حضرت امام زمان (عج)

 

اي ولايت اهلينون مولاسی يا صاحب زمان

نخل توحيدين گل رعناسي ياصاحب زمان

 

گل زمان طوفاندي اي عصروزمانين صاحبي

سندن ئوزگه يوخ بوگون اسلاميانين صاحبي

گل جهاني روشن ايله اي جهانين صاصبي

تاقورولسون معدلت شوراسي ياصاحب زمان

 

گل ييغيشدير دهردن كفر و ظلالت پرچمين

وير هامي عالملره حقّ وعدالت پرچمين

نصب ائله هرياندا اسلامين اصالت پرچمين

دولدورا دنياني حقّ آواسي ياصاحب زمان

 

اي وليّ الله اعظم حجّت كبراي حق

وي قويان باشه شرفدن تاج كرّمناي حق

اي امام كون وامكان آيت عظماي حق

كايناتين باعث ابقاسي ياصاحب زمان

 

يئريوزونده اي جلال كبريا نين وارثي

انبيانين جانشيني ، اوليانين وارثي

هارداسان گل اي شهيد كربلانين وارثي

قوي گؤرونسون كربلا غوغاسي ياصاحب زمان

 

سن بوگون ارض وسمانين باعث ابقاسي سن

واقعي صلح جهانين ضامن اجراسي سن

دردمندان زمانين ملجاء و مأواسي سن

اي هامي مظلوملارين ملجاسي ياصاحب زمان

 

روزگاري غم دوتوب اي روزگارين صاحبي

كسمه فيض لطفون اي خرد وكباريم صاحبي

ذوالفقارون آل اَله اي ذوالفقارين صاحبي

صلحه بسدي تيغيوين ايماسي يا صاحب زمان

 

اي جهانين صاحبي تئزگل جهان آلماقليقا

ادّعا صاحب لريندن امتحان آلما قليقا

جدّوون قانين توكنلردن ده قان آلما قليقا

جوشه گلسين بيرده قان درياسي ياصاحب زمان

 

كربلاده كوفيان ظلمونده طغيان ائتديلــر

آل طاهانين مبارك خاطرين قان ائتديلر

ظلميله انصارديني قانه غلطان ائتديلر

هرشهيدين دوغرانوب اعضاسي يا صاحب زمان

 

غصه دن اهل ولانين خاطري قان اولدي گل

ظلميله اي مصلح عالم بو عالم دولدي گل

صرصرِ ظلميله دينين گلستاني سولدي گل

سلب اولوب اسلاميان ياراسي يا صاحب زمان

 

سيّدي سنسن بوگون اسلام ودينين عزّتي

مفخرعرفان و قرآن مبينين عزّتي

گل بناي كفري ييخ اي مؤمنينين عزّتي

بوگونون بولسونله وار فرداسي يا صاحب زمان

 

خائن اللرتفرقه سالماقداطغيان ائلييب

دين آديلا قصد جان اهل ايمان ائلييب

قارداشي قارداشه دشمن قوم عدوان ائلييب

گل گئديب قارداشليقين معناسي يا صاحب زمان

 

سالديلاربيگانه لر قارداشي قارداش جانينه

دشمن ايمندي ،دوشن ،يولداشدي يولداش جانينه

گل بوقدري قويما اسلامين دگه داش جانينه

تار اولا اسلاميان دنياسي ياصاحب زمان

 

سيدي اسلامي امتلرده وحدت قالميوب

درك ائداخ ضربت بيزه هارداندي فرصت قالميوب

خلقلرده عدل و انصاف ومرّوت قالميوب

يوخدي دنيانين مگرعقباسي يا صاحب زمان

 

سالميري ياده چوخ انسانلار عذاب آياتيني

چوخلاري ياددان چيخارديبلار حساب آياتيني

ايليوب انكارچوخ چوخلارحجاب آياتيني

يوخدي غيظ حقّدن پرواسي ياصاحب زمان

 

باغلانيب احبابه اميّد و رجانين يوللاري

سيّدي وارسنده هردرده دوانين يــوللاري

بيرنظرقيل امن اولا كرب و بلانين يوللاري

اويولون اُلموش حزين شيداسي ياصاحب زمان

 

 حيدرخسرو شاهي (حزين)

منبع مجموعه کانالهای مدح و مرثیه