در ولادت حضرت رسول اکرم (ص) 5462
بداهه سرایی شعرای آئینی در
گروه تلگرامی مجمع شعرا و مادحین
مختار وطن پرست (نگین)
نور یزدان بو گون عالمده تجلّا ایلدی
کنتُ کنزاً سوزینی عالمه معنا ایلدی
طهمورثی (عتیق)
بو گیجه خلقتی خالق اوزی معنا ایلدی
یارادوب فرد فرید عالمه مولا ایلدی
طهمورثی (عتیق)
بو گیجه خلق ایلدی خلقه خدا راه نجات
نور ذاتیله ایشخلاندی تمام ظلمات
بو دم اول دمدی که باشلاندی بهار صلوات
بشره اوز یولونی حق نه محیا ایلدی
طهمورثی (عتیق)
بو گیجه خلق ایلدی خلقینه نور ازلی
ایکی خورشید منور که جهان اولدی جلی
بیرسی دینی گتوردی بیری ایتدی عملی
شیعه نون مذهبینی مذهب والا ایلدی
سالار
آچیلیب دامن عالمده فضیلت چیچکی
عطر ایمانی دوتوب عالمی عصمت چیچکی
خلقتین آچیدی گلستانینه رحمت چیچکی
نفس عیسویسی عالمی احیا ایلدی
خلیل آسانی
چیخدی خورشیدنبوت افق تقوادن
اوج ائديب بانگ شعف کنگره ی دنیادن
قامت چرخ فلک گیدی ردا دیبادن
یرئوزون مقدم طاهايه مهياائله دی
سالار
جلوه سی سالدی تزلزل حرم بیداده
گتوروب یئر اوزونه بیر منش آزاده
بو منشدندی اولوب عالم اونا دلداده
گلمه سی گور نه قدر سودی مهیا ائلدی
خلیل آسانی
وقت اولوب آیه به آیه آچیلا رمزکتاب
عالمه جلوه ی تازه وئره بیرگوهرناب
دست حق سرّازلدن ائله دی ردّحجاب
یرگویون رشته ی پیوندینی احیا ائله دی
مختار وطن پرست (نگین)
تا قدم رنجه قیلوب عالمه بو خُلقِ عظیم
مقدمین بوس ایلیوب صاحب هر قلب سلیم
عبد تک بنده اولوب درگهنه شاه و زعیم
که تواضع اونا هر منصب والا ایلدی
محمد هوشمند
بو گجه عطر گل عشق ایله دی عالمی مست
مرکز بت ده گلیب عالمه بیر حق پرست
طاق کسری نجه گور اگدی باشین تاپدب شکست
حق اوری قدرتین اظهار و هویدا ایله دی
سالار
دوزدی دنیایه قدم قویدی ولی اعلادی
رتبه سی ملک و ملکدن ده اونون والادی
هامی پیغمبره پیغمبریمیز مولادی
قاب قوسین سوزون حق اوزو انشا ائلدی
مختار وطن پرست (نگین)
اَلله اَلله نه عجب غنچه لنوب باغ جهان
گوئیا گلشن غبرا دولانوب اولدی جنان
بیله بیر غنچیه مین گلشنِ رضوان قربان
گلدی دنیانی بو گُل جنت الاعلی' ایلدی
مختار وطن پرست (نگین)
احمد مرسَل حق، منبع نور ازلی
مصدر نور جهان، نیّر پرفیضِ جلی
بیله بیر نوره فدادور هامی آفاق، بلی
چشمهء نور خدا بونلا تجّلا ایلدی
خلیل آسانی
لمعه،لمعه یایلیب عالمه نورنبوی
کیمدی اولسون بله بیرنوریله خلقتده سوی
قدرت بی بدل ذات خداوندقوی
حقه اعمی اولونان گوزلری بیناائله دی
سالار
طلعت نور جمالی گونی مبهوت ائلیوب
تا تجلا ائلیوب نیری فرتوت ائلیوب
نفسی سنگ وجودی زر و یاقوت ائلیوب
بلی احمددی گلوب بیر بله غوغا ائلدی
مختار وطن پرست (نگین)
گر بحار اولسا مُرکَّب، هامی اشجار، قلم
کاتبی انسیله جنّ اولسا و یا حورِ ارم
اولماز اوصاف نبی حشره قدر، قطره رقم
هر کس اوز عقلیجه اوصافنی انشا ایلدی
مختار وطن پرست (نگین)
گرچه خلقت هامی کَلْماتِ حقِ یکتادی
مجمعِ کلّ ِ کلامی صُحُفِ والادی
او کلامون یری ده قلب شه بطحادی
دست قدرت بیله اوز سرّینه دارا ایلدی
طهمورثی (عتیق)
جلوه سین حقدن آلوبدور بلی بو جلوه لی نور
کیم گوروب حسن جمالین ایلیور وجدیله شور
اذن آلوب کل ملائک ایلیوب یرده وفور
ای عجب یر یوزینی جنت الاعلا ایلدی
مختار وطن پرست (نگین)
دیسه هر کلمه نبی، وحی خدادور مطلق
وصل اولوب ذات خداونده، اولوبدور برحق
حق علی له بویوروب اولموش علی ده باحق
بو سوزی اهل ولا عُروهء وُثقی' ایلدی
مختار وطن پرست (نگین)
رفرف عشقیله معراج ایلدی آفاقه
تا یتوب قوسِ بلندای علی الاطلاقه
اونداکی باشلادی خلّاقیله استنطاقه
گوردی که صوت علی دور اونا نجوا ایلدی
یدالله فاضل زاده
بوولادت هامی عشاقه صنوبرویردی
اوچماقاقوشلارایچون خالق ئوزی پرویردی
آقادنیایه گلوب جلوهٔ دیگر ویردی
بیزمسلمانلاری ئوز عشقینه شیدا ایلدی
مختار وطن پرست (نگین)
سوروشوب بیر گونی سلمان که ای پاک، نبی
شرف عالم عُلْوی، شه لولاک، نبی
سرّ اسرانی بویور ای مه افلاک، نبی
سرّالاسراری او شه عالمه افشا ایلدی
مختار وطن پرست (نگین)
بویوروب وجد تمامیله او دم پیغمبر
اولا هر دلده اگر ذرّه جه حبّ ِ حیدر
آتش قهره دچار ایتمیه جاقدور داور
بیله بیر حکمی خداوند، اوزی امضا ایلدی
منبع مجموعه کانالهای مدح و مرثیه
با سلام