ولادت شاهزاده حضرت علی اکبر (ع) 703

در ولادت حضرت علی اکبر (علیه السلام)

 

گلشن عشقه بوگجه حامی باغبان گلوب

شاه شهیده یار اولا اکبر قهرمان گلوب

 

ساقی بو اکبرعشقینه ویرقدحی و ساغری

مست می ناب ایت منی لوح وقلم هم دفتری

اون بیراولوب شعبان آیی گلدی حسینون اکبری

مژده ویرون آناسینا حقه طرف دوتان گلوب

 

نورخدادی جلوه گرچهرۀ زیبایه باخون

سرو صنوبر اولدی مات قامت رعنایه باخون

یوسف مصرتک گوزل یوسف لیلایه باخون

لیلیه مجنون اولماقا عاشق مهربان گلوب

 

ویردی صفاچمنده گل دوزگون اولوب بوآی بهار

نوره دولوبدی عالمی رحمت حقدی نور یار

وار یری بو آیدا اولا اهل وفا مست نگار

ناهیدو زهره مشتری شمس و قمرعیان گلوب

 

آچدی بو عالمه گوزون احمد اطهربالاسی

صـدری گشاده غیرته شیر دلاور بالاسی

اگمیه جاقدی ظلمه باش باشرف حیدر بالاسی

اوزآتاسی حسینه بو بازوی پرتوان گلوب

 

مست اولی جام عشقیدن ناطق قرآن اولماقا

موج شرفده جوشلانا نوحینه طوفان اولماقا

دردی اولانلارین بوگون دردینه درمان اولماقا

لطف خدا شامل اولوب دین مبینه جان گلوب

 

گستره شام وکوفنین اهلینه شصت حیدری

هم تانودا دوباره دن جدی رسول اطهری

عشقینه مبهوت ایلییه کرب و بلاده لشکری

قدرتنی نشان ویره میدانا پهلوان گلوب

 

نقشۀ شوم کوفیان اونداکی نقش فتنه دی

عدل و عدالت علی ریشه سی زخم تیشه دی

قانویری نخل دینینه گورسه که خشک وتشنه دی

تشنه نهال دینه گورویرماقا کیمدی قان گلوب

 

عشق علی اکبره «عدلی» اولوبدی مشتری

مست می ولاسی دور ایلوری چوخ پرده دری

کاش یازا شیعه شاداولوب گلدی حسینون یاوری

لیک منای عشقیده ویرما قا امتحان گلوب

 

حاج اصغر فرشچی (عدلی تبریزی)

ولادت حضرت امام حسین (ع) 611

در ولادت حضرت امام حسین (علیه السلام)

 

ساقی گل آچ میخانه نی دولدوردولا پیمانه نی

ایله رها غمدن اولا هرعاشق و دیوانه نی

 

مخمور می ایت عاشقی هر عاقل و فرزانه نی

ایله خبر میخواره نی هم دلبر و جانانه نی

 

فُطرس قاناتلاندی بو گون عرشه سالوب صوت جلی

مژده ویرون عاشقلره گلدی حسین ابن علی

 

بیردیده حق بینیلن روی دل آراسین گورون

نورخدا دور جلوه گر بیرقدّ رعنا سین گورون

 

مین یوسف زیبا جبین محو تماشاسین گورون

خلق جهانی سربسرغرق تمنا سین گورون

 

فُطرس قاناتلاندی بو گون عرشه سالوب صوت جلی

مژده ویرون عاشقلره گلدی حسین ابن علی

 

واردور یری ای شیعه لریرگوی چراغانی اولا

سرتا سرروی زمین گُلدن گُل افشانی اولا

 

بلبل گُل اوسته مست اولوب دیلدن غزلخوانی اولا

بو گون گرگ بزم حسین تزئین و نورانی اولا

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

شاداندی زهرا بوگجه عشاق عالم شاد اولار

غم غُصه دن فرقت تاپار بو شیعه لرآزاد اولار

 

بو قان ویرر دین گُلشنی گُل لرآچار آباد اولار

هر محفله گید سن بوگون سوزلر مُبارک باد اولار

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

اولدی اُفقدان جلوه گر شمس جهان آرا گلوب

دولدور دولا پیمانه نی ساقی او مَه سیما گلوب

 

اولدی رها بو لحظه دن غمدن دل شیدا گلوب

قلبینده عاشق سیرایله گور قلبیوه صفا گلوب

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

واردی تجلّای رُخی چون چهره زیباسی وار

شمس و قمر شرمنده دورروی جهان آراسی وار

 

سرو وصنوبرمات دور چون قامت رعناسی وار

شاهِ شهید عشق دور دنیاسی وارعقباسی وار

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

بو طفل گلدی دنیا دا حقدن طرفداری ایده

دین خدانی تا ابد پاینده و یاری ایده

 

