متن نوحه های ترکی و فارسی

زبانحال حضرت رقیه (سلام الله)

خوش گلموسن خرابیه ای مهربان بابا

من بیکسو فلک زدیه میهمان بابا

مدتدی سالموسان منی گوزدن ندندی سن

باغریم اولوب خرابه ده چون لخته قان بابا

سن سالموسان یادیوه وار بیرقیزیم منیم

کنج خرابه ده ایلیوبدی مکان بابا

شمرین الیندن ای بابا وار چوخ شکایتیم

یتمزتمامه گرایلیم من بیان بابا

کسدی سنین باشین دالیدان جون او بیحیا

ووردی جدایه ایلدی زیب سنان بابا

ایتدی اسیر او دمده من زارو مضطری

ظلمیله اگدی قدیمی ایتدی کمان بابا

ووردی طناب بوینوما سویدی لباسیمی

شامه طرف جفائیله ایتدی روان بابا

یوخ حالتیم دانشماقا آغرورمنیم باشیم

یولاردا بسکه قمچی ووروب ساربان بابا

هربیرغمیمدن آرتوق اولوب بو مصیبتیم

چون یادیمه دوشر اولارحالیم یامان بابا

گه ناقه استه گاه پیاده ایاق یالین

گلدیم دیار شامه من ناتوان بابا

داخل اولاندا شامه تماشایه چیخدیلار

شام اهلی مین سروریله پیرو جوان بابا

بازارو کوچه لرده اسیرحبش کیمی

ویردی عبوربیزلری شمرو سنان بابا

بزم یزیده چکدیله چون اشقیا بیزی

گوردوم من ستم کش او دمده عیان بابا

مجلسده حاضرایلدی باشون یزید دون

ووردی بو قانلی لبلریوه خیزران بابا

قویما جزا گونینده قالا خوارو دیده تر

(مچمر) سنین غمونده اولوب نوحه خوان بابا

مرحوم مجمرشتربانی

منبع کانال گنجینه گذشتگان