احوالات راه شام 5260

احوالات راه شام

 

اولدی جداده چونکه رخ اکبر آشکار

شوریله ایتدی اهل حرم محشرآشکار

 

لیلا دیدی فدا اولوم اول مه شمایله

اول خط و خال و قاش گوزه اول زلف و کاکله

 

باشین گورنده گلمیوم افغانه نیلیوم

خطین خطردی جان- بو خالین بلا دله

 

من آعلیاندا لنگه دوشر یولدا کاروان

ناله ایدنده زاره گلر اهل قافله

 

گون ایسی یول اوزاق دوه عریان نیدیم اوغول

جانیم یتردوداقه یتونجه منازله

 

نهپیچ پیچ نه خم خمدی یول اوزاق

بوراه شام بنزر او مشکین سلاسله

 

بیردفعه الدوروب سنی اما هزار بار

الم ساتاشاندا گوزوم دست قاتله

 

هرقدرسویدولار منی وار زیوریم هنوز

زنجیر گردنیمده دونوبدور حمایله

 

مرحوم آمل سرابی

منبع کانال گنجینه گذشتگان

احوالات حضرت علی اصغر (ع) بعد از اصابت تیر 5091

احوالات حضرت علی اصغر (علیه السلام)

بعد از اصابت تیر

 

او طفل گوزلرین آچدی حسین قوجاقینده

تبسمی واریدی گل کیمی دوداقینده

 

یقین تبسمی شکرانه شهادتیدی

ولی باباسینه اول خنده رفع خجاتیدی

 

او حال اصغره چونکه حسین ایدوبدی نگاه

تعجبیله دیدی لا اله الا لله

 

چکوب او تیری حسین حلق پاک اصغردن

فغان اولدی بلند اوج عرش داوردن

 

قد چو سرو حسینی خم ایلیوب او خدنگ

اولوبدی گوز یاشی اول خون اصغره همرنگ

 

دوتوب او قانی گلوب دمبدم فغانه حسین

او خون پاکی سپوب سمت آسمانه حسین

 

اوقانه صاحب قان یعنی خالق داور

ایدوب تبرکا امر اخذ ایدوب ملائکه لر

 

او قانیله ویریلوب عرش اعظمه زیور

افقده ایمدیده واردورنشانی شام و سحر

 

ایدردی عرض الهی سن اول گواه حسین

که کربلاده داخی قالمادی پناه حسین

 

منای عشقیده کسمزله چون قوزی قربان

گرک که عاشقه معشوق اولا اوزی قربان

 

مرحوم آمل سرابی

منبع کانال گنجینه گذشتگان

عزاداری به حضرت امام حسین (ع) 4943

عزاداری به امام حسین (علیه السلام)

 

تا وار حیات شاه شهیدانه آغلارام

قان یاش توکوب او قانینه غلطانه آغلارام

 

مدتدی یا حسین دیرم یوخ مذمتیم

باغریم دونوبدی لاله کیمی قانه آغلارام

 

ای سو سبیل ایدن منه سو ویرمه ایچمرم

چوخ تشنه اولسام اصغرعطشانه آغلارام

 

گوز یاشینه گلوبدی قوناق تشنه لب حسین

تا اشکیله ویرم سو او مهمانه آغلارام

 

بیر سس گلورقولاقیمه گویا دیورحسین

بیر اکبر آدلی سرو خرامانه آغلارام

 

باشی دالینجا باجیلارین باغلی قولاری

مجنون کیمی سالوبدی بیابانه آغلارام

 

بیر باجیدا قولدا رسن واحسین دیر

باشی قرالی زینب نالانه آغلارام

 

چکموش حسین نعشینی آغوشینه دیر

بیر نعش پاره پاره عریانه آغلارام

 

گون چوخ دگوب یاراسی سیزیلدار نیدیم که شمر

قویماز چکم بو پیکری بیر یانه آغلارام

 

عباسه آغلیون که اوزاقدا دوشوب دیر

منده سوسوز سکینه عطشانه آغلارام

 

واربیرغریب مجلس ایچنده اودا دیر

منده غریب خاک خراسانه آغلارام

 

سالدی بو سوزخیالیمه موسی بن جعفری

اون یدی ایل سالوبدولا زندانه آغلارام

 

نه ایل نه آی نه هفته من (آمل) دخیلوم

معتاد ایدوبدولر منی افغانه آغلارام

 

مرحوم آمل سرابی

منبع کانال گنجینه گذشتگان

کوچ از قتلگاه 638

کوچ از قتلگاه

 

ایاقه دورشه بطحا که کوچدی کاروان قارداش

جمازبی جهازاولدی بیزه تخت روان قارداش

 

نه خواب نازیدوربیله یاتوبسان استراحتله

بیله یاتما قوری یرده باجون اُلسون حسین قارداش

 

نظر قیل بیر ننوعی گوراسیرشمراولوب زینب

اولوبدور شمردون ایمدی باجیوا پاسبان قارداش

 

وصالوندن اولوب محروم فراقوندان یانارقلبیم

دچار اولدی غمه گوگلوم سنه قربان بو جان قارداش

 

چیخاندا شهریثربدن منه همراهیدی اکبر

منیم محمل کشیم ایمدی اولوب شمرو سنان قارداش

 

قویوبلارگون قباقینده یارالی جسمیوی یرده

مه انورکیمین باشین اولوب زیب و سنان قارداش

 

نیدیم یوخ الده بیرجامه چکم من نعش گلفامه

بغیراززلف پرخونیم یوخ اوزگه سایبان قارداش

 

دگلدی بس مگرباشین اولوب شمربداختر

دوباره ظلمینی ایتدی عیان بو ساربان قارداش

 

جدا استه گزرباشین ره شامه گیدرباشین

چکرآخرنلرباشین  سنون ای مهربان قارداش

 

سکینه ناله سی آلموش قرار و صبریمی الدن

فراقینده زبس ایلر سنون آه و فغان قارداش

 

گوزوم یاشلی گونوم قاره دلیم پرخون ایشیم ناله

قولوم باغلی اوزوم خسته اولوب قدیم کمان قارداش

 

قیام ایتمور ندن جسمین دوشوبدورسجده گاهینده

جدا باشینداداباشین اولوب تکبیرخوان قارداش

 

ایدوبدورآیه تطهیری شانینده خدا نازل

اولوب کهف آیه سی ازبردلینده هرزمان قارداش

 

سنه (آمل) فغانیله بو جمع حاضرینیله

اولوب سینه زنانیله مینده نوحه خوان قارداش

 

مرحوم آمل سرابی

منبع کانال گنجینه گذشتگان