احوالات حضرت امام حسین (علیه السلام)

 

جهان بناسی که باشدان باشا غمدور

نظرسالاندا بو غمخانه اوزگه عالمدور

 

بیر ایو که درد و غمیله بنا قویولموش اولا

نشاطه طالب اولان بلمورم نه آدمدور

 

سنه ویروبدی مکانعاریت سرا بو ایوی

نه امن یاره بویرده –نه عیش خرمدور

 

نجه گل اوزلی جوانلار چکوبدی آغوشه

نه سرو قد توکولوبلرصنوبری خمدور

 

امید خیر بو دهردنیدن ایتمه مدام

که خیری شریدی نفعی زیانیله غمدور

 

ایکی جهاندا اگر ایسته سن امید نجات

حسینه ساخلا عزا کیم وجوب الزمدور

 

گوزون فداسی اولوم آب چشم ایله جاری

بو اب منجمد اتش جهنمدور

 

حسین عزاسیدی هرقلبی ایلین خالص

نچونکه خاصیتی کیمیای اعظمدور

 

تغافل ایتمه گلن من بکا حدیثیندن

سنون الینده بو سوز بیر دلیل محکمدور

 

گلون دویونجا ایداق ناله بیرغریب النه

که پیشوای امم مقتدای عالمدور

 

کسیلدی کرببلاده سوسوز باشی دالیدان

نه باش که زینت دوش رسول اکرمدور

 

جوان بیراوغلونی طلمیله الدوروب اعدا

که خون بهاسینه عالم فدا اولا کمدور

 

اشاقلاری بیر سوری آهو کیمی اولوبدی شکار

جلالی صرصرظلم و ستمله برهمدور

 

عزیزه باجیسی زینب مقید زنجیر

او زینبی که کمینه کنیزی مریمدور

 

گینه بو زینب آدی سالدی دللره بیر شور

قفسدن اوچماقا دللرقوشی دمادمدور

 

امان او وقته گوروب پاره پاره نعش حسین

کلام حق کیمی قانیله مترجمدور

 

نه ال قالوبدی بدنده نه باش هامی کسیلوب

مثال نقطه واحد وجودی سرحمدور

 

دوشندی تپراقا گوزیاشینی توکوب خاکه

باخوب او یاره لره اشک چشمی تک نمدور

 

ایله سیزیلدادی نی تک جهانی یاندوردی

بلی سکوت ایلماق اهل عشق ایچون ذمدور

 

دیدی بو حالیده گوردوم سنی الیدیم کاش

اگرقیامته  تک آغلیام سنه کمدور

 

آخوبدی قطره بقطره سنین یارانان قان

بو پیکرینده دیرسن گل استه شبنمدور

 

همیشه (گنجی) حسین ماتمینده ایت فریاد

که کربلا هامی یرهرزمان محرمدور

 

مرحوم گنجی خویی

منبع کانال گنجینه گذشتگان