراغه ای

منبع مجموعه کانالهای مدح و مرثیه

وداع حضرت امام حسین (ع) 5694

وداع حضرت امام حسین (علیه السلام)

 

هر کیم حسابِ شدّتِ روزِ شمار اِیدر

گُوز یاشینی بو بَزم ده سان سیز نِثار اِیدر

 

هر کیم تُوکه سرشگ عُذاره قطاریلَن

آل رسولیلَن اُوزونی هم قطار اِیدر

 

باشَه وورار بیری ، بیری آغلار ، بیری باخار

هر کیمسه اوز محبّتینی آشکار اِیدر

 

گُوز یاشینی تُوکنده دوتار شیشیَه مَلَک

هر قطره سین یگانه دُرِ شاهوار اِیدر

 

محشر گونی او دُرَّه اُولور مشتری خدا

قیمت ده اهل خُبره نی چون اختیار اِیدر

 

صرّافِ کربلا سُوزونی صرفه َلی بولَر

هر نه دِیسه امام حسین اعتبار اِیدر

 

گوز یاشینین قتیلی چون اول گوهره باخار

باخدیقجا گوز یاشینی توکوب آه و زار اِیدر

 

اطرافِ اَرضِ محشره بیر گُوز دولاندورار

وانگاه جستجوی یَمین و یَسار اِیدر

 

آغلار دیَر گوزوم ایشیقی اکبریم هانی؟

بو گوهری اونون گُوزی کامل عیار ایدر

 

مخصوص دور بو دُرّ چون اول نورِ عینیمه

سُکّان عین نور گُوزون نوری تار ایدر

 

جانلار جواهرینه جواهر فروش اُولان

قیمت او دُرّه مغفرت کردگار ایدر

 

بیر صاحبِ بصیرت اگر عبرت ایلیه

بی اعتبار دَهره ، نجه اعتبار ایدر

 

اولادِ مصطفانی جلای وطن قیلار

آل زنا یرین حرمِ زرنگار ایدر

 

عمّامه سیز حسین باشین نیزیه ورار

اما یزیده حرمت ایدوب تاجدار ایدر

 

قرآنیله ، قرابیه بیر یرده یِر وِیرَر

زین العبادی داخلِ بزم قُمار اِیدر

 

کونده وورار اَیاقینه دوشسون اَیاقدن

شُرب اهلینه ایاغ ویروب پایدار ایدر

 

کونده وورار اَیاقینه دوشسون اَیاقدن

شُرب اهلینه ایاغ ویروب پایدار ایدر

 

زنجیری سیّدِ قرشی بوینونا ورار

نسبت ده دیلم و حبش و زنگبار ایدر

 

جَهلیله چون مدینه ِیِ علمی ایدر خراب

اول شهر ، شهریارینی بی شهریار ایدر

 

چرخین نقدر عداوتی وار اهلِ حقّیله

هر یرده بیر عزیز گوروب ، خوار و زار ایدر

 

سلطانِ مکّه و حرم و یثرب و یمن

عزمِ جهادِ معرکه ِیِ کارزار ایدر

 

یالقوز قالوب او چولده جلودار ایستیوب

دُلدُل سوار اوغلونی ، زینب سوار ایدر

 

آتلاندیرور حرم حرمی مکّه شاهینی

نسلِ حرامی ، محترمِ روزگار ایدر

 

بیر پادشاهِ تختِ کرامت (دخیلیم)

بی دخل اولاندا شاه اُوزونه دَخلدار ایدر.

 

مرحوم دخیل مراغه ای

منبع مجموعه کانالهای مدح و مرثیه

حضرت امام حسین (ع) 5686

حضرت امام حسین (علیه السلام)

 

او مستحب که باطنده خلقه واجبدور

حسین عزاسیدی ، چون عمدهء مطالبدور

 

ایدوبدی پردهء عرشی سیاه ، مالکِ عرش

که عرش صاحبی که خوش فرشته صاحبدور

 

ادب رعایت ایدون ، چوخ خضوعیله اوتورون

بو پاک محضره حاضر ، امامِ غایبدور

 

گلن بو مجلسه ، بیلسون مقام و مرتبه سین

که عصر صاحبی ، مولائیلن مصاحبدور

 

نه بلکه ، محضرِ کلِ امامه فایضدور

نچون ائمهء عصرون امامی ، نایبدور

 

نه بیر امامه ، هامی انبیایه زایر اولور

او روحِ اطهره چون انبیا قوالبدور

 

چکوبله گوزلرینه پرده یا اولوبلار کور

دیله حاضر و ناظر ، امامِ غایبدور

 

که شیعه محضرِ فیضِ امامی ترک ایتمز

منیر نوریله هر یرده اولسا جاذبدور

 

ولی طوافِ حرم ، مثلِ جَنبِ جنب الله

حرامدور اونا که داخلِ اجانبدور

 

شریک نطفهء شیطان ، بو بزمه یول تاپماز

که اودلی آه اولارا چون شهابِ ثاقبدور

 

بو مجلسه گلنه هر کیم ایلسه آزار

ولیّ حقّه قسم ، داخلِ نواصبدور

 

محبّت اهلی عزا مجلسینی ترک ایتمز

که هر محبّته شورِ حسین ، غالبدور

 

حیاتِ عالمه باعث ، حسیندی روح الله

او روحِ پاکه ، مسیحای قلب قالبدور

 

حسینه مایل اولان دل ، محالدور آچیلا

اودور که آغلاماقا شیعه گوگلی راغبدور

 

بو آی رجب آیدی ، عزیز گوندی بو گون

که جمعه آخشامدی ، هم شبِ رغایبدور

 

ئولنلرین گوزی یولدا که کیم ایدر احسان؟

گرک ثواب ایده ، هر کیمسه خیره طالبدور

 

بو گون او گوندی ، سالالا ئولنلری یاده

ئولن که ئولدی ، قالانلار یرینده نائبدور

 

ایدلّه میّته بیر نوع نعمت و احسان

که اکل شربته اوز ساقلقندا راغبدور

 

حسینه ایستسه هر کیمسه ایلسون احسان

ئولنده چون سو دیوب ، گوز یاشی مناسبدور

 

(دخیل) جانینی ایله فدا خداوندا

او ذاتِ پاکه که بو مجلسه مراقبدور

 

گلن (دخیل) بو درگاهه ناامید اولماز

خصوص او کیمسه که شرمنده لیکده قاطبدور.

 

 مرحوم دخیل مراغه ای

منبع مجموعه کانالهای مدح و مرثیه

خروج از مدینه 5523

خروج از مدینه

 

چوخ باخ گِلَن بو سروِ خرامانه فاطمه

گلمز داخی بو سرو ، بو بستانه فاطمه

 

باجی اَلی تبرّک اولور ، اوز اَلونله گَل

بیر شانه وور بو زلفِ پریشانه فاطمه

 

بوللم که کربلاده بو نازلی سکینه نون

تیترر الی آلاندا اله شانه فاطمه

 

بو خاطره یولار که بو زلفِ معنبری

ظلمیله شمرِ دون باتورور قانه فاطمه

 

یعقوب آتام ، مدینه دی کنعان ، سن باجیم

ایتدون روان بو یوسفی زندانه فاطمه

 

گل بیرده اوپ یوزیمدن او یوسف کیمی ، باجی

اولماز قیتماقیم داخی کنعانه فاطمه

 

بیر جام سو گتور منه ، بیر دم قوناقوام

ویرمزله کربلاده سو مهمانه فاطمه

 

قویما اطاقیمی دوتا توز ، چون خبر گلور

قارداشون ئولدی ، ایله عزاخانه فاطمه

 

ایتمه خضاب ، گیتمه طویا ، گییمه قرمزی

ساخلا عزا همیشه بو نالانه فاطمه

 

قرآنیمی گُتور اَله هر جمعه آخشامی

گیت روضهء پیمبرِ ذی شانه فاطمه

 

ایله دعا که بلکه یتم تیز مرادیمه

قربان ایدم بو جانیمی جانانه فاطمه

 

جدّیم خلیل تک اوز الیله بابام حسین

زینت ویرور ، منیم کیمی قربانه فاطمه

 

یاسینده آغلیانلارا قربان ویرور منی

منده اولام شفیع ، جوانانه فاطمه

 

فلک ایدر سنی مندن جدا ، خداحافظ

مریض جانوه اکبر فدا ، خداحافظ

 

مرحوم دخیل مراغه ای

منبع مجموعه کانالهای مدح و مرثیه

در ولادت حضرت امام حسین (ع) 5412

در ولادت حضرت امام حسین (ع)

 

ویروبله زینتِ زیبا بهشتِ والایه

چکوبله پردهٔ خوش رنگ عرشِ اعلایه

 

ایدیبله اوزلرینه حوریانِ عرشِ برین

ثیاب و سندس و استبرقیله پیرایه

 

صدای زمزمِ تسبیح و غلغل و تهلیل

یتوبدی اوجیله سطحِ حضیض غبرایه

 

سالوبدی نُه فلکه شورشِ حسینی شور

چیخیبلا غرفه لره قدسیان تماشایه

 

ایدوبدی کوثریله آبِ سلسبیل ، سبیل

دولوب زلالِ شرابِ طهور مینایه

 

گلور قولاقه بو سس السّبیل یا عطشان

مگر گلوبدی امام حسین بو دنیایه؟

 

گلوبله یر یوزونه عرشیان ، قبیل قبیل

کی تهنیت ائده لر اهلِ بیتِ طاهایه

 

ملائکانِ سماوات حوریانِ جنان

مبارک اولسون ائده للر جنابِ زهرایه

 

علی الخصوص گلیب جبرئیل یالواردی

کی ایلسینله امام حسین ایچون دایه

 

زبانِ لابه آچیب ، گردنین ایدوبدور کج

ایدیب خطاب جنابِ بتولِ عذرایه

 

منی بو اوغلوا ایله لَله که جانیلن

همیشه قوللوق ایدیم بو عزیز ، مولایه

 

خصوص ائدنده بونی تشنه کام ، شمر شهید

سویاندا نعشینی ، عریان سالاندا صحرایه

 

یارالی پیکرینه قویمارام چوخ ایستی دگه

قانادیمی آچارام ایلرم اونا سایه

 

(دخیل) قلبینه عرض ایلرم که روحُ القدس

همیشه ایلیه الهام چون آیه.

 

مرحوم دخیل مراغه ای

منبع مجموعه کانالهای مدح و مرثیه

در احوالات حضرت علی ابن موسی الرضا (ع) 5399

در احوالات حضرت

علی ابن موسی الرضا (علیه السلام)

 

گل ای دیار غربت آرا یاوریم اوغول

خوارم اوغول غریبم اوغول سروریم اوغول

 

جان ویرمرم قیامته دین گوزلریم سنی

گل گور نجه یولوندا قالوب گوزلریم اوغول

 

یوخ بیر کسیم وصیت ایدم گلموری بالام

قورخوم بودور اورکده قالا سوزلریم اوغول

 

جدّیم حسینیله منی بیر جان خیال ایله

منده سنه خطاب ایدرم اکبریم اوغول

 

معصومه نی یانونجا گتور قارداشی ئولور

زینب کیمی عزاسی دوتا خواهریم اوغول

 

گل گور نه نوع زهر جفائیله دوغرانوب

آغزیم دلیم سینم جگریم لبلریم اوغول

 

گلدیم یانقلی دیللروه من فدا آتا

چکمه نوا که گلدی گلون بی نوا آتا

 

بیر بلبل بهار خیالیله گلمیشم

امّا خزان ایگی ویروری بو هوا آتا

 

من گلمیشم خبر آپارام اهل بیتوه

مدّتدی گوز تیکوبله یولا اقربا آتا

 

مامون سنی گتوردی امامت هواسیله

وامحنتا بو ذلّته واغربتا آتا

 

قویوب ایاقینی دهلیزه چون فغانیله

گوروب قویوبدیلا بیر طشت دولوبدی قانیله

 

باخاندا طشته نه گوردی امام اهل نظر

که پاره پاره جگرلر او قان ایچنده اوزر

 

باخوب او قانه گوروب گوگلی قانیله دولوری

او قانی ایگلدی گوردی که جان ایگی گلوری

 

