احوالات شب عاشورا 5162

احوالات شب عاشورا

 

آچیب عزت قاپوسین شاه شهیدان بو گجه

گلور عشاق و ملک خیمیه مهمان بو گجه

 

یغشوب پیر و جوان جمله حسینون باشینا

آخرین سؤزلرینی ایلیه اعلان بو گجه

 

رخ زیبای حسین هر طرفه نور سالیب

آفتاب و قمری ایلدی حیران بو گجه

 

تا سکوت اولدی عیان پیر طریقت دیدی هو

باشلیرام الله آدیلان بودی فرمان بو گجه

 

خوش گلیبسوز سیزی بیر امره مخیر ائدورم

اولمیا غالب اولا نفسوزه شیطان بو گجه

 

چون سحر یوم بلا جنگ و شهادت گونودی

ایستورم واقف اولام وار نچه قربان بو گجه

 

بی تعارف دیورم خیمه که تاریک اولدی

کیم گئدور گئتسون اگر اولسا پشیمان بو گجه

 

من حسینم ئوزومه عاشق صادق گزیرم

قالماسون هر کس اولور ناقض پیمان بو گجه

 

کیم حسین عاشقیدی یار حق رحماندی

قالاجاق عمر ابد تابع قرآن بو گجه

 

من اونون اللرینی ویرسه اجازه ئوپرم

اودی وارسته بشر طالب جانان بو گجه

 

الغرض سؤندی چراغلار کسیلوب همهمه لر

هرکس ئوز ذائقه سین ایلدی کتمان بو گجه

 

او قرانلوقدا گئدن گئتدی یازار مقتلده

قالدی با عاطفه یئتمیش ايکی انسان بو گجه

 

شمعلر روشن اولان وقتده مظلومین آقامین

روحی گؤیلرده اوچوب شاد و خرامان بو گجه

 

باخدی سالار شهیدان کمگین ائتدی مرور

قییدوب منفک اولان جسمینه بیر جان بو گجه

 

دئدی صد شکر خدایا بولارین غیرتینه

قویمیوبلار قالا تک شاه لب عطشان بو گجه

 

فکره دولدی ایله بیل نقشه چکور جنگاهه

لشکره ایستوری ویرسون سر و سامان بو گجه

 

ئوز خیالینده مجسم ائلدی صبح اولسا

کیمی اول ائده جاق عازم میدان بو گجه

 

گؤردی اکبر یاراشور یازدی آدین اولده

سالار البته علی عرصه ده طوفان بو گجه

 

ولی حیف اولسون اونون قامتینی دوغرادیلار

یئری وار تازه جوانلار اولا گریان بو گجه

 

قاسمون بیلدی که وار باشدا شهادت فکری

آدینی یازدی مبادا اولا نالان بو گجه

 

تازه داماد ولی طوی گونی قرمز گئیدی

قاره پوش اولدی عروسی شب هجران بو گجه

 

تا که عباسه گؤزی دوشدی چکیب دلدن آه

بیلدی قارداشی دوشر نهرده بی جان بوگجه

 

سالدی دشمن او علی بوسه ووران اللرینی

روز عاشوردن الواندی نیستان بو گجه

 

نقشه لر چکدی خیالینده او شه طولانی

بیر نچه لحظه غرض هوش آپاریب مولانی

 

درک ایدیب عالم رویاده رسول اللهی

وار یئری جدی مخاطب ائلیه اول شاهی

 

عارف اول سنسن اوغول آل محمدده شهید

سن گرک فاش ائده سن سر فنا فی اللهی

 

سالما تاخیره حسین گل که نه تنها ملکوت

گؤزلیور آدم و خاتم یولوی واللهی

 

بو گجه ای گل زهرا سنه آخر گجه دی

قوی باشون بالشه یات برهم اولان خرگاهی

 

استراحت ائله شاید باشون اللرده قالا

اولمیا گل بدنین مشتری دلخواهی

 

هوشه گلدی دئدی هیهات حسین بن علی

جدینون امرینه بیر لحظه ائده کوتاهی

 

ایندی آماده اولون گودی مقتلده گورک

نجه درک ایلدی زینب بو غم جانکاهی

 

داشلاری نیزه لری ووردی کناره او خانم

ؤردی بی سردی یاتیب قاندا مبارک ماهی

 

وا اخا ناله سی قؤزاندی او دم زینبدن

دئدی ایوای یارالی عالمی اولسون واهی

 

ایندی منده یازورام شعر حسین وای دیلده

اون بش ئیل بو قاپیدا ایله میشم مداحی

 

ایستورم لطفیله الله گؤره «معروفه» روا

ئیلده بیر دفعه ئوپه جنت اولان درگاهی

 

 ابوالفضل عباسی معروفان اهری

حضرت امام زمان (عج) 880

حضرت امام زمان (عج)

 

جمعه ها روز مناجات من است

لحظه های عرض حاجات من است

 

جمعه ها همراه دل طوفانی ام

چون هوای بی کسی بارانی ام

 

جمعه ها چشمم به راه آشناست

آشنایم مهدی آل عباست

 

جمعه ها گوش دلم با مهدی است

شور آوازم پر از یا مهدی است

 

جمعه گویا تا ابد مال من است

شاهد تشویش احوال من است

 

جمعه روز موعد موعود ماست

روز موعودش دم مولود ماست

 

هفته را شش روز فکر جمعه ام

جمعه هم درگیر این یک جمله ام!

