در مدح و میلاد حضرت امام حسن مجتبی (ع) 4756

در مدح و میلاد امام حسن مجتبی (ع)

 

ایشیقلاندی جهان ، دنیایه نور کبریا گلدی

صفات الله مظهر ،  آیت حسن خدا گلدی

بشارت  اهل ایمانه  ، شرفلی مقتدا گلدی

نماز  شکر  قیل  شیعه   امیر اتقیا گلدی

عزیز  حضرت  زهرا ،  امام مجتبی گلدی

 

چاتور صوت مبارکباد فرشه عرش اعلادن

ملائک بیت مولانی طواف ایلور تولادن

زیارت ائتماقا اذن دخول ایستورله طاهادن

عزیز مصطفانی گورماقا اهل سما گلدی

عزیز حضرت زهرا ، امام مجتبی گلدی

 

عنایت ایلیوب الله،گوزل دردانه طاهایه

وئروب ذات علیدن بیر اوغول،ام ابیهایه

زلیخا سهلیدی عالم دوروب یکسر تماشایه

که یوسف دن گوزل بیر مه جبین و مه لقا گلدی

عزیز حضرت زهرا ، امام مجتبی گلدی

 

اولوبدور شهره عالم ملاحتده،وجاهتده

آلوبدور رتبه ی ارزنده،صبر و استقامتده

حسن سرو دل آرادی گلستان امامتده

مشامه باغ جنتدن شمیم جان فزا گلدی

عزیز حضرت زهرا ، امام مجتبی گلدی

 

گوزللیک اولسا انگشتر،حسن قیمتلی بیر قاشدی

عجب گولدور،بهشتین گوللریندن حسنوده باشدی

مبارک مقدمیندن چشمه ی رحمت آشوب داشدی

گلوبدور جوشه زمزم،مروه سسلندی صفا گلدی

عزیز حضرت زهرا ، امام مجتبی گلدی

 

حسن طینت،حسن خصلت،حسن صورت،حسن سیرت

گوزل نقشینده غوغا ایلیوب صورتگر خلقت

علینین نایبی اولسون آلوب حقدن صلاحیت

تعالی الله بو مولوده وصی مرتضی گلدی

عزیز حضرت زهرا ، امام مجتبی گلدی

 

حسن یعنی شرف،یعنی حیا،مصداق حیثیت

حسن،اللهه مخلص بنده دی فخر ربوبیت

ریاضتله وئروبدی عالمه درس عبودیت

رواج دین اسلامه ایکیمجی پیشوا گلدی

عزیز حضرت زهرا ، امام مجتبی گلدی

 

صله بو شعریوه(فرهادی)اللهدان عطا ایسته

کریم آل طاهادن برات کربلا ایسته

مریض عشق سن دارالشفاسیندن شفا ایسته

ایله عالم لره اعلان شه مشکل گشا گلدی

عزیز حضرت زهرا ، امام مجتبی گلدی

 

 فرهادی مراغه ای

در احوالات حضرت فاطمه زهرا (س) 4061

در احوالات حضرت فاطمه زهرا (سلام الله)

 

دین احمد را دو علت تا ابد پاینده کرد

اقتدار حیدر و عشق و وفای فاطمه

 

تا که می بینم در و دیوار محزون می شوم

قلب عالم گشته خون از ماجرای فاطمه

 

مرتضی شد کعبه و بیت ولایت،مشعرش

باب وحی الله،میقات و منای فاطمه

 

آه از آن دم،مادر سادات شد نقش زمین

آسمان بر لرزه افتاد از نوای فاطمه

 

چشم زهرا را علی با چشم گریان تا که بست

شد عزادار اهل جنت در عزای فاطمه

 

مهدی اش روزی برایش میکند گنبد بنا

می‌شود خاک بقیع،صحن و سرای فاطمه

 

خانه ی دل را بکن بیت الحزن(فرهادیا)

بر دل شیعه، شرر زد ناله های فاطمه

 

فرهادی مراغه ای

اشاره به خلقت اهل بیت (ع) 4040

اشاره به خلقت اهل بیت (علیه السلام)

 

خلاق عالمم ایکی دنیا یاراتمیشام

هفت آسمان و عرش معلی یاراتمیشام

 

