در ولادت حضرت امام زمان (عج) 4428

در ولادت حضرت امام زمان (عج)

 

تا تجلی دل شبده مه تابان ائله دی

گون کیمی عالم ظلماتی درخشان ائله دی

 

صبح صادقده وئروب باش گورونوب آیت نور

نه ایشیق ،  لمعه نور ازلی ائتــــدی ظهور

وجهی وجه اللهی دنیانی ائـدوب وادی طور

طوری عینآ رخ پرنوری نمایان ائله دی

 

برج عصمتدن اولوب طــالع او  نور ازلی

مطلعــی کعبه دل لامع  موســی مثلی

ئوز ولیسین بو جهانه گتوروب قدرت الی

عالمه لطفینی شـامل حق منان ائله دی

 

رحمتین عالمه خلاق جهان نازل ائدوب

تازه مولوده گوره نعمتینی کامل  ائدوب

گلوب ادیانی بو سبط نبوی باطل ایدوب

ملل عالمه ئــوز حقینی اعلان ائله دی

 

نجه مولود و جاهتده یوزی شمس ضحا

طلعت پاکی دل شبده سالوب ضوء ضیا

قدم میمنتی عالــمه  آرتیــردی صفا

با صفــا عرصه گیتینی همان آن ائله دی

 

عارض انورینه جلوه رخسارینه باخ

تابش صورتینــه پرتو انوارینه باخ

نرگس مستنه باخ طره طرارینه باخ

حسنونه غبطه بونون یوسف کنعان ائله دی

 

گورنجه درّ ایدی دریای محبت صدفی

درّ نابین صدفی عفت و عصمت شرفی

فاطمه بند  دلی شیر خدانیــن خلفی

مقدم پاکی بو دنیانی گلستان ائله دی

 

نئجه گول عطری بیرعالم دولوسی نکهتی وار

هانسی گولــدور بو صفاسی بیله کیفیتی وار

خلدیده نرگس بو غنچه گولــون صحبتی وار

آرزو عطرینی بو عالم امــکان ائله دی

 

حسن گلفامینه باخ قامت طوباسینه باخ

خم ابروسینه باخ دیـده  شهلاسینه باخ

هاشمی خالینه باخ صورت  زیباسنه  باخ

حسنونه هر گوزلی واله و حیران ائله دی

 

گول دئسم گولده بو نکهت بو لطافت اولماز

تازه بیر غنچه نین عطریـله بو عالم  دولماز

گل سولاربش گونی بو نرگس گلدور سولماز

عطری دنیانی اودور خرم خندان ایلدی

 

هادیدی حجت  قائمــدی حقه مظهر ذات

منتظــر مهــدی  ملقبدی جمالی لمعات

صاحب عصریدی خاتمدی بو عالی درجات

منتقیم اهل جفایه حق سبحان ایلدی

 

تا قــــدم عالم امکانه قویوب منبع جود

ائیله دی حضرت معبودینه شوقیله سجود

دل آچوب راز و نیازه دئدی ای حی و دود

ذکرینی انجـــز و عد شه دوران ائله دی

 

یوز دوتوب بارگـه قدسه ائدوب عرض خدا

ویردوقون و عـدیه حقیمده منیم ائیله وفا

انتقامین آنامیـن قویمـــا خدا یئرده قالا

گوزده گوز یاشیمی بو امر منیم قان ائیلدی

 

نئجه ظلم ائتدی آنام فاطــمیه قوم دنی

اود ووروب  در گهینــه فرقـه باطل علنی

چاره سیز درده عدوسالدی آنام فاطمه دنی

نه جســــارت آناما فــرقه دونان ائله دی

 

یانماسئیدی او قاپی کون مــکان یانمازیدی

جدیمین خیمه گهی اود توتوب اودلانمازیدی

شیر خواره بالاسی  ظلمیله او خــلانمازیدی

حرملـه سود امــری قانینه غلطان ائله دی

 

 مرحوم حاج علی اکبر عبدی قراملکی

منبع مجموعه کانالهای مدح و مرثیه

زبانحال حضرت رقیه (س) 2276

زبانحال حضرت رقیه (سلام الله)

 

گل جان ویرورم شامه دونوب گوندوزوم عمه

باغلا گوزومی یرده قالوبدی یوزوم عمه

 

دوشدی نفسیم تنگه یتوب موسم هجران

دوندریوزمی قبلیه جانانه ویروم جان

گل آل دیزین اوسته باشیمی من سنه قربان

آچ قولار رفع ملال وکدراولسون

جان اوسته رهابلکه بوخونین جگراولسون

 

قول باغلی جگرداغلی اوزوم بسته زنجیر

ظلمیله اولوب صیددوشوب دامه بونخجیر

جسمیم اریدی قالاندی بی بی تصویر

گربورداالم دفن ایدنیم یوخ کفنیم یوخ

بوسینیله غربتده اسیرم وطنیم یوخ

 

بولارداگوزوم یرده یوزوم قلبده آلام

غم غصه ایشخلی گونومی عمه ایدوب شام

ویران اولااولمازبیله بیرگردش ایام

آینه دلده گیجه گوندوزکدریم وار

ویرانه ده یکساندی چه شام وسحریم وار

 

یاندردی اسارت اودی دوتدی جگریم سوز

قول باغلی سالوب داغ داشابووقعه مرموز

گلدیم بواوزاق یولاری شاماته شب وروز

آغلارگوزیله صبرایلدیم هرغمه گلدیم

دوزدوم ستم شمره غم اعظمه گلدیم

 

