زبانحال به حضرت رقیه (س) 2238

زبانحال به حضرت رقیه (سلام الله)

 

نقدری دردو غمه ابتلاسی وار بالامون

نه قارداشی نه ده بوردا باباسی وار بالامون

 

بونوعی باخماکه واردی بوطفلون اوچ یاشی

باشینداسایسیزاولان چون بلاسی واربالامون

 

بو فکری ایلمه غساله واردی بیر مرضی

یاواش چوور بدنینده یاراسی وار بالامون

 

اوزونده گر گورسن سیلینونده ردی قالوب

ایاقلاریندا هله قان نماسی وار بالامون

 

کورکده الده بونون قمچینون نشانه سی وار

بدنده صاف یری آیا هاراسی وار بالامون

 

یاتوب گچن گجه ده قانلی باش قوجاقینده

یانور بو قلبیم عجب ماجراسی وار بالامون

 

اگر کفن یو خودی قاره معجریم کفنی

گونی کیمون کفنینده قراسی وار بالامون

 

اوقدری ظلم وجفالر گوروبدی یورقوندی

بو گوندن اما جفادن رهاسی وار بالامون

 

گیدور آتاسینا مهمان بو شام ویراندان

خرابه ده گجه اما عزاسی وار بالامون 

 

 خوش نواز مرندی

حضرت امام حسین (ع) 2055

حضرت امام حسین (علیه السلام)

 

کتاب عشقیده عنوان حسیندی

نماد غیرت ووجدان حسیندی

 

حسین مرآت حی لم یزلدی

که نص آیهء قرآن حسیندی

 

حسین ثارالله ومعنای ایثار

ورن یتمیش ایکی قربان حسیندی

 

اگر هر کشورین وار بیر شعاری

شعار ملت ایران حسیندی

 

گیدوب قنداقی شهپر اوسته عرشه

دیوب حق عرشیده جانان حسیندی

 

گدادور محضرونده شاه وخاقان

دیور شاهلار فقط سلطان حسیندی

 

هانی فرعون وقارونون جلالی

قالان یراوسته جاویدان حسیندی

 

گلنده آدی مجلسده گوررسن

سالان هر قلبیده طوفان حسیندی

 

ایده ایراد وهابی شیوخی

دیون لال بیزه میزان حسیندی

 

ددی هیهات ذلتدن خلایق

اولان القانینه غلطان حسیندی

 

یازاندا عشقیله یاز خوش نوازا

سنه لطف ایلین هر آن حسیندی

 

 خوش نواز مرندی

در احوالات حضرت فاطمه زهرا (س) 1978

در احوالات حضرت زهرا (سلام الله)

 

دوشوب نفسلرون آخر شماره زهرا جان

بو حالیوی نجه ایلوم نظاره زهرا جان

 

جهاندا بیر گلیدین عمرون اولدی گل میثلی

خزان  سالوبدی جفاسون بهاره زهرا جان

 

ایدوبدی سامری دین احمدی فتنه

دوشوبدی چرخ زمان کجمداره زهرا جان

 

خلافتون گیه تا خرقه سون بیر عده لعین

چکیبدی اود قاپیمیزدان شراره زهرا جان

 

نه وقدی  گیزلدیسن گل جمالیوی مندن

بو معجرون چک اوزوندن کناره زهرا جان

 

غریب اولوبدی عم اوغلون إله بو یثربده

دینمیری سوزی خویش تباره زهراجان

 

اوزومه قاپی آچان یوخ کیمه ورنده سلام

جواب  ورمیری  بو دلفکاره  زهرا جان

 

وروبدی قلبیمه بیر داغ اوثانی ملعون

اولونجه گلمیجاخدی قراره زهرا جان

 

او گون یانان قاپیا من با خاندا گورموشدیم

چکیلمیشیدی قانون میسماره زهرا جان

 

نه میسماره قان آخمیشدی سنگ دیواره

او قانلی مقتله باخدیم دوباره زهرا جان

 

شهید محسنیمی یادیمه سالوب یاندیم

بو داغلی قلبیم اولوب پاره پاره زهرا جان

 

یانان قاپی دالی دیوار عفیفه بیر عورت

دوشوبدی گل بدنون چوخ فشاره زهرا جان

 

زبس که داغ ایلدی اود اودرب ومسماری

ایدوبدی سینوی اوخ تک او یاره زهرا جان

 

اولیدی  درد  فقط  میسمار یانمازیدیم

غمون اولوبدی سنون بی شماره زهرا جان

 

قاپی دالیندا سینوب هم الون قابیر قالارین

قاپیدا اوچ یوز عدو بیر طرفده بیر عورت

 

هزار اوف اولا بو روزگاره زهرا جان

 

نه ثانیده نه ده قنفذدا زره رحم اولدی

وروبدی سیلی سنون تک نگاره زهرا جان

 

