زبانحال حضرت قاسم ابن الحسن (ع) 5133
زبانحال حضرت قاسم (علیه السلام)
ای خلیلِ حقّ ذبیحون، ییخدیلار منایه تِز گل
یوخدو بیر کسیم غریبم، یالقوزام هرایه تِز گل
دوره‌می آلیبدی لشگر، قتلیمه چکیبله خنجر
ایندی باشیمی وورارلار، ظلمیله جدایه تز گل
رحم ائله عمو یتیمم، نورِ چشمِ مجتبیٰ‌یم
قالمیشام بو چولده یالقیز، گوزد‌ن آتما بینوایم
گوزلریم قالیب یولوندا گل غریبِ ابتلایم
گلمه‌سون اگر آنامه، ائیلر‌م گلایه تز گل
دور‌می آلیبدی لشگر، باشیم ئوسته کشمکشدیر
لب‌لریم یانیر سوسوزدان ورد و ذکریم العطشدیر
بوش سو مشک تک وجودیم، گون ائوینده منکمیشدیر
یوخدو بیر کسیم کی سالسین باشیم ئوسته سایه تز گل
کاش آتام بو غملی چولده، حالیمی گلیب گورِیدی
اوخلاری بو سینه‌م ئوستن دسته گول کیمی دَرِیدی
نعشیمی بو قان ایچینده رو به قبله دوندَ‌رِیدی
سالماغون یتیمی یاده خوش گلیر خدایه تز گل
قانلی کاکُلیم الینده، قاتلیم ئوره‌کده کینه
باخمیر عجز و التماسه ظلم ائدیر منِ حزینه
آتلارین ایاغی آلتدا سیندی بو یارالی سینه
باش آچیق گلیر پیمبر ایندی کربلایه تز گل
توکدیلر بو قومِ ناحقّ، قانیمی حقیقت ئوسته
سینه‌می قباغه وئردیم، اوخ گله‌نده دسته دسته
یوخدو طاقتیم قیامه، یاره‌لر ائدیبدی خسته
قانلی نعشیمی آلیبلار، کوفیان آرایه تز گل
قان آخیب یارالاریمدان، قالمیوب بدنده طاقت
یاندیم ای عمو سوسوزدان وار هواده چوخ حرارت
دوشموشه‌م داخی نفسد‌ن، هر گلن وورور جراحت
ایستی قوملار اولدو مرهم، جیسمیده یارایه تز گل
کاش او قدری اولمییدیم، گول جمالیوی گورِیدیم
باشیمی دیزه آلیدون حسرتیله جان وئرِیدیم
نیسگیلیم ئوره‌کده چوخدو باری عرض ائدیب ئولِیدیم
مرغِ روحیم اوج ائد‌نده، عرشِ کبریایه تز گل
منبع مجموعه کانالهای مدح و مرثیه
با سلام