احوالات جوان نصرانی 5707

احوالات جوان نصرانی

 

یاندیم یارالی حالوه یاندیم یارالاندیم

کیمسن سنی بیر بیله وورولّا؟ سوله یاندیم

 

کیمسن منی یاندوردی سنون طرزِ نگاهون

چوخ سرّدی یاندورموری دنیانی بو آهون

آخر یارالی سویله گوروم وار نه گناهون؟

بو ظلمه سزاسن و نه من ناحق ایناندیم

 

بو نورِ رُخون طلعتِ عیسادی دیرسَن

نطقون دله ، اعجازِ مسیحادی دیرسن

عشقیم دیوری بو حقِ یکتادی دیرسن

قانون دیوری عقلیمه ئولماقه یاراندیم

 

بو فرقه دیوللر بیزوخ اسلامه مواظب

شرعِ نبویله واروخ ، هم دینه مراقب

هر کس که امامه اولا عاق ، قتلدی واجب

من قتلوه اقدام ایلدیم ، حق بونی ساندیم

 

کیمدور او امامیکه اونا عاق اولوبسان؟

محنت زدهء اَنفُس و آفاق اولوبسان

غرقِ غم و هم قانیله توپراق اولوبسان

سن جسمویله منده اورکدن یارالاندیم

 

من بیر کس جرّاح نَصارایم و مشهور

ایلوب منی بو قوم سنون قتلوه مامور

اسلاملر ایتمزله یقین رنجه و لو مور

قائلدوله قرآنه ، من انجیلیدن آندیم

 

هر سوز که ایشتمیشدی بیان ایلدی جرّاح

اول خوندلی ، مجروحِ زبان ایلدی جرّاح

نشترلدی قلبین دولی قان ایلدی جرّاح

خونِ دل آخوب عارضه ، سویلوب نه بویاندیم

 

چون چکدی سوزین بو یره جرّاحِ نصارا

نطقه گلوب اول دمده کلام اللهِ گویا

سویلوب تانور اجدادیمی هر کافر و ترسا

نه عاقِ امامم و نه آللهمی داندیم

 

اول او امامیکه دیورسن او آتامدور

دین صاحبی جدّیمدی منیم ، یعنی بابامدور

جدّه مدی خدیجه ، قیزی زهرا هم آنامدور

نه مُفسدِ شرعم و نه خارجده دولاندیم

 

نصرانی من اول سِبطِ رسولِ ثَقَلِینم

فرزندِ علی ، فاتحِ اول بدر و حُنینم

قوی فاش دیوم آدیمی ، لب تشنه حسینم

بو شَطُ و فراتین آراسیندا بیله یاندیم

 

نصرانی تیز ئولماقیمه خیلی هوسیم وار

نه یار قویوبلار منه ، نه دادرسیم وار

عیسایه قسم اوندا که حقِّ نفسیم وار

مهمانلوق آدیله وطنیمدن آرالاندیم

 

نصرانی گچن شب واریدون خواب نَما سن

من خوابوی تقریر ایلیوم ایمدی و یا سن؟

رویاده که عیسا نه دیوب ایله وفا سن

نصرانی دییَر یاتمشیدیم گو که اویاندیم

 

عرض ایلدی ای حالتوه جمله فدا من

عالِمسن او خوابه نه دیوم بی سر و پا من

عفو ایله منی ، ایلمیشم چوخلی خطا من

ایوای منه یاخشی گون عیسایه قازاندیم

 

بو حیث و بو طَرزیلندی بو گجه روءیام

گوردوم که سنون قتلوه من ایتمیشم اقدام

عیسا دئدی سن ایتمه نصارالری بدنام

مُسلِم ایشیدی ، من بو مسلمانلوقی قاندیم

 

ای داد فلک داد مسلمانلار الیندن

فریاد بیله حافظ قرآنلار الیندن

برباد اولونوب خانهء ایمانلار ، الیندن

بیر اسمدی یوخ رسمی ، بو رسمیندن اوساندیم

 

بیر کیمسه دن(عامل) اوزیوه ایستمه تائید

هیچ کیمسه دن اولماز سنه تائید ، نه تَمجید

بیر شاه که نصرانینی ایتمیه نومید

حاجت که برآورده اولور اوندان ایناندیم

 

عامل

منبع مجموعه کانالهای مدح و مرثیه

در ولادت حضرت امام حسین (ع) 5376

در ولادت حضرت امام حسین (ع)

 

چون قدم قویدی ترابه نورِ چشمِ بوتراب

سویلدی عرشِ برین ، یا لَیتَنی کُنتُ تراب

 

جانِ مریم ، روحِ روح اللّهه اولدی حامله

یتدی عقلِ اوّلین مقصودی حدّ کامله

امر اولوب لعیایه بو مولوده اولسون قابله

حقّ ایده اِنسیّهء حورانی خلقه انتخاب

 

صبحِ صادق جلوه گاهیندن ایدن دمده ظهور

تازه دن موسایه اولدی آشکارا شرقِ طور

ایتدی دنیانی منوّر آیهء اللهُ نور

زُهرهء زهرادن اولدی آشکارا آفتاب

 

واریدی لعیایه یتمیش مین بهشته خادمه

خدمتین کمتر ایدن حوری ، اولوردی نادمه

حکم اولوب اولسون شرفیابِ حضورِ فاطمه

ایلسون زهرایه خدمت تا که اولسون کامیاب

 

