در احوالات حضرت موسی بن جعفر (ع) 5919

در احوالات حضرت موسی بن جعفر(علیه السلام)

 

گرکدی شیعه اولا حشر اولونجا غرق ملال

گوتوردی موسی جعفر جنازه سین حمّال

 

حسینون ایلدیلر جسم پاکینی پامال

یوخیدی دفن ائده نی لامحاله بیر حمّال

 

وفات حضرت کاظمده بعضی شیعه لری

دوتوبلا تعزیۀ اول غریب خونجگری

 

حسین ئولنده ولی قویمازیدی شمر دغا

دویونجا آغلیالار عترت شه دو سرا

 

ئولنده موسی کاظم واریدی دفن ائده نی

قوم اوسته قالمادی اوچ گون یارالی گول بدنی

 

حسین ئولنده قالوب اوچ گون اوچ گئجه عریان

حنوطی تورپاق اولوب غسلی اولدی قرمزی قان

 

اگر چه موسی کاظمده ، غربت ایچره ئولوب

ولی حسین کیمی آیا غریب ئولن گورونوب؟

 

کیمون جنازه سی اوستونده آت چاپوب عدوان

کیمون الینی کسوب ساربان بی ایمان

 

ئولنده موسی کاظم زمین غربت آرا

یارالی باشینی وورموب جدایه شمر دغا

 

حسین ئولنده ولی اولدی قان سو تک جاری

ستمله دوغرانوب عباس تک علمداری

 

مرحوم کاتب اردبیلی

در احوالات امیرالمومنین حضرت علی (ع) 4924

در احوالات حضرت علی (علیه السلام)

 

گلدوق عزا ساخلیاق، حیدرکرّاره بیز

وئرماقا باش ساغلیقی، قولسوز علمداره بیز

 

شیعه نجف شاهینه، ساخلیوب عالم عزا

اوغلی حسین  و حسن، اگنینه گئیمیش قرا

مجلسماتم قوروب، آل رسول خدا

آغلیون امداد ائد‌اق، عترت اطهاره بیز

 

اولماسا هر کیمسه‌نین چشمی بوگون اشگبار

شاه اّمَمد‌ن اولور، حشرگونی شرمسار

ظلمیلن اولدی شهید، منبع هشت وچهار

آزدی نقدرآغلییاق، اول شه ابراره بیز

 

بیزد‌ن اؤتور ائیلدی، هر نه ستم وار قبول

تا که رواج اولماقا، شرع مبین  رسول

بیزنه روا اولمیاق بیر بئله غمده ملول

ائتمیاق انصافیدور سینه‌نی صدپاره بیز

 

آغلیون اول سروره، شیعه به شور و نوا

راه خداده وئروب اوغلی حسینی فدا

ائتدیلر اولادینه هر نه ستم وار روا

حشره کیمین آغلاروق بیر بله سرداره بیز

 

یادیمه دوشدی گینه واقعه‌ ی کربلا

شمر لعینون او گون ائتدیقی جوروجفا

شیعه‌لرین باشینه تؤکدو کول اول بی حیا

وار یئری ایندی گز‌اخ چؤللری آواره بیز

 

کاتب اردبیلی

احوالات دروازه شام 4020

احوالات دروازه شام

 

غم قافله سی یتدی چو دروازۀ شامه

دوندی اسرانون گونی بیر لیل ظلامه

 

حکم اولدی منادیلر ائده جار او گونده

شام اهیلینی ائتسونله خبردار او گونده

زینت وئریله کوچه و بازاره او گونده

چخسونلا تماشادن اؤتؤر غرفه و بامه

 

شام اهلینه یوز وئردی او گون آیری بیر حالت

هر کوچه ده بر پا اولونوب مجلس عشرت

سازنده و بازنده ائدوب زیور و زینت

گیمیشدیله عشرتدن اؤتؤر قرمزی جامه

 

باغلانمشیدی بیر ایپه اولاد پیمبر

سر سلسله ده عابد دلخسته و مضطر

یوز وئردی او گون زینبه چوخ محنت و غملر

گوردی که سالوب شمر اولاری طرفه نظامه

 

یارا هانی شرح ائتمگه دروازۀ ساعت

تعطیل اولونوب قافله اوردا نچه ساعت

یوز وئردی نلر سید سجّاده او ساعت

قول باغلی اؤرک داغلی بدنده غل و جامه

 

شام اهلی تماشایه چخوب دسته به دسته

رأس شه دین نیزه ده زینب دوه اوسته

محنت کش و ماتم زده و قلبی شکسته

بنزردی او گون زینبیچون روز قیامه

 

بیر غرفه ده اگلشمیشیدی بیر نفر عورت

گوردی او زمان بیر باش ائدر آیه تلاوت

خوف ایلمیوب حقدن او ملعونه او ساعت

بیر داش گوتوروب وئردی او دم فرق امامه

 

داش دگدی شه دین باشینا جاری اولوب قان

بو حالی گوروب زینب اولوب حالی پریشان

باشینی ووروب محمله با ناله و افغان

قان جاری اولوب عارض خاتون گرامه

 

عورتلر ائدوب طعن شماتت اُسَرایه

بعضیسی گولوب عترت شاه شهدایه

ناگه بیری اود توکدی سر زین العبایه

بیر وقت گوروبلر آلشوب یاندی عمامه

 

القصّه ائدوب حکم او زمان زادۀ سفیان

ترتیبیله ائتسونله یریش لشگر عدوان

باشلار دالیسینجا گئده لر فوج اسیران

اولاد علی وارد اولا مجلس عامه

 

صدقیله یاپوش «کاتب» حسینون اتگینه

آغلا نقدر عمرون اولا اوُل شه دینه

قیل توشه سرشک بصری روز پسینه

دنیاده گورونموب ائده بیر کیمسه اقامه

 

کاتب اردبیلی