حضرت امام حسین (علیه السلام)

 

باشلار جداده قرمزی گل تک خزان اولوب

سو ویرمیوب جفائیله بی رحم، باغبان

 

نیلوفرین تک اوجالوب نوک نیزه ده

قرخ منزلی دمشقه گلوب اولمیوب خزان

 

زنبق کیمی یانوب اسرانون بدنلری

از بس ووروبدی قمچی جفائیله شامیان

 

بیمار بوینی چون گل سوسن اولوب کبود

چون ارغوان ایدوب ایاقین زخم، ریسمان

 

اما سکینه نون یوزی یانمش بنفشه تک

هر آغلادوقجا ظلمیله سیلی ووروب سنان

 

آتموشدی باشه اکبرینون کوینگین عروس

بنزردی بیر قزیل گله، خار ایتدی کوفیان

 

افشان ایدوبدی زلفینی چون زلف یاسمن

بلبل کیمی نوایه گلور، وئرسه لر امان

 

اکبر باشی جداده آچوب برگ گل کیمی

شامه گلوبدی مجلس سلطانه ارمغان

 

سالمیش نقاب گل یوزونه، گرد راهدن

تا چشم زخم وورمیا اشرار بدگمان...

 

هر دم گورنده نرگس شهلاسین اکبرین

گوزدن توکور چو ژاله یوزه اشک خونفشان

 

ایلور نظاره کاکلینه شام قزلاری

بعضی ائدوله ناله نهان، بعضیسی عیان

 

زلفین توکنده گل یوزینه نکهت صبا

فریاد ائدیر رباب، اولور لیلی باغریقان...

 

مرحوم ذاکر مراغه ای