احوالات  کوج از قتلگاه

 

قارداش نیدیم جهاندا بو دور زمانیله

عرض ایلیوم بو دردیمی هانسی بیانیله

 

سن قال قوم استه گونلرایوینده بو نوعیله

منده قالوم زمانه ده آه و فغانیله

 

من باش آچوخ بو زلفیمی معجرمثال ایدوم

سن قال یارالی پیکربی سایبانیله

 

سن آل کناره قاسم و عباس و اکبری

منده گیدیم او یولاری شمرو سنانیله

 

قالدی بو چولده یتمش ایکی یارو یاوریم

قویدون منی بو قرخا یاخون دلستانیله

 

جان تک علی اکبری سن آل کناریوه

منده قالوم بو لیلی بی خانمانیله

 

سنسیز گیچن گیجه بیزه شمراولدی پاسبان

سن قالموسان بو چولده یقین ساربانیله

 

نه وار باشین بدنده نه جسمینده اللرین

آخرحسین سنی تانیوم نه نشانیله

 

لب تشنه کسدی باشیوی شمرلعین سنون

خوش بلدی بو معامله نی میهمانیله

 

جدیم اپن یرین آخوری قانی نهرتک

آق زلفیمی گرک بوییام  من بو قانیله

 

باشین که یوخدی من دولانام باشیوه سنین

ال یتموری اوباش اوجالوبدور سنانیله

 

سن حق یولوندا باشیله جان ویرموسن حسین

منده وارام اسارته بو خسته جانیله

 

دوشموش بنات نعش کیمی چوللره بنات

بال و پریم یانوبدی یانان آشیانیله

 

باشین دالینجا سایه کیمی هرولایته

لابد گرک گیدم یورولان کاروانیله

 

سن نیزه ده سنانیده سیرایت بو یولاری

منده گلیم بو شمر کیمی پاسبانیله

 

لازیمدی خوردا قیزلاروین نازینی چکم

نیلوم ولی قولومدا کیمی بو ریسمانیله

 

سن دور سکینوی  اوزون آرام قیل حسین

چوخدورعلاقه سنده بو شیرین زبانیله

 

باشین جداده اکبریله همعنان گیدر

گلم دالینجا منده بو تک بیرجوانیله

 

تعجیل وار بو قافله ده من الده چاره یوخ

شامه گرک گیداق داخی بو دشمنانیله

 

مشتاقیدور معاویه اوغلی باشین گوره

فخرایلیه کبریله چوخ عز و شانیله

 

ایتموبدوراوز الیله  سنه چونکه ظلملر

گوزلوریولون الینده اولان خیرزرانیله

 

قیل بیرنظر (فدائیله) حضاره یا حسین

واردور بو آستانه ده بیر خوش گمانیله

 

مرحوم ملا مهر علی فدایی

منبع کانال گنجینه گذشتگان