درد دل حضرت زینب کبری (سلام الله)

با مادرش

 

سسلندی حَزین زینب نالان نه نم اولدی

اوخشاردی کی مَظلومه دوران نه نم اولدی

غمگین گئجه گوندوز لری گریان نه نم اولدی

غملَن بوکولن قدی پریشان نه نم اولدی

گویا یوخومئش دردینه درمان نه نم اولدی

 

ای تز سولان عالمده آنا ، گول سایاقیندا

دیواره اِئدن تکیه او دشمن قَاباقیندا

ای ذکر اِئلیین خالقی هرگون دوداقیندا

دیلدن دوشن ای جّدیمین هِجر و فراقندا

مسمار ائلیَن سینه سی نی قان نه نم اولدی

 

آز سنینده مظلومه نه نم خون جگر اولدو

پیغمبرین اولادی قالیب پشت در اولدو

بیردرّ گرانمایه عترت ، گوهر اولدو

قالمشدی نبی دن گوهر پر ثمر اولدی

غملر ائله میش قلبینی سوزان نه نم اولدی

 

آغلیر گوزو یاشلی بالالار، غَملی زماندی

بولمور هَله کلثوم سینوی لَخته قاندی

بوندان بئله عترت باغینا فصل خزاندی

حیدر ائوی شیوندی بو گون داد و فغان دی

غملَر ایله میش قلبینی سوزان نه نم اولدی

 

وردی سنی قنفوز اَلی سینمیش شَرر اولدو

قارداشیم حسن هیچ دئمه میشدی نه لر اولدو

بیرسیلی محکم دییَسَن چوخ ضرر اولدو

ای شهر نبی سنده کِسوف ِ دِگر اولدو

ای باغ نبیده گل ریحان نه نم اولدی

 

ظلم اولدو علی حقینه چوخ آغلادی زهرا

پنهاندا او مِسمار یاراسین باغلادی زهرا

چوخ آغلادی دونیانی بوتون داغلادی زهرا

اوز سرینی مولایه گوره ساخلادی زهرا

حقینده گلن آیه قرآن نه نم اولدی

 

همواره حمایت ایله دی حق علی دَن

اینجیتمه دی ، هم اینجیمه دی نور جَلیدَن

اَل اوزومه دی بیر لحظه صراطِ ازلی دن

گیزلَتدی بوتون یاره سینی دیدِ علیدن

ای حق علینی اِئدن اعلان نه نم اولدی

 

بیلسَیدیم آنا پشتِ درهَ من دایانایدم

ای کاش عوضیندن ننه قانه بویانایدم

یانمازدن او مسماریله اودلاردا یاناردیم

سینمازدی قابرقان باشیوا مَن دولانایدم

مفهوم بوتون عالم امکان نه نم اولدی

 

شاعر : کربلایی قادر خانبابایی

(شهرستان ملکان) از اشعار چاپ نشده

 

منبع : ارسالی از هیئت و کانال مجمع حیدرون مراغه

 !!! کپی شعر بدون اسم شاعر حلال نیست !!!