مگر ا وثانی ملعونه نیلموشدین سن

ال آچدی سیلی وروب گلعذاره زهرا جان

 

آلوبدی قنفذ ملعوندا پاره هیزم اله

وروبدی قوللاریوا آشکاره زهرا جان

 

خوش نواز مرندی

ولادت حضرت زینب کبری (س) 1941

ولادت حضرت زینب کبری (سلام الله)

 

سبو گزور آلا جرعه سبوی زینبدن

خمار گوزلر اولوب جستجوی زینبدن

 

مدینه کوچه لریندن بهشتون عطری گلور

 مدینه  روشن اولوب نور روی زینبدن

 

نه تک مدینه ایشقلاندی جمله نه فلکه

طلعلوع ایلیوری نور سوی زینبدن

 

انوب زمینه هامی ساکنان عرش برین

اولوبدی مست وخمار عطروبوی زینبدن

 

خدای عزوجل وردی بیر حسینه باجی

گلوبدی شوره هامی خلق وخوی زینبدن

 

طواف بیت علی صف به صف ملایک ایدور

اوپوبدی روح الامین خاک کوی زینبدن

 

اولوبدی نور علی نور بیت شیر خدا

حسین چون اوتوروب روبه روی زینبدن

 

دسم جمالینه گر گل خطادی واللهی

ایچوبدی گوللر اوزی آب جوی زینبدن

 

سزادی گرچه یازام بو سوزی گوزللیقینی

آلوبدی حور وملک تار موی زینبدن

 

نه گل نه نور وسبو کاینات وشمس وقمر

که آبروسون آلوب آبروی زینبدن

 

نه نوعی مدح إلیوم من عقیله العربی

زمانه حیرت ایدوب گفت وگوی زینبدن

 

ایا خدای جهان (خوش نوازه) ورتوفیق

یازاندا ایلیه مدح نکوی زینبدن

 

خوش نواز مرندی

در احوالات مجلس یزید 1916

در احوالات مجلس یزید

 

اوتوروب تخت ریاستده زنا فرزندی

باشی دالدان کسیلوب فاطمه نون دلبندی

 

مفتی کوفه شریح ایلدی بیر حکم قضا

یخدی زهرا اوینی حکمینون هر بیر بندی

 

کوفیان دوغرادی قرآنینی عاشوراده

نیزه لر اوسته او گون صفحه لری گورسندی

 

یاندیروب خیمه لری غارت اولوب آل الله

زینبون قوللارینا ووردی اسارت بندی

 

قویدی خولیده حسینون باشینی کول اوسته

اوتنوره دمیرم او گجه کیملر اندی

 

زینبی قصره گتیردی نجه عمال دنی

اگنیده کهنه لباسی یوخودی روبندی

 

یابن زهرا نظر ایله بو چتین سوزلری من

نجه تصویره چکیم نطق و دیلیم الکندی

 

وقت او وقت اولدی خانیم قصریده محشر یارادا

وورا بیر ابن زیاده علوی ترفندی

 

گوشهء قصریده ایلشدی حسینون باجیسی

سایمادی دخت علی دورد طرفی دشمندی

 

دوره سون آلدی کنیزلر باشینا ایتدی طواف

یابن مرجانه گوروب بو عملی دیللندی

 

سوروشوب کیمدی بو عورت بیله بیر آلدی جواب

آدی زینبدی بونون دختر شیر افکندی

 

آچدی ملعون دهنون مدح إلسون اوز عملون

بیله فکر ایلدی زینب بیر عجوزه زندی

 

زینبه سویلدی گوردون نجه خلاقین ایشین

سیزی رسوا إلیوبدی یالانوز روشندی

 

خار ایدوب هاشمیانی اموی اولدی عزیز

اولدوروب قارداشیوی وردی بیزه خرسندی

 

ناگهان دوردی ایاقه او علی دلبندی

گوزی قانلی باشا دوشدی اورگی ترپندی

 

ایله بول شیر خدادور گلوری میدانه

یاکی بول فاطمه دی مجلس اهریمندی

 

ددی حمد ایلیرم خالق بی همتانی

بیزی پیغمبریلن ایلیوب عزتمندی

 

یابن مرجانه نه نن یاسیوه ای کاش اوتورا

بو شهادت بو اسارت بیز اوچون احسندی

 

ورمه نسبت عملون خالقه یابن الطلقا

کربلاده اولونان فاجعه لر سندندی

 

مایهء ننگیدی  اعرابیده اصل ونسبون

صاحب پرچم آنان عامل مستهجندی

 

بیله فکر ایتمه حسین کرب وبلاده اولدی

زنده دی نهضتی  مندن سن ایشیت بوپندی

 

اهل تاریخ بیزی حشره جه مدحت ایده جاخ

هر عزادار سیزین گوریزه لعنت ایده جاخ

 

خوش نواز مرندی