آفاقه زینت ایلمیشم کهکشانلاری

شمس و قمر،ثری و ثریا یاراتمیشام

 

کافرلریله آیریدی مومن لرین یری

من دوزخیله،جنت العلی یاراتمیشام

 

کیم ائدسه اخذ معرفت،اسراری کشف ائدر

ئوز خلقتیمده گور نه معما یاراتمیشام

 

حکمت واریدی نسل بشر گلدی عالمه

آب و گلیله، آدم و حوا یاراتمیشام

 

هابیل و قابیلیله،سلیمان و خضر و هود

یعقوب و نوحیله،ذکریا یاراتمیشام

 

دریاده بطن ماهی ده یونس تاپار پناه

باشی بدندن آیریلا یحیی یاراتمیشام

 

عزرائیلی یاراتدیم آلا انسانین جانین

احیا ائده ئولنلری عیسی یاراتمیشام

 

انجیلی هدیه وئرمیشم عیسی ابن مریمه

توراته صاحب اولماقا موسی یاراتمیشام

 

یوسف گوزلدی حسنی سالوب خلقتی حیرته

اوندان چاتا کماله زلیخا یاراتمیشام

 

من انبیاده،خوش سسی داوده وئرمیشم

آدین زبوره زینت الإنشا یاراتمیشام

 

ابراهیمی یاراتدیم ائده کعبه نی بنا

شأنین صحف دا،واضح و شیوا یاراتمیشام

 

کامل ترین کتابیدی قرآن منیم کیدور

ناشر اولا بو مصحفه طاها یاراتمیشام

 

فوج ملک جلالیده چاتماز محمده

من خاتم پیمبری والا یاراتمیشام

 

خیرالبشر محمده،ساقی کوثری

یار و حبیب لیلة الأسرا یاراتمیشام

 

پیوند اولا گرکدی امامت،رسالته

طاهایه جانشین تعالی یاراتمیشام

 

مولای ماخلق دی علی باوقاریدی

شوکتده مرتضانی معلی یاراتمیشام

 

زیبا وجودی خلقتیمه افتخاریدی

هر عیبیدن علینی مبرئ یاراتمیشام

 

مشتق اولوب منیم ئوز آدیمدان علی آدی

من عالی ام،علینی ده اعلی یاراتمیشام

 

هر کیم علی جمالینه باخسا منی گویر

ئوز جلوه می علیده هویدا یاراتمیشام

 

حب علیدی کفریله،ایمانچون محک

عشقین اورکده طوق تولا یاراتمیشام

 

واجب اولوب ولی خدانین اطاعتی

حکم علینی لازم الإجرا یاراتمیشام

 

روح الأمینه درس طریقت وئریب علی

استاد علم،علم الأسما یاراتمیشام

 

حقه ولی دی شاه ولا روح قبله دی

شأن علینی کعبه دن اولئ یاراتمیشام

 

من کعبه نی یاراتدیم اونا زادگاه اولا

بیت الحرامی حیدره ماوا یاراتمیشام

 

صولتده بی نظیریدی،قدرتده بی بدیل

شیرخدانی شاه توانا یاراتمیشام

 

باخ(ناسخ التواریخه)گر اهل علم سن

حیدر آدین زبوریده اریا یاراتمیشام

 

متن صحف دا که حجرالعین دور آدی

توراتیده گوزل آدین ایلیا یاراتمیشام

 

رضوانیده امینیدی،قرآنیده علی

انجیل ده نام حیدری بریا یاراتمیشام

 

ائتسوز حدیث قدسی لولاکه بیر نظر

اوردا دلیل خلقتی افشا یاراتمیشام

 

ائتسوز حدیث قدسی لولاکه بیر نظر

اوردا دلیل خلقتی افشا یاراتمیشام

 

گتدیم وجوده عالمی پیغمبره گوره

علت بودور که طارم خضرا یاراتمشام

 

خلق ایلدیم پیمبری ده،حیدره گوره

عالم لره علی کیمی مولا یاراتمیشام

 

نه مصطفانی خلق ایلیردیم نه حیدری

هر تک تکین بخاطر زهرا یاراتمیشام

 

زهرا گر اولماسیدی یاراتمازدیم عالمی

اسرار خلقته اونی دانا یاراتمیشام

 

