زبانحال حضرت موسی ابن جعفر (ع) 5922

زبانحال حضرت موسی ابن جعفر (علیه السلام)

 

گئت ای صبا خبر وئر اوغلوم رضایه گلسون

گورسون منی جوانیم نی تک نوایه گلسون

 

جان اوستیم الهی عرشه چخوب فغانیم

زهر جفا وئروبله آرتوب غم نهانیم

خوشدور جنازم اوسته حاضر اولا جوانیم

یوخ بیر کسیم یانمدا شور و نوایه گلسون

 

ظلمتدی کنج زندان نه حالیمی بیلن وار

نه عترتیم یانیمدا بیر محبسه گلن وار

زنجیر گردنیمده قلبیمده چوخ محن وار

بیر کیمسه یوخدی ئولسم دورسون عزایه گلسون

 

آهیم سالوب شراره هر لحظه نه رواقه

زنجیر و کونده قویمور آخر دورام ایاقه

گلسه رضا قویاردوخ بیرده دوداق دوداقه

جان وئرمه میش صبا دئ اول مه لقایه گلسون

 

جان اوستیم نولیدی بیر اقربا گلیدی

بو صون نفس سراغه بیر آشنا گلیدی

معصومه که گلنمز اوغلوم رضا گلیدی

یوخ اؤزگه بیر پناهیم باری هرایه گلسون

 

گلَّم صباح و شامی زندانیده فغانه

من بیر قوجا امامی دشمن گتوردی جانه

زهر جفا وئروبلر آخر بو باغریقانه

کیمدور وئرن تسلّی بو بینوایه گلسون

 

هارون بی مروّت ظلمنده ائتدی طغیان

بغداده گتدی جبراً اولدوم غریب و نالان

مسموم ائدوب ستمله حالیم اولوب پریشان

انصافی یوخدی رحمی بو بینوایه گلسون

 

صیّاد جانشکاره آهو کیمی شکارم

بیر کیمسه یوخ یانمدا بی یار و غمگسارم

آخر بالام رضایه جان اوسته انتظارم

چوخ مایلم که اوغلوم بو غم سرایه گلسون

 

منزل اولوب بو زندان من زار وبی نوایه

نی تک سیزیلدارام من یانّام بو ابتلایه

دیوارلر وئرولّر منله صدا صدایه

اهلیم هانی یانیمدا تا آه و وایه گلسون

 

جدّیم حسینی بوردا هر آن خیاله سالّام

جان وئرماقین بو یرده سرمشقین اوندا آلّام

یوخ طاقتیم قیامه من سجده گهده قالّام

جدّیم نولور باخوب بیر بو ماجرایه گلسون

 

جدّیمده جان وئرنده قالمیشدی سجده گهده

گلمیشدی شوره یکسر اطفالی خیمه گهده

سویلردی شمر شومه بو نوعی قتلگهده

ظالم دایان آنام بیر دشت بلایه گلسون

 

باب الحوائج آدی ای باب لطف و احسان

بیکس «علومی» اولموش دنیا غمینده گریان

ایسته خدادن آخر تاپسون ملالی پایان

صدقیله بارگاهِ آل عبایه گلسون

 

علومی تبریزی

در احوالات حضرت فاطمه زهرا (س) 5833

در احوالات حضرت زهرا (سلام الله)

مشعل دینی فروزان ایلین فاطمه دی

شأنی عالملری حیران ایلین فاطمه دی

 

مرتضانین بو گئدنده ائوینه شام زفاف

کوینگین سائله احسان ایلین فاطمه دی

 

هجر طاهاده باشا قاره سالان فاطمه دی

گول کیمی گلشن عمری سارالان فاطمه دی

 

چوخ مصیبت گورن آز عمریله بو دنیاده

غصّه دن بیر نچه گونده قوجالان فاطمه دی

 

بو همان درگهی ظلمیله یانان فاطمه دی

در و دیوار آراسیندا دایانان فاطمه دی

 

یوخیدی کیمسه گلوب ثانیِ خونخواره دیه

ویرما پیغمبره بو روح و روان فاطمه دی

 

دار دنیاده بو طاهایه نشان فاطمه دی

حسنینون آناسی فخر زنان فاطمه دی

 

امّتین پشت پناهی بودی روز عرصات

باخما قالمشدی کمکسیز بو همان فاطمه دی

 