مرحوم استاد عبدی قراملکی

منبع مجموعه کانالهای مدح و مرثیه

کوچ از قتلگاه 389

کوچ از قتلگاه

 

اوجاتدی پرچم حقّی بو نهضتون یارالی

رواج دین مبین اولدی خدمتون یارالی

 

منای عشقده لب تشنه قانه باتدون سن

یاتوب قوم اوسته یاتان ملتی اویاتدون سن

جهاندا پرچم حرّیتی اوجاتدون سن

جهاندا اولدی نظام و طریقتون یارالی

 

نه یاتموسان دیزیمین طاقتی گوزوم نوری

فراق یک شبه دلدن سالوب بو رنجوری

وصاله یتدیم اُپم قوی بو نحر منحوری

نصیبیم اولدی بو فیض زیارتون یارالی

 

خدایه شکر اولا یتدیم بو فیض عظمایه

سرور قلبیدی اقرار دور تولّایه

ویرر بیر اوزگه صفا هر دل مصفّایه

مطاف اهل محبّتدی حضرتون یارالی

 

تاپوپسان حقّه تقّرب بو عرصه ده مطلق

ازلده مشتق اولان نوره اولموسان ملحق

اولوبدی قابل تحسین تقرّبون الحق

محسّنایتدی بو قصد قربتون یارالی

 

طریق عشقده طّیّ مسافت ایتدون سن

کمال همّتیله قرب حقّه یتدون سن

خدایه آند اولا حقدور بو یول که گتدون سن

ثبات عالمه ایلر شهادتون یارالی

 

ایله پوزوبدی بو آشفته حالیمی حالین

اولوبدی نقش زمین یرده جسم پامالین

اوزیوه ایلموسن قانلی تپراقی بالین

اودور تاپوپدی فضیلت بو تربتون یارالی

 

آنام عزیزی او خاتونه ناز پرورده

بو حالتون گتورور قلب عالمی درده

نه باتموسان سنه قربان اولوم قوری یرده

اویان سرشکیمی قان ایتدی محنتون یارالی

 

اویان نه خوابیدی بو قانلی رختخواب اُسته

قزل گلون دیه سن برگی دوشموش آب اُسته

ابو تراب کیمی یاتموسان تُراب اُسته

بو امریده آتاما وار شباهتون یارالی

 

بیز آل هاشیمه میراث بو شهادتدور

شهادتی که کمالالت عهده آیتدور

شخیص شخصه فضیلتدی بو سعادتدور

سعیدی اسعد ایدر بو سعادتون یارالی

 

شهادتی که بو صحراده انتخاب ایتدون

علیه باطله بیر سرخ انقلاب ایتدون

جوامع بشریّتده فتح باب ایتدون

حصار ظلمی شکست ایتدی همتون یارالی

 

بیر انقلاب ایلدون سن بو دشت پُرغمده

ملاک مظهر آزادی اولدی عالمده

هر ایل بو واقعه تجدید اولار محرّمده

دوشر منابر و مسجدده صحبتون یارالی

 

او قدری یاره وروب جسموه بو اهل عراق

کتاب عمریمه تشبیه دور اولوب اوراق

اولا بو حالین آنام فاطمه گوزوندن ایراق

چتین شماریه گلسون جراحتون یارالی

 

باخان بو جسمه یانار دلده ناله جانکاه

اولار عداوت آل اُمیه دن آگاه

تعجّبیله دیر لا اله الاّ الله

نه جرم اولوب سبب حتک حرمتون یارالی

 

اولوب وجودیوه وابسته عالم امکان

ولایتونله مدوّردی گردش دوران

فصول اربعه ده مطلقا اولار نقصان

جهانه دوشمسه ظلّ ولایتون یارالی

 

سپهر شمس و قمر جمله ثابت و سیّار

نظام هستی کماکان مایکن اقطار

فلک ملک بو عوالم بو گنبد دوّار

اولور تمامیسی مرهون منّتون یارالی

 

دیسم غلطدی سنه نیّر درخشنده

نه گون که سندن اولور آفتاب شرمنده

هزار شمس و شموس آستانوه بنده

قویوب عوالمی حیران جلالتون یارالی

 

بو آستانه ده ای صاحب جلال و خول

که دوست و دشمنه اولموش کرامتون اکمل

نه ساربان الی بوش گئتدی نه گئیدوب بجدل

آز المیوبدی آز الماز کرامتون یارالی

 

بو چولده سن که شهید اولدون ای ولی الله

تالاندی آل علی یاندی خیمه و خرگاه

اسیر فرقۀ گمراه اولوبدی آل الله

ستمله قول قولا باغلاندی عترتون یارالی

 

ایا ولی نعم "عبدیم" اوزوم جاهل

بیر عمر اولموشام اعمال خیریدن غافل

ایدیم نه چاره اگر لطفون اولماسا شامل

بو حال زاریمه لطف و عنایتون یارالی

 

هزار حیف غروریم منی ایلیوب اغفال

دولوبدی جُرمیله عمروم کتابی مالامال

بو روسیاه و سرافکنده نی چکوب فی الحال

بو آستانیه مهر و محبّتون یارالی

 

 مرحوم عبدی قراملکی

منبع مجموعه کانالهای مدح و مرثیه