متن نوحه های ترکی و فارسی

در مدح و میلاد امام حسن (علیه السّلام)

جذبه ی عشق چکیر جانیمی سودایه طرف

بیر آخار چای کیمی سوق ایلیری دریایه طرف

عشق بیر رمزدی کی عاشق ومعشوق بیلر

ذره نی سوق وئرر مهر دل آرایه طرف

بیرعمور چوللری مجنون دولانئب بیلدی اوزی

چگه جاق عشق اونی مین شوقیله لیلایه طرف

چکه هریانه اوزین مصرده کنعانین آیی

جذب ائدر آخراونی ،عشق ،زلیخایه طرف

بیلمیرم عشق ندور،سرینه آگه دئییرم

نصف شب چکدی کلیم الهی سینایه طرف

گل مجاز عشقی بوراخ،عشق حقیقینی یاپئش

شیخ صنعانی نئجه چکدی کلیسایه طرف

آدینا عشق دئمم صورته وابسته اولا

عشق اودورکی چکه عاشقلری معنایه طرف

اوهمان عشقدی،گهواره دن الدی اورگین

چکدی مریم کیمی شوریده نی عیسایه طرف

دییه بیللم کی اوعشقین هاموسین رب جلیل

بذل ائدیبدور کرم ولطفله طاهایه طرف

یا سئچیبدور ید قدرتله حقیقتده اونی

گوندریبدور اسدالله کیمی مولایه طرف

قوخماسام اهل قلم دن یازارام ،عشقی بوتون

یوللییب خالق حق حضرت زهرایه طرف

مجتبی تک گوزلی وئردی،کی تبریکه گله

یر گویون اهلی ده انسیه ی حورایه طرف

شب قدری کی دیللر،اویقین بو گیجه دی

کی ملکلر گلیری شوریله غبرایه طرف

گوزه گورسنمیه جاق گویده بیر اولدوز بو گیجه

چون گلیبلر هاموسی لولو لالایه طرف

انبیا،جن وملک ،ثابت وسیاره ،یقین

شوق وذوقیله گلیب بزم تولایه طرف

بو حسن دور کی گونی حسنده شرمنده ائدیب

سوق ائدیب هرگوزلی بزم تماشایه طرف

سنده(خسرو)اوزیوی قطره حساب ایله قوشول

بوآخارچایلاریلا دوش یولا دریایه طرف

بیربقیع ایسته،قونالیق آیی دی ،قسمت اولا

بلکه گئتدین گلن ایل یثرب وبطحایه طرف

حاج احمد روح بخش خسروشاهی( خسرو)

منبع مجموعه کانالهای مدح و مرثیه