زینبون باشینه بو قاره سالان فاطمه دی

بیت الاحزانیده شوری اوجالان فاطمه دی

 

ایستین ئوز ئولومون هر گئجه اللهیندن

نصف شب لرده مناجاته دوران فاطمه دی

 

بو همان پردۀ عصمتده قالان فاطمه دی

شوریله عالمی غوغایه سالان فاطمه دی

 

کفنیندن ایکی قولّارینی خارج ایلین

حسنینی گئنه آغوشه آلان فاطمه دی

 

بو همان عالمی غم خانه ائدن فاطمه دی

آدی هر سینه ده اسباب محن فاطمه دی

 

قورتولان عمری گونوز اون بیر امامین آناسی

نصف شب قبرینه تابوتی گئدن فاطمه دی

 

سند ملکنی دشمندن آلان فاطمه دی

منزل حیدره سرعتله روان فاطمه دی

 

یثربین کوچه لرینده ستم ثانی دن

قسم اللهه یول اوسته یخلان فاطمه دی

 

بو همان حیدری غوغایه سالان فاطمه دی

مصطفادن صورا گوز یاشلی قالان فاطمه دی

 

نجه گیزلندی مقام و شرفی دنیاده

اؤزی تک قبریده گیزلینده قالان فاطمه دی

 

علومی تبریزی

در احوالات حضرت فاطمه زهرا (س) 5828

در احوالات حضرت فاطمه زهرا (سلام الله)

 

اهل عالم یری وار آغلیا قان فاطمیه

گجه گیزلین قویولان قبره جوان فاطمیه

 

حقّه محبوبه اوزی اون بیر امامین آناسی

ائده کرنوش گرک کون و مکان فاطمیه

 

بیر آدی طیبه انسیه دی حورا بیر آدی

فخر ائدر روز جزا باغ جنان فاطمیه

 

وئریلیب بو خانما فیض شفاعت علمی

خلق محتاجیدی محشرده همان فاطمیه

 

مثلی یوخ عالم خلقتده حقه محبوبه

اهل دل دردین ائدر جمله بیان فاطمیه

 

درگهینده دایانار حاجته مین عیسی لر

گوز تیکوب دهرده هر پیر و جوان فاطمیه

 

یری وار مریم و سارا اولا زهرایه کنیز

گور نه عزّتدی وئروب حی منان فاطمیه

 

ولی افسوس که بو عزتیله دنیاده

بو فلک وئرمدی بیر لحظه امان فاطمیه

 

بو فنا دهریده اون سگیز ایل عمر ائتدی خانم

خم اولوب قدی یتوب بار گران فاطمیه

 

ئولوم ایستردی دعاده گئجه گوندوز حقدن

بو تمنّائیدی چوخ ورد زبان فاطمیه

 

آتاسی گئتدی الیندن قاپوسی باغلاندی

غصّه یوز وئردی کران تا بکران فاطمیه

 

شرح ائدوم هانسی غمون شیعه عزادار اولسون

هانسی بیر غصّه گوراخ اولدی گران فاطمیه

 

بئله فکر ایلرم اوز اوغلی بو بیر نسگلینی

چوخ سالوب یاده ائدر داد و فغان فاطمیه

 

قاپو یانماقنی یا سقط جنین ایلماقی

یاد ائدوب آغلار او سلطان زنان فاطمیه

 

دیَر اما آنامی ویردی یول اوسته ثانی

قولونون قوّه سینی وئردی نشان فاطمیه

 

رهگذرده یخلوب اولمادی بیر دادرسی

اولدی همناله او بیر عده زنان فاطمیه

 

قبر زهراده گئدوب ایلر او شه بیله خطاب

بو زبانحالیدی گویا دیر آغلار او جناب

 

هر زمان حالیوی سالدوقجا خیاله آنا جان

آغلارام قان ائدرم شیون و ناله آنا جان

 

بیر امانت سنیدون امّته پیغمبردن

شمس عمرون نیه تئز یتدی زواله آنا جان

 

سنی تاپشوردی اوزی امّته گئتدی او جناب

کیم رسا قدّیوی دوندردی هلاله آنا جان

 

ویردولار اوت قاپووا صدمه یتیشدی بالاوا

ثانی ظلمون یتوروب حدّ کماله آنا جان

 

