ولادت حضرت علی اکبر (ع)

 

ایتدی حسینه حق عطا گلدی علی اکبری

ویرماقا عالمه صفا گلذی علی اکبری

 

ویردی او شاهه لم یزل میرهدا طاها گلی

جدّی علیّ مرتضی شاه ولا مولا گلی

ام الا ئمه  فاطمه مرضیه ی زهرا گلی

وجهی مثال هل اتی گلدی علیّ اکبری

 

زیبا دل آرا خلق اولوب مشهور عالمدور حسن

حسن و کمال هرایکی قارداشیدور زهرا سون

بو نوگلون گورسه یوزین فخرایلویرباغ و چمن

دلبرتاپوبدور مجتبی گلدی علیّ اکبری

 

خلاق عالم خلق ایدوب بی شبهه چون طاهادی نور

مولی امیرالمومنین کفوی اونون زهرادی نور

چونکه حسینیله حسن زیبا و پرسیمادی نور

آرتوب بو انواره جلا گلدی علیّ اکبری

 

گرچه یارالدوب یوسفی زیبا خدای لم یزل

زیبا لرین ایچره اولوب حسن مه کنعان مثل

اولموش ملاحتده ولی ختم رسل اوندان گوزل

شبه رسول مصطفی  گلدی علیّ اکبری

 

لبیز عشق حقیله اولدی ولا پیمانه سی

عاشق گلوب نوش ایلسین اولسون او می مستانه سی

شمع وفانین خلق اولوب بو گونکه گون پروانه سی

آفاقه آرتورسون ضیا گلدی علیّ اکبری

 

واقف اولانماز بیر نفرمستورسرّ داوره

کیم خلقتینده ال تاپاررمزو رموزاکبره

وارث جلالتده بلی وارثدی جدی حیدره

یارشهید کربلا گلدی علی اکبری

 

تشبیه ایتسم صورتین ماهه اونوندور اشتباه

اوزنورینی کسب ایلویر بو نوریدن خورشید و ماه

نور هدایتدورگلوب عاشق تاپا ظلمتده راه

عشاقه چاتسون ارتقا گلدی علی اکبری

 

اولدی بهاران شکرحق باشه چاتوب فصل خزان

گلزاره غنچه گل گلوب بلبل اولوبدورنغمه خوان

ایلرستایش خالقه دلشاد اولوبدورباغبان

آماله چاتدی برملا گلدی علی اکبری

 

کلب حسین ای(ناصرا)یازما مصیبت عیددور

آل رسوله تک بتک سویله بشارت عیددور

ایلرشه کرببلا بوگون عنایت عیددور

عرض ایله ای میرهدا گلدی علی اکبری

 

مرحوم ناصر تبریزی

منبع کانال گنجینه گذشتگان