آمدن حضرت جبرئیل به قتلگاه

 

آچدی تا خلوتگه دلبرده شهپر جبرئیل

تاپدی خلوتگاهیده احوال دیگر جبرئیل

 

عالم امکانی دوتموش بیر سکوت مرگبار

اضطرابیندن آتوبدور باشدان افسر جبرئیل

 

عرش فرش اولموشدی یا که فرش عرش

حیرتیله سسلنوب الله اکبر جبرئیل

 

حال حیرتده عوالم بُهتده خیل رُسل

حضرت عزرائله دوردی برابر جبرئیل

 

عکس یاری منطبق مرآت احمرده گؤروب

وادی وصلی ائدوبدور عینه منظر جبرئیل

 

خون سرخ ثار ثاراللّهدن ایثاردن

گؤردی دؤنموش احمره اسپهر اخضر جبرئیل

 

حسّ ائدوب عشق الله الله ده وار حال وَلَه

گؤردی شکل ایلور عوض دلبرله دلبر جبرئیل

 

وصل گاه عشق اولوبدور نقطۀ عطف العُطوف

سپدی بزم عاطف و معطوفه عنبر جبرئیل

 

زینب کبرانی نه احوالیده گؤردی دئدی :

مقتله عازمدی گو : الله دیگر جبرئیل

 

یا الوهتده الوهیّت مقامین آختارور؟

واردی زینبده بولوردی عِرق حیدر جبرئیل

 

جمع جمعیت تاپوب مقتلده عشق ذوالجلال

آلدی عشق الله دن گلگونه ساغر جبرئیل

 

زیرشهپر باشه چکدی ساغر عشقُ اللّهی

تاپدی عشق اللّهدن کبریت احمر جبرئیل

 

عاشق عشق اللّهه شبگیر خلوتگاهیده

زیر خرقه بذل ائدر شبگیره ساغر جبرئیل

 

معنی اِلقاءِ ایحایه یتر میخانه ده

عاشق صافه وئرنده آتش تر جبرئیل

 

 استاد شبگیری

منبع مجموعه کانالهای مدح و مرثیه