متن نوحه های ترکی و فارسی

حضرت امام حسین (علیه السلام)

کلمه ایمانیده معنای ایماندورحسین

مظهر جود و عطای حی سبحاندورحسین

وصف بی پایانینه عاجزدی اوهام و عقول

شانیده اجلالیده والای انساندورحسین

آلتی مین هم آلتی یوز هم آتمیش آلتی آیه نین

هرحروفینده اولان معنای قراندورحسین

سائله ایلرنظر حرمت حصارین حفظ ایدر

صاحب جود و کرم دریای احساندورحسین

ویردی انگشتر سلیمان جودیله اهریمنه

جود و احسانینده مولای سلیماندور حسین

تربتی افلاکیانین پربها پیرایه سی

حبی جنتدن گوزل مافوق رضواندور حسین

نه بهشت و حوروکوثرنه صفای سلسبیل

سلسبیل و کوثر و جناته عنواندورحسین

گلستان عمرینین وارباطراوت گللری

مو بمو باشدان باشا صحن گلستاندور حسین

باشه چکدی عشقیله عهد و وفا پیمانه سین

کربلاده ظلم الیله خانه ویراندورحسین

دورینه جمع ایتدی یتمش بیرنفرانصارینی

تاج کرمنا باشیندا شاه عطشاندورحسین

یوز قویاندا قتلگهده ایسی قوملاراستینه

گوردی دشمن گل کیمی شاداب و خنداندورحسین

قوردی بزم عاشقانه اول زمین عشقیده

عرض ایدوب یا رب اولان  عشقینده عنواندورحسین

یوخدی حاجت شرح حالیمدن گورورسن سن منی

اودلانان پروانه تک  عشقینده سوزاندورحسین

هرنه لطف ایتدون منه تقدیم خدمت ایلدیم

بیربیله الطافیوه بو گونده حیراندورحسین

نه دلیله من دیوم بو یوخلوقومدان من منم

وارلیقیم سنسن سنیله هردم و آندورحسین

ویدی جانین حقه حق بیحد اوجاتدی شانینی

حق یانیندا خدمتی تحسین و شایاندورحسین

نازایدوب آب فراته ایچمدی اول رادمرد

عشقیله اوزدیننه لب تشنه قرباندورحسین

میزبان عالم امکان یارالی باشیله

کوفه ده خولی لئیم الناسه مهماندور حسین

عرش حق پیرایه سی اولدی تنورین زینتی

حضرت زهرانی گوردی دیده گریاندورحسین

چنگ وور محکم متین سنده حسین دامانینه

مشکلی آسان ایدن هردرده درماندور حسین

 مرحوم مجید متین تبریزی

منبع کانال گنجینه گذشتگان