زبانحال حضرت سکینه (س) در راه شام 877

 زبانحال حضرت سکینه (س)

 در راه شام

 

گلدی بهار بلبل اولوب گللر عاشقی

من او لمو شام زما نه ده بیر دلبر عاشقی

 

مژگان او خون کما نه قویوب آتما سینمه

الدورمه ای نگار وفا پرورعاشقی

 

یا قوت پر بها اولا دنیا من ایستمم

اهل خرد بلولّه منم حیدر عاشقی

 

پروانه نار شمعه یانا یوخ مذمتی

والله سالار بلایه محبت هر عاشقی

 

ایستر آنا بالاسینی هر باجی قارداشین

اما سکینه ایله رباب اصغر عاشقی

 

شامین یولوندا بیر گیجه گوردی خانم رباب

آغلار هَزار وار گل احمر عاشقی

 

گوردی سکینه یوخلیوب اما سسی گلور

او خشار فصاحتیله قرا معجر عاشقی

 

آغلار دیر قوجاقیمه گل ای گل تریم

واللهی یاندورور او ملک منظر عاشقی

 

اولدم سکینه نی اویادوب خوابیدن رباب

سو یلوبدی بیله آغلاما ای اصغر عاشقی

 

ای مهربان قیزیم بیله قلبین یانور مگر

لیلا کیمی اولوبسان علی اکبر عاشقی

 

عرض ایلدی آنا یوخودا گوردوم اصغری

اولدوم دوباره قانه باتان حنجر عاشقی

 

آلموش آتام قوجاقینه باغ بهشتیده

نازین چکر نه نازیله اول داور عاشقی

 

گوردوم او خردا قارداشیم آرام دوتموری

امر ایلدی آتام منه ای غملر عاشقی

 

گل آل قوجاقه اصغری لایلای دی بیر زمان

عالمده خردا قارداش اولور خواهر عاشقی

 

آلدیم قوجاقه جوشه گلوبدور محبتیم

غملی اورک اولوب یارالی سوزلر عاشقی

 

لایلای دیدیم دودا قیمی قویدوم دودا قینه

اولماز او لبلرین اُپنی کوثر عاشقی

 

محشر گونی جهنم اودوندان صدا گلور

یا ندور مارام (حزینی) اودور اصغر عاشقی

 

مرحوم حزین طارمی

در مدح حضرت علی اکبر (ع) 704

در مدح حضرت علی اکبر (علیه السلام) 

 

نَقَدرخالقِ عالم سنی زیبایارادیب

اوقَدَرعاشق شوریده وشیدا یارادیب

 

منه گلسین قاداسی گوزلروون بیرباخشی

اورگیمده نئجه دنیابویی غوغا یارادیب

 

نرگسی گؤزلره قربان دییه سن خالق عشق

اولاری صبر و قرار آلماقا شهلا یارادیب

 

هانی درد اهلی دییم دردیمی بلکه آزالا

منی غم چکماقا غم صاحبی تنها یارادیب

 

نَقَدرآتش هجرانه یانیم ، منده مگر؟

نَقَدرتاب وتوان حیّ توانا یارادیب

 

یوخ گلایه یئری امّا ئوزی اوّل گوندن

عاشقین خالقی ، معشوقی شکیبایارادیب

 

حقلیم شام وسحرکویوی ماوا ائلسم

کوی یاری ،‌ یارادان عاشقه ماوا یارادیب

 

حدّسیزحمدوثناصنعونه صورتگروون

که بو صورتده نه عالم نئجه معنایارادیب

 

بونه صورتدی ، نه قامتدی که خلّاق ازل

عالمی قامتوه محو تماشا یارادیب

 

بیربئله حسن خدادادیله ای آیت حُسن

کیم دییرحُسنده خالق سنه همتایارادیب

 

غبطه ایلرله وجاهتده گؤزللرسنه ، چون

اولسالارقطره گوزللر ، سنی دریا یارادیب

 

وئرخبرپیک صبا یوسف مصری گله تا

گؤره نه جلوه نه فریوسف زهرا یارادیب

 

حدّاعلاده دی حُسنون سنون ای حُسنه مَثَل

جلوه حُسنونه خالق سنی مَجلا یارادیب

 

سن، او ، بیتُ الغزلِ شعرِ وفاسن که سنی

خالق شعرئوزونه دلکش وشیوا یارادیب

 

هانی صهبای محبّت ، وئیره ساقیِّ وفا

گؤره دُردیلره ،نه دَرد، اوصهبایارادیب

 

چوخالیر عمر چوخالدیقجا تمّنا دئیه سن

باشدا سودای جوانلیق بوتمّنا یارادیب

 

چوخ دئدیم گویلومه پروا ائله عاشیق لیقدان

دئدی خلاّق مگرعاشقه پروا یارادیب

 

دئدیم افراط ائلمه عشقده رسوای اولاسان

یاردان سویلدی عاشقلری رسوا یارادیب

 

عشق اگراولماسا آیا ندی معنای حیات؟

بشری عشقیله توأم حق یکتا یارادیب

 

عشق مولانی خدایا الیمیزدن آلما

دل احبّایه صفایِ غمِ مولا یارادیب

 

دلده گرنور ولا اولماسا دل، یوخدی ،گِله

گوهرجانه بها نور تولّا یارادیب

 

عاقل اولماق سنه ایش وئرمدی دنیاده حزین

ئوزونه اهل جنون گؤرنئجه دنیا یارادیب

 

مرحوم حزین زنجانی

در مدح امیرالمومنین حضرت علی ابن ابیطالب (ع) 202

در مدح امیرالمومنین

حضرت علی ابن ابیطالب (علیه السلام)

 

محرم اسرار علم حیّ یکتا دور علی

بدو خلقتدن قاباق هر علمه دارادور علی

متن لولاک لماده شرح لولادور علی

بائ بسم اللهه زینت نقطه بادور علی

جن و انسه کائناته یعنی مولادور علی

 

روح بخش بوالبشر دور فیض بخش کائنات

هر نبی دوشدی بلایه مرتضی ویردی نجات

خضر پیغمبر بو مولادن ألوب أب حیات

ایلدی یعقوبی بینا یوسفه ویردی نجات

کون وامکان ایچره هر ممکتدن اعلادور علی

 

منکر مولا ندور سنده قساوت شک و ریب

یاندورار نار جهنمده سنی بو نقص و عیب

اولماسیدی نصرت مولا اگر در حال غیب

حضرت موسی وصالین درک ایدنمزدی شعیب

هم شعیبه رهنما هادی موسی دور علی

 

حب حق قلبینده میل اوج رفعت ایلدی

هر نکات رقعه تقدیره دقت ایلدی

طور سینایه کلیمی اللهی دعوت ایلدی

ربی ارنی سویلدی موسی جسارت ایلدی

لن ترانی لفظینه معناده گویادور علی

 

نخلیدن ظاهر اولاندا نور حقین جلوه سی

یتدی موسی سمعینه انی انا اللهون سسی

هر یانا ایتدی نظاره گورمدی هیچ بیر کسی

فاالتجلا للجبل موسانی جذب ایتدی بسی

جوهر نور خدادن بیر تجلادور علی

 

مرحوم حزین زنجانی