متن نوحه های ترکی و فارسی

در جلالت حضرت فاطمه زهرا (سلام الله)

ای بیان خلق و خلق و منطقی منشور نور

اصل و فرع و هیئتی ماهیتینده نور نور

عالم ناسوتیده منصوره اسمی ظاهرا

نشئه لاهوتیده ذاتا اولان منصور نور

گون نجه فرط شعاعیندن گورونمز بیر گوزه

عزتین اوج جلالتدن اولوب مستور نور

نور الانواره مثلسن غایه ا لقصوای زهد

عصمتین اوج کمالی لمعه موفور نور

غیر معصوم اولمادی گورسون فروغ عصمتین

گون کیمی اولدی وجودون هر گوزه مهجور نور

وحی منزل تک حلول ایتدون ولایت بیتینه

ایتدون اول کاشانه نی مقصوره معمور نور

هاردا ترکیب عناصردن دیوم ابداعیوه

رق منشوره یازوب حق أیت مسطور نور

سن او دریای عنایت سن که حق تقدیر ایدوب

سندن اولسون منتزع هر لولو منشور نور

سن موید سن موید اصطناع حقیدن

تا زمان وار اولماز اولسون مدت مفصور نور

حقی باطل عدلی ظلم امکانی یوخ سرکوب ایده

دوتسا ظلمت عالمی قهار اولار مقهور نور

صبحی باطل ایستدی شام ایتسون اما بلمدی

صبح صادقدور همیشه لیله دیجور نور

نوره ظلمت یوخدی امکانی غشا اولسون بلی

پوزدی امواج ظلامی همت مشکور نور

سنله اسرار مکارم عالمه مکشوف اولوب

هر نهان ظلمات امکاندور اولار مشهور نور

بیر قاپو یانماق دیمم سیندوردی اجلالون سنین

شعله سیندن بلکه دوتدی کایناتی شور نور

شب پرستان اولدولاررسوا هامی ادواریده

طالع اولدی گون اولوب اهل ظلم منفور نور

یانمالیدی اول در رحمت ایا صاحب زمان؟

عامل بو کینه ممکندور اولا معذور نور؟

لا یمین الله بیله بیر ظلمه یوخ امکان عذر

بو جفایه اولمادی صبر ایلماق مقدور نور

صدر مصدومون دیمم نقصان قدر اولدی سنه

معنی انی انا اللهه مثلدور طور نور

سرو تک دوشدون ایاقدان لیک جور و کینه دن

سنگ بیدادیله سیندی ساغر بلور نور

گوزلرینده موج اشکی بلمورم گوردی علی

یا گوروب طوفان درد لجه مسجور نور

دیده حق بین حق یاغدوردی اشک لعل گون

تا اولوبدور شاهد أئینه مکسور نور

نور سن نور ای هامی انواره مطلع فاطمه

منطق قدسیده سنسن وازه مذکور نور

خامه اولمازدی یازا اوصاف نوری مطلقا

اولماسیدی بو نگریشده اگر دستور نور

قلب (عابدده) نقدری زنگ وار أگاهسن

پاک اولار زنگاری لازیمدی اولا منظور نور

گوهر اعمال خیره اولمیوب چاتسون الیم

دست خالی گلمیشم در باره گنجور نور

ویر غبار أستانیندن جواهر سرمه تا

دیده کم سوی خاطر اولماسین رنجور نور

 مرحوم استاد عابد تبریزی

منبع کانال گنجینه گذشتگان