زهرا کیمی بشر داخی گلمز بو عالمه

زهرانی من ئوزیم کیمی یکتا یاراتمیشام

 

دنیا هاموسی بیر یانا زهراده بیر یانا

الحق بو خلقتیمده کی غوغا یاراتمیشام

 

کان حیادی اوج نجابت هماسیدی

باغ شرفده بیر گل رعنا یاراتمیشام

 

کفو علیدی حضرت زهرای مرضیه

گور حیدره نه همسر و همتا یاراتمیشام

 

زهرا آدی گلنده ملک لر قیام ائدر

درگاهینه کنیزلیقا حورا یاراتمیشام

 

دیوان خلقتیمده آدی شاه بیت دور

زهرانی شعر حکمته معنا یاراتمیشام

 

کیم شاعر اولسا درگهینه،افتخار ائدر

اهل سمانی مادح زهرا یاراتمیشام

 

(فرهادیا)شعوریوه شامل دی رحمتیم

شکر ایله گور طبعیوی گویا یاراتمیشام

 

وصف جلال فاطمه نی یازما بی وضو

وار چوخ قداستی اونی عظما یاراتمیشام

 

محشر گونینده امته باب النجاتیدور

خیرالنسانی شافع عقبی یاراتمیشام

 

باخ عز و جاهه اون بیر امامین آناسیدی

دخت نبی نی ام ابیها یاراتمیشام

 

اوندان گلر جهانه امام حسن،حسین

اهل بهشتیمه ایکی آقا یاراتمیشام

 

حسن جمیل خلقت امام حسنده دی

من مجتبانی حسنوده زیبا یارتمیشام

 

اولاد فاطمه ایله والا مقام اولار

زهرانی شأنیده متجلئ یاراتمیشام

 

کرب وبلایه بسلماقا شاه تشنه لب

بیر مادر مقدس و علیا یاراتمیشام

 

من فطرتأ حسینه تمام خلایقی

خلق ایلینده عاشق شیدا یاراتمیشام

 

دیل ذکر یاحسین دئماقا خلق اولوب،گوزی

ائتسین رخ حسینه تماشا یاراتمیشام

 

هر گوز حسینه آغلاماسا،یوخ بصیرتی

عشق حسینله دیده ی بینا یاراتمیشام

 

دوزدور کی تشنه جان وئره جاقدور حسین،ولی

اوندان اوتور من آب گوارا یاراتمیشام

 

شهپر آچار شکوهیله اوج کمالیده

قاف شهادته اونی عنقا یاراتمیشام

 

عاشور غمده شاه شهیده شریک غم

باشی بلالی زینب کبری یاراتمیشام

 

سردار اولا حسینیمه صحرای عشقیده

عباس تک دلاور هیجا یاراتمیشام

 

عباس مرتضانین او غیرتلی اوغلودور

عباسیده شجاعتی دریا یاراتمیشام

 

باخسا گوزل جمالینه یوسفده حظ ائدر

دردانه ی علینی دل آرا یاراتمیشام

 

غبطه یئیر فرشته لر اول عبد صالحه

پور علینی مظهر تقوا یاراتمیشام

 

عباسی صدقیله چاغیران تیز آلار جواب

مشکل گشادی درده مداوا یاراتمیشام

 

عباس،باوفادی وار اون یدی منصبی

کرب وبلایه گور نجه سقا یاراتمیشام

 

 فرهادی مراغه ای

در احوالات حضرت فاطمه زهرا (س) 3403

در احوالات حضرت فاطمه زهرا (سلام الله)

 

ایسته دی اوندا کی حیدردن عدو بیعت آلا

خانه ی وحیه توکولدی او زمان اهل جفا

 

قاپونی چالدی عدو،دخت پیمبر گلدی

حامی حق طلب حضرت حیدر گلدی

 

گلدی اما قاپودا گوردی قیامت دی، خانیم

دیدی کیمسوز دیدیلر موقع بیعت دی خانیم

 

یوخدی فرصت داخی گیت سید احراری چاغور

گلمیشوخ بیعت آلاخ حیدر کراری چاغور

 

چوخ آغیر گلدی بو سوز همسر خیبر شکنه

دیدی ای قوم ظلم آند اولا شاه زمنه

 