نه ایدی نیّتی بیر عدّه نی توکدی قاپووا

علّت اصلی ندی جنگ و جداله آنا جان

 

نه سبب اولدی سنه یولدا ال آچدی ثانی

که دوشوب صورت مه پاره وه هاله آنا جان

 

دئمه دی عورتی وورمازلا حیا ایلمدی

سن یخلدون یره دوغراندی قباله آنا جان

 

او آز عمریله قوجالدون بو فنا دنیاده

گرد غم پرده چکوبدی او جماله آناجان

 

قبره تابوتیوی گیزلین گجه وقتی آپاروب

حسنین آغلادی یاندی او ملاله آنا جان

 

انتقام آلماسام اولماز دل زاریم آرام

انتظارم یته حقدن بو حواله آنا جان

 

بیزده عرض ایلروخ ای گلشن اسلامه صفا

محسنون گل قانین آل شاد اولا معنا آنا جان

 

ای ظهورونده سالان نه فلکه ولوله گل

انتقام آلماقا شمشیریوی دور آل اله گل

 

گل آنان فاطمه نین قانینی آل ثانی دن

غم اوخی سینه لری قویما بو قدری دَلَه گل

 

نقدر بیز ایشیداخ قنفذ ظالم ستمین

نقدر شیعه لرین شور و نوایه گله گل

 

گل اوزون یغ بو قرا پرچمی منزل لردن

واردی یا سَیّدی سنده نقدر حوصله گل

 

گل نشان ویر بیزه زهرانین او گیزلین قبرین

آغلادور شیعه نی قان سَیّدی بو مسئله گل

 

آناوا ظلم الین آچدی اوز ائوینده ثانی

عرشه زهرانین ائویندن اوجالوب هلهله گل

 

ای گزن چوللری گوز یاشلی ئورکلر قاندی

گل «علومیده» سالا دامن وصلون اله گل

 

علومی تبریزی

حضرت امام حسین (ع) 5623

حضرت امام حسین (ع)

 

نظری به جانبِ ما اگر شود از خدای تو یاحسین

به زبانِ قاصر خود ، بیان کنم از ثنای تو یاحسین

منم آن گدا که همیشه دم زنم از نوای تو یاحسین

چه مقام بهتر از این کسی ، که شود گدای تو یاحسین

به سعادتِ ابدی رسد همه در سرای تو یا حسین ع

 

توئی آنکه بر همه ماخلقِ دو جهان امیدی و رحمتی

به تو فخر می کند آدمی ، تو نمونهء بشریّتی

تو کرامتی تو فیضلتی تو شهامتی تو حقیقتی

تو چراغِ راه هدایتی ، تو شفیعِ روز قیامتی

که به جنّ و اِنس و مَلک رسد ، کرم و عطای تو یاحسین ع

 

به درختِ باغ ادب چو تو ، به جهان دگر ثمر آورد

نه ملک چو تو به شرف رسد ، نه فَلک چو تو قمر آورد

به کدام یم نظر افکندم به صدف چنین گهر آورد

پدری فقط چو علی توان به جهانی چنین پسر آورد

من و مدح تو ز کجا و کی؟ که رسد به پای تو یا حسین ع

 

توئی آفتابِ سپهرِ دین ، تو امیرِ دولتِ سرمدی

تو فروغِ دیدهء فاطمه ، تو خدیوِ تختِ مؤبّدی

تو سرورِ خاطرِ حیدری ، تو امیدِ قلبِ محمّدی

به سماویان همه رحمتی ، به زمینیان ، شهِ امجدی

به فرازِ عرشِ اعلا ، همی زده حق لوای تو یاحسین ع

 

نشود فنا به جهان دلی ، که دم از نوای تو می زند

به رهِ خطا نرود کسی که قدم برای تو می زند

چه مقام بهتر از این به کس ، که درِ سرای تو می زند

سخن از کمالِ تو بشنود ، نفس از ثنای تو می زند

به مرامِ تو بُوَد آشنا ، همه آشنای تو یاحسین ع

 