نه قاندی بو که ایگی ایلدی منی بیهوش

گورن زمان گینه بو قانی قانیم ایلدی جوش

 

نه طشت دور بو مگر طشت کربلادور بو

دولوبدی قانیله صحرای نینوادور بو

 

جگرلرین هره سی بیر شهیددور عریان

که پاره پاره دوشوب قانینه اولوب غلطان

 

باجیم یانیمدا بو وقتیمده کاش اولیدی منیم

که غشّ ایدر اورگیم آنّی اوویدی منیم

 

دوشوبدی تنگه گوگل غمدن اولموری آزاد

گوزوم قالوب قاپودا گلمدی تقی جواد

 

غریب ئولنده جان اوستونده صاق صولون گوزلر

آتا ئولنده جوان اوغلونون یولون گوزلر

 

بیر بلبلم که راه گلستان ایتورمیشم

بیر قمریم که سرو خرامان ایتورمشم

 

بیر لال طوطیم که فلک تلخ کام ایدوب

حیرتده قالمیشام شکرستان ایتورمیشم

 

 مرحوم دخیل مراغه ای

احوالات مجلس یزید 5265

احوالات مجلس یزید 

 

انصافیدور حریم حرم محترملری

نامحرمان آرا بئله بی احترام اولا

 

انصافیدور که ایستیه لر بیر قیزی کنیز

امّا کنیزی حوری دارالسلام اولا

 

انصافیدور که آغلاماقا فرصت اولمیا

بیر باجیه که قارداشی فخر الانام اولا

 

آباسی انبیاء و رسل ، جدّی مصطفی

والد علی و والده امّ الکرام اولا

 

انصافیدور که قتل حسین بن فاطمه

بدر و احد ئولنلرینه انتقام اولا

 

انصافیدور که رأس سلیمان کربلا

تحفه گئدوب شمامه ی سلطان شام اولا

 

انصافیدور یزیده وئرنده سلام امام

سبّ ایلماق امامی جواب سلام اولا

 

انصافیدور که لعل لبه خیزران دگه

بیر لعل لب که مصحف او لعله کلام اولا

 

انصافیدور که گوهر دندان شاه دین را 

بی قدر اولوب شکسته ی هندی حُسام اولا

 

خلوتگه حریم حرم ، شُرب مجلسی

بزم قمار زین العبایه مقام اولا

 

انصافیدور قباقدا قویا کاسه ی سرین

بیر الده خیزران او بیری الده جام اولا

 

یا صاحب الزمان «دخیلم» شتاب قیل

گر وقت اولوب بو ظلملره اختتام اولا

 

مرحوم دخیل مراغه ای

منبع مجموعه کانالهای مدح و مرثیه

احوات غارت 5222

احوات غارت

 

غارت گونونده غارته غارتگر آغلادی

از بسکه غارته گیدن عورتلر آغلادی

 

آل رسول چکدیله چون وا محمدا

بو حالته ملشدی پیمبر لر آغلادی

 

خرد و بزرگ چکدیله فریاد یا علی

ملک نجف صدایه گلوب حیدر آغلادی

 

اسلام دینینون او حیالی خانم لارین

اسلام اهلی سوی دیلا کافر لر آغلادی

 

اوراق گل کیمی داغیلوب چون یتیم لر

شبنم دیمه سرشگ توکوب گل لر آغلادی

 

زاغ و زغن داراشدیلا گلزار حیدره

چون قیل و قال ایتدیله بلبل لر آغلادی

 

باشلار آچیلدی ساچلاری چون توکدولر یره

زلفین توکوب گل اوستونه سنبل لر آغلادی

 

زینب باشندان آلدیلا چون قاره معجری

زهرا که ویردی زینبینه معجر آغلادی

 

آل رسول حالینه قان آغلیوب حسین

پیکر یر اوسته نوک سناندا سر آغلادی

 

لیلا چکنده شیونیله وا محمدا

میدان کربلاده علی اکبر آغلادی

 

بو تعزیت سرانی یازان وقتده دخیل

کلک و مداد و صفحه ده هم مسطر آغلادی

 

مرحوم دخیل مراغه ای

منبع مجموعه کانالهای مدح و مرثیه

احوالات کوفه 5205

احوالات کوفه

 

گزر هواده جدا اوسته چوخ کسیک باشلار

نه محشر اولدی هواسنده کربلا گورونور

 

یقین اولور منه بو شهر کوفه دور یاران

نه چونکه خلقی نهایتده بی وفا گورونور

 

بو شهر ایچینده بئش ایل،من خانملق ایلمیشم

خانملارا قره واشلق نئجه روا گورونور

 

حریرچادر،باشیندا معجر گلدوز

لباس کهنه گیوب معجر قرا گورونور

 

سنان اولوبدی منه پاسبان،هانی عباس

کجاوه مه یاپشان شمر بی حیا گورونور

 

حسین دینده منه کیمسه جان دین یوخدور

حسین دینده کسیک باشیله جدا گورونور

 

بو کوچیه گیریَم سینه ده اورک دوگونور

گوزیمه بو قاپی باخدوقجا آشنا گورونور

 

بو کوچه نی تانیرام گل قطاریمی دؤندر

گوزیمه درگه سلطان اؤلیا گورونور

 

آتام باشی کیمی بو شهرده سنار باشیم

بلالی باشیمه بیلّم گنه بلا گورونور

 

بویوردی سیّد سجاد صبر ائله عمه

که ذلّتون عوضی ذلته رضا گورونور

 

گیرنده مسجد جامعده باخما محرابه

دولوبدی قانیله آثار مرتضیٰ گورونور

 

دخیل گوزیاشینون گوهرینه یوخدی عوض

نچون بهاسی رضامندی خدا گورونور

 

مرحوم دخیل مراغه ای

منبع مجموعه کانالهای مدح و مرثیه

در ولادت حضرت امام حسین (ع) 4362

در ولادت حضرت امام حسین (علیه السلام)

 

وئریبله زینت زیبا بهشت والایه

چکیبله پردهٔ خوش رنگ عرش اعلایه

 

ائدیبله اوزلرینه حوریان عرش برین

ثیاب وسندس و استبرقیله پیرایه

 

صدای زمزم تسبیح و غلغل و تهلیل

یئتیب دی اوجیله سطح حضیض،غبرایه

 

سالیب دی نُه فلکه شورش حسینی شور

چیخیبلا غرفه لره قدسیان تماشایه

 

ائدیبدی کوثریله آب سلسبیل سبیل

دولوب زلال شراب طهور مینایه

 

گلور قولاقه بو سس السبیل یا عطشان

مگر گلیبدی امام حسین بو دنیایه؟

 

گلوبله یئر یوزونه عرشیان قبیل قبیل

کی تهنیت ائده لر اهل بیت طاهایه

 

ملائکان سماوات حوریان جنان

مبارک اولسون ائده للر جناب زهرایه

 

علی الخصوص گلیب جبرئیل یالواردی

کی ایلسینله امام حسین ایچون دایه

 

زبان لابه آچیب گردنین ائدیب دیر کج

ائدیب خطاب جناب بتول عذرایه

 

منی بو اوغلوا ایله لله که جانیلن

همیشه قوللوق ائدیم بو عزیز مولایه

 

خصوص ائدنده بونی تشنه کام،شمر شهید

سویاندا نعشینی ،عریان سالاندا صحرایه

 

یارالی پیکرینه قویمارام چوخ ایستی دگه

قانادیمی آچارام ایلرم اونا سایه

 

((دخیل)) قلبینه عرض ایلرم که روح القدس

همیشه ایلیه الهام چون آیه

 

مرحوم دخیل مراغه ای

منبع مجموعه کانالهای مدح و مرثیه

وداع حضرت امام حسین (ع) 4347

وداع حضرت امام حسین (علیه السلام)

 

تا دفترِ غمِ شَه بی یار اَلیمده دور

یوخدور غمیم که دامنِ دلدار اَلیمده دور

 

دستِ خیال چنگ ووروب زلفِ زینبه

سر رشته ِیِ مطالبِ اسرار اَلیمده دور

 

قلبیم ایشیقدی عالَمی ظلمت دوتا اگر

فانوسِ شمعِ مَعدنِ اَنوار اَلیمده دور

 

قُویماز منی مُعَطَّل اولام صاحبِ عزا

ناله اِیدن زماندا دلِ زار اَلیمده دور

 

یالقوز قالوب حسین ، چکوب نعره شمرِ دون

میدانه گَل که تیغِ شرر بار الیمده دور

 

باخما صاقا ، صولا ، که تمامه یتوب ایشون

صاق و صولومدا لشکرِ اشرار الیمده دور

 

وِیردی جواب ایلمه تشویش ، ئولماقا

آماده ام که نامه یِ اقرار الیمده دور

 

امّا بیر آز دایان که طبیبه گَلوب مریض

نبضِ ضعیفِ عابدِ بیمار الیمده دور

 

نسخه یازوم گیدوب آلا بازارِ شامدن

وار نفعی چون مَظَنّه ِیِ بازار الیمده دور

 

میندی آتا دوتوب جلوین زینب عرض ایدوب

قویمام گیده نقدر بو اَفسار الیمده دور

 

تا تَرپَدوب اَلینی اَیاقینی باغلارام

محکم طناب طُرِّه ِیِ طَرّار الیمده دور

 

یا آغلارام که سو دوتا کرب و بلا چُولون

سِیلاب اشگ ، دیده ِیِ خونبار الیمده دور

 

یا خیردا قیزلاری دوزرَم باشوه تمام

باشی قَرالری هر نه حرم وار الیمده دور

 

قیلّام اشاره جمله تُوکولسون اَیاقوه

چون اختیارِ عترتِ اطهار الیمده دور.

 

مرحوم دخیل مراغه ای

منبع مجموعه کانالهای مدح و مرثیه

احوالات خروج از مدینه 4332

احوالات خروج از مدینه

مکالمهٔ حضرت امام حسین (علیه السلام)

 با جناب محمد حنفیه

 

گل ای سفینهٔ محنتده ناخدا قارداش

گلوب طلاطمه دریا کیمی بلا قارداش

 

دالونجا قویما علیلم منی گوزی یاشلی

محمد حنفیه سنه فدا قارداش

 

اگرچه دشمنون آرتوب مدینه دن گئتمه

وطنده واردی گینه قوم و اقربا قارداش

 

بیریسی ائتمیه نصرت بیری حمایت ائدر

وجه گلر بئله گونلرده آشنا قارداش

 

منیم ده قارداشیم عباس تک اؤلیدی الیم

گلیدی پنجه مه شمشیر لافتیٰ قارداش

 

گؤریدیم اوندا یزیدی نئجه مقابل اولور

حلال زاده ایله زادهٔ زنا قارداش

 

ائدوم نه چاره گورورسن الیمده قوت یوخ

یوخومدی قوت الیمه آلام جدا قارداش

 

آتام علی قاباقیندا قلج ویران گونلر

ائدردی صولتیمه فخر مرتضی ٰ قارداش

 

نه نوع گؤر یغیلوب بیر یئره بلا بولودی

دگُل بو کوچ گونی،دوتقوندی چوخ هوا قارداش

 

گل ایندی گئتمه ،کوفه نی ائله موقوف

که اهل کوفه ده یوخ ذره جه وفا قارداش

 

آتام علینی اولار ئولدوروب گمانیم وار

که قانی ایندیده محرابیده قالا قارداش

 

یوخوندی چاره اگر گئت آپار جوانلاریوی

حرم آپارماقیوا وئرمرم رضا قارداش

 

بونی قبول ائلمز غیرت بنی هاشم

که فاطمه قیزی زینب اسیر اولا قارداش

 

بو خیردا قیزلاریوا رحم ائله مدینه ده قوی

سکینه هاردا گوروب سیلی جفا قارداش؟

 

بو قدر بیل ،سنی ئولدورسه لر بو قوم شریر

دوشه لّه چوللره اولاد مصطفیٰ قارداش

 

بو التماسیمی رد ایلمه ((دخیلم)) من

((دخیلی)) تئز ائله بو غصه دن رها قارداش

 

جواب حضرت امام حسین (علیه السلام)

 