فتح باب ایلمرم دینه هوادارم من

حق علی نیندی بیلون حقه طرفدارم من

 

نیلیسوز حیدر کراری اونا یارم من

هر سوزوز  واردی دیون ،حیدرکرارم من

 

برج عصمت ده منی نور جلی فرض ائلیون

پشت درده منی سیز ایندی علی فرض ائلیون

 

تک گوروبسوز سیز علینی مگر ای لشگر کین

بو همان شخصیدی کی اوپدی الین روح الامین

 

بو علی دور،آدی اعلادی ئوزی اعلم دی

بونی تعریف ایلین ذات حق اعظمدی

 

کیمدی سر دسته ویز ای لشگر بی حیثیت

جنگ ائده حیدریلن کیمده مگر وار جرأت

 

الغرض ثانی بی شرم وحیا گلدی دیله

غیضیله دختر پیغمبره عرض ائتدی بیله

 

کیشی چالسا قاپونی فوری چیخار ایودن آقا

گله بیلمور قاپیا بس نیه حیدر،زهرا

 

قاپیا سن نیه گلدون دینن حیدر گلسین

فتح باب ایلماقا فاتح خیبر گلسین

 

حضرت فاطمه امر ایلدی ای ثانی دون

امدیگون صود سنی دنیاده ایدوبدور مجنون

 

حیدری گورماقا سن بیله ائتمه عجله

قاپیدان گیتمسوز امکانیده چوخدور کی گله

 

دوزدی بو سوز کیشی چالسا خانیم آچماز قاپونی

سن بیلن یرده یقینأ بیلورم منده بونی

 

اولا من قاپونی آچمارام اصلا بونی بیل

منی باعصمت وعفت یارادیب حی جلیل

 

خانه ی حیدری گوردوم دولی دشمن گلدیم

بیر بویوک علتی وار کی قاپیا من گلدیم

 

خصم قرآنی من عمریمده کیشی بیلمزدیم

کیشی اولسیدوز اگر،من قاپیا گلمزدیم

 

فرهادی مراغه ای

در مدح حضرت اباالفضل العباس (ع) 2714

در مدح حضرت ابوالفضل (علیه السلام)

 

به گريه كردم از بلبل سوالی   

که عاشق بر كدامين مه جمالی

 

به خود گفتم كه گوید گل،وليكن    

بنازم کز وفا گفتا، ابولفضل

 

نگاهی بر دو بالش كرد و ناليد   

پری زد در هوا گفتا، ابولفضل

 

به گل گفتم كه زيباتر زگل كيست     

بگفتا از همه زيبا ابولفضل

 

به دريا گفتمش قطره كدام است    

بگفتا قطره من،دريا ابولفضل

 

چكيد آبی به روی تكه سنگی     

بگريد و صدا زد يا ابولفضل

 

يقين عيسی ز بهر زنده كردن  

به گوش مرده گفتا یا ابولفضل

 

«فتا»هردم، دم از عباس می زد  

كه تا محشور گردد با ابولفضل

 

فرهادی مراغه ای متخلص به (فتا)

مجلس یزید 2699

مجلس یزید

 

ای فرومایه نه احساس منیت ایلوسن

دائماً شیطانه سن عرض ارادت ایلوسن

 

نوگل پیغمبره ظالم اهانت ایلوسن

ئولمیوب زینب حسینه سن جسارت ایلوسن

 

رأس شاه عالمی قویدون کوله فخر ایلوسن

رهبر اسلامی ئولدوردون هله  فخر ایلوسن

 

ایندی معلوم ایلرم من حق ندی٬باطل ندی

مسند قرآن ندور آخ سن کیمی جاهل ندی

 

سن دوشونمورسن هله ناقص ندی٬کامل ندی

سویله ای ظالم٬حسینین قتلینه عامل ندی

 

گور حسین کیمدی٬کیمین حقینده طغیان ایلدون

دین آدیلان شاه دینی قانه غلطان ایلدون

 

اول یارالی باش که طشت زرده دی قانی آخور

علت ایجاد عالمدور او باش ای بی شعور

 

خیزران ویرما او لبلر آیۀ قرآن اوخور

اللرون سینسین حیا ایله که قیزلاری باخور

 