چه سخن ز سرو گل آورد ، چمن ، آیتی ز جمال تو

ز بیانِ وصفِ تو عاجزم ، به جمالِ تو ، به خصالِ تو

که نبی ستوده تو را ، و حق ، بنموده وصفِ کمالِ تو

به جلالِ حق نرسد کسی به مقام و جاه و جلالِ تو

نبُودَ دلی که نباشد آن ، به سرش هوای تو یاحسین ع

 

سر و جان فدای تو یا حسین ، که قتلِ ظلمِ خسان شدی

چو گذشتی از سر و جان شها ، سرِ سَروران جهان شدی

به سریرِ سلطنتِ ابد ، به خدا تو روح و روان شدی

ز قیامِ خود به طریقِ حق ، تو دلیلِ پیر و جوان شدی

تو فدای دینی و مذهبی ، دو جهان فدای تو یاحسین ع

 

ز قیامت ای شهِ عاشقان ، به جهان درِ دین گشاد

تو شهیدِ راهِ خدا شدی ، خدماتِ تو نرود ز یاد

ز بنای مکتبِ کربلا ، که بُوَد نشانهء اتّحاد

به کتابِ سینه نوشته شد ، همه جا ، مرامِ تو زنده باد

به خدا قسم که خدا از آن شده خونبهای تو یاحسین ع

 

توئی آنکه در صفِ مَعدِلت ، همه گفتگوی تو می کند

همه انتظارِ تو می کِشد ، همه آرزوی تو می کند

همه بر سراغِ تو می رود ، همه جستجوی تو می کند

لب تشنگان وفا ، همه ، طلبِ سبوی تو می کند

به وصالِ ذاتِ احد رسد ، همه از لقای تو یاحسین ع

 

به سوی (علومی) بکن نظر ، تو شهی ، شهان همه چاکرت

به امیدِ لطف و عطا فتد ، سرِ سَروان همه بر درت

نرسد کسی به جهان دگر ، به مقام و منصبِ نوکرت

ز درت مران منِ خسته را ، به دلِ شکستهء مادرت

به مجالسی نه نَهَم قدم ، مگر از برای تو یا حسین ع

 

آقای محمد حسین کتابچی (علومی تبریزی)

خروج جناب مختار (ره) و کشته شدن حرمله ملعون 3636

خروج جناب مختار (ره) و

کشته شدن حرمله ملعون

 

جهاندا باشیوی چوخ سالما شور و غوغایه

آز عمریله ایلمه  اعتنا بو دنیایه

 

حسین عزاسینه گل ایله بی ریا خدمت

که بلکه اخذ ایده سن روز حشره سرمایه

 

عقیده میز بونادی فاطمه عزایه گلر

باخار حسینین عزاسینده پیر و برنایه

 

اگر عقیده پاکیله گوز یاشین آخسا

سلار جزا گونی لطفیله باشیوه سایه

 

اماندی آچما بو خلقه جهاندا حاجت الین

دی آه و زاریله دردین همیشه زهرایه

 

قسم جلالتینه قورتولان دگل کرمی

لیاقتین وار اگر سال اوزون بو دریایه

 

سوزین مقدمه سین قورتاروم اول أماده

خلوص نیتیله آغلا شاه بطحایه

 

گیچوبدی بیر نچه ایل وقعه شهادتدن

آچیلدی فرش عدالت بسیط غبرایه

 

او وقت اولوب که خروج ایتدی کوفه ده مختار

محیط کوفه نی تنگ ایتدی قوم اعدایه

 

دوتوب هلاک ایلدی شمر شومی خولینی

سپوپ سو خا طر پر سوز آل طاهایه

 

روایت ایلوری راوی که ملک یثربده

بو ماجرانی یتوردوم امام والایه

 

دیدیم امامه نجه انتقام آلور مختار

هامی وقایعی عرض ایلدیم او مولایه

 

بویوردی حرمله دن ویر خبر گوروم آیا

یتوبدی دست مکافات او شوم ادنایه

 

جواب عرض ایلدیم سیدی یو خومدی خبر

امام ساجدین آخدی سرشکی سیمایه

 

بویوردی حق اونی دنیاده اوددا یاندورسون

سالوب بیز آل رسولی ملال عظمایه

 

آلوب اجازه قیتدیم دوباره کوفیه من

که اوردا ناظر اولام سر گذشت دنیایه

 

گیدوب اوتورموشودوم مجلسینده مختارین

او جالدی هلهله ناگه سپهر مینایه

 

