در ولادت حضرت ابوالفضل (ع)

 

بو گون وجودِ ابوالفضل گلدی ایجاده

حسینه قدرتِ بازو ، یاراندی دنیاده

 

علی کیمی آتا ، عبّاس تک مولود

مُسلّم امریدی ، صد مرحبا بو میلاده

 

ایشتیدیلر چون اونون مژدهء ولادتینی

اولوب تحوّل او دم دودمانِ زهراده

 

ایله وجوده مُساعددی مرتضا اتگی

که پرورش تاپا ، شک یوخدی بو مُعمّاده

 

شکفته لندی او گل ، گلستانِ حیدردن

جمالی آی تک ایشقلاندی سطحِ غبراده

 

قضیّه نشر اولونوب خاندانِ عصمتده

گلوبله دیدینه آل علی او اثناده

 

تمام او سروره عرض ایتدیلر مبارکباد

اولوبدی منعکس اول بزم ، چرخِ خضراده

 

آلوب ال اوسته علی ، ظاهرا" محبّت ایدوب

بیر آیری نکتیه قیلدی اشاره معناده

 

اوپوب ایکی الین ، اخبار اولوندی آینده

گوروندی منظرهء کربلا او مأواده

 

قلم قصور ایدر اندازهء وفاسیندن

ولی مُبرهن اولور مِهری بیر بو ایماده

 

خلافِ عُرفدی هر چند تازه مولوده

گوروندی خارقِ عادت ، او طفلِ زیباده

 

اگر چه جمعیدی افرادِ با وفا تک تک

ولی حسینه باخاردی مدام ، او شهزاده...

 

قسمتی از اشعار مرحوم استاد خوندل تبریزی

منبع مجموعه کانالهای مدح و مرثیه