شام غریبان حضرت علی (علیه السلام)

 

سبک : ای منیم نازنین نگاریم

 

بو گیجه کوفه غم فزادی

غرق درد و غم و بلادی

قبره حیدر گیدیر یارالی

بو گیجه کوفه کربلادی

مست جام وصال جاناندی علی

بو گیجه فاطمیه مهماندی علی

علی مولا

 

بو گیجه آل حیدر آغلار

گویلر آغلار ملکلر آغلار

آج یاتانلار خرابلرده

بیوه زنلر یتیم لر آغلار

بیر گیجه یاتمیان علی یاتدی بوگون

چوخلاری ویرانده آج یاتدی بوگون

علی مولا

 

بو اورک داغلیان علیدی

اشک اوزه باغلیان علیدی

صبح اولونجا بقیعده دائم

یارینه آغلیان علیدی

بیرده دل تیر غمیله دلمیجاق

فاطمه قبری اوستونه گلمیجاق

علی مولا

 

گرچه ظاهرده چوخلار آغلار

سینه سین نار غمله داغلار

رسمیدور بو جهاندا اما

یارینه یاری یاره باغلار

سن علی یاره سینی چوخ باغلامیسان

یاره سین باغلادیقجا چوخ آغلییسان

علی مولا

 

 حسین علیزاده (دلگیر)