متن نوحه های ترکی و فارسی

احوالات مجلس ابن زیاد ملعون

مقام عشق حقیقیده بیر فضیلت وار

که اهل عشقه او عالمده هر سعادت وار

مثال دایره مخلوق  نه فلک  پرگار

بو عشق مرکز اصلیدی فاش حجت وار

کلام حقیدی  بو  کنت کنز مخفیا

بیان واضح احببَت اعرف علت وار

تمام سلسله انبیا و روح  ملک

مدار عشقیله موجود هر نه خلقت وار

بو عشق حقیده هر کیمسه  شاهراهی  تاپوب

او شخصه عالمیان  ایچره قدر و قیمت وار

بو سلک عشقیده چوخ سالکان اعظم اولوب

ولی حسین کیمی کیمده علو همت وار

طریق عشقیده معیار شوق  تامیله

وله عوالیمی کشف اولدی چون حقیقت وار

کمال ذوقیله متروک ما سوانی ایدوب

او اشتیاقیده مشتاقه قرب وحدت وار

نجه وفا و محبتده  قویمادی نقصان

قبول ایدوب نه که معظم اولان مصیبت وار

قبول طاعتیله اولدی چون فنا فی الله

اودور که رتبده  ثارالهه  اشارت وار

رضای حقدن اوتور کیچدی چون جدایه باشی

اوجالدی اوج مقاماته هر چه رفعت وار

بیان افصحیله  کوفیانه  ایتدی عیان

جداده آیه کهفیله خوش قرائت وار

او باشه ایلدی چوخ  ظلم ابن مرجانه

ز بسکه نطفه ی شیطا نیده  خباثت وار

او باشی قویدی برابرده  چونکه ابن زیاد

الینده چوب و اورکده  زبس  شقاوت وار

گتوردی مجلسینه هم بنات زهرانی

او مجلسی که تمام اهلی بی مروت وار

عمومه ویردی اجازه او کان بغض و عناد

گلوبدی مجلسه هر قدر بی شرافت وار

نجه او بزمه اولوب حاضر اهلبیت رسول

تعجبم نجه صبر خداده وسعت وار

بویوردی  حضرت زینب او با نوی عفت

کنیز و خادمیه  هر نه اهل عصمت وار

منی بو مجلس آرا  اوز آدیملا  سسلمیون

که بو مقامیده چوخ باعث اذیت وار

تا نوماسین منی بیر کس بو شوم مجلسده

که داغدار اورگه آتش  شماتت وار

کنیز و خادمه لر اهل بیتیله با هم

آلوبلا دور و برین هر قدر که قدرت وار

او جمعه دقتیله با خدی گوردی ابن زیاد

شکسته حالتیله بیر بلند قامت وار

سئوال ایتدی بو کیمدور اوزین ایدر مخفی

جواب اولمادی اصرارینه  روایت وار

دو باره ایتدی سئوال  تا که گلدی قصدی اله

او بیحیاده گورون بیر نجه شقاوت وار

همینکه آنلادی زینبدی گلدی تعریضه

شماتته دل آچوب دلده چون عداوت وار

دیدی که حمد اولا منانه الله الدوردی

سیزی و ایتدی یالان هر حدیث و آیت وار

جواب ویردی او بی دینه  زینب کبری

بیز اهلبیته حقیقتده چوخ کرامت وار

ایدوب گرامی بیزی حضرت پیمبریله

بو خوانوادیه  منسوب اولان رسالت وار

ایدوبدی پاک بیزی رجسدن خدای غفور

بیز اهلبیته صریح  آیه طهارت وار

بو گون یا لانچی اولار مفتضح  حقیقتده

سوادی بیزدن  اوآیری کسانه  نسبت وار

ایشتدی  بو سوزی اولدمده  ابن مرجانه

اولوبدی چوخ غضب آلود چون شقاوت وار

دیدی جواب ویرورسن منه بو نوعیله ؟

نقدری سیزده بو گون جرئت و جسارت وار

او دمده زینبی قصد  ایلدی  او بد فطرت

الینده چوب  خیالینده  کبر و نخوت وار

تصور ایله او بیرحمی ایله حالیله

او مجلس ایچره  او خاتونیده نه حالت وار

تصور ایت نجه شوریده حال اولوب اطفال

او بزمیده اسرایه  عیان قیامت وار

الهی لطف ایله بو (حصنی) فلک زدیه

بو دهریده نه که  توفیقیله اطاعت وار

مرحوم حصنی خوئی

منبع کانال گنجینه گذشتگان