مقایسه روز دهم ذی الحجه و محرم 5763
مقایسه روز دهم ذی الحجه و محرم
سبب ندور که گینه شیعه لر پریشاندور
بولود کیمی دوتولوب جمله اشک ریزاندور
قرا لباس گیوبلر هامی صغیرو کبیر
قرا گیوب او جوانلارکه رختی الواندور
مساجده چکیلورقاره مثل حل و حرم
چو مهرو ماه قنادیل غم فروزاندور
عیوندن آخاراشک روان چون زمزم
گیدوب صفای جهان درد و غم فراواندور
بسان ناخن خونین هلال ذی الحجه
خراش سینه افلاک ایچون نمایاندور
سالارمحرم اونون بو آیین اونی یاده
مه محرمه چونکه بو آی سرعنواندور
بو آی اونوندا کسلرمناده چوخ قربان
دیله سنت شرع خلیل رحماندور
او آی اونوندا حسینین جوانلاری یکسر
منای کوی محبتده قانه غلطاندور
بو آی اونوندا دیر جمله حاجیان لبیک
فلک صدای له الملکدن هراساندور
او آی اونوندا دیر شیعلر حسین آقاوای
فدا او باشیوه کیم نیزه ده درخشاندور
بو آی اونوندا ویرر ال اله صغیرو کبیر
نچون مصافحه روز عید قرباندور
او آی اونوندا دوشوب اللری ابوالفضلین
کنارنهریده بیرتشنه کام مهماندور
بو آی اونوندا گل استه گلاب ژاله روان
گلابدان بلور هوادن افشاندور
او آی اونوندا قالوب تشنه آل پیغمبر
او قوم دون آراسیندا که جمله عنواندور
گرک چکه باشینا مدسرخ کلک سیوف
اولا او سرو قدی شاخ و برگ ریزاندور
بو آی اونوندا ایدرناقه نحرخلق ولی
ویرله سو اونا قانون هرمسلملندور
او آی اونوندا ایدوبلرحسینی نحرعدو
کنارنهریده بیرحالیله که عطشاندور
گلون دیاخ هامی ای تشنه نحریله منحور
فدا او جسمه که هم یاره لی هم عریاندور
گلون دیاخ هامی ای تشنکام اولان قربان
منای عشقیده کیم جمله خاری پیکاندور
گلون دیاخ هامی ای اکبرین ویرن قربان
او اکبریکه وجود جهانی بیرجاندور
گلون دیاخ هامی ای اصغری اولان آماج
او تیرظلمه که پیکانی تیربراندور
گلون دیاخ که قوجا (ثابتین)شهادتینی
حواله ایله حبیبه که پیردرباندور
مرحوم ثابت تبریزی
منبع کانال گنجینه گذشتگان
با سلام