اول کسیک باش که ویرورسان ماه عالم تابیدی

شرم ایله ظالم ایکی دونیانین او اربابیدی

 

سن بیله فکر ایلدون قول باغلیام بی یاورم

پادشاه عالمه ایتسون جسارت دینمرم

 

حیله ده سن مرهب اولسون بیل بونی من حیدرم

سن عمر شاگردی،من شاگرد شاه  خیبرم

 

زینبم من فاطمی احساس وار منده یزید

آگه اول که غیرت عباس وار منده یزید

 

اوز ایشیمده منده عباسیم کیمی با همتم

منده حیدر قانی واردور صاحب شخصیتم

 

غیرت اوقیانوسیم من معنی حیثیتم

اول الله سالماسام تخدن سنی بی غیرتم

 

آفتاب عصمتم دریانی بی تاب ایلرم

ظلمیده گر کوه برف اولسون سنی آب ایلرم

 

گر سنون وار تاج و تختون منده ده آبرو

اربده کش سن٬منیم واردور دلیمده ذکر هو

 

ایلرم رسوا ایکی دنیا سنی ای زشت خو

گیت دولان اوز نطفووین اصلین سوروش بیر کو به کو

 

ظاهراً جدون ابوسفیاندی اول پست و دنی

باطناً ای بی شرف هامی بالام سسلر سنی

 

عصمتون یوخدور سنون٬رهبرده عصمت شرطیدی

بیر پارا شاخص،جماعتده،هویت شرطیدی

 

طایفوز چوخ بی شرافتدی٬شرافت شرطیدی

پیکرون  ناپاکیدی انساندا فطرت شرطیدی

 

بو سوزی ویررم یازاللار قبریده باش داشیوه

هنده نین ای نانجیب اوغلی کول اولسون باشیوه

 

برج خلقتده مه تابنده دی ئولمز حسین

بحر عزتده در ارزنده دی  ئولمز حسین

 

خوار اولوبسان سن٬ولی پاینده دی ئولمزحسین

آند اولا حی قدیره زنده دی ئولمز حسین

 

پایدار اولماز فنا دنیاده بد اندیشه لر

واقفم اما بونا ئولمز حقیقت پیشه لر

 

ای«فتا»شکر ایله هر دم خالق داداریوه

ایسته زهرادن اوزی قدرت ویره اشعاریوه

 

نسل آینده تفاخر ایلیرر آثاریوه

صادق اول٬ الله اوزی رونق ویرر گفتاریوه

 

تا جوشور طبعون- بولاق مثلی ولایتدن دانیش

کسسه لرده باشیوی قوخما حقیقتدن دانیش

 

 فرهادی مراغه ای

حسينين عاشقیم 2107

حسينين عاشقیم

 

حسيندی مظهر سبحان،حسينين عاشقیم

حسيندی خلقته عنوان٬حسينين عاشقيم

 

حسيندی مهر درخشان٬حسينين عاشقيم

حسيندی معدن احسان٬حسينين عاشقيم

 

حسيندی گوهر گنجينه ی رسول الله

بتوله لولو مرجان٬حسينين عاشقيم

 

حسيندی روح دو عالم حسيندی نور خدا

حسيندی نيّر تابان٬حسينين عاشقيم

 

مجازی عشقی اوتور گل حقيقی عشقه طرف

اوزيوی چک يانار اوتدان٬حسينين عاشقيم

 

هره بير انسانا عاشيقدی دار دنياده

منم كه ديده سی گريان٬حسينين عاشقيم

 

گورنميوب بير آدام خيرداليقدان عاشق اولا

بو عالمه گوز آچاندان٬حسينين عاشقيم

 

نه ليلی يم و نه مجنونم و نه فرهادم

ئولن گونه كيمين  هرآن٬حسينين عاشقيم

 

حسين حسين نه حسين استقامت آينه سی

حسيندی شاه شهيدان٬حسينين عاشقيم

 

حسين عزاسينه كيم گلسه با وضو گلسين

حسيندی كعبه ی جانان٬حسينين عاشقيم

 

سرين سولاردان ايچنده حسينی ياده سالون

شهيد اولوبدی لب عطشان٬حسينين عاشقيم

 

