احوالات جناب وهب (علیه السلام)

 

اوچومجی جانی وهب بن حبابه ایتدی نثار

آچوب گوزینی اولوب داخل اولوالابصار

 

چو اهل بیتی امام امم گتورموشدی

وهبده هم آناسین عورتین گوتورموشدی

 

او دم که ایتدی وهب عزم جانب میدان

آناسینه دوتوب اوز ای عزیز تر از جان

 

بو وقته سن منه رخصت ویرورسن ای انا تا

ایدوم بو جانی جگر گوشه رسوله فدا

 

اورکده جوشه گلوب قانی ایلیوب غیرت

تو کوب سرشک گوزیندن او پاکدل عورت

 

دیدی اولیدی مین اوغلوم عزیزتر از جان

اولاردی فاطمه دلبندینه بو گون قربان

 

رضا او وقت اولورام سندن ای اوغول گیده سن

حسین فاطمه دل بندینه بو گون قربان

 

رضا او وقت اولورام سندن ای اوغول گیده سن

حسین فاطمه دن اوتری جان نثار ایده سن

 

اپوب اناسی الیندن حلالیت دیلوشوب

او وقته عورتی هم دامنین دوتوب یاپوشوب

 

گلوب فغانه دوتوب دامنین چکوب شیون

که ای امید من و مونس گرامی من

 

بیزی کیمه تاپشورورسانکه یوخدی غمخواریم

کیمیم حمایت ایدر کیم اولار پرستاریم

 

اگر اسیر اولام بس کیمیم بیزی قوتارور

اولام دچار بلا کیمدی اوندا چاره قیلور

 

باخوب او دمده وهبین آناسی بیر یوزینه

خطاب ایتدی اوغول باخما سن اونون سوزینه

 

مباد کیم ایده بو فیضیدن سنی محروم

سنی یازوبدی قضا زمره قتیل ظلوم

 

وهب تسلی ویروب عورتینه اولدی روان

بآرزوی شهادت چو جانب میدان

 

یتنده عرصه میدانه کارزار قیلوب

فضای معره که نی دشت لاله زار قیلوب

 

او گونده قرخا یاخون نابکاری ایتدی هلاک

که ناگهان اودم بیر منافق نا پاک

 

او وقت او شیر نهادین برابرینه گلوب

ایدوی حواله قلنجین بیر قولینی سالوب

 

او حالیده آنا یانینده دورموشیدی شکیب

اونی او دمده ایدردی جنگه چون ترغیب

 

گیت ای وهب قاباقا کارزاری گرم ایله

نظر ایدن سنه آلعبادی شرم ایله

 

ویروب کسیلموش الینی الینه اول عورت

خطاب ایلدی ای نور دیده ایت غیرت

 

او دم وهب آناسینه دیدی که ای مادر

که مندن ایمدی رضا اولدون ای حمیده سیر

 

جواب ویردی کتا المه سن رضا دگلم

که مین سنون کیمی قربان بو امام امم

 

اراده قیلدی اودم حربگاهیدن قیده

وداع شاه شهید ایلیوب رجوع ایده

 

او وقته عورتی دامانینی دوتوب گریان

دیدی قیتمه داخی حربگاهیدن بو زمان

 

او منع لر که سنه قیلموشام پشیمانم

او سوزلریکه دیدیم نادمم پریشانم

 

یالین قلنجی الینده دوتوب دیردی او زار

که حبگاهه گیدورسن منی یانونجا آپار

 

که منده دشمن بو خاندانیله ساواشوم

نه قدری گلسه ایمدن بو جانیله ساواشوم

 

روا دگل بو جگر گوشه رسول جواد

قالا بو دشتیده بیکس من ایتمیم امداد

 

سئوال ایلسه محشرده حضرت زهرا

او گون که اولدی حینیم شهید کرببلا

 

سن اوندا حاضریدون نصرت ایلییدون اونا

دیون منه که نجه من ویروم جواب اونا

 

هر آنچه منع ایدردیله راضی اولمازدی

نصیحت هر چه ویروبلر قولاقه آلمازدی

 

خبر یتوشدی امام زمانه اول سرور

گلوب او عورته سویلوب که ای حمیده سیر

 

بو آرزو که ایدورسن سنه صوابی بس

جهاد عورته جایز دگل چوخ ایتمه هوس

 

وهب امامینه عرض ایتدی که ای شه دو سرا

او عهد کایتموشیدیم ایلدیم وفا آیا؟

 

جواب ویردی او سرور بلی وفا ایتدون

ولی بو حالیده تنها منی قویوب گیتدون

 

او قدر فاصله گیچمز که من داخی گلورم

ولی سفارشی جدیم حضورینه قیلورم

 

یتور سلام اونا مندن که ای شه کونین

گلور حضوریوه اوغلون شهید تشنه حسین

 

قالوب بو دشت بلاده وحید و تشنه جگر

اونا سو ایله مهیا که دمبدم ایستر

 

بو شیر زنلره باخ سنده غیرت ایت (فتاح)

توکوب  عذاریوه اشکین حجت ایت (فتاح)

 

دلینده که دیوسن شیعه ام کمالی ندور

بو نوع شیعه لیقین حاصل و معالی ندور

 

امیدیمیز بودی در گاه کبریائیده

بیزی ده آلعلی حرمتینه شیعه ایده

 

مرحوم فتاح مراغه ای

منبع کانال گنجینه گذشتگان