مجلس یزید 1880

مجلس یزید

 

منه ای یزید ایوونده بو دلیله یاره ویرما

بولوسن سنقدی قلبیم یارا سن دوباره ویرما

 

او بلالی زینبم من که بلایه ویرمیشم دل

منه قارداشیم بو مشقی ویروب اول منازل

اودی مرشدیم بو یولدا ایدوب ابتداده کامل

بو طریق عشقدن سن منی چوخ کناره ویرما

 

گتوروبدی درده ظالم منی محنت و ستم لر

دوزولوبدی مجلسونده، قولی باغلی بو حرملر

گچوب حدیدن ملالیم منه آز دگل بو غملر

ستم آتشین علاوه دل داغداره ویرما

 

قاباقوندا دل شکسته دایانوب امام عادل

باخیسان امام عصره آچیسان شماتته دل

گوروری عیالیدور بو هامی حاضرین محفل

غل و جامعه دین یوخ بو بزرگواره ویرما

 

اله خیزران آلوبسان ایدوسن عداوتون فاش

وروسان لب حسینه سنه نیلیوب کسوک باش

اولا جدیم ایمدی بوردا باخا بیله ظلمه ای کاش

دیه خیزران بو لعل لب دُر نثاره ویرما

 

اوزوی تکبریله هامی خلقیدن سچورسن

اوچ امام محضرینده نیه حدیدن گچورسن

باخسان امام عصره گولوسن شراب ایچورسن

یارا اوسته یاره ظالم دل زخمداره ویرما

 

بولوسن اوزون مسلمان ندی سنده بو عداوت

بو بنات مصطفایه نیه ایلسن شماتت

نه روادور اهلبیته بو جفای بی نهایت

بو قدر ایونده طعنه من دلفکاره ویرما

 

قاباقوندا چوخ محقر گوروسن سر حسینی

سالیسان خیالیوه سن گه او بدریله حُنینی

بیله خوار الدوروبسن بو امام مشرقینی

یانور اهلبیت بیرده بولارا شراره ویرما

 

بولوسن خلیفه عصر اوزیوی بو مسلمینه

وروسان بو مجلسنده صدمات فاش دینه

بو شراب بو قمارین بو امام عصره کینه

سنه صاحب شریعت دیوب ال قماره ویرما

 

نقدر واروندی «زایر» سنون الده اختیارون

بو مصائبه قلم ویر اوجالاندا آه و زارون

اوقدر سزیلدا اولسون بو حسین امیدوارون

بیله یرده مصرف ایله قلم اوزگه کاره ویرما

 

مرحوم زائر تبریزی

منبع مجموعه کانالهای مدح و مرثیه

مبعث حضرت محمد (ص) 542

مبعثت حضرت رسول اکرم (ص)

 

هر کیمون وار اعتقادی حضرت پیغمبره

قلبیدن مسرور اولور چوخ بعثت پیغمبره

 

بعثت ختم رسل عید معظّم دور بیزه

چوخ مبارک گوندی بو گون، اوزگه عالم دور بیزه

سایر اعیاد مُعظمدن مقدّمدور بیزه

دویمیون بیر عید اولوب بو امّت پیغمبره

 

بدو خلقتده خدا خلق ایلیوب بو سروری

علّت غائی بودور ایجاد ایدوب عالملری

خلقی خلق ایتمز خداوند اولماسا پیغمبری

اوّلِ عالمده باخ بو عزّت پیغمبره

 

اشرفِ مخلوقیدی، خلّاقینه منظوریدی

نوری خلق اولموشدی لکن پرده ده مستوریدی

اوّل خلقتده ختم المرسلین مشهوریدی

عقل لر حیراندی اوّل خلقتِ پیغمبره

 

پرده ده مستور اولوب مدّتلر اول پاکیزه نور

گیچدی ایللر، هقته لر، آیلار، مرور ایلوب دهور

وقت اولوب آخِر زمان ایتسون او نوری حق ظهور

شایق اولموشدی بو عالم طلعت پیغمبره

 

اشرف مخلوق اولموشدی ازلدن منتخب

دور ایدوب چرخ اولدی بیست و هفتم ماه رجب

وقت او وقت اولدی که منسوب اولسون اول عالی نسب

پیک حق گَلدی او وقته خدمت پیغمبره

 

کوه حرّاده ازل اول سروره ایلوب سلام

حضرت معبودیدن گَتدی بو نوعیله پیام

ایله تبلیغ رسالت ای شه والا مقام

آگه اولسون خلق عالم رفعت پیغمبره

 

ایستدی خلّاق مخلوقی چخا کج راهیدن

نازل اولدی سوره ی اِقرا کلامُ اللهیدن

ایتدی اسلامی منزّه جبریدن اکراهیدن

اوّلین بیر لطفیدی بو ملّت پیغمبره

 

بولمدی افسوس امّت بیله لطفین عزّتین

آنّاماز بی عقل دُرّ پربهانین قیمتین

سالدیلار چوخ زحمته ایجاد عالم علّتین

ایتدیلر برعکس عوض اول رافت پیغمبره

 