بیله بولمه قابله اولماقه بیر لعیا گلوب

حورِ عین و هم خدیجه ، مریمِ کبری' گلوب

آسیه ، بلقیس و حوّا ، هاجر و سارا گلوب

صف چکوب حورانِ جنّت ، با کمالِ احتجاب

 

سِیر ایدوب لاهوتیدن ناسوته چون نورِ حسین

انفس و آفاقی محوِ نور ایدوب طورِ حسین

اولماقا دایه گلوب جِبریل مأمورِ حسین

پر آچوب ، شهپر ووروب ، مین شوریله قیلدی شتاب

 

بیرده جِبریلِ امین گلدی او شاهین یانینه

عرصه گاهِ کربلاده غرق اولاندا قانینه

آچدی شهپر ، سالدی سایه پیکرِ عریانینه

ایتمیشدی ضعف ، گوز آچدی قیلدی جِبریله خطاب

 

جبرئیلا سالما سایهء پیکرِ عریانیمه

قوی حرارت ایلسون تأثیر جسم و جانیمه

من بو نوعیله گرک جان تاپشورام جانانیمه

عاشق و معشوق آراسیندا دگل لازم حجاب

 

جبرئیلا کشتهء عشقین اولار گر غسلی قان

ایستمز گونلر قباقینده بیر اوزگه سایبان

شهپرون ایله کناره ، قوی ویروم آسوده جان

جانه منّتدور که مین دفعه دگه تیرِ شهاب

 

دستماز آلماقه تکلیف ایتمه آبِ سلسبیل

قانیله قربانِ عشق ایلر وضو یا جبرئیل

وار سویون گیت خیمه گاهه ، سسله عطشان اَلسّبیل

یاندی اطفالیم سوسوزدان ، جبرئیلا قیل ثواب

 

جبرئیلا چکمه زحمت ، شهپرِ بیجا ندور

عشق اودوندا یانماقا پروانیه پروا ندور

ایله مستم بولمورم دنیا و ما فیها ندور

گون قباقینده قوی بو عریان پیکریم اولسون کباب

 

جبرئیلا احتیاجیم یوخدی ظلّ شهپره

آرزوی خدمتون گر اوسا آلِ حیدره

گیت دولان تاپ نعشینی سال سایه اوغلوم اکبره

قویما یانسون اول شبیهِ صورتِ ختمی مآب

 

شاهبازِ ذروهء اعلا دوشوب بی پرّ و بال

گون اونا گر سالسا سوزش ، منده آرتار ابتهال

گیت کنارِ نهرده سایه علمدار اوسته سال

قوی زیادت ایلسون سوز و گدازیم جبرئیل

 

صف چکوب ، صف صف دوزلموش جمله دورموش انبیا

یوز ایگرمی دورت مین ارواحیله یکسر اوصیا

من امامم ، سن دئ تکبیر ، ایلسونلر اقتدا

درگهِ حقده قبول اولسون نمازیم جبرئیل

 

بارور اولدوقجا نخل ، اول نَخل اولار بس سنگسار

ایلیر هر دست رس هر دست نارس سنگسار

ایلیوب علّت اودور هر ناکس و کس سنگسار

نیزه و اوخلار اولوب دستِ درازیم جبرئیل

 

مرحوم عامل

منبع مجموعه کانالهای مدح و مرثیه

رازو نیاز حضرت امام حسین (ع) درقتلگاه 4905

رازو نیاز حضرت  امام حسین (ع) درقتلگاه

 

چون روز ازلدن بودی پیمانیم الهی

آخسون یره بو چولده سوسوز قانیم الهی

 

عهدیم بودی لب تشنه گرک بوردا ویرم جان

صحرای بلا ایچره اولام قانیمه غلطان

باشیم کسیلوب جسمیم اولاخاکیله یکسان

صحراده قالا پیکرعریانیم الهی

 

بو کرببلا دشتی منه کوه منادور

عهدیمه وفا ایتماقا بو عرصه سزادور

لب تشنه حسینین اوزیده بوردا فدادور

هم یتمش ایکی قوچ قوزی قربانیم الهی

 

صف صف آلوب اطرافیمی بو لشکرخونخوار

اقدام ایلیوب قتلیمه اول شمر جفاکار

ایتمم گله هرقدری منه ظلم ایده اشرار

مشتاقم آخا سو کیمی آلقانیم الهی

 

هرسمتیدن اوخلاری توکوراستیمه لشکر

جسمیمه ووروبلاراو قدرنیزه و خنجر

پیکان دمینه توش ایدرم سینمی یکسر

باشدان ایاقا زخمیدور هریانیم الهی

 

خوشدوریته هرلحظه منه مین  بیله محنت

دوشمزاله بیرده بیله گون بیربیله فرصت

یتدوقجا محن گرم اولی سینمده محبّت

رازیله نیاز ایتماقا سبحانیم الهی

 

دوغراندی علی اکبریم ای خالق معبود

صد پاره یخیلدی یره گلدی اله مقصود

بو آب فراتی یوزیمه ایتدیله مسدود

اوخلاندی علی اصغرعطشانیم الهی

 

بیریاندا علمداریمی قولسوز یخوب عدوان

بیریاندا یتوب قتله سوسوزیاریله اعوان

بیریاندا سکینم سو یولیگوزلوری الان

بیریاندا یخلموش قوجا دربانیم الهی

 

گیچدیم بو گون هرجاه و جلالیمدن الهی

چوللرده قالان باشسیز عیالیمدن الهی

ال چکدیم هامی مال و منالیمدن الهی

یغمایه گیده خیمه ی سوزانیم الهی

 

مرحوم عامل سرابی

منبع کانال گنجینه گذشتگان