در مدح  حضرت علی اکبر (علیه السلام)

 

مظهر حسن و وفا

 

تا سنون صورتوي خالق معنا ياراديب

مني اول عارضوه محو تماشا ياراديب

 

حسنوون نقشيني نقّاش قضا اهل دله

مظهر حسن و وفا آيت تقوا ياراديب

 

گون كيمي روشن ائدير، كوني جمالون ديه‌سن

حق سنون مه يوزوي عالمه بيضا ياراديب

 

قاشلارون طرحي اولوب مسجده محراب دعا

زلفووون نقشي كليساده چليپا ياراديب

 

لبلرون شهد مصفّا كيمي، عارف‌لره حق

آب حيوانه قدر نوش و مهنّا ياراديب

 

گلشن حسنده اي سرو روان قامتيوي

سرولر ايچره عجب سرو دلارا ياراديب

 

گؤزلريم گورمده، اول گوزلروي، سويلدي دل

الله الله نه گؤزل گؤزلري شهلا ياراديب

 

گوئيا اي گؤ‍زليم روز ازل دست قضا

سني دلدار زمانه مني رسوا ياراديب

 

خلق ائدنده سني معشوق جهان، خالق كون

«فاني» غمزده‌ني عاشق شيدا ياراديب

 

استاد فانی تبریزی

منبع کانال اشعار فانی تبریزی