مدینه ده بیزه هرچند مهربان چوخدور

تغافل ایلمه چون جور آسمان چوخدور

 

بیری بیریندن آیرماقه صاف معشوقی

بو کارخانه ده معیار امتحان چؤخدور

 

گرک بو یولدا ویریلسون مدینه قافله سی

وگرنه شام و عراق اوسته کاروان چوخدور

 

حجاز قوشلاری اولسون گرک پراکنده

دیلّه شامیده ویرانه آشیان چوخدور

 

چکوبله اکبریمون صورتین شهادتده

وگرنه صورت اکبرکیمی جوان چوخدور

 

پسند ائدوبله علی اصغری شهادت ایچون

دئمه اونون کیمی تیره اولان نشان چؤخدور

 

بو آغلاماق سسی کرب و بلاده چوخ اوجالور

که سینه لرده بو گون نالهٔ نهان چوخدور

 

بو ذوالجناح منی کربلایه جان آپارور

گئدنده شامه ،سوار اولماقا سنان چوخدور

 

دیون کجاوه لری باغلاسونلا وقت گئچر

یئتیشمز آخره قصه بو داستان چوخدور

 

واروندی حوصله ایله قفسده ناله دخیل

که تنگه گلسون اگر باغ و بوستان چوخدور

 

مرحوم دخیل مراغه ای

منبع مجموعه کانالهای مدح و مرثیه

زبانحال حضرت رقیه (س) 4208

زبانحال حضرت رقیه (س)

 

من مکه و مدینه و بطحا غزالیم

گویلوم دولوبدی قانیله از بس یارالیم

 

نه مایل جلال و نه جاه و نه شوکتم

من عاشق شبیه پیمبر جمالیم

 

دولموش رگیله پوست تولای دوستدن

مدتدی شوقمند جواب و سئوالیم

 

درگاه حقده صبح و مسا یاعلی دیوب

آهو مثال هو چکرم وا اخالیم

 

درویش خاکسارم و اولاد بو تراب

مولا کیمی صفاده نظر کیمیالیم

 

دم آلموشام چو شاه نجفدن حقیقتی

وجهی بودور بو آهیله من حق نمالیم

 

شاهددی گردنیمده بو قیدیله سلسله

لاقید اولماقیمدان علی مقتدالیم

 

بیر پر شکسته قمری گلزار عفتم

زاغ و زغن جفالرینون بسته بالیم

 

عزت گوزیله باخسان اگر بانوی حجاز

ذلت گوزیله باخسان اگر کربلالیم

 

پیر طریقتیمدی حقیقتده عابدین

مرشد بی بیمدی منده مرید وفالیم

 

سن سویلوسن همیشه سنیله ندیم اولاخ

من طالبم صداقته صدق و صفالیم

 

سنله منیم مصاحبیم هاردا ساز اولور

سن اهل چنگ و تار ، ولی من عزالیم

 

غملر ووروبدی شانه منیم تار زلفیمه

گللم نوایه نی کیمی چون نینوالیم

 

سوز و گداز و ناله و اهیله شامدن

سالدیم حجازه شور گنه اه و والیم

 

خلخال و گوشواره می شمر لعین آلوب

بولموشدی چون ممالک عشاقه والیم

 

درسیم روان اولوبدی گنه شمر دون وورار

دامه سالوب خیال ایلیوب من خطالیم

 

شام اولدی شام شومدن آزاد اولانمادیم

حیرتده قالموشام نجه باشی بلالیم...

 

مرحوم دخیل مراغه ای

منبع مجموعه کانالهای مدح و مرثیه

زندگینامه دخیل مراغه ای 4130

زندگینامه شاعر اهلبیت

دخیل (آخوند ملا حسین مراغه ای)

 

نه تاریخ ولادتش را کسی میداند نه وفاتش را !

نه تذکره های نامی او برده اند

نه سفینه ها اثری از وی بر صفحات خود ثبت کرده اند .

در شعر معاصرانش نامی از او به میان نیامده و در جنگ ها نیز

قطعه شعری به نام وی نوشته نشده است !!!

هر دری که زدیم به رویمان گشوده نشد

و به هر منبعی که مراجعه کردیم

نتیجه ای نگرفتیم حتی وقتی از

احفاد و اولادش سراغ احوال و اقوالش را گرفتیم

جز بی اطلاعی چیزی دستگیرمان نشد !

 هر چه هست پرده ای از ابهام سر تا سر حیاتش را پوشانده و

مماتش را نیز تحت تاثیر قرار داده است ! 

در حالیکه رلال شعرش از

همان آغاز در جویبار زمان جاری است

و زینت بخش مجالس عزاداری .

 کمتر مداحی است که شعرش را نداند

و با سوز و گداز عارفانه در مساجد و تکایا نخواند . 

آنچه انسان را به تفکر وا میدارد

و در واقع ذهن را بر می آشوبد

این است که چگونه شاعری با این همه

 استعداد و ابتکار با این همه دایره ی

نفوذ و بالاتر از همه با این همه عشق

و علاقه و دلبستگی که به 

خاندان پیامبر را دارد و شعر او را تا این حد

از علایق مذهبی و احساسات

عاطفی بر خوردار کرده

چگونه این چنین غریب و ناشناخته مانده است ؟

آری سخن از دخیل مراغه ای است

ملا حسین دخیل مراغه ای

شاعر و مرثیه گوی آذربایجان

و مداح اهلبیت که تاثیر شعرش در

شعر رثانی برداشته شده

و شعرایی همچون اشراق (میر مراغه ای )

و دیگران در این نوع شعر کوشش هائی

به عمل آورده اند ولی شیوه

شعر دخیل به گونه ای دیگر است

و متفاوت با شعر همه 

کسانی که قبل از او پای به میدان شعر رثانی نهاده اند .

شاعری که نسخه های شعر او

تا 200 تا 250 سال قبل بر میگردد ...

بنا به قولی شعرای قرن سیزدهم هجری بوده

وادبیات نوحه ترکی را به

حالتی مدوّن و نظام مند درآورد،

 دخیل به شاعر مقتل‌نویس معروف است

چون یک مقتل شش جلدی به صورت

نظم و نثر نوشته است. 

این مجموعه مشتمل بر وقایع کربلا

و بزبان ترکی در شش جلد مکرر

در تبریز چاپ شده است. 

و یک اثر واقعا ارزشمند برای ارادتمندان اهل بیت میباشد

وداع حضرت علی اکبر (ع) 4170

وداع حضرت علی اکبر (علیه السلام)

 

گَل سرمه چک بو دیدهٔ گریانه سال یولا

بیر شانه ویر بو زلف پریشانه سال یولا

 

قیل دود آهی سرمه ، اگر شانه اولماسا

ایله حواله پنجهٔ مژگانه سال یولا

 

هرچند چؤخ قرادی گؤزوم یوخدی احتیاج

سرمه چکلّه دیدهٔ قربانه سال یولا

 

سواولماساگؤزون یاشی وار،گل بو زلفیمی

یؤخدور حنا گئدیم باتوروم قانه سال یولا

 

بی تابیلوق چؤخ ایلمه یالقوز آتام باخور

آرتیرما غصّه شاه شهیدانه سال یولا

 

معلوم اولور آنا اورگی چؤخ رقیق اولور

نامردلر قباقینه مردانه سال یولا

 

سنسن انام،سکینه باجیم،یوسفم اوزوم

یعقوب آتام عزیزینی ،زندانه سال یولا

 

ایلر منی شهیدلر ارواحی پیشواز

ایله حلال،تئز منی میدانه سال یولا

 

ییغ یانیوه امیر ولایت حرملرین

دشمن لریم باخولّا امیرانه سال یولا

 

مستانه گؤزلریمه باخوب گئتمه هوشدن

وئر هوشیوی منه ،منی مستانه سال یولا

 

مور ضعیف ،اوزون منه پای ملخ دیوب

بیر پیشکش آپار او سلیمانه سال یولا

 

گَل بیر آنالیق ایله الیمدن دوتوب منیم

وئر کمترین غلام او سلطانه سال یولا

 

هرچند چؤخ چتیندی بو تکلیف لر سنه

مردانه همت ایله دلیرانه،سال یولا

 

مرحوم دخیل مراغه ای

منبع مجموعه کانالهای مدح و مرثیه

زبانحال به حضرت علی اکبر (ع) 3971

زبانحال به حضرت علی اکبر (ع)

 

یتوب نه گوردی که پیغمبرِ خدا یخیلوب

باشی قلجلی ، شهنشاهِ کربلا یخیلوب

 

دوتوبلا دوره سین ارواحِ انبیا یکسر

گوروبله مظهرِ سر خیلِ انبیا یخیلوب

 

بیری زبور تلاوت ایدر ، بیری تورات

که‌ نخلِ گلشن یاسین و هل اتی' یخیلوب

 

نظامیلن دوزولوب رو‌حِ ‌انبیای عظام

گوروب معاینه سلطانِ اولیا یخیلوب

 

گلوب ملائکه لر ، جبرئیل آچوب باشین

که محرمِ حرم قدسِ کبریا یخیلوب

 

گوروب که‌ شعشعه سی دولدوروبدی میدانی

دییَردی خسروِ اَلشَّمسِ وَالضُّحی' یخیلوب

 

اوزون گوروب او بدنده دییردی اوز اوزینه

بوداقلی قوللّی یره سروِ دلربا یخیلوب

 

نه حسّ و‌ نه‌ حرکت قوللاری دوشوب یانینه

دیوب دور ای علی گور شاهِ کربلا یخیلوب

 

گوروب او حالی دئدی اکبریم داخی بیلدیم

یاتان اوغلدی نه سقّای کربلا یخیلوب

 

محبّت اهلینه چون مختلف اولور احوال

بو کوی عشقیده هر کیم جدا جدا یخیلوب.

 

مرحوم استاد ملّا حسین دخیل مراغه ای

منبع مجموعه کانالهای مدح و مرثیه

احوالات یعقوب کندی 3725

احوالات یعقوب کندی

 

یخلدی شاه لب عطشان او دمکه قتلگهه

او وقته حال وله ویردی سنگدل سپهه

 

باخوبلا بیربیرینین یوزلرینه چوخ حیران

اولوب وجودلری برگ بید تک لرزان

 

بیری دیردی بودور پادشاه یوم نشور

گورون ننوعیله پروردگاریله دانشور

 

آچوبدی حقه دلین چوخ خدا خدا سویلور

یقین که جدینین امتلرین دعا ایلور

 

بیری دیردی سولوب گللری یانوب باغی

که وار اونون اورگینده جوان اوغول داغی

 

گوروب او حالتی سعد اوغلی مطلبی بلدی

دونوب امامه طرف باخدی طعن ایدوب گلدی

 

دیدی که ای قشون اهلی مگر نه فکر ایدوسوز

حسینین امری تمام اولماموش هارا گیدوسوز

 

دایانمیون توکولون تیز کسون اونو باشینی

نجه که قتله یتوردوز بو چولده قارداشینی

 

جواب ویردیله بو امره ایتمروخ اقدام

اونون بو حالی بو دللردن آلدی صبر و قوام

 

بو سوزده گوردیله گرد عظیم گورسندی

باشیندا جمعی قشون گلدی یعقوب کندی

 

چاقوردی زاده وقاص اونی برابرینه

دیدی که دیر گلوبسن بو کربلا یرینه

 

بو گونده وار گنهون مورد مواخذه سن

که سن یوبانماقوا ایسته سن عوض ایده سن

 

دایانما دلدهکی قصدون امیریوه بلدور

او تپراق استه دوشن تشنه کامی گیت الدور

 

دیدی منی ایلیون سیز بو سریدن آگاه

که اول یارالیه سیز ثابت ایتموسوز نه گناه

 

جواب ویردی امام زمانه چون اولوب عاق

ثوابیدور اونی بو گونده تشنه الدورماق

 

ایشتدی تا بو سوزی سویلدی بفوریت

امامیمون ایدرم امرینه بو گون طاعت

 

اقام امام حسینه اگر اولوبدورعاق

بو دمده من اونی الدورماقا وارام مشتاق

 

بو گون بو عرصه ده قیلام اونا حیاتی حرام

گیدوب مدینه ده آلام حسینیدن انعام

 