بیر انقلابه ال ویرار دفع تبهکاری ایده

اولماز بو تک قرآن و دین اوسته فداکاری ایده

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

بواوز مرام وایده سین سود ایشدی زهرادن آلوب

سرمشق آزادی اونااورگتدی طاها دن آلوب

 

درس شجاعت مشقینی اورگشدی مولادن آلوب

شاه شهیدان اولماقین امرین بو یکتادن آلوب

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

کربو بلاده تا گلوب شهزاده اکبردن گچه

شیراوغلی شیر عباسیدن هم عُون جعفردن گچه

 

بیر غنچۀ نشکفته دن شش ماهه اصغردن گچه

قاسمکیمی گلگون قبا بیرماه انوردن گچه

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

گوزآچدی گلدی عالمه عهد الست ایفا ایده

پرونده عاشورانی اوز قانیلن امضاء ایده

 

دین حقه رونق ویره فرمان حق اجرا ایده

قرآن و دین برنامه سین بو دهریده احیا ایده

 

چون حجّت برحق گلوب عالم اولوبدی منجلی

مژده ویرون عاشقلره گلدی حسین ابن علی

 

بو نُه فلکده نور دور شمس و الضُّحی نور خدا

پیمان عشق اوسته اولار قرآن و اسلامه فدا

 

ماه محرمده آچا ر دانشگه مهر وفا

«عدلی» اودور ایللر بویی آغلاربونا ساخلارعزا

 

اعیا دیده مداح اولی هر بزم و محفیلده ولی

مژده ویرون عاشقلره گلدی حسین ابن علی

 

حاج اصغر فرشچی (عدلی تبریزی)

در مدح امیرالمومنین حضرت علی ابن ابیطالب (ع) 297

حضرت علی ابن ابیطالب (علیه السلام) 

 

ساقیا بیر باده دولدورجانه جانان ایسترم

اهل اسلامه جهاندا ظلّ سبحان ایسترم

 

ویراو میدن مست و مدهوش خرابات ایلسون

طوطی طبعیم گزور میدانی جولان ایسترم

 

ویرهمان میدن که سالسون نشأتی جان و دله

فکر و ذکری من خدایه حمد گویان ایسترم

 

ساقیا دولدور بلورین جام وحدتدن منه

وصل معشوقه چاتام من ماه تابان ایسترم

 

ویرهمان میدن که نوروناندی عالم منجلی

یوسفی یعقوبه چاتسون شهر کنعان ایسترم

 

ویر همان میدن که آفاقه سالار شور و نشاط

عرشین اوستونده نجوم و ماهی رقصان ایسترم

 

عاشقم بیر دلبره که کلمه ی لعل لبی

مرده نی احیا ایدر بو جسمیمه جان ایسترم

 

قالب بی روحم ایستور دم ویره عیسی مسیح

دادگاه عد لیدن انصاف و میزان ایسترم

 

شاعران ایچره یازوب فردوسی شهنامه اوخی

او تهمتن ایستیوب من شاه مردان ایسترم

 

وصف رستم ایلیوب او منده وصف شاه دین

اول نریمان ایستسه من نور ایمان ایسترم

 

تاس کلاه زر نشان رستم باشیندا تاج اولوب

منده بیر عمّامه سر حامیّ قرآن ایسترم

 

رخش رستم نقش باغلور عرصه گاه جنگیده

من جلال وجاهیله دُلدل به میدان ایسترم

 

پورزالون قدرتین رخساره چکموش دیویلن

عَمرو عنتر قتلینه من تیغ بـُراّن ایسترم

 

کرّۀ رخشی گتورسه من گتورّم ذوالجناح

زال و رستم ایستسه شاه شهیدان ایسترم

 

اول سیاوش قتیلینه چوخ ایلیوب حیف و فسوس

منده اکبر قتلینه زلف پریشان ایسترم

 

مرگ سهراب اوسته او دیلدن ایدوب آه و نوا

لیک من اصغر غمینده چشمی گریان ایسترم

 

یاد ایدوب جیحونیدن سالسون فراتی یادیمه

قانه دونسون اول فراتی خشک و سوزان ایسترم

 

اولمادی قسمت ایچه لب تشنه اصغر او سودان

یوم عاشورا غمینده کونی ویران ایسترم

 

یدی لشگردن ویروبدی هر زمان لاف وگزاف

من تن صدپاره دن سقای عطشان ایسترم

 

گرگ ومیش باهم یاشارگرعرصه ده اولسا علی

من علینی یریوزونده خلقه سلطان ایسترم

 

چون یدالله قدرت الله آیِت الله دور علی

اللری مشگل گشادی درده درمان ایسترم

 