نگوردوم اوندا جماعت دوتوبدی حرمله نی

هجومیله گتوروله او بزم والایه

 

او بیحیای ستمگر او ظالم خونخوار

گیرنده مجلسه دوردی هامی تماشایه

 

هامی دیردی بودور قاتل علی اصغر

ترحم ایتمیوب ایتمیوب اصلا او طفل زیبایه

 

گورن زماندا بو احوالی امر ایدوب مختار

چهار میخه چکون اود وورون بو ترسایه

 

اودون گتوردوله یاندوردولااو ملعونی

وجود نحسی کول اولدی گیدوبدی یغمایه

 

اثر باغشلادی نفرین حضرت سجاد

دعای شکر ایلدیم ذات حی اعلایه

 

گینه عزاسی قوتولماز او انتقامیله

آناسی اولمیوب اولمازرضا او سودایه

 

دیر بالام نه گناه ایلموشدی دنیاده

بویاندی قانه سوسوز دوشدی باشی غوغایه

 

دایاندی خامه (علومی) اماندی سنده دایان

آدینی بانی مضمونین ایله پیرایه

 

آدی (غلامرضا) دی خشکبار دور مشهور

صفاده یوخدور اونا شهریمیزده هم پایه

 

 علومی تبریزی

منبع کانال گنجینه گذشتگان

جلالت حضرت زینب کبری (س) 3363

جلالت حضرت زینب کبری (سلام الله)

 

سالان تزلزله کون و مکانی زینبدی

علی سلاله سی زهرا نشانی زینبدی

 

آلان آتاسی علیدن آناسی زهرادن

فنون عصمتی درس حیانی زینبدی

 

حجاب درسی ویرن بانوان اسلامه

کواکب شرفین آسمانی زینبدی

 

او که پیمبر الندن گیوب لباس عزا

سالان طلاطمه قلب جهانی زینبدی

 

آناسینین قاپوسی اودلاناندا ظلمیله

هراینه چاغوران مرتضانی زینبدی

 

او نصف شب آنا تابوتینی سالاندا یولا

او که باش آجدی اوجاتدی فغانی زینبدی

 

علی باشی یارالاندی سحر نماز استه

او عورتیکه بلوب ماجرانی زینبدی

 

حیاسی مانعیدی مسجده گیده او خانم

او گونده باغلیا ن آخر یارانی زینبدی

 

اولاندا زهر جفائیله مجتبی مسموم

ازلده درک ایلین مجتبانی زینبدی

 

دوشنده زورق دین کربلاده طوفانه

محیط امنه چکن نا خدانی زینبدی

 

حسین گلشن آل پیمبرین گلیدی

هامی بلور او گلین باغبانی زینبدی

 

غلط دگل که دیم زنده ساخلیان تا حشر

جهاندا واقعه کربلانی زینبدی

 

بلا چولونده او آموزگار حریت

عزیز فاطمه نون دلستانی زینبدی

 

مگر فویاردی حسینین پوزولسون احوالی

سیلن گوزیندن او اشک روانی زینبدی

 

حسین دانشمادی اکبر گیدنده میدانه

دانشدوران اونی تنده روانی زینبدی

 

حسینه چوخ چتین اولدی جوان اوغول الومی

گوروب شریک غم بیکرانی زینبدی

 

دوشنده پرچم الیندن رشید علمدارین

اوجالدان عالمه قانلی لوانی زینبدی

 

گینده اگنینه بیر کهنه پیرهن شه دین

سالان خیالینه خیر النسانی زینبدی

 

حسین شهادته یتدی تالاندی خیمه لری

او طایری که یانوب آشیانی زینبدی

 

خطا الی نجه دامان عصمته یتوشر

حرم محترمین پاسبانی زینبدی

 

یازان صحیفه تاریخه کربلا آدینی

ایدن قیامیله روشن جهانی زینبدی

 

حسین شهادتینی شوقیله ایدن تکمیل

بلوندورن هامویه ماجرانی زینبدی

 

سالان طلاطمه ابن زیاد مجلسینی

ووران بیری بیره پیر و جوانی زینبدی

 

زیادین اوغلی هجوم ایتدی الدوره خانیمی

نه گوردی نطقیده شیر خدانی زینبدی

 

