حضرت امام زمان (عج)

 

وصال شمعه کیم گورموش یئته پروانه بیر یاندا؟

شرار وصله بیر یاندا یانار، هجرانه بیر یاندا

 

دوشر تشویشه مرغ دل، گورنده یاریمین زلفین

صبا ایلر پریشان بیر طرفده، شانه بیر یاندا

 

گرفتار اولماسا گونلوم قوشی، جای تعجبدور

اولوب بیر یاندا زلفون دام، خالون دانه بیر یاندا

 

یخلدی ساقی مجلس، گورنده چشم مخمورون

جالاندی باده بیر یاندا، دوشوب پیمانه بیر یاندا

 

جمالین گوستره یاریم، سکوت محض اولور عالم

اویار فرزانه بیر یاندا، دورار دیوانه بیر یاندا

 

ایکی یول واردی مقصوده، یاخیندیر هانکیسی بیلمم

منا و کعبه بیر یاندا، در میخانه بیر یاندا

 

(کلامی) عشقدن یان دور، کی یاندی آتش عشقه

نهاد شمع بیر یاندا، پر پروانه بیر یاندا

 

مرحوم بدایعی (کلامی تبریزی)

منبع مجموعه کانالهای مدح و مرثیه