دراحوالات حضرت ابوالفضل (علیه السلام)

 

ماه افق عفاف سنسن

خورشید گوزل مضاف سنسن

 

سالدون یره سایه شهپریله

سیمرغ ستیغ قاف سنسن

 

ساینده حسینده دالدالاندی

یارشرف مناف سنسن

 

دنیانی آلوب هلالی قاشون

شمشیر جهان شکاف سنسن

 

آیینه وه گرچه ووردولار سنگ

آیینه ی عشق صاف سنسن

 

یوخ عرصه ده بیرنفرحریفین

فئاح دل مصاف سنسن

 

ای تربتوین مداری افلاک

یدی فلکه مطاف سنسن

 

جبریل او پر کف کریمون

کعبه کیمی طوف ایدرحریمین

 

ای سلسله دار استقامت

وی سایه نشین تو امامت

 

فضل و خرد وادب قاپوندا

فیض آلماقا باغلیوبلا قامت

 

صفینیده گورسنوبدی سندن

تاریخیده ثبت اولان شهامت

 

شط از نفس تو گرگرفته است

آتش شده آب تا قیامت

 

کوبیده به صخره ها زحسرت

امواج بلا سرندامت

 

دامانیوی کیم دوتوب تاپوبدی

غرقابیده سایه سلامت

 

معلوم اولا تا صراط ایمان

قولاریوی قورموسان علامت

 

سندن آقا عرض ایدوم خلاصه

تاریخ بویی قالوب حماسه

 

بوی نفسین عبیره بنذر

بیر نافه ی بی نظیره بنذر

 

گیسو دوشیوب یولوندا حورا

گسردنی حریره بنذر

 

آی صورتوین نظیری اولماز

مهتاب او رخ منیره بنذر

 

تکبیر سسین قالوب سماده

آفاقی دوتان صفیره بنذر

 

سن مظهر صولت علی سن

کیم سن کیمی اول امیره بنذر؟

 

واردورنفسینده اودعطشدن

هرم نفس کویره بنذر

 

هریاره دگوبدی پیکریندن

بیرمرهم دلپذیره بنذر

 

اوخدان پرآچوب سمایه اوچدون

سر منزل کبریایه اوچدون

 

اوچدی اوجالوب ستاره لردن

ال اوزدی او ماهپاره لردن

 

سسلندی هرایه گل حسینیم

چیخدی یارالارشماره لردن

 

مین یاره دگوب پیاده لردن

مین یاره دگوب سواره لردن

 

باشدان باشا یاره دوروجودیم

یاری گورورم بو یاره لردن

 

نه یاره که گلدی لاله لاله

خوش رنگیدیلر بهاره لردن

 

خنجریتوشوبدی حنجراسته

لشکرتوکولوب کناره لردن

 

شیرازه می نیزه لر داغوتموش

آگهسن اوزون اشاره لردن

 

گل سال باشیم استه سایه قارداش

قران اوخی آیه آیه قارداش

 

هادی وحیدی زنجانی

منبع کانال گنجینه گذشتگان