رویت هلال ماه محرم 4942
رویت هلال ماه محرم
نه شوردور گینه بلمم که بو جهانی دوتوب
فغان و ناله سسی عرش کبریانی دوتوب
گلوبله نالیه وحش و طیور جن و بشر
حسین وای سسی مجموع ماسوانی دوتوب
مگر که کسماقا شاه شهید باشینی شمر
الینده خنجرخونریزو خونفشانی دوتوب
ویا دوداقلارینا وورماقا او تشنه لبین
یزید کافردون الده خیرزرانی دوتوب
علی اصغری سیراب ایتماقا یوخسا
الینده حرمله دون کمانی دوتوب
گوروب حسین کمانی الینده حرمله نون
نشانه اصغر عطشان و بی زبانی دوتوب
قوتاردی حرمله ناگه اوخی کمانیندن
قضایه باخ که اودم اوخ گلوب نشانی دوتوب
دگوب بوغازینا بچدی بوغازی قان آخدی
شهید کرببلا اوجونا کمانی دوتوب
سپوب او قانی گوگه توکدی دیده دن قانیاش
گواه او حالته خلاق انس و جانی دوتوب
دیدی الهی نجه گوربو بیوفا امت
جهاندا حرمت اولاد مصطفانی دوتوب
علی اکبریمی ظلم الیله دوغرادیلار
سکینه ناله سی بو دشت نینوانی دوتوب
الهی (مجمریله) ایله دردینه درمان
او کس که شوریله بو مجلس عزانی دوتوب
مرحوم مجمر شتربانی تبریزی
منبع کانال گنجینه گذشتگان
با سلام