امامه عاق اولانون باشینی گیدوب کسرم

کسنده باشینی فریاد یا حسین چکرم

 

مدینه شاهی حسیندور اولوم اونا قربان

که کیمدی دهریده اوندان صورا امام زمان

 

الینه خنجر آلوب یوز ویروبدی شور و شعف

یوگوردی هولیله گودال قتلگاهه طرف

 

یتوب باش استنه گوردی سیزیلدوری او غریب

اونون سیزیلدیسی الدن آلور قرار و شکیب

 

دوتوب گویه یوزینی عرض ایدور خداوندا

بو یرده دینیوی قانیمله ایلرم احیا

 

بو کونکه گونده وارام وصلیوه سنون شایق

گتورمدیم ولی اول بزمه تحفه لایق

 

اولار که ممکنیدی هر نیه گلوردی گمان

سنون یولوندا تمامین من ایلدیم قربان

 

سوسوز فدالری گوردوقجا منده کام آلدوم

سنون او فدیه لریندن اوزوم گیجه قالدیم

 

منیم بو حالتیمه رحمتیوی قیل مشمول

بو آز فدالریمی درگهونده ایله قبول

 

بو قتلگاهیده گوستر تفضل آثارین

منه بغشله خدا امتین گنهکارین

 

یولوندا تشنه لب الماقه نه هراسیم وار

تفضل ایتسن اگر بیر جه التماسیم وار

 

گوروب بو حالتی یعقوب اولوبدی چوخ دلگیر

دیدی که ای یارالی سنده واردی نه تقصیر

 

که ایلیوبله سنین قتلیوه منی مامور

یقین که ایمدی کناهوندان اولموسان معذور

 

دولاندوروب یوزینی حضرت اول جوانه باخوب

باخا با خا یوزینه گوزدن اشک چشمی آخوب

 

بویوردی من بلورم اشقیای دور زمن

سنه دیوبله منیم باشیمی بو گون کسه سن

 

سالوب عمر سنی آیری خیاله خوش گلدون

که یولیوبدی بو امر محاله خوشگلدون

 

خزان جاندی ولی نوبهار ایماندی

چیخوبدی گلشن وصلونده لاله خوشگلدون

 

الیوی ساخلا جوان خنجریوی قوی یرینه

تامل ایله گلوم بیر جه حاله خوشگلدون

 

سنس قضا قلمی یازمیوب منه قاتل

ایدوبدی قتلیمه شمره حواله خوشگلدون

 

الینده خنجری دوتما باخور سکینه قیزیم

که تاب ایلمه سن ایتسه ناله خوشگلدون

 

دوروبدی خیمه قباقینده قر خادین عورت

ترحم ایله او اهل و عیاله خوشگلدون

 

اولوبدی گل یوزینه کربلا غباری نقاب

سالوبدی قان بو خط و خاله هاله خوشگلدون

 

وفا سپهرینین اولدوزلاری ایدوبدی غروب

یتوبدی شمس امامت زواله خوشگلدون

 

گورونمیوبدی که یعقوب یوسف الدورسون

یتنده مصریده بزم وصاله خوشگلدون

 

ایشتدی بو سوزی یعقوب چکدی دلدن آه

دیدی اوزیوی نشان ویر منه سنی الله

 

یانقلی سوزلریله قلبیمی اریتدون سن

آدون بیان ایله آندور منه گوروم کیمسن

 

بویوردی حضرت اونا ای جوان غرق محن

بو گونده صبح زمانی چیخاندا ایودن سن

 

آنان سنه دیدی کشف ایدوم سنه او سوزی

تعجب ایلدی یعقوب شه بو یوردی اوزی

 

دیدی که صبح ایویندن چیخان زماندا

جوان آنان قباقیوی کسدی الینده بیر قران

 

دیدی قسم ویرورم بو عزیز قرآنه

اونون دالینجا اوغول گیسوی پریشانه

 

گوتورمرم اتگوندن قیامته کیمی ال

حلال ایلمرم ای اوغول سنی تیز گل

 

علاج ایله بو یانان قلبیمون حرارتینه

آپار منی قیدنده حسین زیارتینه

 

دیدی یارالی سینیق قلبی یاخشی شاد ایلدون

اولوم حسینیمه قربان حسینی یاد ایلدون

 

کسوب باشیوی عمر سعده خیر خواه اولام

حسین زیارتینین خرجینی تمام الام

 

بویوردی قانیمه ای نوجوان چوخ سوساما

یوبانما بوردا بیله رحم ایله غریب آناوا

 

داخی لزوم دگل جانب حجازه گیده

باشیمی گل کس آپار تا آنان زیارت ایده

 

سنه زیارت آناندان قباقجا اولدی نصیب

عزیز حضرت زهرا منم حسین غریب

 

ایشتدی بو سوزی یعقوب خنجری آتدی

سرشک چشمینی خونابه دله قاتدی

 

اورک دوگوندی جگر داغلی حولیله دوردی

 قزاردی رنگی ایکی اللی باشینه ووردی

 

اوزینی سالدی امام حسین قدملرینه

ویروب اجازه او دم اشک دیده ترینه

 

دیدی که کور اولیدی منیم گوزوم ایکاش

سزادی گر یوزیمه دیده دن آخا قانیاش

 

منی گذشت ایله ای من سنه بلا گردان

قصوریمی سن اوزون عفو قیل سنه قربان

 

تانومادیم سنی من هتک احترام ایلدیم

جسارتیله سنین قتلیوه قیام ایلدیم

 

مقصرم منی عفو ایله ای شه ازلی

سنه یارا وورانون من گوروم شل اولسون الی

 

بو قدر یاره که جسم چاک چاکه دگوب

علاوه تیر سه شعبه بو قلب پاکه دگوب

 

نجه بدندی بو قدری یارایه تاب ایتدی

منیمده قلبیمی بو سوز دل کباب ایتدی

 

سنه فدا اولا جانیم ایا شه مدنی

نقدر اولسا قصوریم گذشت ایله منی

 

ایا شهنشه دوران عزیز ختم رسول

منیم بو عرضیمی گل لطف اوزیله ایله قبول

 

خدادن استه منی ایتمسون جهاندا ذلیل

گلوب بو درگهه سالدیم اوزیمی منده دخیل

 

مرحوم دخیل مراغه ای

منبع کانال گنجینه گذشتگان

جلالت حضرت زینب کبری (س) 3358

جلالت حضرت زینب کبری (سلام الله)

 

پریشان طره زینب که غرف اشک ماتمدور

خیالی اشک افزادورچو ابر بارش غمدور

 

نقاب مهد علیادور حجاب عصمت والا

مسیحا طسلسانیدورکه سر قدسی مریمدور

 

سواد سوره نور هدادور آیه تطهیر

مفسر دور مترجمدورناطق قرآن اعظمدور

 

یوزینده زلفیله مکتوب خط لن ترانی دور

تجلای رخیندن غش ایدن موسای اکبردور

 

پر عنقای وحدتدور نقاب عارض زینب

علاوه اهل کثرت نور باطلدور مسلمدور

 

یوزی کشف اولدی اما سری وار اغیاره کشف اولماز

کلام الله ناطق کسری جزما فتحینه ضمدور

 

گوره بلمز جمالین بلمین لا یبصرون اهلی

بصیرت اهلینه قرآن حق سری متممدور

 

منافق روی زینبدن تماشا فیضینی تاپماز

که زلفی لیله القدر و یوزی ماه محرمدور

 

بو زلفین شرحی طولانیدی عقدی مشکلدی

دالیندا شاهدی وار شاهدی الله اعلمدور

 

فنایه گیتسه عالملر آچلماز پرده زینب

ویبقی وجه ربک آیه سی برهان محکمدور

 

او گون زلفین آچوب زینب که گوردی نیزه باشیندا

حسینین تل بتل آق سقالی قانیله پر نمدور

 

قویوب یوز قتلگاهه پاره پاره نعشینی تاپدی

گوروب بیر آز قباقجا گوردوقی اعضاسی برهمدور

 

داغلموش زلفی تک نعشین داغتموش نیزه و خنجر

نفس گلمز ولی گلما قلیقا قانی دمادمدور

 

دوشوب چون صفحه قرآن یازیلموش آیه قرأن

قلم اوخ قرمزی قان شرحیله متنی مترجمدور

 

دیدی قیلام کفن بو جسمه زلف مشکباریمدن

اگرچه مشک ایگیندن زخمدارین عادتی رمدور

 

ولی چون زلفیمی آهیم شراری یاندورور قارداش

توکوم قوی سینن استه زخمه یانموش قاره مرهمدور

 

دلیم یانسون دیسم زینب یوزین اغیاره گوستردی

مگر صدیقه کبرا قیزینا شمر محرمدور

 

دوشردی گه یوزی استه دوردندا زلفی اورتردی

خیالوندا او حالی سیر ایله گور بیر نه عالمدور

 

قوجاقلوب نعشین آغلاردی اپردی زخمین ایگلردی

دیردی دور آنام اوغلی باجین احوالی درهمدور

 

قویوب نعشین قوری یرده گیدور حوالرین شامه

چکن بو هجر دردین مندن اوزگه هانسی أدمدور

 

حسین آدین قویوبلار خارجی علت بودور گویا

گوروبلر حقینی خارج ایچنده چون مسلمدور

 

حسین الدی دوتولدی گون سالوب زلفین یوزه زینب

چیخا هر کونذه گر مین گون گینه أفاق مظلمدور

 

هدر گیتمز (دخیلین) قانی گرچه فی المثل سگ دور

نه چون روح القدس استادیدور کلب معلمدور

 

مرحوم دخیل مراغه ای

منبع کانال گنجینه گذشتگان

در احوالات حضرت معصومه (س) 3250

در احوالات حضرت معصومه (سلام الله)

 

گل ای سالان منی بو ورطه ملاله رضا

بلای عشقه قیلان گوگلیمی حواله رضا

 

ائدوبدی حق منِ فرقت کشیده نی نومید

او خط و خال و کمالُ او مه جماله رضا

 

هوای وصلویله چشم زاریم ائتمز خواب

دوشنده لذت صحبت لرون خیاله رضا

 

که قورخورام فلک کجمداره صورتدن

فراقه قید اولونام یتمییم وصاله رضا

 

سبب بو امره ندور شهره طوسدن گلمز

نه قاصدون،نه پیامون،نه بیر رساله رضا

 

گئجه سمایه یتور دود و نالهٔ آهیم

گونوز فغان چکرم آغلارام بو حاله رضا

 

گلور نوایه تقی پرشکسته بلبل تک

سرشک چشمین ائدر گل یوزینه ژاله رضا

 

ائدن عیالیوه حسرت سنی الهی گوروم

یوزی قرا اولا حسرت قالا عیاله رضا

 

سنی جلای وطن دربدر سالان ظالم

دچار اولا غضب قهر ذوالجلاله رضا

 

وفات ائدنده آلیدون باشیم دیزون اوسته

وئرنده جان باخایدوم او خط و خاله رضا

 

نه خوش زمانیدی اوغلون تقی سنیله ائده

گلوردی راز و نیازِ خوش اتّصاله رضا

 

امید اوزیله قویوب فایض دل آرامیم

عنایت و کرموندی گلوب سؤاله رضا

 

مرحوم دخیل مراغه ای

منبع مجموعه کانالهای مدح و مرثیه

ورود به مدینه 3201

ورود به مدینه

 

چون یتیشوب اوتوردیلار آل عبا مدینه ده

ماتم شاه کربلا اولدی بنا مدینه ده

 

چیخدیلا شام شومیدن یتدی حجازه کاروان

شهر مدینه نون اولوب گلشن و باغی چون عیان

گلدی فغانه بلبلان چون کی گوروندی آشیان

سالدی جهانه غلغله شور و نوا مدینه ده

 

چون وطنه یتیشدیلر راحت اولوب اوتوردیلار

آه و فغان شراره سی کل جهانه ویردیلار

تشنه ئولن حسین ایچون مجلس یاس قوردیلار

چون یوخیدی دمشق تک اهل جفا مدینه ده

 