حسين يولوندا جانيم گيدسه،نوش جانيمدی

باشيم كسيلسه ده دالدان٬حسينين عاشقيم

 

حسين نمازه گوره دوشدی قانلی گوداله

اوخوردی نيزه ده قرآن٬حسينين عاشقيم

 

بيلنچی شخصه سزاواردی بهشت برين

حسيندی سيد رضوان٬حسينين عاشقيم

 

ئولن زماندا اگر گلسه باشيم اوسته حسين

دوباره دن تاپارام جان٬حسينين عاشقيم

 

و بيرده قبريمين اول شبينده گلسه اگر

ايدر مزاری فروزان٬حسينين عاشقيم

 

مريضون اولسا آپار کربلای اعلایه

حسينی درد لره درمان٬حسينين عاشقيم

 

«فتا» آماندی حسين دامنيندن ال چكمه

حسيندی شافع عصيان٬حسينين عاشقيم

 

فرهادی مراغه ای

در مدح حضرت فاطمه زهرا (س) 1981

در مدح حضرت فاطمه زهرا (سلام الله)

 

مظهر نور خدای حیّ و اعظم فاطمه

بندهٔ عظمای خلّاق معظّم فاطمه

 

عالم بی فاطمه،یک واژه بی معنی است

محرم اسرار خلقت،سرّ مبهم فاطمه

 

ماه ایثار و شرف خورشید برج معرفت

نور خلقت آبروی هردوعالم فاطمه

 

آندمی که فاطمه بودآدم و حوا نبود

خلقتش از خلقت عالم،مقدّم فاطمه

 

در جلالت کس نباشد درجهان همتای او

اعتبار وافتخار نسل آدم فاطمه

 

عرشیان و قدسیان خدمتگذار درگهش

حکمران ساکنان عرش اعظم فاطمه

 

بوسه بر خاک کف پایش زنند افلاکیان

علم و حلمش بی کران اعلی و اعلم فاطمه

 

عرش با آن شوکتش هر لحظه در تعظیم اوست

قبله گاه کعبه از کعبه مکرّم فاطمه

 

آسمان باصفای یازده ماه شرف

یاور شیرخدا دلبند خاتم فاطمه

 

مصطفی را هم بُوَد دختر هم اورا مادراست

مرتضی را کفو و همسر یار و همدم فاطمه

 

کوثر قرآن ناطق مظهر حجب و حیا

تشنه جام وصالش آب زمزم فاطمه

 

افتخار و سرور کل زنان عالم است

عزّت سارا و حوّا فخر مریم فاطمه

 

آه از آندم ضرب سیلی کرد سیمایش کبود

درجوانی شد انیس محنت و غم فاطمه

 

ای فتیٰ در روز محشر عاشقان خویش را

با شفاعت مینماید شاد و خرّم فاطمه

 

 فرهادی مراغه ای

حضرت امام حسین (ع) 1911

حضرت امام حسین (علیه السلام)

 

دنیا بهشت اولا سنی دنیایه وئرمرم

ضلّ نگاری،سایهٔ طوبایه وئرمرم

 

عشقون حسین،اورکده دُر پر بهائیدور

الدن بو عشقی آند اولا زهرایه وئرمرم

 

جام محبتوندن ازل گونده دادموشام

بیر قطره سین مین ایل قالا دریایه وئرمرم

 

احیا ائدر سنون آدون عیسیٰ لری حسین

بیر دم که سنده وار دم عیسایه وئرمرم

 

دنیانی آتموشام سنه گؤز تیکموشم آقا

کرب و بلانی،جنت الأعلایه وئرمرم

 

دارالشفادی تربتون ای شاه کربلا

شش گوشه قبری عرش معلّایه وئرمرم

 

آیدان ایشیقلی سان گوزلیم گول جمالیوی

گون دوشسه واسطه،مه رخشایه وئرمرم

 

الله بویوردی کیمسه اولا عاشق حسین

جنّت اونا سزادی،تمنّایه وئرمرم

 

فخر ایله سین حسینچی گرک جان وئرن زمان

قبرین فشارین اهل تولّایه وئرمرم

 

طبع روان فتیٰ سنه که ائتمیشم عطا

قدرین بیل هر کسه بئله سرمایه وئرمرم

 

 فرهادی مراغه ای