یا علی سن شاه شاهان من غلام خاکسار

خادموزدی «عدلینی» درگاهه دربان ایسترم

 

حاج اصغر فرشچی (عدلی تبریزی)

در مدح شاهزاده حضرت علی اصغر (ع) 186

شاهزاده حضرت علی اصغر (علیه السلام)

 

ولايت بحرينه بيرگوهرم من

شهامت هنگينه بيرافسرم من

 

نگينم گوشوارِ عرش ديـنه

شرف بارما قينا انگشترم من

 

علّيِ اكبر اوخشاردي رسوله

علي المرتضايه مظهرم من

 

شهيدعشقم و درياي عشقين

ايچينده بيردرخشان گوهرم من

 

آتام فُلك نجاتين رهبري دور

بو فُلك اُمته بير لنگرم من

 

منم باب المُرادو شيعيانه

چتين وقت لرده يارو ياورم من

 

منم حَبْلُ الْمَتين بند قماطيم

ديمه اصغركه سرّ اكبرم من

 

اگرعيسي دانوشدي مهدايچينده

مسيح عترت پيغمبرم من

 

لبيم سرچشمة آب حيات دي

ديمه محتاج شير مادرم من

 

گلاب نوگلان باغ دينم

گلم من غنچه وقتي پرپرم من

 

آتوبدور حرمله پيكاني امديم

سوسوز دينه فدا بيررهبرم من

 

اگرچه ايچمديم سوآخدي قانيم

ايچن روز قيامت كوثرم من

 

خليل كربلايه من ذبيحم

گلستان عشقينه برگ ترم من

 

يوز ايلليق يوللاري شش ماهه گلديم

شهيدان ايچره والا برترم من

 

سپولدي گويلره قانيم حق اوسته

بلي عرش خدايه زيورم من

 

آنام زهراكيمي محشرگونونده

شفيع محشرم گر اصغرم من

 

حسينون اصغريندن يازدون «عدلی»

بولوردن دفتره زيب ووفرم من

 

حاج اصغر فرشچی (عدلی تبریزی)

در مدح امیرالمومنین حضرت علی ابن ابیطالب (ع) 191

مدح و میلاد حضرت

امیرالمومنینعلی ابن ابیطالب (علیه السلام)

 

ساقیا دولدور پیاله ویرایچوم ماء معین

جسم و فکریمدن اوزاق گزسون او ابلیس لعین

 

تا نفس باقیدی صهبائی پیاله ویرمدام

ایله احسان لا یُضیعُ الله اَجرالمُحسنین

 

نشئیه می عاشقانه چون ویررصبرجمیل

صابرم من چون که وَاللهُ یُحبُ الصّابرین

 

الامان ساقی درِمیخانه باغلی قالماسون

صف چکوب میخواره لرهم یساروهم یمین

 

جام می ویرمی پرستانه دیوم من آشکار

بو همان جنّات عَدنوز فَادخُلوها خالدین

 

باده نوشانی ملامت ایتمسین زاهد گرک

آختارورمسجدّه او میخانه ده من راه دین

 

اوز وصالین آختارور منده وصال یاریمی

هرکسین بیرقسمتی واللهُ خَیرالرّازقین

 

مسجدیم میخانه محرابیم ایکی ابروی یار

قبله دورلوح جبین و یار بینُ الحاجبین

 

اسم معشوقیله آلّام آب میدن دستماز

گونده اون دفعه نگاره سویلرم من نستعین

 

قاسم الرّرزاق ایدوب قسمت اولام من می پرست

بنده لیق توفیقی منده شکر ربّ العالمین

 

ویراومیدن ساقیاجرأت ویرولسون خاممه

ایستوری طبعیم ایده مدح امیرالمؤمنین

 

ویر اومیدن مرغ طبعیم پرآچا شاهین وار

مدحیمه احسن دیسون هم حاضرین هم غائبین

 

خلقتین سرّ سرشتی قرآنا ناموس علی

ما سِوا کُلاّ طُفیلون اوّلین و آخرین

 

باء بسم اللهَه نقطه قل هواللهَه مثل

ایلیوب خلقتده غوغا ایزد جان آفرین

 

محورخلقتده اصل و نور حق لم یزل

ایلیین تکمیل دین و مصطفایه جانشین

 

صفحۀ رویون اولوب آیینیۀ قدرت نما

ظاهر و باهردی سندن پرتو دین مبین

 

سن دلیل ممکنات و سن امیرکاینات

مقتدای هر دو عالم لنگر عرش برین

 

نسل انسانه معلم ناشر قرآن و دین

چون ملقبسن ولی الله هه یا حبل المتین

 