بویوردی بیر بیله بالیدلنمه لشکریوه

حسینیدن صورا حق جانفشانی زینبدی

 

حسین الوب بیله شاد اولما المیوب زینب

الان زمانده سندن او قانی زینبدی

 

دونوب حسین باشینا باخدی بیر سلام ایلدی

دیدی یارالی بلا میزبانی زینبدی

 

اگرچه یاره لرین باغلیانمادیم عفو ایت

گور ایمدی قیزلاروین نوحه خوانی زینبدی

 

کسوبدی شمر اگر باشیوی نماز استه

سالان نظامه نماز و دعانی زینبدی

 

علی قیزی دگلم یخماسام یزیدین ایوین

دیار شامه چکن کاروانی زینبدی

 

او قافله دولانوب شامیده مکان تاپدی

ایدن نشیمن او ویرانسرانی زینبدی

 

یزید مجلسینی مجلس عزا ایلدی

مرتب ایلین اوردا عزانی زینبدی

 

حسین حسین دیوب آخر یخوب یزید ایوینی

یخان خطابیله محکم بنانی زینبدی

 

یزید دوردی سوروشدی بو شیره زن کیمدی

جواب ویردیله زهرا نشانی زینبدی

 

دیدی اوزوم تانودوم مرتضی علی قیزیدی

دیون بلا چولونون قهرمانی زینبدی

 

منیم ریاستیمه عاقبت سالان رخنه

یخان جهاندا بو عزت سرانی زینبدی

 

بیر عده قاره گینلر یزیدی خوار ایتدی

چکن او شهره همان کاروانی زینبدی

 

گرک صحیفه تاریخه ثبت اولا بو سوز

یازان اورکلره بو داستانی زینبدی

 

دیار شامیده مسجدده منبره چیخادان

مقام صاحبی زین العبانی زینبدی

 

اولان دوباره حسینین مزارینه زوار

چکن جمالینه خاک شفانی زینبدی

 

(علومی) زینبین آدین صحیفه دله یاز

بو سوزلرین بلوسن یازدیرانی زینبدی

 

ندور بو خدمته قیمت الن زمان بله سن

ذخیره دور سنه سندن آلانی زینبدی

 

علومی تبریزی

منبع کانال گنجینه گذشتگان

در مصائب حضرت زینب (س) 1725

در مصائب حضرت زینب (سلام الله)

 

شیعه تاراولدی او نوعی روزگاری زینبین

واقعی بیر شرحه گلمز حال زاری زینبین

 

معرفت اهلی یقین تصدیق ایدهلربو سوزی

بو مصیبت کانینین شام اولدی دایم گوندوزی

گلمدی بیرلحظه ده حتی بو دنیاده یوزی

درد و غمدن اولدی قان قلب فگاری زینبین

 

بش یاشینداگوردی جدی مصطفانین داغینی

هم آناسی حضرت خیرالنسانین داغینی

بیرزمان گوردی آتاسی مرتضانین داغینی

غنچه وقتینده خزان اولدی بهاری زینبین

 

محنتی کهنه لمموش اول دخترشاه زمن

تازه دن اولدی نشان تیراندوه و محن

ناگهان اولدی شهید زهرقارداشی حسن

گیتدی الدن طاقت و صبر و قراری زینبین

 

ایتمدی چرخ ستمگر روی زهرادن حیا

نایب زهرانی حدسیزدرده قیلدی مبتلا

دور ایدوب گردون یتوشدی ماجرای کربلا

دوشدی اول صحرای خونینه گذاری زینبین

 

بیرزمان آچدی گوزون اول مبتلای درد و غم

گوردی ماواسی اولوب ناچار او صحرای الم

بلدی کیم راه نجاتی سد ایدوب قوم ظلم

تازه دن داغلاندی قلب داغداری زینبین

 

چون طلوع ایتدی او غملی چولده عاشورا گونی

اهلبیت مصطفایه محشر کبری گونی

اولدی بیرشام سیه صدیقه صغری گونی

مشکله بلمره دوشدی کارو باری زینبین

 

بیر او قدری گیچمدی تا آل سفیان لشکری

ایتدیله صدپاره شهزاده علیاکبری

حرمله آماج قیلدی تیره حلقاصغری

اولدی مطلق لیله یلدا نهاری زینبین

 

