ورود به ماه محرم 5044

ورود به ماه محرم

 

اولدی نمایان مهِ درد و بلا

دوشدی گینه یاده شه کربلا

 

ماه محرمدی دور ای بی خبر

شوریله وو باشیوه شام و سحر

شوره گلوب ارض و سما بحر و بر

گئتدی داخی موسم ذوق و صفا

 

عالم آرا بو فلکِ کج مدار

ایلدی ظلمین تَزَه دن آشکار

اویما گوزوم غَفلَتَه شام و نهار

آغلاگلان سن داخی شام و مسا

 

آغلا گوزوم آغلا بو مُحنَتدَه سن

اشک روان ائت بو مصیبتده سن

آغلاماسن بلکه قیامتده سن

وعده ائدوبدور بیزه اُول مصطفی

 

چون شهِ دین بار سفر باغلادی

عالمی بو غم اودونا داغلادی

زینبون احوالینه چرخ آغلادی

لوح و قلم سویلدی واحسرتا

 

ماریه ده دوشدی چو شاه مبین

شمر و سنان خولی و سعد لعین

ظلمیله کسدیله فراتین یولین

تشنه قالوب زمرۀ آل عبا

 

حضرت عباس او غم پَروَرون

سالدیلا قوللارینی اُول سَروَرون

ظلمیله بوکدیله قدین حیدرون

ائتمَدیلر شیر خدادن حیا

 

قاسم دامادون او قوم عذاب

حجله سینی ائتدیله بو آی خراب

اللرینه یاخدیلا قاندان خضاب

یاندی بو غمده حَسَنِ مجتبا

 

اوخلادیلار حلقون علی اصغرون

کسدیله باشینی علی اکبرون

بوکدوله قدّین شه بی لشگرون

ایلدیلر اول شهی بی اقربا

 

یتدی چو میدانه شه بی کفن

بیر بیرینه دگدی زمین و زمن

سالدیلا آتدان او شهی ظلمیلن

قویدی ایاق صَدرینه شمر دغا

 

کرب و بلا شاهینی ئولدوردولر

خیمه سینه ظلمیله اود ووردولار

بو غمه عالم لری یاندیردیلار

اولدی ستم قسمت آل عبا

 

گور نجه زار ایلدیلر زینبی

ظلمیله خوار ایلدیلر زینبی

ناقه سوار ایلدیلر زینبی

گور نه گونه زینب اولوب مبتلا

 

((دلسوز)) بیچاره بو گون شوریله

باشه ووروب سینه زنان اولگیله

آل عبا دامنینی دوتگیله

کیمسه نه دن دردیوه اولماز دوا

 

 دلسوز

منبع مجموعه کانالهای مدح و مرثیه

ورود به ماه محرم 5041

ورود به ماه محرم

 

میرسد هر دم بگوشم این ندا

شد محرم باز علی المرتضی

 

شد مگر شاه شهیدان دربدر

ناله و زاری کند جن و بشر

یا سکینه مانده گوئی بی پدر

شد محرم باز علی المرتضی

 

ماتم شاه شهید کربلاست

این عزا بهر حسین سر جداست

آنخداوند جهان صاحب عزاست

شد محرم باز علی المرتضی

 

چون فتاد از دست عباسش علم

هر دو دست از پیکرش گشته قلم

مصطفی در خلد گوید دم به دم

شد محرم باز علی المرتضی

 

آه از آندم قاسم نوکدخدا

کرده خونِ خویش بر دستش حنا

گشت بی مونس عروس بی نوا

شد محرم باز علی المرتضی

 

آه از آن ساعت علیِّ اکبرش

پاره پاره شد ز خنجر پیکرش

با جفا ببرید چو ننوفل سرش

شد محرم باز علی المرتضی

 

داغ اصغر این دل دلسوز را

میگدازد بین دل دلسوز را

میکند غمگین دل دلسوز را

شد محرم باز علی المرتضی

 

 دلسوز

منبع مجموعه کانالهای مدح و مرثیه

عرض ارادت به حضرت امام حسین (ع) 4411

عرض ارادت به حضرت امام حسین (علیه السلام)

 

عالمده عالمون عجب عالمدی یاحسین

بو عالمونده، غرق، هر عالمدی یاحسین

 

سر شهادتونده قالوب عاجز انبیا

عالم بو علمه، خالق عالمدی یاحسین

 

هر کیمسه ایستسه ایلیه مشق عشق حق

عشقین نماسی سنده مجسمدی یاحسین

 

هر عاشقی که عشقده ثابت قدم دگول

هاردا حریم یارینه محرمدی یاحسین؟

 

زاهد همیشه وصف بهشت ایلر آرزو

سنسیز بیزه بهشت، جهنمدی یاحسین

 

هر ایل بیر آی محرم اولی، لیک شیعیه

هر آن و هر دقیقه محرمدی یاحسین

 

روز ازلده خالق اوزی نوحه خوان اولوب

بلمم نه غمدی بو، نجه ماتمدی یاحسین

 

گوگده ملایکه، یر اوزینده فغانیلن

اول سنه عزا دوتان آدمدی یاحسین

 

کعبه باتوب قرایه، صفادن دوشوب صفا

قان آغلیان بو محنته زمزمدی یاحسین

 

یالقوز نه بیرجه نوح، سنه اولدی نوحه گر

نه آغلیان بیر عیسی مریمدی یاحسین

 

بار غمون زبسکه گراندور چکنمیوب

پشت فلک اودور که بیله خمدی یاحسین

 

شرح و بیان محنتوی ایتماقا بیان

مجموع نطق لال، دل انگمدی یاحسین

 

حیران قویان بو عالم آرا انبیالری

بو ماجرا بو محنت و بو غمدی یاحسین

 

بیر ظلم کربلاده سنه ایتدی اهل شام

تا روز حشر اولونجا دمادمدی یاحسین

 

گر انس و جن اوزلرینی ایتسه لر هلاک

بالله دگول زیاده، گنه کمدی یاحسین

 

بیر کیمسه بو مقاموی انکار ایده اگر

بنیاد دین و مذهبی برهمدی یاحسین

 

هر کیمسه اسم پاکوی ورد ایتسه صدقیلن

دنیا و آخرتده مکرمدی یاحسین

 

هر کیم عزا دوتا سنه دنیاده بی ریا

بالله بهشته سنله، او همدمدی یاحسین

 

(دلسوزون) اعتقادی بودور کیم گوز یاشی

عصیان و جرم، زخمنه مرحمدی یاحسین

 

مرحوم دلسوز

منبع مجموعه کانالهای مدح و مرثیه