 

شاید این جمعه بیاید یار ما

تا که بگشاید گره از کار ما

 

لحظه وصلش غروب ماتم است

دست او مشکل گشای عالم است

 

گر بیاید خارها گل می شود

مهر او در سینه ها پل می شود

 

مهدی ما عاشق دلدادگی است

عاشق دل پاکی و افتادگی است

 

مهدی ما منجی این عالم است

بهر قربانی او عالم کم است

 

مهدی ما رونق کاشانه هاست

غایبی حاضر درون سینه هاست

 

مهدی ما غیبتش با حکمت است

حکمت نادیدنش هم نعمت است

 

مهدی ما وارث شاه ولاست

یادگار نسل پاک مرتضی است

 

مهدی ما گر خدا لطفش کند

آشکار از پرده غیبش کند

 

پیشگاه حق را سر می نهد

گردن کفار خنجر می نهد

 

روی شداد زمان کم می کند

قامت اشرار را خم می کند

 

مهدی از گردنکشان رو می کشد

از سر طغیانگران مو می کشد

 

مهدی آرامش به عالم می دهد

بر دل مجروح مر هم می نهد

 

می شود گلشن جهان از روی او

کل عالم قیمت یک موی او

 

گر بیاید زنده گردم از دمش

گر بیاید جانفدای مقدمش

 

ابوالفضل عبّاسی معروفان اهری

ولادت حضرت امام سجاد (ع) 698

در ولادت حضرت امام سجّاد (علیه السّلام)

 

میِ وصلیندن ای ساقی

منه بیر باده عشق اولسون

 

گوزوم روشن گونول خرّم

گلوب فریاده عشق اولسون

 

سووندی بو گجه قلبِ

شه آزاده عشق اولسون

 

عجب مولود زیبادور

بئله میلاده عشق اولسون

 

ئورکدن سسله ای عاشق

آقام سجاده عشق اولسون

 

گوزل آیدور مه شعبان

قلوب شیعیان گولدی

 

مه و خورشیده سیمای

زمین و آسمان گولدی

 

طراوت غنچه لر تاپدی

آچوب گُل گُلسِتان گولدی

 

چاتوب جان وصل جانانه

ئورکدن انس و جان گولدی

 

یقینا رویِ زهرا و

امیر ِ مومنان گولدی

 

که یعنی جشن میلاده

اولون آماده عشق اولسون

 

بو آی بیر آیدی چوخ آیدان

مقام و شانی افضلدی

 

طلوع سوم شعبان

حسین بن علی گلدی

 

علی مولود زیبانی

گورنده قلبی دینجلدی

 

چهارم روزِ شعبانین

قضایاسی مفصلدی

 

علمدار شه دینون

سجایاسی مُسجّلدی

 

حسینی مهریلن دامه

سالان صیاده عشق اولسون

 

علی بن الحسین گَلدی

نهایت روزِ پنجمده

 

می ِ شور و میِ شادی

لبالب ساغر و خُمده

 

سماده هم صفا هم نور

زیادت تاپدی انجمده

 

غم و اندوه خُرد اولدی

رواج فیض اولوب عمده

 

گزور دیلدن دیله بو سوز

میانِ جمعِ مردمده

 

حسینه چوخ سلام اولسون

بئله اولاده عشق اولسون

 

آتاسی خسرو خوبان

آناسی فرد ایرانی

 

بئجردیب بطن پاکینده

گُلِ خوشروی زیبانی

 

بو نورین پرتو حسنی

ائدوب ایرانی نورانی

 

بشارت اهل ایرانه

آچوبدور باب احسانی

 

گلوبدور دکتر ِ آلِ

عبا وار الده درمانی

 

دیون زین العبا تاجِ

سر عُبّاده عشق اولسون

 

وئرون تشکیل بیر مجمع

دواسیز دردمنداندان

 

اولار که ایستیور چخسون

گُنَه سیز شخص زنداندان

 

او که بیماردور یاتمور

عذاب جسمدن جاندان

 

شفا هر کس گزور گلسون

جنوب و غرب و هر یاندان

 

دئسون بیر دفعه یا سجاد

قوتارسون رنج و بحراندان

 

اولار که جان تاپار سُویلَر

دمِ عیساده عشق اولسون

 

کرم دریاسیدور هیچ کس

بو شَهدن ناامید اولماز

 

سَوا بو باب رحمتده

سیاهیلن سفید اولماز

 

مراده چاتماز اول کس که

بو مولایه مرید اولماز

 

خدا عالمدی اعماله

عَمَللر ناپدید اولماز

 

دانا کیم حق سجادی

او محشرده سعید اولماز

 

سعادت مند انسانه

بویوک سوداده عشق اولسون

 

 ابوالفضل عبّاسی معروفان اهری