زبانحال حضرت زینب (سلام الله)

به حضرت امام حسین (علیه السلام)

 

بو یر نه یردور آرامون آلدی

گل تک ندندور رنگون سارالدی

 

نیه رخساره، توکوسن قان یاش

منه بو سری، قیل عیان قارداش

بو یر او یردی ای شاه محشر

ویرمیش خبر اوز جدیم پیمبر

بوردا اولارسان آماج خنجر

 

تاپار ال دشمن، سنه بو چولده

یته جاق چوخ غم، منه بو چولده

غم یاغدیرور بو دشتین فضاسی

بو سرزمینون وار ماجراسی

آغلار گوزون من اولام فداسی

 

یوزه چوخ توکمه، بیله گوزیاشون

هله صاقدور وار، نچه قارداشون

دورینده فعلا وار یار و یاور

دوغرانمیوبدی شهزاده اکبر

وار چوخ جلالون اولما مکدر

 

منی بو حالون، گتیرور درده

آخوری اشکون، بو رخ زرده

ای شهریار دنیا و عقبی

سنلن شرافت تاپدی بو صحرا

بو یردی رشک فردوس اعلی

 

بویوروب زهرا، من مدهوشه

آلاجاق بو یر، سنی آغوشه

بیر گون اولار بو یر شانه دارا

بوردا اولار قان جاری چو دریا

قاندان آچار گل دامان صحرا

 

اولا مین گلشن، بو یره چاتماز

اوجالار اسلام، علمی یاتماز

بلبل گوتورمز ال غنچه گلدن

سالماز گل آدین بیر لحظه دلدن

عشق اهلی ویرمز دامانون الدن

 

بولوسن زینب، سنه عاشق دور

اوزون آگه سن، سوزی صادق دور

هر ظلم ایتسه آل امیه

تسلیم محضوق خلاق حیه

سن آغلاسان گر آغلار رقیه

 

اونی آغوشه، آل اوزون قارداش

باشنا ال چک، اوپ اوزون قارداش

آغلا امینی گل آه و زاره

دردون بیان ایت بو شهریاره

ایلر سریعا بو درده چاره

 

گورر اوخشاتدون، گوزیوی ابره

چاغورار حتما او گوزل قبره

 

حاج مجید آقای امینی