احوالات راه شام

 

باخ بو قومون علی جان کینه سینه

دلِ لیلانی ویروب نیزه سینه

 

طوطی آینهء حُسنِ جهان

رشکِ پیرایهء ایوانِ جنان

نیزه داره دئنه بیر لحظه دایان

تا نظاره ایده بیچاره آنان

نیزه ده باری اوز آیینه سینه

 

سینه ده داغون ایدر ناله اوغول

دلِ هجران یانی بو حاله اوغول

قالمیشام گور نجه احواله اوعول

داغیمی گورسه اگر لاله اوغول

داغِ حسرت چکلور سینه سینه

 

سنیدون باغِ امیدیمده نهال

سنیدون حاصلِ عمریم مه و سال

ایلمه بی کس آنان غرقِ ملال

چکدیقیم زحمتی بیر یادیوه سال

حیف آنان زحمتِ دیرینه سینه

 

نیّرِ حُسنوی مستور ایلدون

منی مجنون کیمی مشهور ایلدون

صبحیمی لیلهء دیجور ایلدون

عالمِ ظلمتی منظور ایلدون

بو وفا گوهری گنجینه سینه

 

باشوی نیزه ده دونان آپارور

آردیجا جمعی پریشان آپارور

ظلمی اثباتینه عنوان آپارور

زادهء هندیه مهمان آپارور

گوستره مجلس و کابینه سینه.

 

منبع مجموعه کانالهای مدح و مرثیه