تا یتوروب شه حرم ملک حجازه زینبی

سالدی گینه شرار غم سوز و گدازه زینبی

شوره گلوب که چولقیوب شیون تازه زینبی

سالدی قرالی باشینه بیرده قرا مدینه ده

 

اولدی قباقجا یاس یئری روضهٔ شاه مشرقین

قبر پیمبره سالوب زلزله بانگ شور و شین

کل ولایتی دوتوب غلغلهٔ حسین حسین

اهل مدینه ،ائو به ائو دوتدی عزا مدینه ده

 

چیخدی صداسی قوشلارین گویلره آشیانه دن

آغلاماقی اوجالتدیلار راحت اولوب بهانه دن

باشلاری چون که قورتولوب زحمت تازیانه دن

اولدی بلند هر طرف بانگ بکا مدینه دن

 

آتش آه سردیله قلب جهان داغلانوب

تاجر شام چون گلوب خوان دکان باغلانوب

زینبه چون کمک گلوب قارداشینا چوخ آغلانوب

اولدی مجالس عزا صحن و سرا مدینه ده

 

دوتدی جهانی تازه دن نالهٔ وامحمدا

اولدی عیان معاینه شور وبساط کربلا

گوردیله امّ سلمه نی جمله خویش و اقربا

قانه دونوبدی شیشه ده خاک شفا مدینه ده

 

سس چکوب آغلاشوردیلار دل به دل اقربائیلن

بزم عزانی دولدوروب نغمه کربلائیلن

فاطمه گیردی مجلسه اگنی باشی قرائیلن

بیر یخیلوب دوروب دئدی وا أبتا مدینه ده

 

فاطمیه دوشن زمان اکبر آناسینون گوزی

گوردی چوخ اوخشور اکبره فاطمه نون یوزی،گوزی

تاپدی نفس باتوب سسی قالدی دلینده هم سوزی

تا آچیلوب دیلی دئدی وا ولدا مدینه ده

 

واجب العرض اولموشام آل عبا خلیلینه

بیرجه نفس نفس وئره امر عزا ((دخیلینه))

علم مدینه درگهین فتح ائده جبرئیلینه

قلبینه بلکه کشف اولا سرّ خدا مدینه ده

 

مرحوم دخیل مراغه ای

منبع مجموعه کانالهای مدح و مرثیه

احوالات ورود به مدینه 3140

احوالات ورود به مدینه

 

مدینیه قویوب اوز کاروان درد و الم

بشیره ائتدی مخاطب جناب زینب او دم

 

گئدوب مدینیه عرض ایله آه زاریمندن

که دوتسون عالمی غم شرح روزگاریمندن

 

بو سِیل اشکیمیله خلقی بیر خبردار ائت

مباد قاچمیه بیر کیمسه رهگذاریمندن

 

اَلونده قاره علم گردنونده شال عزا

بو نوعی وئر خبر اول شاه تاجداریمندن

 

خزان اولان چمنون ذکرون ایله سوز دوشسه

علیّ اکبری اول نوگل بهاریمندن

 

خمیده قامت کلثوم و صفیّه نی ایله بیان

دوشنده صحبت علمدار جان نثاریمندن

 

ولی بو نوعی بیزی دهر ائدوبدی خوار دئمه

گوروب ایشیتدیقیوی هر نه وار دئمه

 

مدینه شاهی ئولوبدی اولوب عیالی اسیر

به سان دیلم و تاتار و زنگبار دئمه

 

اسیر ائدنده گئدوب معجر و نقابلری

اولوبدی پرده لری زلف تابدار دئمه

 

گلوب منی سوروشاندا عم اوغلوم عبدالله

اماندی رحم ائله اول پیره هر نه وار دئمه

 

منیم سویولماقیمی ایلمه بئله تقریر

نه معجر و نه نقاب و نه گوشوار دئمه

 

بشیر عَلم گوتوروب مدّ آه زینب تک

ائدوب لباسینی بخت سیاه زینب تک

 

دروازه نون مقابلینه تا یتوب دوروب

چاووش تک قرا عَلمینی یره ووروب

 

اوّل ائدوب مدینۀ اسلامه بیر سلام

شهره گیروب نه گوردی دوتوب شهری ازدحام

 

هیچ کیمسه چون دانیشماقا سوز جرئت ائتمدی

حیران توکوبله یوزلره اشک عقیق فام

 

آخر بیری بشیری او حالیله چون گوروب

توکدی سرشک ناب یوزه چون شراب جام

 

اوپدی الین ایاقینی عرض ائتدی «مَا الخَبَر؟»

وئردی جواب «تَسمع فِی المَسجد الحَرام»

 

سوردی آتین چو سمت مزار پیمبره

وئردی سلام روضه قاپوسین ائدوب مقام

 

گوردی بشیر او شورشی حیران و مات اولوب

بیر آز دوروب دانیشمادی بیر حرف لا کلام

 

نطقه گلوب بیر آه چکوب ایلدی خطاب

ای ساکنان حوزۀ شهر شه اَنام

 

آرامیلن بو شهریده اگلشمیون داخی

دیوانه لر کیمی ائلیون چوللری مقام

 

ئولدوردولر حسینی باتوب قانه پیکری

عریان قالوبدی اوچ گئجه گوندوز علی الدّوام

 

دئیور بشیر تمامه یتوشممیشدی کلام

گلولّه مسجده گوردوم که فوج فوج انام

 

قباقجا شوریله گوردوم گلولّه بیر دسته

وئروبله اَل اَله کلّاً جوان نورسته

 

بیری بیرینه دئیولّر گرکدی عشرت ائداخ

خبر آلون اگر اکبر گلور قباقه گئداخ

 

ایشیقلانور گوزوموز گون کیمی عذاریندن

الهی شکر که قورتولدوق انتظاریندن

 

گلوب جوانلار او دم اکبرون سراقینه

دوشندیلر هاموسی قاصدین ایاقینه

 

فدا اولاق سنه ای قاصد وفا پرور

بویور نه وقت گلور نوجوان علی اکبر

 

وئروب جواب اولارا قاصد اَلم پرور

که مشکل امریدی بیرده گله علی اکبر

 

بیر اوزگه عالمه اول نوجوان مسافر اولوب

چتین گله باباسی قبرینه مجاور اولوب

 

جوانلار هیچ بیری اولماز اونون سیاقینده

گزر آتاسی یانیندا بهشت باقینده

 

قرا لباسه اولوب احتیاجیمیز یکسر

بو قاصدین دئمگیندن ئولوب علی اکبر

 

جواب وئردی بشیر اونلارا به ناله و آه

مَلر قالوب آناسی صبر وئر اوزون الله

 

ازل قلجلارینان بند بند دوغرادیلار

او قدر قانی آخوب اهل بیت آغلادیلار

 

مرحوم دخیل

منبع مجموعه کانالهای مدح و مرثیه

ورود به مدینه 3139

ورود به مدینه

 

ای اهل شهر شهره قیامت گتورمشم

اندوه و درد و غصه و محنت گتورمشم

 

یاس دوتماقا حسینه مزار رسولیده

قرخا یاخین قرا گین عورت گتورمشم

 

کعبه کیمی حرملری کلأ سیاه پوش

بیر دسته اهلبیت رسالت گتورمشم

 

چون باغلیوبلا غم یؤکی بازار شامدن

بیر کاروان مطاع مصیبت گتورمشم

 

شمر الدوروبدی شهر رسالت امیرینی

سلطان بارگاه امامت گتورمشم

 

ویران اولوب ولایتوزون صاحبی الوب

مژده ویرون امیر ولایت گتورمشم

 

آل رسولی عزتیله پیشواز ایدون

چوخ چوخ چکوبله شامده ذلت گتورمشم

 

زینب یزید الیندن آناسی مزارینه

تا ایلیه دویونجا شکایت گتورمشم

 

اون سگزون قروبلا بنی هاشمون ولی

بیرجه مریض امامی سلامت گتورمشم

 

نازل اولوب جوارووزه زین العابدین

کل عِباده کل عبادت گتورمشم

 

 مرحوم دخیل مراغه ای

منبع مجموعه کانالهای مدح و مرثیه

حضرت امام حسین (ع) 3119

حضرت امام حسین (علیه السلام)

 

ای شمع بزم ماتمه پروانه یا حسین

ای اود سالان مصیبتی هر جانه یاحسین

 

عبّاس خاطرینه او قانلی جمالوی

ویر بیر نشان بو قلب پریشانه یاحسین

 

تا بیر بیره یغوم بو پریشان خیالمی

باعث اولوم بو یئرده چوخ افغانه یاحسین

 

بی شک سالور توجّه انسان کاملون

جسم جمادی صورت انسانه یاحسین

 

انصافیدور قویام آدیمی شیعه یانمیام

اما سنون چادرلارون اودلانه یاحسین

 

انصافیدور یوزیمه گوزوم یاشی آخمیا

امّا سنون قانون آخا هریانه یاحسین

 

هانسی امام شیعه سین ایستر سنون کیمی

راضی اولوب بو ظلم نمایانه یاحسین

 

اکبر کیمی جوان اوغولا گیدیرر کفن

زلفینه اوز الیله ویرار شانه یاحسین

 

مین عذریله آناسی الیندن آلور اونی

یولّار باشی کسیلمگه میدانه یاحسین

 

هانسی امام خیمه لرین اودلیوبدولار

اولادینی توکوبله بیابانه یاحسین

 

عورت اوشاخ،گلین،قیز،عیالی ایاق یالین

قاچدیلا قورخودان هره بیر یانه یاحسین

 

بیر التفات قیل بو ذلیله (دخیلووم)

مسکین گلوب بو خوان گرانمایه یاحسین

 

مرحوم دخیل مراغه ای

منبع مجموعه کانالهای مدح و مرثیه

احوالات جابر ابن عبدالله انصاری در اربعین 3118

احوالات جابر ابن عبدالله انصاری در اربعین

 

به قصد غسل اولوب عازم کنار فرات

توکوب لباس صفاتی اولوب مجرد ذات

 

کنار نهره یتوب خشک اولوب دوروب چون نی

یتوب نوای من الماء کل شیی حی

 

اورک گوزیله قباقجا فراته بیرباخدی

فرات تک یوزینه اشک دیده سی آخدی

 

نئجه باخوم بو سویا گوگلمون بلاسی گلور

که سسلننده بو سو العطش صداسی گلور

 

باخوب سویا گوزومون جامی اشگیله دولدی

بو سوئیلن منه غسل ایلمک حرام اولدی

 

گرکدی اشکیله غسل ایلیوم فغانیلن

که دستماز آولوبدور حسین قانیلن

 

نه سودی باشیمه تپراق نه غسلدور نه وضو

حسین جنازه سی اوسته تاپیلمیوبدور سو

 

حسین قصد زیارت ائدوب چون اللهی

او وقته قانیله غسل ائتدی کربلا شاهی

 

عبث دگول که سو اوستونده ناله لر چکرم

دگل فرات سوئی اوددی جانیمه توکرم

 

باخوب فراته آخار شط کیمی گوزوم اشکی

گلیدی کاش اله سقای کربلا مشکی

 

او مشکی آب فراتیله دؤلدوریدیم من

کنار قبر حسینه یتوب دوریدیم من

 

به عشق حضرت عباس اشگ چشم (دخیل)

او قبر پاکه ایدیدیم اومشک آبی سبیل

 

سپنده نصفینی اول سرورون مزارینه

توکیدیم آرتوقینی اکبرین مزارینه

 

پس جابر غسل ائدوب،

گلوب یتیشوب حضرتین قبرینون برابرینه

 

گوروب حقیقت امری یغلدی چون فکری

کی اولدی اربع تسبیح اربعه ذکری

 

اودم که مصرع شاه شهادته یتدی

همین او جلوه گه کبریاده غش ائتدی

 

بیر آیری جلوه یتوب چون او پیر مدهوشه

که گلدی هوشه گلوب عشق آتشی جوشه

 

ایاقه ایستدی دورسون گوروب که یوخ طاقت

یئره یخیلدی یئر اوستونده ایلدی حرکت

 

حسین جمالی اونا بسکه جذبه لی گورونوب

او یرده که سورونوردی امام،اودا سورونوب

 

عطیه نی چاغیریب:

بویوردی یا عطیه منی اوقبر اوستونه یتور

 

دوتوب الین یتوروب تا حسین مزارینه

خطاب ائتدی اودم چشم اشگبارینه

 

یاتوب بو قبریده چون بیر سوسوز امام قتیل

نه قدر ممکن اولا گوزیاشوی ایله سبیل

 

اوزوه آغلاماقی ابرتک شعار ایله

بو قبر پاکه گوزوم،اشگووی نثار ایله

 

امام تشنه لبین قبریدن نواسی گلور

گوزوم قولاقوی آچ العطش صداسی گلور

 

عطش اودینا یانوب بس کی استخوان و رگی

سو سپ مزارینه بلکه سرین نیه اورگی

 

یاتان بو قبریده بیر تشنه کام قرباندور

فرات سوونا یوخ گوزیاشینا مهماندور

 

وئروبدی جانینی جان جهان قوری یئرده

شمیم تربتی چون روح عالمه جاندور

 

ئولنده تربتینی ایسلادوبدی قانی ایلن

اودور که خاک شفا هر مریضه درماندور

 

بو قبر پاکی زیارت ائدر وحوش و طیور

یاتان بو قبر بساطینده بیر سلیماندور

 

او روح عالمه چون نوح،نوحه گر دی مدام

اودور که اشکیله دائم جهاندا طوفاندور

 

گوگل عمارتینی سیل اشک محکم ائدر

که آغلیان گوزه ناظر علیّ عمراندور

 

اولوب امام حسین گوز یاشیندان اوتری قتیل

(دخیل) آغلامیان داخل بخیلاندور

 

 مرحوم دخیل مراغه ای

منبع مجموعه کانالهای مدح و مرثیه

احوالات خرابه شام 3100

احوالات خرابه شام

 

آچ بیر قولاق گوزوم بوفغان و نوایه باخ

هرصبح و شامیدن اوجالانمش صدایه باخ

 

وصل ایسته سن باشون بدنوندن جدا گرک

سرمشقدور حسین باشی نوک جدایه باخ

 

قرآن اوخور حجاز هواسیله شامیده

الله هواسی واردی باشندا هوایه باخ

 

گرایسته سن قرائت قرانی پرده سیز

بی پرده اهل بیت رسول خدایه باخ

 

چون شرمسیز چخوبلا تماشایه اهل شام

چنگ و نی و چغانه دف و ساز و نایه باخ

 

اوینالا های هوئیله اهل دغانی گور

آغلالا های هائیله اهل دعایه باخ

 

سرمشقدور بلای دمشق اهل عشق ایچون

اول بلا چکنلره وانگه بلایه باخ

 

ویرانده وئروبله قوری یئر قوناقلارا

نه فرش و نه چراغ نه سفره،حیایه باخ

 

دربان اولوب خرابیه دربان کبریا

دربانه باخ،خرابیه باخ،کبریایه باخ

 

زنجیره باغلیوبلا یدالله اللرین

سن جرأت قضایه رضا بیر قضایه باخ

 

مؤمن اولوب یزید آدی سجاد خارجی

بیگانه نی یگانه ائدن آشنایه باخ

 

ویرانه دن گویه دایانوب یاعلی سسی

راحت یاتان نجفده شه لافتایه باخ

 

باشی آچوخ خرابده مدتدی قالمیشوق

صبر و تحمل حرم مصطفایه باخ

 

ویران بناده یاخشی بنانی اوتوردولار

سنمش بنالی یئرده بو محکم بنایه باخ

 

شامه چکوب سکینه نی صوت درائیله

بیهوده سویلین داش اورکلی درایه باخ

 

ای گوز یاشیندان اوتری وئرن جانینی حسین

حاصل اولوبدی مطلبون اهل عزایه باخ

 

وار شامیده یتیم و پریشان زیارتی

جمعیت ایسته سن حرم کربلایه باخ

 

مقبل اولوبدی تُرک لقبده سنه (دخیل)

ای شاه محتشم بو محقر گدایه باخ

 

مرحوم دخیل مراغه ای

منبع مجموعه کانالهای مدح و مرثیه

احوالات خرابه شام 3099

احوالات خرابه شام

 

خرابه منزل اولوب اهل بیت طاهایه

یتشدی ناله سسی اوج عرش اعلایه

 

هنوز هر بیری بیر یاندا دوتمامیش آرام

بیر اؤزگه غم وئروب اَل اهل بیت زهرایه

 

بیری بیرینه خبر ایلوب اهالی شام

که دسته دسته گلوب لر اودم تماشایه

 

طمعلنوب بیریسی ایستدی امامی غلام

هزار لعن بو بی آبروی دنیایه

 

بیری دیردی ساتال‍ّار تمامینی آلّام

یزیدی راضی اگر ایلیم بو سودایه

 

او وقته زینب کبرایه ال ویروب رقت

کمالی چون واریدی چوخ علی اعلایه

 

بویوردی کور اولاسوز،باخمیون،کناره دورون

نه طعنه دور؟ نه تماشا؟حریم والایه

 

زنان و مرد،کنیز و غلامسوز بیزه سوز

قسم جناب بتول و رسول بطحایه

 

همین خرابده آدمدی بیزلره دربان

گوروبدی چون بیزی خاتون انسی حورایه

 

بیوک حرملره خدمتگزار مریم دور

بو خوردا قیزلارا حوا و سارا دور دایه

 

همان جوان کی سنق پاییه ائدوب تکیه

اونون آدی یازیلوب عرشه تا تاپوب پایه

 

اوزی مریضیدی اما بونیلا روح الله

اودور حیات وئرور بیر نفسده عیسایه

 

ضعیف جانیله چون اللرین اوپوبدی عصا

اودور عصاسی وئرور جان عصای موسایه

 

چکوبله داره طنابیله دار دنیاده

وئروبدی دار بلادن نجات عیسایه

 

یتیشمیشوق تازه بیز بیر قویون اولاق راحت

سالوبلا بیزلری مدتدی کوه و صحرایه

 

غریب ئولکه،خرابه مکان،قرخا یاخون

اسیر عورت اوشاخ کیم دوشوب بو غوغایه

 

آچوقدی باشلاریمیز باخمیون سیزی تاری

گئدون داخی داغیلون دورمیون تماشایه

 

اگر بیزی تانوساز هتک حرمت ایلمسوز

بیزوک که نسبتیمیز وار بتول عذرایه

 

ائدوبدی خلقه تولا بیزی خدا واجب

نجه روادی خدایا قالاق تولایه

 

نوایه گلمگه وار گلشن عزاده (دخیل)

نه احتیاج داخی عندلیب شیدایه

 

مرحوم دخیل مراغه ای

منبع مجموعه کانالهای مدح و مرثیه

زبانحال فاطمه عروس در اربعین 3029

زبانحال فاطمه عروس در اربعین

 

گوزون فداسی اولوم ای حسین عزاداری

که گوزلرونده اولور قطره قطره قان جاری

 

دوشور خیاله جفاجو سپهر کج رفتار

که زینبین دوزه له ،بلکه بیرده پرگاری

 

یزید حیله ایله رأفت ایلیوب اظهار

حضورینه چاغیروب عابدین بیماری

 

آتاسینین باشینی اوغلونا ائدوب تسلیم

اونیلا سالدی یولا اهلبیت اطهاری

 

یتیشدیلر او زمان کربلایه گؤردوله کیم

کی کربلایه گلوبدور مدینه زوّاری

 

قوروبلا چادر نیلی ستونی آه دیلی

توکوبدیلر یئره گویا سپهر دوّاری

 

باسوبدی باغرینا جان تک جوانلارین قبرین

گلوب زیارت انصاره پیر انصاری

 

یازیلدی صفحهٔ آفاقه نقش یا محبوب

جهانی دولدوروب از بس محنت آثاری

 

قوجاقلیب باجی قارداش ،آنا اوغول قبرین

آلوب آرایه حرملر مزار سرداری

 

گزردی قبرلر اطرافینی حیالی گَلین

بهار بلبلی تک سیر ائدردی گلزاری

 

دیلینده زمزمه سی هارداسان عم اوغلی جان

چاغیر گیلان یانووا بیرجه بو دل افکاری

 

نه وقته جن دولانوم چوللر ایچره سرگردان

دییم دیلیمده عم اوغلی گویولده یا باری؟

 

اگر مزاریوی تاپسام مجاورون اولّام

کناره آتما منی ای بو بیکسین یاری

 

یئتیب دماغینه عطری جوان عم اوغلوسنون

تاپوب مزارین اولوب گرم نوحه و زاری

 

قاباقجا دسته ایله زلفینی ائدوب جاروب

سوپیردی قبرینی سو سپدی چشم خونباری

 

گوتوردی زلفین اوزوندن دوشوب یوزی اوسته

اوپردی قبرینی یاده سالیردی اقراری

 

دئدی عم اوغلی سؤزوم چوخدی ،ایله سم تقریر

توکر بهشتیده روحون سرشگ گلناری

 

مطاع حسنه خریدار اولوب باشون دالیجا

دولانمیشام باش آچیق دهنه دهنه بازاری

 

منی گورنده دوه اوسته کوفی و شامی

سالیبلا یاده کنیزان روم و تاتاری

 

دییردیلر هره بیر سوز،ائشیتمَسین قولاغین

یئتیب عزیزیوه بی حدّ ذلّت و خواری

 

اگر ائدم قره واشلیق منیم آقام سن سن

ئولونجه من سنه یارم کور اولسون اغیاری

 

جناب سید سجاده عرض ائدوب جابر

گرک یولا دوشه سیز سسله نین شترداری

 

چاتیلدی یوکلری باغلاندی هودج و محمل

سوار ائدنده بنات رسول مختاری

 

گوروبدی بیر اوجا تل اوستونه چیخیب کلثوم

دونوب فراته طرف سسله نیب علمداری

 

تعال یابن ابی ،یا أخاه و یا عباس

گل ای علی کیمی بیکس لرین پرستاری

 

گئدیلّه باجیلارون چون مدینیه قارداش

قاباقجا چک علم ای اهلبیت غمخواری

 

گلیب تزلزله عباس قبری گلدی صدا

یوخومدی ال گتیرم من لوای کراری

 

یوکوم آغیردی یولوم چوخ (دخیل) یا عباس

رفیقیم آتلی پیاده نئجه چکیم باری

 

یازاندا ماتم قدّوسیان توحیدی

خیالیمین اولا روح القُدُس مددکاری

 

مرحوم دخیل مراغه ای

منبع مجموعه کانالهای مدح و مرثیه

زبانحال عروس در راه شام 2878

زبانحال عروس در راه شام

 

خالون گورنده مرغ دلیم بیقرار اولور

قوشلار گورنده دانه نی بی اختیار اولور

 

گزلین گوروب جمالوی من گزلین آغلارام

زلفین آچیلسا ناله لریم آشکار اولور

 

عشقونده مین اسیره ملامت دلین آچار

بو حسنله گورنده سنی شرمسار اولور

 

وصلون خیالی شمره منی ایلیوب اسیر

بلبل گولوندن اوتری بلی خواره زار اولور

 

زنجیره کاکلون منی خلق ایچره ساخلیوب

گر اولمیا بو رشته،یریم کوهسار اولور

 

زلفونده گوگلمون قوشونون آشیانی وار

وئرمه صبا یلینه ایویم تارومار اولور

 

قوی آغلیوم که تا دیمسونله خزان گلور

بلبل سسی گلنده دیلّه گول بهار اولور

 

من بیر سنه کنیزم عم اوغلی یوخومدی باک

قویما بو آدی اوزگه سی قویسون که خوار اولور

 

ممکن دگولدی که شمر منی ایلسین اسیر

آهو نه وقت روبه الینده شکار اولور؟

 

اما دوتاندا اؤچی ایکی آهونین بیرین

لابد کمندینه اوبیری تئز دچار اولور

 

خامه یازاندا قصه لب تشنه عاشقی

آهیله چون دولار گوزی سوز آبدار اولور

 

عشاق سرگذشته سینی چون یازار «دخیل»

باشدان آشار ملالی سرشکی نثار اولور

 

مرحوم ملا حسین مراغه ای (دخیل)