آچدیلار ال جور و ظلمیله اونا اعدای دین

کول توکوبلر باشینه گاهی او قوم مشرکین

عقل کلّین ویردیلر گاهی جنونه نسبتین

باخمیوبلر دینیده جدّیّت پیغمبره

 

گوهر گنج الهیدی او کان فضل و جود

ایلمیشدی رهنما خلقه خداوند ودود

ایتدیلر اظهار کین امّا اونا قوم عنود

اولدولار باعث عناداً زحمت پیغمبره

 

ایتدی تبلیغاتینی مین رنجیله شام و سحر

ایتمدی اول سنگدل اعدایه بیر ذرّه اثر

گَلدی اول شهدن ظهوره آیت شقّ القمر

قویدولار سحر آدی امّا آیت پیغمبره

 

صرف ایدوب عمر شریفین دینه قویدی جانینی

دوزدی هر بیر زحمته خوشنود ایده جانانینی

محکم و مستحکم ایتدی دین حق ارکانینی

نازل اولدی آیه حقدن رحلت پیغمبره

 

« زائرا » عمرون تمام اولدی گلوب پیک اجل

آل طاها دامنین دوت صدق اوزیله چکمه ال

حدّسیز واردور گناهون سنده یوخ بیر خیر عمل

آغلا اخلاصیله یالوار حضرت پیغمبره

 

مرحوم زائر

مناجات حضرت موسی بن جعفر (ع) 411

زبانحال حضرت موسی ابن جعفر (علیه السلام)

 

بو گوشه زندان خدا سن راضی سان من راضیم

هارون ویره زهرجفا سن راضی سان من راضیم

 

مشاقیدیم دائم تاپوم من بیربیله خلوتسرا

طاعاتوه مشغول اولوم یارب سنون صبح و مسا

صد شکر یتدیم مقصده گلدی اله بو مدعا

ایتسه منه ظلم اشقیا سن راضیسان من راضیم

 

شام وسحر اعدای دین ایلر اذیتلر منه

ترویج دینوندور سنون خوشدور بو زحمتلر منه

آزار ایدولر متصل بو کفر طینتلرمنه

تحریرایدوب گویا قضا سن راضیسان من راضیم

 

هرچند ظلمتدور یریم روشندی قلبیم نوریله

ایتم گله من صابرم قلبیمده کی منظوریله

بو غم لره صبر ایلرم یارب دل مسروریله

گلسه غم اوستن گر بلا سن راضیسان من راضیم

 

سند شقی هرگون منی غم منجنیقینده سخار

آگاهسن ظلمی اونون یارب حسابیندن چخار

قمچی ورار چوخ جوخ منه دین مبین رکنین یخار

بوظلمه منده یوخدی لاسن راضیسان من راضیم

 

دریاده بطن حوتدن ای یوسفی آزاد ایدن

سنسن نجی زندان ده هر بیر غریبی یاد ایدن

سن حل ایدنسن مشگلی عاجزلره امداد ایدن

ایتسن منی غمدن رها سن راضیسان من راضیم

 

موسی ابن جعفر ملتجی اولدی ز بس معبودینه

مقبول اولوب درگاهده یتدی اوشه مقصودینه

مسموم اولوب زندان ده یوز دوندروب معبودینه

اولدوم دیدی غمدن جدا سن راضیسان من راضیم

 

زنجیر بوینوندا قالوب زنداندا بی غسل و کفن

نه اولدی احوالین بیلن نه اول غریبی یاد ایدن

گفتاری اولسیدی اگر ایلردی عرض ای ذوالمنن

ایتدیم بودینه جان فدا سن راضیسان من راضیم

 

تک تک بودین اوسته تمام آل پیمبرجان ویروب

بغدادده مسموم اولوب موسی ابن جعفر جان ویروب

اما حسین انصارینی از جانینی قربان ویروب

عرض ایتدی معبوده او دا سن راضیسان من راضیم

 

دوشموشدی میداندا سوسوز از قانینه غلطانیدی

اعضاسی از سر تا به پا آلقا نیله الوانیدی

دلده او حالیله گنه یا حی و یا رحمایندی

ایلردی بو نوعی ندا سن راضیسان من راضیم

 

جسم شریفین کوفیان ایتمیشدیلر زیب تراب

ورمیشدیلار یاره اونا اشرار بی حد و حساب

دگدیقجا یاره جسمینه نطقه گلردی اول جناب

ذکری اولوردی بر ملا سن راضیسان من راضیم

 

(زایر) قیامی ثبت ایدوب اولده سر مطلع سنه

اولدی او باعث چنگ سن وردون بو عالی دامنه

یازبوزبان حالی گل بزم عزاده شیونه

بوگوشه زندان خدا سن راضیسان من راضیم

 

مرحوم زائر

منبع مجموعه کانالهای مدح و مرثیه