متن نوحه های ترکی و فارسی

حضرت امام حسین (ع)

من بیر گناهکارم ، یوزوم قاره یاحسین

ایله اوزون بو روسیهه چاره یاحسین

چوخ ایتمیشم خطا ، منِ بی دادخواه نِدیم؟

سن ایتمسن عطا منه گر ، نه علاج ایدیم؟

قؤوسان منی قاپوندان آقا بس هارا گیدیم؟

بو دردیمی دیینمرم اغیاره یاحسین

ناچیز بیر کسم دیمورم کامه یتمرم

ایتسن قبول ، حسرتِ فردوس ایتمرم

بو آستانه دن منی قؤوساندا گیتمرم

سالدیم اوزیمی من بو نمک زاره یاحسین

باشدان ایاقه غرقِ گناهم گواهسن

گیتدیم هارا گیت دیدیلر روسیاهسن

بولدوم گناهکارلره سن پناهسن

لطف ایله صاحب اول بو گُنهکاره یا حسین

ای فاطمه عزیزی ، جگر گوشهء رسول

سن ایتمه سن قبول منی کیم ایدر قبول

گَل ایلمه رقیّه وه خاطر منی ملول

یوخ نسبتی اگر چه گُلون خاره یا حسین

باشوندا یاحسین سنون الطاف تاجی وار

نه تک منیم ، سنه هامونون احتیاجی وار

ایله علاج سنده بو دردین علاجی وار

ای چاره سیزلره ایلین چاره یا حسین

سن شهریار مَحرمِ رازِ حریمسن

وار سنده خُلق ، زادهء خُلقِ عظیم سن

سن قووماسان گدانی قاپوندان کریم سن

عفو ایلسن کیم سنه یالواره یاحسین

بیر کیمسه تاپمادیم که اولا دردیمی قانان

فکر ایلدیم اولار گوره سن حالیمه یانان

گوردوم عزا دوتانلارا ایلور نظر آنان

منده اوزیمی قاتدیم عزاداره یاحسین

تندن منم غمونده عزا رختی سویمیان

سن جود چشمه سی ، سنه من تشنه دویمیان

ای اکبریله قاره قولا فرق قویمیان

لطف ایله شرمسارم یوزوم قاره یاحسبن

حق جاده دور بو یول ، سچیلن بو یولی گیدر

بیر چشمه دور ، بو چشمه همیشه دولی گیدر

ناپاک گلسه بو درگهوه پاک اولی ، گیدر

جانلار فدا اولا بیله درباره یاحسین

اشکیم یازوبدی صفحهء رخساره بو سوزی

نوکر ویرنده جان آقاسین آختارار گوزی

جان ویرمرم دیَر که آقام گلمسه اوزی

بیر مایلم جهاندا بو گفتاره یاحسین

گلسه اجل وقتینی قویماز گجه آقا

یالقوز قالام رضا اولاسان سن نجه آقا

تک قویما قبرده منی اول گجه آقا

وار احتیاجیم اوندا بو دیداره یاحسین

گجه در مصرع اول به معنای : دیر کردن

گر لطفون اولسا دلده کی درده دوا بودی

آلسان شکسته گوگلومی ، لطف و عطا بودی

نه عزّ و جاه ، دلده اولان مدّعا بودی

سنسن گواه ، هر دل و اَسراره یاحسین

جان اوسته لطف ایله چوورم قِبلَم ، یوز سنه

تا جان ستان گوروب سنی رحم ایلیه منه

آسان آلا بو جانی یتم بلکه ایمنه

مرهم تاپا دلده اولان یاره یاحسین

من (اعظمی) قاپوندا نه مدّتدی بیر ایتم

سن صاحبیم اگر اولاسان قویماسان ایتم

قؤماز منی ، محبّت ایدر هر کیمه یِتَم

وار نسبتیم گورر کی بو درباره یاحسین.

مرحوم اعظمی تبریزی

منبع مجموعه کانالهای مدح و مرثیه