منبع مجموعه کانالهای مدح و مرثیه

زبانحال امام حسین (ع) در شهادت حضرت علی اکبر (ع) 2710

زبانحال حضرت امام حسین (ع)

درشهادت حضرت علی اکبر (ع)

 

ای بو غریبی سسلین امداده یاعلی

گلدیم جوان اوغول یتیشم داده یا علی

 

گلدی سسون بی بون منی سالدی یولا اوغول

یالقوز قویان آتاسینی دنیاده یا علی

 

من گلمیشم ندندی سسون گلموری سنون

بیرده چاغیر بو بیکسی فریاده یاعلی

 

دعوت ائدوبدی یوخسا سنی وعده وئرمسن

خلد برینه قاسم دلشاده یاعلی

 

آهو بالاسی اوخلانان آهو بالاسی تک

آرام قالمیوب زینب کبراده یاعلی

 

سسلن سسون فداسی اولوم تا نه وقته جان

حیران گزوم بو دامن صحراده یاعلی

 

من سسلنوم بو چؤلده پیاپی علی،علی

سن سسلدون گلوب بابان امداده یاعلی

 

بیرده اگر علی چاغیرام وئرمسون جواب

سالّام تزلزل عالم ایجاده یاعلی

 

محشرگونی کیمی توکرم گویلری یئره

قویمام نشان اثر او ثریّاده یاعلی

 

سن دینمسون اوغول آتامی سسلرم گلور

چؤخ رحم وار نجفده کی مولاده یاعلی

 

مرحوم دخیل مراغه ای(ره)

منبع مجموعه کانالهای مدح و مرثیه

در احوالات حضرت ابوالفضل العباس (ع) 2539

در احوالات حضرت ابوالفضل (علیه السلام)

 

اشاره اولدی گینه بیر شه شهادتدن

خبر ویروم سیزه بیر صاحب شجاعتدن

 

رشادتیله صلابتده، نائب حیدر

گورون نه وقت قالوب صولت و صلابتدن؟

 

او دم که نخل بدندن اوزولدی قولاری

الی دوشوب یانینا، دوشدی سهم و صولتدن

 

ز بس که جسمینه دگدی یارا یارا اوستن

وجود حضرت عباس دوشدی طاقتدن

 

دوشه دوشه یره سسلندی یا حسین علی

گل ای اولان قدی خم، بار درد و محنتدن

 

الیمی دوت، الیوی مرتضا علی دوتسون

که سالدیلار منی کفار کوفه، قدرتدن

 

یتورگلن ئوزیوی ای ابوتراب اوغلی

گوتور عزیزیوی قارداش تراب ذلتدن

 

الون یتور الیمه، ببر ئوپوم ایاقوندان

اگر چه شرم ایدورم چوخ، بو نوع جراءتدن

 

و لیک جان گیدوری، جانیمی گرک چاغیرام

یولوندا چون ئولورم، دوشموشم طراوتدن

 

یتوب نه گوردی؟ دوشوب بیر قنادسیز شهباز

سالوبدی شهپر، آچوب اوج، بال همتدن

 

او دم که غالب اولوب ضعف، گیزلنور نفسی

چکن زماندا نفس، قان آخور جراحتدن

 

نقدر قانی آخوب، یرده یا حسین یازیلوب

که هر نه گلسه خیاله، چخار محبتدن

 

الی که یوخدی چالا ال ایاق، اودور سورونور

سسین چخاتموری اما کمال غیرتدن

 

مباد طعنه وورا ابن سعد و شمر لعین

اوغورلوری نفسین، قورخوری شماتتدن

 

گهی یاراسی سیزیلدار، گهی تلاطم ایدر

گهی یاتوب حرکت ایتموری حمیتدن

 

کسنده باشینی قاتل ز بس که مانع اولوب

که قارداشین گوره، ببر کام آلا زیارتدن

 

گوروب که یوخ الی، خنجر قباقینه ویرسون

ولی باشین کسن، ال چکموری شقاوتدن

 

ز بس یوزون یره سورتوب، یوزی گیدوب یرده

دوشوبدی ماه بنی هاشمی لطافتدن

 

حسین حالینی معناده بیر تصور ایدون

نقدر غصه اونا ال ویروب بو حالتدن؟

 

یره اوتوردی آلوب باشینی دیزی اوسته

گوروب که یوخدی دیزینده نشانه قوتدن

 

بویوردی آچ گوزون، ای نور چشم عین الله

گلوبدی گون باشوا، دور بو خواب راحتدن

 

او دم که گوردی باشی اوسته روح ارواحی

دوباره جانه گلوب قوخمیوب مذمتدن

 

نهیب عشقیله بیر بانگ یا حسین چکدی

که گچدی ناله صداسی، حجاب وحدتدن

 

اولوب حسین، تمام وجودینه، ساری

ئوزون حسین گوروب عباس، دوشدی شدتدن

 

دئدی بغشله دورا بولمورم، یارام چوخدور

دیمه یوخومدی خبر، راه و رسم حرمتدن

 

یوزون ایاقینه قویدی، دئدی که عفو ایله

الیم یوخومدی دوتام دامن جلالتدن

 

قولوم اوزولدی بدندن، ولی نه باکیم وار

اوزولمیوبدی الیم، دامن ولایتدن

 

سنون یولوندا شهیدم، ئوزونده شاهدسن

باشیم گیدونجه من، ال چکمرم حمایتدن

 

قوجاقلاشوب ایکی قارداش، باخوب چو اهل حرم

دایاندی عرشه فغان عترت طهارتدن

 

من غریبه بو غربتده یار بیر سنیدون

منی قویوب گیدوسن، الامان بو غربتدن

 

قاباقجا چون گیدوسن، اکبریمه ایله سلام

گلونجه من او دیاره، بو دار محنتدن

 

سوءله اوغولسوزی، قارداشسیز ایلدیم گلدیم

بتولی ایله خبر دار، بو مصیبتدن

 

بویوردی دور آپاروم جان ویرنده خیمه لره

دئدی که یوخدی یوزوم گیتماقا خجالتدن

 

دئدی سکینه قیزیم انتظاریوی چکوری

دئدی خجالتم اول نوگل صباحتدن

 

دئدی سوروشسا سنی، من سکینیه نه دیوم؟

دئدی بو مشگی آپار، قورتولوم ملالتدن

 

دئدی دایانما داخی، خیمیه آپار تشریف

گئت اول اوزون متوجه، عیال عصمتدن

 

دئدی که سن اوخی یاسین، ای امام مبین

که بلکه مست اولام، نغمه تلاوتدن

 

یولوندا شوقیله مستانه جان ویرم خوشدور

که گورمیم سکرات مماتی، سکرتدن

 

باتوب صدالری چون ویردیلر نفس نفسه

ظهور وحدت اولوب کثرت شراکتدن

 

سوسوز دیلیله دیوب لا اله الا الله

ایدوب نبوته اقرار، صون امامتدن

 

جمال حقه باخوب، حق دیوب، گوزون یومدی

که ساکت اولدی دیلی کلمه شهاتدن

 

ایدوب او حاله نظر، چونکه زینب و کلثوم

چخوبدیلار ایشگه خیمه خدارتدن

 

بیری حسین دیردی، بیریسی یا عباس

زمانه تنگه گلوب بانگ آل عصمتدن

 

قوجاقلاشوب ایکی قارداش کیمی، ایکی باجی

اولار خموش، بولار نعره زن بو حالتدن

 

بس ائت (دخیل) که حضار دوشدولر دلدن

سوون که دوشمیاجاقدور دیلون فصاحتدن

 

گینه بو دللری تعلیم ایدوب لسان الله

لسان صدق الهی، بریدی لکنتدن

 

بو یادگاریدی جان تک ویرونجه جان، ساخلا

نچونکه ناشی اولوب منشاء صداقتدن.

 

 مرحوم استاد ملا حسین مراغه ای (دخیل)

منبع مجموعه کانالهای مدح و مرثیه

گزیده ای از احوالات غارت خیام 1920

گزیده ای از احوالات غارت خیام

 

آل رسول چکدیله چون وا محمدا

بو حاله شدّتیله پیمبرلر آغلادی

 

خرد و بزرگ چکدیله فریاد یاعلی

ملک نجف صدایه گلوب حیدر آغلادی

 

اسلام دینینون او حیالی خانملارین

اسلام اهلی سؤیدیلا،کافرلر آغلادی

 

اوراق گل کیمی داغیلوب چون یتیملر

شبنم کیمی سرشک توکوب گویلر آغلادی

 

زاغ و زغن قاریشدیلا گلزار حیدره

چون قیل و قال ائتدیله بلبلر آغلادی

 

باشلار آچیلدی ساچلاری چون توکدیلر یوزه

افشان ائدنده زلفلری سنبللر آغلادی

 

زینب باشندان آلدیلا چون قاره معجرین

زهرا دیردی زینبه معجرلر آغلادی

 

آل رسول حالینه چون آغلادی حسین

پیکر یئر اوسته،نوک سناندا سر آغلادی

 

لیلینون ایستدی آلا چادر شبینی شمر

میدان کربلاده علی اکبر آغلادی

 

تالان ائدنده تازه عروسین اتاقینی

فریاد ائدنده،قاسم گل پیکر آغلادی

 

بو تعزیت سرانی یازان وقتده دخیل

کلک و مداد،صفحهٔ و هم مسطر آغلادی

 

ملّاحسین دخیل مراغه ای (ره)

منبع مجموعه کانالهای مدح و مرثیه

زبانحال امام حسین (ع)در احوالات حضرت علی اصغر (ع) 1787

زبانحال حضرت امام حسین (علیه السلام)

در احوالات حضرت علی اصغر (علیه السلام)

 

بزم وصاله بیر گل خندان گتورمیشم

قونداق ایچینده دسته ریحان گتورمیشم

 

قؤرخوم بودور که لایق درگاه اولماسین

چون چؤخ سؤلوبدی رنگی پریشان گتورمیشم

 

هرنه واریمدی وئرمیشم اما خجالتم

بیر بو قالوب الیمده که قربان گتورمیشم

 

بو تحفهٔ محقری یارب قبول ائله

شرمنده ام که تحفهٔ ارزان گتورمیشم

 

بیلّم ائدر یانوندا منی سرخ رو اگر

اؤز قانی ائتسه رنگینی الوان گتورمیشم

 

ای اهل شام مژده وئرون بیرجه شربه سو

بیر تازه غنچه زینت میدان گتورمیشم

 

مین عذریله بالانی آنادان آیورمیشام

یالقوز قویوب آناسینی نالان گتورمیشم

 

گویلی دؤلوبدی غصه ایلن بؤش قالوب الی

قالمیش دالیجا گؤزلری گریان گتورمیشم

 

سو وئرمگه آناسینا چؤخ ضامن اؤلموشام

شرمنده ائتمیون منی عطشان گتورمیشم

 

سو ایستیرم گرک وئره سوز وئرمه سوز اگر

ناچار سو یرینه وئرم قان گتورمیشم

 

اوچ گوندی شیریله دؤلی پستانی امّمیوب

پستان یرینه تا امه پیکان گتورمیشم

 

اوّل وئرون سو،صونرا بوغازینی اوخلیون

تا وئرمسین الیمده سوسوز جان،گتورمیشم

 

مرحوم دخیل مراغه ای

منبع مجموعه کانالهای مدح و مرثیه

گفتگوی امام حسین (ع) با شمر لعین در گودال قتلگاه 1375

 گفتگوی حضرت امام حسین (علیه السّلام)

با شمر لعین در گودال قتلگاه

 

مقام ذکرده بیر روضه خوان حلّاوی

دیردی بو سوزی اَلعُهدةُ عَلَی الرّاوی

 

ییخیلدی چون یره آتدان امام عرش مقام

شهید ائماقا شمر لعبن ایدوب اقدام

 

چون ایستدی اولا ظاهر فقاهت آثاری

ایدوب شرایط شرع محمّدی جاری

 

شهید ایدنده امام حسینی اول گمراه

چکردی حلقینه خنجر دیردی بسم الله

 

اوخوردی آیۀ قرآن ولیک غافلدن

کلام ناطق حقّی سالوردی چون دلدن

 