اولماسیدون اولمازیدی یریوزنده ممکنات

سن جواز خلق دنیا دست قدرتده نگین

 

استوار اولدی دم شمشیریوه احکام دین

صفدر و دشمن شکن سن امیرامجدین

 

طعمۀ تیغ شررباروندی مرحب تاپدی تا راه سقر

یکّه تازهر غزا سن فاتح بدر و حنین

 

لات و عزّی سرنگون و باب خیبر چون خراب

اولموسان عامل بو امره سن امام العارفین

 

کشورعلمیدی احمدسن اوکشورایچره باب

جنّ و انسه رهنما سن شیعییه حصن حصین

 

سن امیرالمؤمنین سن ملک علمه آفتاب

کل موجوده وجودون اولدی دنیاده مُعین

 

یا علی ای مظهرذات خداوند و دود

سن نمازاوستونده ویردون سائله انگشترین

 

مکتبونده پرورش تاپدی حسین و هم حسن

معرض اجرایه قویدی هررموزاتی حسین

 

درس آلوب عباس نام آورسنون تک شیریدن

قارداشا ایتسون حمایت دینه ویردی اللرین

 

«عدلی» مدح حیدرین بحرینده لنگرسال دِنَه

عاصیم یوخ حشره توشه ای ولی مسلمین

 

من هارا مداحی شاهنشه دوران هارا

وصف اوصافین ایدنموب کل وصف الواصفین

 

حاج اصغر فرشچی (عدلی تبریزی)

نهضت و عظمت حضرت امام حسین (ع) 172

 نهضت و عظمت امام حسین (علیه السّلام)

 

درد و غمینده آغلین چشم جهاندی یاحسین

شعلۀ آهوندا یانان کون و مکاندی یاحسین

 

عشق ومحبّتون زبس قلب لره ویرورصفا

عاشق اولان بوحسنو ه قلب زماندی یاحسین

 

اسم مبارکون دیین حاجتنی گورور روا

چونکی آدون بودل لره روح رواندی یاحسین

 

چشم خلایق آغلیوب گلشنوون سولان گونی

بزم عزا دوتان سنه عالمیاندی یا حسین

 

عرشیده عرشیان سنه محفل سوک و غم قورار

تک نه بوفرش وعرشیده عشقون عیاندی یاحسین

 

قانلی او نهضتون ویروب درس شـهادت عالمه

فخر ایلین بو نهضته اهل جناندی یا حسین

 

ماه محرمون اونی یوم شهادتون بیزه

نقطۀ عطف اولوبدی چون ورد زباندی یاحسین

 

قرن لراولدی بوآدون حکمروادی دلره

ذکرمصیبتون ایدن پیروجواندی یاحسین

 

نهضتون اوسته اکبرون قطعه به قطعه دوغرانوب

دادو بکاسی زینبون عرشه دایاندی یا حسین

 

آلدی فراتی قارداشون مشکنی دولدوروب چخوب

نفسینی خوار ایدن سووا شیرژیاندی یا حسین

 

دلده خداخدا سی وار سو یتوره حرم لره

خیمه ده العطش سسی موج زناندی یا حسین

 

اونداکی دگدی مشکه اوخ دنیا دولاندی باشینه

قالمادی مشکیده سویی یرده جالاندی یا حسین

 

سسلدی مشکیمه دگن اوخ منی مأیوس ایلدی

کاشکی دگیدی چشمیمه تزگل اماندی یا حسین

 

قول لاری اولدی تا قلم ساخلیه بـولمدی الم

سسلدی اول زمان سنی خجلته یاندی یا حسین

 

سندی بلون گورنکیمی قارداشوون آخدی گوزی

قارداشا قارداش اولومی دوزدی یاماندییا حسین

 

سوطلب ایتدون اصغره ویردی جوابین حرمله

اللرون اوسته سود امر قانه بویاندی یاحسین

 

خون خدائیدی اوقان عرش خدایه یوللادون

عالمی آغلادان همان گویدکی قاندی یاحسین

 

گون باتوب اسدی قاره یل شمرکسنده باشیوی

گوردولر عالمی دوتان قانلی دوماندی یا حسین

 

غارته ال آچان زمان اود ویرولوب خیامیوه

مال و منالون اودلانوب یاندی تالاندی یاحسین

 

سوردولر آتلارین تمام جسم شهید لراوستونه

بو وَلَدِ زِنالیقا گور نه نشاندی یاحسین

 

معراجی جدوون یری عرش خدا اولوب اگر

معراجا گتدوقون مکان نوکِ سِناندی یا حسین

 

درگهوه گدا اولان«عدلیدی»نوحوی یازان

حشریده اولماسان شفیع اود دا یاناندی یاحسین

 

حاج اصغر فرشچی (عدلی تبریزی)