متن نوحه های ترکی و فارسی

مناجات

دنیایه بیرده گلسم اگرمن اوتانمارام

ابنای خلقتی داخی بیرده اینانمارام

بیریارمهربان منه سنسن خدای من

سندنصورا بیراوزگه سینه آرخالانمارام

چوخ غفلت ایلیوب سنی یاددان چیخاتموشام

ای کایناتی خلق ایلین حقی دانمارام

گرسن منی بو خواب عدمدن اویاتماسان

عالمده وار نقدرحیاتیم اویانمارام

قدرت الین اگرباشیما اولسا سایبان

نامرد سایه سینده گیدوب دالدانمارام

اهل زمانه نین ایشی عالمده رنگیدی

ئولسمده من بو خلقیله همرنگ اولانمارام

بیریرتاپانمورام که بشراوردا اولماسین

تاپسام اگربو شهریده بیرآن دایانمارام

مجنون کیمی گیدوب گزرم منده چوللری

جنس دو پا اولان یره اصلا دولانمارام

ببر و پلنگیله اولا بلم من آشنا

بیر کلمه اونلارین سوزینی گرچه قانمارام

درنده شیریله یاشاماق سهلیدورمنه

اوزنوعمین مصاحبتین سهل سانمارام

چوللرده باتسا خارمغیلان ایاقیمه

یتمز ملال قلبیمه هرکزاوسانمارام

(حداد) اولوب بو شهریده بیر عمریانموشام

اوددوتسا یانسا گر چه جهان اهلی یانمارام

مرحوم حداد تبریزی

منبع مجموعه کانالهای مدح و مرثیه