لباس حقّده تزویریلن او شوم پلید

اوخوردی آیه ولی آیه نی ایدردی شهید

 

ایشتدی الله آدین ایستدی دوروب اوتورا

نه بلکه قویسا اگر شمر دون اَیاقه دورا

 

دیردی شمر بو نه اضطراب و وحشتدور

بویوردی حضرت معبوده رسم حُرمتدور

 

گِچاق بو رمزی او مطلبده ایلیَم اصرار

واریمدی واهمۀ هتک حُرمتِ اسرار

 

دیسم دگولدی او بسم اللّهی کلام مُبین

گلور خیاله قبول ایتمیه امام مُبین

 

بو شرعده نچَه زاد شرط ذبح تَزکیه دی

بیری توجّه قبله بیریسی تسمیه دی

 

یتنده تسمییه کلمه عرض ایدوم باری

اَلینده سو یوخودی تا ئوزی ایده جاری

 

گرَک امام دیه حق سوزون سخن کوتاه

که اولماز اوزگه دیلینده صحیح بسم الله

 

دلینی قاتلیله چونکه بیر ایدوب مقتول

کسیلدی باشی که قربانلیقی اولا مقبول

 

شهادت امرینه چون شمر دون اولوب مشغول

تعجّبیله دُنوب قاتله باخوب مقتول

 

باخوب اَلینه گوروب بیر اوزوک نگینی عقیق

ایدوبله بیر نچه آد حکّ امام ایدوب تحقیق

 

باشون اشاقه سالوب شمر امام ایدوب تکرار

وئروب جواب گوروب حضرت ایلوری اصرار

 

عزیز اوزوک دی بو چوخ ای عزیز آل عبا

که نقش اولوب بونا اسماء خَمسةُ النُّجبا

 

محمّد و علی و فاطمه بیریسی حسن

دیدی بشیمجی کیم اولسون دیدی اودا سن سن

 

دیدی نه نفعی که بونجا عزیز و اعلادور

دیدی که دفع بلا مانع بلایادور

 

بیریسی ائتسه بونی زینت ید ایمن

محال دور که اونا اَل تاپا قوی دشمن

 

ایشیتدی تا بو سوزی چکدی سینه دن بیر آه

دیدی که ائتدیقی اقراره شاهد اول الله

 

که اسم حُرمتینی کایناته بولدوردی

او اسم صاحبینی لیک تشنه ئولدوردی

 

بولور که خامس آل عبا حسینم من

بو ایسّی گون قوری بیر یر سوسوز زباندا سخن

 

منیم ده وار او اوزوکدن زمان اوّلدن

اَلیم کسیلمیه ممکن دگول وئرم اَلدن

 

 مرحوم ملا حسین مراغه ای (دخیل)

منبع مجموعه کانالهای مدح و مرثیه

احوالات حضرت موسی بن جعفر (ع) 494

حضرت موسی ابن جعفر (علیه السلام)

 

نه گؤردیلر خلف صدق جعفر صادق

قویوبدی چگنینه بوینون چو بندهٔ لایق

 

دوتوبدی یوز طرف بارگاه حاجاته

آچوب باشین گوتوروب اللرین مناجاته

 

دیردی ای اولان انوار قدسیده پنهان

ائدن دلیلی لرین سرّین آشکار و نهان

 

قیلان منی متحمل جفای زندانه

سالان بلا و غم مین جهانی بیرجانه

 

اولان همیشه دل اؤلیائیله مأنوس

قیودیدن چیخادوب بنده سین ائدن محبوس

 

سنون جنابیوه گیزلین لر آشکارادور

مقام جلوه گهون هامّیدان مبرّادور

 

دیمه که گوشهٔ زندان آرا هراسیم وار

ولی جناب مقدس دن التماسیم وار

 

نقدر واردی بلا و غمین منه وئره سن

بلا بلا و دالینجا هدیه گؤندَرَسن

 

اگر منه وئره سن عمر،تا که دنیا وار

حضور کل ملائکده ایلرم اقرار

 

تمام عمریمی زندان آرا ،تمام ائدرم

مقام عشقیمی مشهور خاص و عام ائدرم

 

بلا منه نه قدر گلسه اشتیاقیم وار

بو کونده ده چوروسون هر نقدر جانیم وار

 

نعوذُبِالله ائدم شکوه یار و اغیاره

اگر مدام ائده زنجیر بوینومی پاره

 

تمام گللریمی آتمیشام سنی دوتارام

دمیر قفسده قوری یئرده حشره دین یاتارام

 

چراغ ایستمیرم خوشدی گر یئریم اولا تار

آز اگلشور ایشیق ائوده گلنده گیزلین یار

 

سنق گوگللّریوین چوخدی حبسیده ثمری

قفسده تئز یتشور مرغ پرشکسته پری

 

سنیله عهد ائدرم ای خدای حلّ و حرم

نه قدر واردی بلا جانیمه قبول ائدرم

 

که سنده عهد ائده سن عرصهٔ قیامتده

او گونده قویمیاسان بیزلری شماتتده

 

اولار که بیزلره ساخلالّا ایل به ایل ماتم

بیزیله ایلیه سن قصر خلدیده همدم

 

خصوص او شیعه لرون که گلولّه افغانه

عزا دوتوبدیلا جدّیم حسین عطشانه

 

باغشلا هر نه وار اونلارین گنه کارین

بیزیله حشره گتور دسته دسته زوّارین

 

علی الخصوص خدا، ذاکر ذلیلِ حسین

خلاص اولماقینی ایستوری دخیل حسین

 

اونی باغیشلا خدایا بو چشم گریانه

بو کونده ایله،بو زنجیریله،بو زندانه

 

نئجه روادی که باب الحوائج آدون اولا

(دخیلون) ائتمیه سن بیرجه حاجتینی روا

 

مرحوم دخیل مراغه ای

منبع مجموعه کانالهای مدح و مرثیه

در بالین حضرت علی اکبر (ع) 90

در بالین حضرت علی اکبر (ع)

 

گوگلوم سنوبدی جبریله جباری آختارور

چون غملی قلب ، صاحبِ غمخواری آختارور

 

بیمار اولان همیشه طبیبین ایدر سراغ

چون هر طبیب صحّتِ بیماری آختارور

 

مولاسینین دالونجا گزر ، قول بیلن اوزون

قنبر مدام حیدرِ کرّاری آختارور

 

شیعه اولان امامین ایدر جستجو  اگر

باالذّات اشعه مطلعِ انواری آختارور

 

چون فعلِ خیر و شرّده مختار اولالا خلق

هر کیمسه خیرین ایستسه اخیاری آختارور

 

طیّب اولان مباشرتِ طیّبات ایدر

اما خبیث جفت زناکاری آختارور

 

حق طالبی اذیّت و آزار ایدر قبول

باطل اولان اذیّت و آزاری آختارور

 

هر کیمسه ایستسه دوتا پرده قباقینه

پرده دالیندا حضرتِ ستّاری آختارور

 

دنیا شرابی چوخ رؤسانی ایدوبدی مست

طالب او قومه مسند خماری آختارور

 

منکانیه قویوب سیخوری جانینی آلوب

بو چشم بسته گوگده کی غفّاری آختارور

 

هر کیمسه یاتمیوبدی آچقدور طلب گوزی

بیداریدور که بیر گوزی بیداری آختارور

 

حق آختاران بو دوره ده باشین شاباش ایدر

پرگاروار نقطهء پرگاری آختارور

 

غربالِ امتحانه گیرن پاک دانه تک

سینه شکاف پردهء ابراری آختارور

 

گوندوز سراغِ شمس ولایت ایدر بنا

ظلماتِ شبده شمعِ شبِ تاری آختارور

 

دائم دیلینده ذکریدی یا صاحب الزّمان

خونخواه ِخونِ عترتِ اطهاری آختارور

 

غوّاص اولوب گوزوم گینه دریای اشکیده

قان قلزمنده لؤلؤِ شهواری آختارور

 

عالَم حسینی آختارور اما حسین اوزی

اکبر ، شبیه احمدِ مختاری آختارور

 

خار و خدنگ وار ایتروب گُل عذارینی

بلبل کیمی او نوگلِ گلزاری آختارور

 

ال سینه ده علی چاغیرور ، اوغلون ایستیور

یا بیلمورم نجفده کی سرداری آختارور

 

گویا تاپوبدی اکبرینی یاش توکر  گوزی

سورتور الین یره ، بدنِ زاری آختارور

 

تا باغلیا یارالارین عمّامه سین آچوب

قربان او یاره بیر یارالی یاری آختارور

 

مانند ِشانه سینه سینی چاک چاک ایدوب

تل تل  آچور او زلفِ سمنباری آختارور

 

ایستور باخا صاق صولونا سوزِ عشقدن

زخمِ سِنان و خنجر ِخونخواری آختارور

 

گاهی آچور یارالارینی بیر به بیر باخور

گاهی دونور او شمرِ ستمکاری آختارور

 

گه آهو تک یارالارین ایگلر گهی دونر

صیّادِ بی مروّت و بدکاری آختارور

 

یوخ کیمسه گاه نالهء واحسرتا چکور

گاهی عموسی جعفرِ طیّاری آختارور

 

یوخدور ویرن او نعشی آت اوسته قوجاقینه

لابد قالوب اوغولسوز ، علمداری آختارور

 

نعشین آت اوسته  خیمه قباقینده ساخلیوب

زینب دلینجه لیلی بی یاری آختارور

 

مشگل گشا عزیزی اوزون مشگله سالوب

آسان ایشیله یوخ ایشی دشواری آختارور

 

ویرانه گوگلومه گینه گون دوشدی شامدن

گیتدی  خرابه مسجده معماری آختارور

 

ویرانه ده دیولّه که سجاد باشینه

گون چوخ دگوبدی سایهء دیواری آختارور

 

لیلا الینده زلفِ کلافی عجوزه تک

یوسف دیور ، دمشقیده بازاری آختارور

 

هر کیمسه ماسوای خدانی ایدر طلب

یوخ شبهه سی گُلی ایتروب ، خاری آختارور

 

یوم ِلقاده ربّدن آیری اوزین گورر

هر کیم وجودِ یاریله اغیاری آختارور

 

دردون (دخیل) چوخدی دواسین طلب ایله

بیمار اولان طبیب و پرستاری آختارور.

 

مرحوم دخیل مراغه ای

منبع مجموعه کانالهای مدح و مرثیه

خروج از مدینه 40

 خروج از مدینه 

 

چون داری دار گوردی او قوم یهوددن

لابد اولوب مسیح جهان میل دارِ ، دار

 

روح جهان مدینه ی اسلامدن چیخوب

خالی اولوب قوالب اموات تک دیار

 

امر ایتدی ساربان لارا تا بارکشلره

بیر بیر ائدوب محامل زرّین قبابی بار

 

حجّاب بارگاه حجابات غیب اولوب

پرده دالیندا پرده نشینان پرده دار

 

سیمین بَران چو انجم و اَقمار لامعه

محمل لر ایچره پرده لری سِتر زرنگار

 

افلاک تک یر اوسته گلوب سیر اُشتران

هودج لری شبیه بروج نجوم وار

 

خُدّام اهل بیت اولوب حاملان عرش

جبریل ساربان، سرافیل حمله دار

 

خورشید وار شعشعه ی نور احمدی

اولدی حسین چو انجم سیّار، سرقطار

 

هاله صفت آی اولدوزونون دوره سین آلوب

صف صف آت اوسته تازه جوانان گلعذار

 

هر بیر فرشته طینت و حوری وش عورته

مهریله دوتدی بیر مَلَکِ ماه رو مهار

 

گل غنچه سی نه نوعیله پیوند اولور گله

محمل آرا صِغاری قوجاقه آلوب کبار

 

اکبر سکینه باشینه چکدی عباسینی

تا قونماسون عذارینه هم زلفینه غبار

 

آی تک یوزونه دگمیه تا گون حرارتی

گیسوی مُشک بارین ایدوب ابر سایه دار

 

قورخاردی یوخلییب قوجاقندان دوشه یره

زلفیله غنچه سین ایلیوب بند شاخسار 

 

 مرحوم دخیل مراغه ای

منبع مجموعه کانالهای مدح و مرثیه