در ولادت حضرت علی اکبر (علیه السلام) 

 

مدینه عطر جان الدی شمیم زلف اکبردن

تاپوب نور نبوت تازه دن شبه پیمبردن

 

طلوع ماه بطحانی بشارت وئردی یثریبده

هلال هاشمی تا آتدی پرده روی انوردن

 

جمالینان ولایت منزلی ایینه بند اولدی

بهشتی جلوه قدرت نمای حسن اکبردن

 

مه مهر اقترانندن گرورندی کوکب طالع

بسیط تیره خاک افلاکه رشگ اولدی بو اختردن

 

آچیب شهلا گوزون نازیله تا مهم امامتده

آلیب دل بیر نگاهیله خارین چشم عبهردن

 

سر زلف سمن­باری پریش اولجاق جبینین ده

ختا مشگین سالیب قیمتدن،آلدی جذبه عنبردن

 

تبسم لعلی تا گورسندی لعل آبدارنده

آپاردی آب و تاب و جلوه نی یاقوت احمردن

 

دوزولدی قطره شبنم گل رخسارنه گویا

تلالو ایلوری انجم رواق چرخ اخضردن

 

دل عالم سروریله دولوب سیر جمالندن

اودور کوچ ایلدی غم فوجی هر قلب مکدردن

 

ملائک تهنیت گو عرشدن فرشه گلیب صف صف

که تاپسین­لار ضیای دیده اول ماه منوردن

 

دل لیلانی دولدوردی سرور و بهجت وشادی

گوتورسون اولمیوب بیر لحظه گوز اول ماه منظردن

 

بو سوز ایلر تداعی اوزگه بیر مطلب خداوندا

او مطلب شرحینه شرمنده دور هر خامه دفتردن

 

علی اکبرین میلادی دی لال اول دیلیم زیرا

گلور بوی وداع اکبر ولیلا او سوزلردن

 

دئمه نولدی او گونکی ایریلوب اکبر اناسیندان

که بیر ایتدی مطلق شورش و غوغای محشردن

 

بو شعری ارتجالا لطف اکبردن یازییب (عابد)

وگرنه رنجه دور جور سپهر سفله پروردن

 

مرحوم عابد

منبع مجموعه کانالهای مدح و مرثیه