در مدح و میلاد حضرت امام حسن مجتبی (ع) 4809
در مدح و میلاد امام حسن مجتبی (ع)
گون کیمی طالع اولوب نیّر اعظم بو گیجه
اوزگه بیر عالم امکانیدی عالم بو گیجه
گورونوب صبحده بیر آیت حیّ ازلی
لمعهء نور هدا شعشعهء لم یزلی
بیر تجلّی ایلیوب شمس شموسین مثلی
باش ویروب گون کیمی سبط شه خاتم بو گیجه
بیر اوغول حضرت زهرایه ویروب حی قدیر
نه اوغول عارض وجه الحسنه ماه منیر
سبط طاهادی بو فرزند شه پاک ضمیر
شاد اولوب حضرت پیغمبر اکرم بو گیجه
نور پاک ازلی طالع و تابنده اولوب
نجه تابنده که خورشید سر افکنده اولوب
آستاننده بونون مهر و قمر بنده اولوب
بودور افلاکه ویرن فیض معظم بو گیجه
نور پاک حسنی عالم والایه چخوب
فرشدن ساطع اولوب عرش معلایه چخوب
شاد و خرم ملکوت اهلی تماشایه چخوب
لطفینی شامل ایدوب خالق عالم بو گیجه
بو همان نوریدی موسایه تجلا ایلیوب
یثربی نور رخی وادی سینا ایلیوب
غرق بو ماخلقی نعمت عظما ایلیوب
مقدمی ایلدی دنیانی مکرّم بو گیجه
ایکی دریادن اولوب درّ مثمّن نه خزف
فاطمه لجّهء عفّتدی علی بحرِ شرف
دامن عصمتی بو لوءلوء مرجانه صدف
آیریلوب گوهر بَحرِینِ مسلّم بو گیجه
حَبَّذا محسنه دی صورت و معناسی گوزل
خلقت و خلقی گوزل دیده شهلاسی گوزل
آتاسی جدّی گوزل مام دل آراسی گوزل
شرط حسنادی فیوضاتیده بو دم بو گیجه
عید فرخنده دی بو نیمه شهرالرمضان
محترم گوندی مشرف یارادوبدور یارادان
آرتروبدور بو ولادت گیجیه عزّت وشان
لطف دنیایه ایدوب خالق احکم بو گیجه
مجتبا دور لقبی اسمی حسن سبط نبی
حال حیرتده چهار اُمی قویوب هفت اَبی
باش ویروب گون کیمی روشن ایلیوب تیره شبی
ایتدی پیغمبری بو اَمریده خرم بو گیجه
تازه مولودیدی اوصاف کمالی حسنه
صاحب عزت و احساندی جلالی حسنه
اشبه ختم رسالتدی جمالی حسنه
اولدی خوبانه وجاهتده مقدّم بو گیجه
سپری عمرون اولوب عبدی نه غفلتدی اُویان
یاتما اخلاصیله یاز شعروی اُولما نگران
بلی خوشبختدی نوحه اوخویان نوحه یازان
یاز ویروب گون کیمی باش نَیّرِ اعظم بو گیجه
مرحوم استاد عبدی
منبع مجموعه کانالهای مدح و مرثیه
با سلام