متن نوحه های ترکی و فارسی

در مدح حضرت زهرا (س)

آفتاب و قمر منوّر اولوب ، نورِ روی نکوی زهرادن

روضهء خلد اولوب بسیطِ زمین ، لالهء باغِ روی زهرادن

غبطه ایلر سرای عزّتینه ، مسجد و خانقاه و دِیر و کِنشت

یوخ زنانِ جهانِ خلقتده ، دخت طاهاده کی نهاد و سرشت

سهلدور عالمِ امکان ، سِدرةُ المُنتهی' و هشت بهشت

تا قیامت اولوبدی عطر آگین ، نکهت و عطر و بوی زهرادن

صبحدم زلفِ مشگبارندن ، ایلینده صبا گذر هر دم

نفحاتی اسنده هر طرفه ، گیسوی عالمی ایدر بر هم

عندلیب ایلیوب بهانه گلی ، هر چمنده صبائیله باهم

آختارولّار که کامه یتسونلر هر بیری جستجوی زهرادن

باغلانوبدی طنابِ حُکمنده جمله چار امّهات و هفت آبا

قدری رفعتده رفعتِ گردون ، طبعی وسعتده وسعتِ دریا

پرده پرده فضای لاهوتی ، دولدوروب صوت و بانگ یازهرا

کون و امکان اولوبدی آکنده ، صحبت و گفتگوی زهرادن

بیرده هیهات دیدهء عالم گوره زهرا مثالی بیر بانو

بئله گُله بیرده پرورش ویرمز ، باغبانِ حدیقهء مینو

موقفِ عرضِ راز و حاجتده هر زمان طرح اولاندا صحبتِ هو

ذکر و تسبیح و سجده رتبت آلار ، آب صافِ وضوی زهرادن

عالَمِ عصمتنده حیراندور ، تالی حجب و عفّت و ناموس

رأفتی چشمهء حیاتِ بشر ، رحمتی بیکرانه بیر قاموس

جنبش و خشم و سطوتِ دریا ، موج و بیم و خروشِ اقیانوس

کسب ایدر بردباری و تمکین ئوزونه آبِ جوی زهرادن

جلوه گردور فروغِ رحمتدن ، مِهرسا طلعتنده نورِ جلی

چشمهء جود و بحر و فضل و کرم ، منبعِ فیض و بخشش ازلی

شیرِ داور ، امامِ کون و مکان ، جانشین نبی ، علیّ ولی

سرخوش و مستیدور ازل گوندن ، مِی نابِ سبوی زهرادن

فاطمه ماه برج عصمتدور ، فاطمه کوکبِ سعاتدور

هر کیمه لطف اوزیله محشرده ، بیر نظر ایلسه کفایتدور

برترین ناطقِ زمانه هنوز ، غرقِ دریای وهم و حیرتدور

پردهء حکمت و جلالتده راز و سِرّ مگوی زهرادن

گلمسیدی وجوده دختِ نبی ، دور ایتمزدی دورنه دوران

دستِ قدرت او حضرته خاطر ، چرخِ گردونی ایلیوب گردان

هرگز اولماز خطا ، بیان ایلسم ، بو سوزی نور و ظلمتِ امکان

نوری آیتدی روی زهرادن ، ظلمتی تارِ موی زهرادن

گورماقا ماهِ عصمتین ، فلکون ماه و خورشیدی آرزو ایلر

زلفِ مشگیننه صبا دگسه ، عالَمی غرقِ عطر و بو ایلر

جبرئیل امین او شأنیله ، ئوزونه کسبِ آبرو ایلر

خاکِ مشگینِ کوی زهرادن ، شرف و آبروی زهرادن

درگهِ عزّتنده دستِ فلک ، ایلیوب نقش عَبدهُ و فَداه

دولتی ، مُلکِ دولتِ عشقه ، آرتوروب وَقر و قدر و عزّت و جاه

بیر گجه ایلینده خالقدن ، مرگینی آرزو او سِرّ الاه

قالدی حیرتده اهلِ خلدِ برین ، دلده کی آرزوی زهرادن

باغلانوب بو ملیکهء عشقین ، التزامینده حوردن موکب

دوزلوب دورِ ماهِ عصمتینه ، آسمان قدری بیر نچه کوکب

مُهجهء قلبِ مصطفا و علی ، آدی علیا مکرّمه زینب

آز زماندا ارث آپاروب ، عادت و طبع و خوی زهرادن

خلقت و خلقِ کون و امکانه ، فاطمه خلقتی اولوبدی سبب

بانوانِ جهان بو بانودن ، اخذ ایدوب درسِ احترام و ادب

ایتمه غفلت حسینله حسنین ، درگهندن سیادت ایله طلب

ال گوتورمه نقدر عمرون وار ، اول ایکی ماهروی زهرادن

(صالح) اولما ملول صدقیله ، سال ئوزون بابِ مرتضایه دخیل

خواجه اوز نوکرین عزیز ایلر ، ایستمز هر ایکی جهاندا ذلیل

ذرّه لطف و نگاهی فاطمه نون ، دشتِ ظلمتده خضره اولدی دلیل

سرمهء دیده ایلدی اوزونه ، عمرجه خاکِ کوی زهرانی.

 صالح علی نژاد (صالح)

منبع مجموعه کانالهای مدح و مرثیه