متن نوحه های ترکی و فارسی

در مدح و میلاد حضرت علی اکبر (علیه السلام)  

عشقیوی عشقیله تا حی توانا یارادوب

بیزیده عشقیوه دلداده و شیدا یارادوب

نقشیوی نقش ایلین وقتیده نقاش ازل

قدرتین ظاهرایدوب نقشیوی غوغا یارادوب

قامتونده سنون ای سروگلستان نبی

مین قیامتجه قیامت حق یکتا یارادوب

نوررخسارین ایدر مهر و مهی شرمنده

سوره نوره خدانوریوی معنا یارادوب

خلقاوخلقاومنطقده سنی حی ازل

یارادان وقتیده چون حضرت طاهایارادوب

یریشون ختم رسلدی باخیشون عین بتول

سنی حق سهم و صلابتده چومولا یارادوب

سنده الحق که خلاصه اولونوب کلمه حسن

حق تعالی سنی زیبالره زیبا یارادوب

ماه رخساریوی کیم گورسه دیر حیرتدن

قادرالله نه گوزل ماه دل آرا یارادوب

سن هارا یوسف مصری هارا الحق اونی حق

حسنیده قطره ولیکن سنی دریا یارادوب

یوسف حیرتده قالار قیلسا نظاره یوزیوه

نیه کی تاری سنی حسنیده تنها یارادوب

قاشلارون همچو گمان,ناوک مژگانون اوخ

اوشیرین لبلریوی لعل شکرخا یارادوب

هاشمی خالون اوزونده ایکی دنیانی آلار

یوزده کی خال لبون محشرکبری یارادوب

دلبرا سنسن اودلبر هامی دلبرلری حق

دلرباگوزلریوه محو تماشا یارادوب

سنی ای یوسف زهرا نه فقط لیلانی

بلکه دنیالری شیدا و زلیخا یارادوب

«یاسرا» سن هارا توصیف علی اکبر هارا

سنی حق نوکر,اونی سرور ومولا یارادوب

کربلایی یاسر رستگار حسنی