آه و واویلا گورنده سرنگون اولدی علم

قولارین ایتموش علمدارین گروه کین قلم

بلمورم قیلدی ننوعی صبراو بانوی حرم

ایلدی طاقت دل زلرو نزاری زینبین

 

گوردی چون مقتول اولوندی عون و فضل و جعفری

پاره پاره دوغرانوبدی قاسم گل پیکری

موج ایدوردریا تک اول صحراده دشمن لشکری

یوخ داخی غیرازحسین بیرکیمسه یاری زینبین

 

سانما رحم اول بی پناهه قوم عدوان ایتدیلر

بلکه ظلم و کینه ده هرلحظه طغیان ایتدیلر

نوجوان اوغلانلارین آلقانه غلطان ایتدیلر

صرصر ظلمیله سوندی لاله زلری زینبین

 

روزعاشوراده  اول دم که اولوب وقت زوال

ناگهان وضعیت عالم تاپوبدوراوزگه حال

ذبح ایدوب گوردی حسینینده باشین اهل ضلال

عالمه اود ووردی آه پرشراری زینبین

 

گوردی چون اولموش او یرده یارو اعوانی شهید

بیرقالان بیمار دور دلخسته و فرد و وحید

حسرتیله چکدی بیرآه اولدی مطلق نا امید

بیرده خوش گوندن  دل امیدواری زینبین

 

جرئته گلدی توکولدی خیمیه قوم ظلام

غارته گیتدی بساط سلطنت یاندی خیام

قتل و غارت خاتمه تاپدی اولوبدورایش تمام

کوفه وشامه روان اولدی قطاری زینبین

 

هاردا نطقیمده منیم واردورایله تاب و توان

کوفه ده زینب چکن درد و غمی ایتسون بیان

الامان ابن زیادین مجلسیندن الامان

اولمادی بیر کیمسه اوردا غم گساری زینبین

 

هیچ دلیله شرح اولونماز ماجرای شامینی

کیمده وارجرئت دیه آغازینی انجامینی

نایب خیرالنسانون محنت ایامینی

بیر بلر بو محنتی پروردگاری زینبین

 

ای قلم چوخ طول ویرمه شرح غمده مطلبه

غم که واضحدی نظر قیل اهتمام زینبه

گرچه گوردی وارعدوده بی نهایت دبدبه

خوف ایدوب گزلنمدی هرگز شعاری زینبین

 

حق یولوندا دوزدی مردانه هامی درد و غمه

ایتمدی اصلا یزیدین قدرتیندن واهمه

آل سفیان کفرینی اپبات ایدوبدورعالمه

دینه رونق ویردی نطق آبداری زینبین

 

هامودان آرتوق  اگرچه چکدی دنیانین غمین

همتیله قوزادی  اما گوگه دین پرچمین

برعلی آل سفیان فکرین اهل عالمین

ایتدی آماده بیان استواری زینبین

 

ایلینده شامیده هند اوغلی اثبات جلال

بزمینه احضار ایدنده زینبی افسرده حال

دل یاراسی وورماقا آغاز ایدندنده ایتدی لال

اول پلیدی منطق گوهرنثاری زینبین

 

علومی تبریزی

منبع کانال گنجینه گذشتگان

حضرت امام زمان (عج) 860

حضرت امام زمان (عج)

 

ای ظهورونده سالان نه فلکه ولوله گل

انتقام آلماقا شمشیریوی دور آل اله گل

 

گل آنان فاطمه نین قانینی آل ثانی دن

غم اوخی سینه لری قویما بو قدری دَلَه گل

 

نقدر بیز ایشیداخ قنفذ ظالم ستمین

نقدر شیعه لرین شور و نوایه گله گل

 

گل اوزون یغ بو قرا پرچمی منزلردن

واردی یا سَیّدی سنده نقدر حوصله گل

 

گل نشان ویر بیزه زهرانین او گیزلین قبرین

آغلادور شیعه نی قان سَیّدی بو مسئله گل

 

آناوا ظلم الین آچدی اوز ائوینده ثانی

عرشه زهرانین ایویندن اوجالوب هلهله گل

 

ای گزن چوللری گوز یاشلی ؛  ئورکلر قاندی

گل علومیده سالا دامن وصلون اله گل

 

علومی تبریزی

منبع مجموعه کانالهای مدح و مرثیه