غزل

 

ظهوره گلدی عشق الله اولا عشق خفا پیدا

او پیدادن اولوبدور در کنز مخفیا پیدا

 

در کنز خفی لایزالی جوهر اصلی

او جوهردن اولوبدور ظل و نور کبریا پیدا

 

وجود ذات دردائیل ظل جوهر اول

نمود نور نوریندن اولوبدور طا و ها پیدا

 

وجود ظلدن عرش اولدی پیدا عرشدن کرسی

وجود کرسی حقدن اولوب یئدی سما پیدا

 

اولوبدور فیض اقدسدن نخستین آسمان فیاض

موالید اولدی فیض اقدسیندن بر ملا پیدا

 

و لیکن نور جوهردن که عل جمع خلقتدور

اولوبدور روح و عقل و نور ختم الانبیا پیدا

 

مفیض انوار احمددن مجلادور اولوالعزمی

رسل اوندان رسلدن انبیاء و اولیا پیدا

 

تاپوبدور اهل عرفان اولیادن نورالانواری

که نور نور عارفدن اولوب عبد خدا پیدا

 

آلیب زهاد نورین نور ذات عبد مطلقدن

او زاهد که اولا اوندا نثار بی ریا پیدا

 

اولوبدور مؤمن مؤمن ضیائی زاهد حقدن

که مؤمندن اولوبدور روح روح ماسوا پیدا

 

فضولی فضلینه غبطه ائدر شبگیر روشن دل

که ((شبگیره)) فضولیدن اولوبدور الف و با پیدا

 

استاد شبگیر تبریزی

برگرفته از کتاب آه

منبع مجموعه کانالهای مدح و مرثیه